Catch him .. Part 19

Catch him .. Part 15

وقت طفي الشموع .. وقفت لولو وفضلت مغمضة عينها جامد كتير وهى بتتمنى امنيه

ايمى واقفة جنبها من ناحية اليمين : هى امنية واحدة متبقيش طماعة

خبطتها لولو بكوعها وهى لسه مغمضة عينها وبعدين فتحتها وطفت الشموع .. فجاه لقت ايمى وهيمى متشعلقين ف رقبتها : اتمنيتي ايه هاه هاه هاه
لولو و هي بتبص علي هيمي من فوق لتحت : اكيد طبعا مش هقولك
ايمي : اكيييييييييد امنيه من النوع الهييييييييح من العيار التقيل

بصتلها لولو وضحكت ضحكة معجون الاسنان سيجنال 2 : عرفتى منين

خبطتها هيمى على كتفها : طول عمرك منحرفة 
لولو بوجع : ايدك تقيلة
ايمي : تستاهلي .. وهمستلها : احنا عارفين ان الامنيه عن هيوكي
بصتلها لولو وكانت هتاكلها : ده هيوكتى انا بس .. وانتى…  قطع كلامها ايمي
ايمي : اييييييون بقي ال2 فولت شرفنا  
كيونا بيضحك : ايمي شكلك مستغنيه عني .. عايزه دوني يموتني
ايمي : دوني .. انا بسمع الاسم ده كتير .. يكونش قصدك اللي عندي في البيت لا متقلقش ده حياله جوزي
لولو : ونعم الوفاء
هيمي بتريقة : وفاء كلابي
ايمي بينت سنانها : طب امشي بقي بدل ما اعضك

كيونا : لولو .. ف هدية تانية عشان عيد ميلادك بس الصراحة هما اللى اتحدونى عليها .. وشاور على هنرى ودونى

بص البنات عليهم لاقو هنرى بيشاورلهم بايده ويضحك

كيونا : بس لو معجبتكيش الهدية حاولى تجاملينى

فى الوقت ده كان الشباب بيتكلمو عن كيونا

دونى حاطط ايده على دقنه ومضيق عينه : تفتكر هيغنى فعلا

هنرى بخباثة : لو غنى حلو اهو نبقى استمتعنا ولو غنى وحش او معرفش يغنى اهو نبقى نستلمه ونرخم عليه

بصو الاتنين لبعض وضحكو .. بص عليهم تشولا وهز راسه .. اما هيوك كان سامع كلامهم بس كان باصص على كيونا بيشجعه بابتسامه وعامل ايده بحركة فايتنج .. غمض كيونا عينه واخد نفس عميق وخرجه وبدا يغنى listen to you

كانو البنات قعدين جنب بعض لولو فى النص وايمى على اليمين وهيمى على الشمال وماسكين ايد بعض وعينهم بتطلع قلوب

وهيوك مندمج اوى مع كيونا ومبتسم ^^

دونى وهنرى O.o  كانو مزهولين من جمال صوته

وتشولا ولا اى اندهاش خالص قاعد مكانه بيبص علي كيونا ويسمعه لحد ما خلص الاغنية

تشولا موجه كلامه لدونى وهنرى : طلع صوته حلو وكبسكو .. شكلكو بقى وحش

دونى همس لهنرى : تفتكر هيطلب مننا ايه بعد ما خسرنا التحدى

هز هنرى كتفه : مش عارف .. بس واضح من نظرته وابتسامته انه مش ناوى على خير

هيوك وهو بيصقف : قولتلكم ان صوته حلو من الاول .. وقام حضن كيونا

كل اللى فى الحفلة اعجبو بصوت كيونا وشجعوه وطبعا البنات لزقو فيه

كيونا موجهه كلامه للولو : ايه رايك ؟

لولو مسكت كيونا من هدومه : انت لازم تبقى معانا فى كل حفلة او مناسبة ده اساسى عشان نسمع صوتك

ايمى : انا كنت فاكرة انك شكلك حلو بس انما طلع صوتك كمان حلو

هيمى : ده انت معدى مش ناقصك حاجة ولـ... قطع كلامها لما سمعت صوت تشولا ودمها هرب منها واتجمدت فى مكانها

