Catch him .. Part 06

Catch him .. Part 06

ف المستشفى كانت لولو قاعدة مع ايمى وهيمى وهنرى بعد ما تشولا اخد دونى وطلعو بره عشان يقوله ع حاجة مهمة

لولو : هو هيوك مجاش ؟
ايمي هزت راسها : ﻻ هيجي ازاى و هو ميعرفش اصلا اللى جرالك
لولو بصت بعيد عنها : غريبه .. ممكن تكون تهيئات ؟
ايمي : ايه اللى غريبه انا مش فاهمه حاجه .. انتى بتخرفى يا لولو ؟
هيمى اتنهدت : ضاعت فرصتي معاك يا هيوك دلوقتي اﻻخت لولو وهي بتموت بيجيلها تهيئات عنك و انت سبتني لوحدى وقت ما هى مشيت يا فرحه ما تمت اخدتها لولو و طارت
لولو باستفهام : سابك ؟
هيمى هزت راسها : اه وقت لما جمعنا ايمي و دوني سوا فى الكافيه و شوفنا هيوك و انتي مشيتي .. هيوك استاذن علي طول و مشي بس كان بيبصلك .. ايون ياعم محدش قدك
هنري عمال يبص عليهم وهو مش فاهم حاجة : مين هيوك ده اللى بتحكو عنه ؟
الكل بص لهنري و محدش رد عليه ورجعو بصو لبعض تانى
هنري : يا جماعه انا بتكلم
ايمي : وانت يهمك تعرف ليه ؟وبعدين انت قاعد هنا ليه امشي بره مع الناس اللي بره
هنري شاور بصباعه ناحيه الباب : اعتقد كده الوضع مش هيسمح اني اطلع الدنيا مشحونه مع دوني هو مش طايقني
لولو : بيانيه هنري بس متخافش دوني بينسي بسرعه
ايمي : خلاص سيبكم منه بقي الامور هتنحل لوحدها

فى نفس الوقت كان دوني و تشوﻻ واقفين بره اوضه لولو بيتكلمو
تشوﻻ بجدية : امبارح طول الليل كنت بحاول اعرف اى حاجه عن اللى حصل للولو وعرفت مفاجئه
دوني بانتباه قوي : عرفت ايه ؟
تشوﻻ : انت مفكرتش ازاى لولو اتصابت بالرغم من انها كانت لابسة السترة الواقية من الرصاص ؟
دوني هز راسه : انا افتكرت من اهمالها انها ملبستهاش وعشان كده اتصابت
تشوﻻ : ﻻ كانت لبساها .. بس الرصاصه اللى اتضربت بيها كانت خارقه للسترة وهى دى القضية اللى احنا بنحقق فيها اساسا
دوني بصدمه : معني كده ان لو الرصاصة جت فى مكان تانى او اتصابت باكتر من رصاصة كانت لولو ماتت

سكت دونى وبعدها لف ودخل بسرعه علي هنري و فضل يضرب فيه .. دخل تشولا ومسك دونى جامد
دوني بعصبيه : كان ممكن تموت بسببك يا غبي ازاى تسيبها كده
ايمي وهيمى : ايه مش كنا قفلنا الموضوع ده خلاص
لولو : دوني اهدئ انا كويسه .. وبعدين هنرى معملش حاجة ..واحنا معرضين لكده فى شغلنا
دونى بص للولو بغضب : انتى باهمالك و غبائك كان ممكن تموتي من الرصاصة دى
لولو مش فاهمه حاجه من كلام دوني وقبل ما تساله
ايمي : تشوﻻ خد دوني