تشولا بصوت عالى من مكانه : انتو هتفضلو واقفين كده تعالو هنا

راحو كلهم مكان ما دونى وهنرى وتشولا قعدين وقعدو معاهم على الطرابيزة .. كان دونى وهنرى قعدين جنب بعض .. وهيوك وكيونا قعدين قدامهم .. وتشولا قاعد لوحده على اليمين .. والبنات قعدين جنب بعض قدام تشولا .. ولاحظو النظرات اللى طالعه من عين تشولا لكيونا

حط هيوك ايده على رجل كيونا : يا بخت حبيبتك بيك .. ووجه كلامه للكل بالمناسبة يا جماعة كيونا مرتبط
بصله كيونا باستغراب وهيوك خبطه فى رجله : اه مرتبط من سنتين
تشولا : احسن بردو

لولو : انت ليه مفكرتش تبقى مغنى

حطت ايمى ايدها على الطرابيزة : اوعدك انى اول واحدة هشترى الالبوم بتاعك

ضحك كيونا : انا كان نفسى بس للاسف انشغلت باعمال العيلة

دونى : انت عيلتك شغاله فى ايه ؟

كيونا : فى الاستيراد والتصدير

تشولا شاور على دونى وهنرى : هتحكم عليهم بايه بعد ما كسبت التحدى ؟

حط كيونا ايده على دقنه وبص للسماء كانه بيفكر .. ف نفس الوقت اول ما البنات سمعت ان فى حكم على هنرى ودونى بداو يتشاورو مع بعض .. لاحظهم تشولا لانه قاعد قدامهم وابتسم ابتسامه جانبيه بخباثه .. سابتهم لولو وقربت من كيونا واتكلمت معاه بصوت واطى .. بصلها كيونا وبص للبنات وضحك

هنرى بفزع : لا بلاش ثلاثى الشر هو اللى يحكم

دونى بنظرة ترجى : لولو انا اخوكى بردو

لولو وهى راجعة مكانها جنب ايمى وهيمى : ولا اعرفك

بعدها بص لايمى : ايمى انا دودو حبيبك .. وضم ايده على بعض

ايمى حركت راسها : اسفة يا بيبى بس اخويا هيتعك معاك بردو

استسلم دونى وهنرى للامر الواقع

حط هيوك ايده على كتف كيونا : ها .. هتحكم عليهم بايه

شاور كيونا على هنرى : تقوم ترقص رقصة كاملة على اغنية

خبط هنرى راسه وغمض عينه : انا كنت عارف ان دى اول حاجة هيفكرو فيها

كيونا ابتسم بخبث : الحكم لسه مخلصش .. وتختار حد يرقص قدامك

بص هنرى على دونى اللى كان عمال يضحك عليه بشماته وابتسم ابتسامه شريرة : قوم يا حبيبى قدامى

دونى بصدمة : انا .. الحكم ده بتاعك انا مالى بيه

هنرى : عشان تبقى تضحك عليا .. يالا قوم

وبداو يرقصو والكل قاعد يضحك عليهم لانهم كانو عمالين يضربو بعض وهما بيرقصو

وبعد ما خلصو رجعو قعدو مكانهم تانى والكل عمال يتريق عليهم

تشولا وهو بيضحك عليهم : طب ده الحكم بتاع هنرى .. الحكم بتاع دونى ايه بقى ؟

كيونا : يقبل اى طلب يطلب منه النهاردة بس على شرط كل واحد يطلب طلب واحد .. وبردو من حقه يختار حد ينفذ الحكم معاه

دونى بصدمة . بووو ؟ انت كده بتفتح عليا فاتحه

هنرى اول واحد استغل الفرصة بص لدونى : طلع كل الفلوس اللى فى جيبك وايدهالى

ايمى بنظرة حادة لهنرى : ولما يديك كل اللى معاه نصرف احنا منين

هنرى بلا مبالاة : دى مش مشكلتى .. وبص لدونى وحط ايده قدامه : طلع بسرعة يالا

طلع دونى كل اللى معاه فعلا واداه لهنرى : بما ان من حقى اختار حد ينفذ معايا العقوبة بطلب منك تدينى كل اللى معاك فلوسى وفلوسك

رجعله هنرى فلوسه وبعدين حط ايده فى جيوبة وطلعهم فاضين وابتسم : انا اساسا جاى من غير فلوس

حط دونى الفلوس فى جيبه تانى وبص لتشولا مستنى طلبه

ادى تشولا ضهره لدونى : ادعكلى رقبتى بضهرى كويس

قام دونى وبداء ينفذ طلب تشولا من غير ما ينطق .. وخلى هنرى يقوم يدعك ايد تشولا .. والكل عمال يضحك عليهم وتشولا اكتر واحد استمتع طبعا لحد ما قالهم كفاية

فى نفس الوقت كان البنت بتتشاور فى طلباتها لحد ما اتفقو بصو لدونى اللى كان مستنى اى طلب منهم

لولو ببراءة : تجيبلنا كلنا ايس كريم

دونى : انتو مش لسه واكلين تورتة وحلويات عايزين ايس كريم كمان

لولو : دول حاجة والايس كريم حاجة تانية

طلع دونى لفلوس من جيبه واداها لهنرى : روح هاتلهم اللى هما عايزينه

هنرى : على فكرة ده حكمك انت

دونى : وعلى فكرة انت بتنفذ معايا الاحكام انا هدفع وانت روح هات

قام هنرى وجابلهم الايس كريم من كافترية النادى وبداوء ياكلوه ويتكلمو .. وبعد ما خلصو

هيمى رفعت ايدها : دونى انا بقى طلبى تجيبلنا شكولاته

فتح دونى عينه اوى : بوو ؟ شكولاته ؟؟

هيمى بابتسامه : احمد ربنا اننا بنطلب حاجات بسيطة

اتنهد دونى جامد وطلع فلوس تانى واداها لهنرى اللى بصله وقام وعمال يشتم ويتوعد للكل فى سره ويبرطم بالكلام .. جابلهم الشكولاته وجه وبعدها الكل بص لايمى

ايمى بصوت هادى : بص يا بيبى انا مش هطلب منك تجيب حاجة .. وبصتله بشر انا هطلب حاجة تانية خالص

دونى بصلها : مش مرتاحلك بنظرتك وضحكتك دى

ايمى بابتسامة شريرة على وشها : نتفرج على فيلم رعب مع بعض .. والنور مطفى

دونى : حسبى الله فى اللى اقترح التحدى ده من الاول واللى قرر العقاب واللى طلبو الطلبات .. موافق وامرى الى الله بس استحملى اللى هيحصل بعدها

ايمى ضحكت : لا متقلقش انا بعرف انام فى النور

بصلها دونى وكان فى شرارات بتخرج من عينها ليها قاطع الجو ده كيونا بطلبه

كيونا : تقوم تطلب من كل واحد او واحدة فى الحفلة فلوس .. وبكده تعوض كل اللى دفعته ويمكن اكتر كمان

سكت دونى شوية وفضل باصص لكيونا وبعدها ابتسم : بالرغم ان شكلى هيبقى وحش قدامهم بس عندك حق هعوض كل اللى دفعته

قام دونى ولف على كل اللى موجودين واخد منهم فلوس مرة بطريقة حلوة ومرة بالقوة الجبرية وبعدها رجع مكانه وهو بيعد الفلوس وبعدها بص لهيوك عشان يقول طلبه

هيوك رفع ايده قدامه : انا مش هطلب الطلب وقتى خليه كمان شوية

رفع دونى اكتافه : اللى يريحك

ابتدي يدردش الكل مع بعض واخدو علي بعض اكتر واكتر .. بس وهما قعدين كان هيوك ولولو كل شوية يبصو لبعض .. وبعدها هيوك يبص على دونى وبدا يتوتر لاحظ كيونا توتره

حط كيونا ايده على رجل هيوك اللى قاعد جنبه وكلمه بصوت واطى : مالك ؟

هيوك : عايز اقولها النهاردة بس قلقان

كيونا : قلقان من ايه .. واضح عليها انها معجبه بيك وهتتقبل كلامك

هز هيوك راسه : انا مش قلقان منها انا قلقان من دونى

كيونا : طب ما تتكلم معاه وشوف رد فعله هيبقى ايه ؟

هيوك : انت شايف كده ؟

خبطه كيونا ع رجله بيشجعه : ايوة انا شايف كده .. يالا استغل الفرصة وقوله

هز هيوك راسه وراح لدونى : دوني عايزك في كلمه

بصله دوني وقام معاه واقفو لوحدهم بعيد .. بعد فتره رجعو مكانهم تاني وكانت علامات الراحة على وش هيوك ودونى .. خصوصا هيوك اللى كان بيبتسم ابتسامة واسعة .. ولما رجعو كان تشولا وهيمى قعدين جنب بعض وتشولا ماسك ايدها وهى بتبتسم .. لولو وايمى قعدين يحقدو عليها ويلعبو مع ريما .. هنرى وكيونا قعدين مع بعض واخدو ارقام بعض واخدو على بعض جدا

فضلو الكل قعدين مع بعض يضحكو ويلعبو واخيرا انتهى عيد الميلاد والكل بيستعد عشان يروح .. سلم الكل على لولو ومشيو .. وبعدها سلم عليها هيمى وتشولا اللى اخد هيمى يوصلها لحد البيت .. وكيونا سلم عليها ومشى هو كمان

نقل دونى وهيوك وهنرى الهدايا لعربيه لولو وكانت لولو وايمى اللى شايله ريما ونايمه على كتفها واقفين بيتكلمو مع بعض وبعدين جه هيوك وقف قدامهم

هيوك موجهه كلامه للولو : لولو ممكن اوصلك

لولو بابتسامه : متتعبش نفسك معايا عربيتي

هيوك : انا كنت عايز اتكلم معاكى شوية فى موضوع

جه دونى سحب ريما النايمة من حضن ايمى واداها لهنرى واداه كمان مفاتيح عربية لولو : هنرى هياخد ريما يوصلها لماما بعربيه لولو

استغربت لولو وايمى من اللى دونى عمله

دونى بصلهم وهز كتفه : ايه مالكو ؟.. وبعدها حط ايده على كتف ايمى : يالا

وبص على هيوك ولولو : متتاخروش .. وسابهم وجر ايمى اللى مش فاهمة حاجة ومشى لعربيته

ركبت لولو مع هيوك وفضلو يتكلمو لحد ما وصلو عند نهر الهان
لولو بتبص حواليها : احنا ايه اللى جبنا هنا
فك هيوك حزام الامان وفتح الباب : انزلى وانتى هتعرفى

فكت لولو حزام الامان وفتحت الباب ونزلت .. كان هيوك واقف وساند على مقدمة العربية .. راحت لولو وقفت جنبه ووشهم للنهر وهما الاتنين فضلو ساكتين لحد هيوك ما قطع الصمت
حط هيوك ايده على رقبته : عارفة يا لولو احساس لما تشوفى حد وبمجرد ما تشوفيه تحسى بالسعادة وتحسى ان عمرك ابتدا من ساعة ما عرفتيه ويبقى هو اهم حد فى حياتك وماينفعش يعدى يوم من غير ما تشوفيه او تسمعى صوته ويومك ميكملش غير بيه ومتعرفيش من غيره حياتك تبقى عاملة ازاى .. وتبقى فى قمة سعادتك لما تشوفيه مبسوط وفرحان وقلبك يتقطع لما تشوفيه زعلان او تعبان وتبقى عايزة تعملى اى حاجة عشان يبقى كويس حتى لو هتتحدى الدنيا كلها عشانه

بصتله لولو ومردتش عليه .. راح هيوك وقف قدامها : الشخص اللى بحس بكل ده معاه هو انتى
وحط ايده على خدها : لولو انا من ساعه ما شفتك وعرفتك حسيت كانى لاقيت روحى .. حسيت انى كامل والدنيا بقى ليها طعم واحساس مختلف لما بشوفك مش ببقى عايز اسيبك ابدا ولما بتكونى بعيدة عنى بستنى الوقت اللى اشوفك فيه
قرب منها هيوك خطوة : لولو انا ... انا بحبك

فى اللحظه دى لولو وشها احمر من الخجل وفتحت عينها على الاخر ومبقتش عارفة تقول ايه ولا تعمل ايه  وهى بتتكلم ف سرها : انا اكيد بحلم .. معقولة هيوك بيحبى زى ما بحبه .. معقولة امنيتى اتحققت بالسرعة دى .. لا انا فعلا بحلم ,, بس ازاى بحلم وانا حاسه بلمسه ايده وحاسه بنبض قلبى اللى مش عايز يهدا ووشى اللى انا متاكدة انه دلوقتى مولع نار .. وقربه منى بالطريقة دى .. ليه مش قادرة اشيل عينى من عينه .. كل ده كان بيدور فى عقل لولو بس منطقتش باى كلمة

نزل هيوك ايده من على خد لولو ومدها قدامها : لو انتى قابله بمشاعرى وحاسه نفس اللى بحسه حطى ايدك فى ايدى
بصتله لولو وبصت لايده وبتلقائية حطت ايدها فى ايده
ابتسم هيوك ابتسامة واسعه ومسك ايد لولو جامد ومن غير ما يحس باس ايدها : انا مش قادر اوصفلك كمية السعادة والفرحة اللى انا حاسس بيها اوعدك انى هفضل احبك طول عمرى وهحاول على قد ما اقدر اخلى ايامنا كلها حلوة واحميكى من اى حاجة

لولو وشها ضرب الوان الطيف كلها واحمر جدا من اللى عمله هيوك بس فى نفس الوقت كانت فى منتهى السعادة وحاسه باحساس جميل جدا .. مد هيوك ايده ف جيبه وطلع علبه
لولو : مش دى الهدية اللى انت جبتهالى وقولتلى مفتحهاش
هز هيوك راسه : ايووة هى .. انا اخدتها واحنا بننقل الهدايا لعربيتك

ساب ايدها وفتح العلبه كان فيها سلسلة وفيها قلب وفى وسط القلب مكتوب اول حرف من اسمه واسمها .. والقلب كان متحدد بفصوص رقيقة
فتحت لولو عينها : وااااااااو حلوة اوى

ابتسم هيوك ومسك السلسة وقرب من لولو ولبسهالها : انا قولتلك متفتحيهاش عشان نفتحها مع بعض والبسهالك انا لو قبلتى بمشاعرى
وقرب من ودنها وهمس فيها : بحبك .. وحضنها
حست لولو باحاسيس كتيرة مختلفة كانت حاسه بقلبها بيدق بطريقة مش طبيعية .. حاسه ان العالم كله يقدر يسمع قلبها .. حست بالاحتواء والامان فى حضن هيوك .. مكنتش عايزة تبعد عن حضنه اللى حست فيه بالدفء .. وبمنتهى الخجل والتردد رفعت لولو ايدها على ضهر هيوك وحضنته
ابتسم هيوك بارتياح وحضنها اكتر كانه عايز يدخلها جواه حس فى حضن لولو بالراحة والحنان اللى كان بيدور عليها يقدر ينسى فى اللحظة دى كل حاجة فى حياته وكل المشاكل اللى عنده وكان مفيش حد فى الدنيا غيرهم .. كل واحد كان حاسس بحاجة مختلفة بس الاتنين كان قلبهم بيبنض بالحب كانه كل واحد ما صدق لاقى التانى وحس بانه كامل فى حضن التانى
كان حضنهم بيعبر عن كل اللى مش قادرين يعبرو بيه من كلام وحاسين بيه فضلو على كده كتير .. وفجاه ابتدت الالعاب النارية فى السما بعد هيوك لولو عن حضنه بس كان حاطط ايده على كتفها وهى حاطها ايدها على وسطه ورافعين راسهم بيبصو على الالعاب وهما مستمتعين جدا بيها
فى الوقت ده جت رساله لهيوك على تليفونه طلعه كانت الرسالة من كيونا

" اتمنى انها قبلت بمشاعرك والالعاب النارية اتضربت فى الوقت المناسب .. ابقى طمنى حصل ايه .. Have fun  "

ابتسم هيوك لما شاف الرساله وبص على لولو وبعدها على السما تانى وقال فى نفسه : دايما توقيتك ممتاز يا كيونا

فضل هيوك ولولو على الوضع ده وزى الالعاب النارية ما كانت بتتضرب فى السما كانت كمان بتضرب فى قلوبهم .. بعد فترة بص هيوك للولو اللى كانت مستمتعة بكل حاجة حصلت فى الوقت ده

هيوك : يالا بينا مش عايزين نتاخر عشان دونى ميقلبش علينا
انتبهت لولو : صحيح هو دونى سابنا ازاى لوحدنا

شبك هيوك ايده فى ايد لولو : انا قولت لدونى على اللى عايز اعمله واتكلمت معاه .. كنت عايز ابقى صريح معاه من الاول عشان اكسب ثقته اكتر
ابتسمت لولو قوى لانها حست قد ايه هيوك مراعى ليها ولاخوها وخايف عليها بجد : بجد انا محظوظة بيك .. كل شوية بكتشف حاجة فيك تكبرك فى عينى اكتر وتشدنى ليك اكتر

ابتسم هيوك ابتسامه بسيطة وركبو العربية وهما فى الطريق
هيوك : لولو عايز اقولك على حاجة
بصتله لولو وهى مبتسمة
هيوك : لولو انا مش عايز اضحك عليكى .. قولتلك قبل كده انى مخبى عنك حاجات .. الحاجات دى هتظهر واحدة واحدة بس عايزك تثقى فيا وفى حبى ليكى .. وتعرفى ان انتى بجد اهم حد فى حياتى وممكن اعمل اى حاجة عشانك وده وعد منى ليكى
ابتسمتله لولو عشان تريحه : انا بثق فيك فعلا ومحترمه انك بتصارحنى بانك مخبى حاجات خاصة بيك وانك هتبينهالى واحدة واحدة .. وانا مش هضغط عليك عشان اعرف وهسيبك براحتك لحد انت ما تقولى من نفسك

بصلها هيوك وكان كلامها ريحه وكملو طريقهم يتكلمو فى اى حاجة لحد ما لولو وصلت لبيتها وكانت فى منتهى السعادة كانها طايرة

تاتي يوم في شغل لولو طول اليوم تليفونها بيرن لان ايمى وهيمى عمالين يكلموها وهى مش بترد عليهم

زهق هنرى من ازعاج التليفون : ما تردى يا لولو ولا تقفلى الصوت ولا تقفلى الموبايل خالص انا زهقت

شالت لولو ايدها من على ودنها ومسكت الفون : مش اكتر منى .. بس انا عارفة هما عايزين ايه

هنرى بصوت عالى : طب ما تردى عليهم وخلصينا بقى

بصتله لولو وراحت باصه على الفون تانى وردت : ايييييييييييييييه .. حرام عليكو زهقتونى وقرفتونى مش عارفة اشتغل

فتحت ايمى صوت المكبر عشان هيمى تسمعها : مانتى لو كنتى بتردى على طول مكناش ازعجناكى

هيمى برخامة : شغل ايه يام شغل .. انتى اساسا فاشلة

لولو : اللهم طولك ياروح .. عايزين ايه ؟

ايمى بسخرية : تفتكرى هنعوز منك ايه غير اننا نعرف حصل ايه مع المز

لولو بتبرطم مع نفسها : انا عارفة انكو مش هتسيبونى فى حالى

هيمى : بتبرطمى تقولى ايه  ؟

لولو : لا حاجة يختى بشكر فيكو

ايمي بالحاح : هااااااا احكي بقي حصل ايه .. وقالك ايه .. ورحتو فين ..وعملتو ايه ؟

حطت لولو ايدها علي راسها : بالراحه عليا يا مسروعه انتى وهى .. استني عليا وواحده واحده كده
هيمي : اخلصي بقي واحكي حصل ايه ؟

نزلت لولو ايدها من علي راسها و حطتها علي خدها : خلاص هخلص شغلي واجيلكم احكي كل اللى حصل .. وقفلت السكه ف وشهم

خلصت لولو شغلها و راحت للبنات اللي اول ما شافوها ابتدو يسالوها حتى من قبل ما تدخل من باب الشقه

حطت لولو ايدها على ودانها وبصتلهم : بالراحة عليا احسن اسيبكو والف وارجع مطرح ما جيت

مسكتها ايمى من دراعها اليمين وهيمى من دراعها الشمال وسحبوها لجوه البيت وقعدوها على الارض وهما قعدو قدامها

ايمى حطت قدامهم شيبسى ولب وسودانى وكاجو : بصى بقى عايزين نعرف كل حاجة بالتفصيل الممل

بصت لولو ع الحاجات اللى قدامهم : هو انا هحكيلكو حدوتة .. ايه المعاملة دى .. مقعدينا على الارض وجايبين تسالى وشيبسى وشوية شوية هتطفو الانوار .. ليه كل ده ؟

شالت هيمى الحاجة من قدامهم : ادينا شيلنا الحاجة بطلى تلاكيك واحكى

ابتسمت لولو وربعت رجلها وايمى وهيمى عملو نفس الحركة .. وبدات لولو تحكى اللى حصل كله ازاى اعترفلها وحالتها كانت عاملة ازاى ولما قرب منها وحضنها والالعاب النارية لما ضربت فى السما وبتمثلهم كل حركه حصلت بايدها .. كانت لولو بتحكى وهى فى عالم تاني وعينها بتطلع قلوب وحاله ايمى وهيمى مكنتش تفرق عنها كتير هما كمان عينهم كانت بتطلع قلوب وكل واحدة منهم ماسكه ايدها مع بعض وضماها على قلبها وعمالين يتنهدو من الموقف

ايمى وهيمى : يابنت المحظوظة يا لولو

لولو ولا كانها سمعاهم لانها فى عالم تانى خالص متخيله شكل هيوك قدامها ونظراته وكلامه وحركاته وابتسامته اللى بتسحرها وقربه منها وافتكرته حضنه الدافئ

قطع عليهم حالتهم اللى هما فيها دى صوت تليفون ايمى بيرن

ايمى بتبص على التليفون بحقد وغضب : مين اللى بيتصل ده .. مش وقته خالص

فى نفس الوقت كان هنرى مش لاقى حاجة يعملها بعد ما خلص شغله فقرر انه يغلس علي خلق الله .. ابتدي يغلس علي زمايله لحد ما شاف تشولا خارج من مكتبه فقرر يروح يلعب مع دوني .. جري هنري وفتح باب المكتب و دخل من غير ما يخبط : دونــــــــى
اتخض دوني ورفع وشه بسرعه : خضتنى

دخل هنري و هو بيضحك علي شكل دوني وقعد علي الكرسي اللى جنبه وحط رجل علي رجل  : اصل احنا خلصنا شغلنا و لولو سابتني لوحدي و مشيت وانا مش لاقي حاجه اعملها .. قولت انت اللي هتسليني

دوني : انا كمان خلصت وتشولا سابني مش عارف راح فين .. وايمي مش فى البيت لانها فى بيت هيمى مش عارف اعمل ايه ؟
ضحك هنري بخباثة : بما ان ايمي والبنات مع بعض و دول بيسرحو مش هياخدو بالهم من الوقت .. تعالى احنا بقى نفك عن نفسنا  
بص دوني لهنرى وقام من مكانه بسرعه وشد هنرى من ايده : يلا بينا ^_^

طلع هنري ودوني وهما بيضحكو و راحو ركبو عربيه دوني
دوني و هو مركز علي الطريق : لولو كانت عامله ايه النهارده ؟ معرفتش اشوفها من الشغل

هنري اترسمت علي وشه علامات الضيقة وحرك راسه كانه بيطرد فكرة جت فى دماغه : متفكرنيش باللى حصل النهاردة .. لولو مكانتش طبيعيه خالص مش مركزه وسرحانه وكل شوية تضحك لوحدها .. والبنات  عملولنا ازعاج طول اليوم لحد ما دماغى وجعتنى منهم  .. كل شويه يكلموها وهي مش بترد عليهم

 
دوني ابتسم لانه عرف ان هيوك اعترف للولو و اتنهد بارتياح لانه نوعا ما اتطمن عليها والدنيا ماشية تمام معاها ولانه عارف ان هيوك شخص كويس وعارف قد ايه بيحب اخته من كلامه معاه فى العيد ميلاد
بصله هنري باستغراب وهز كتف دونى : دونى انت بتبتسم لوحدك انت كمان هى شكلها وراثة عندكو فى العيلة
بص دوني لهنري نظره سريعه ورجع بص علي الطريق تاني : بالظبط كده

كملو الاتنين كلامهم وهما ف الطريق .. ودوني كان سايق بسرعه بسبب ان الطريق مكانش .. لحد ما جم عند اشاره مرور .. حاول دزنى يهدي السرعه .. داس علي الفرامل مره و اتنينبس سرعتهم مش بتقل
دوني بصوت عالي و ملامح باين عليها الخوف : الفرامل مش شغاله
هنري بنفس ملامح دوني : ايييه

----------------- 

BY

D&E

Lolo Adel  

Emy Tarek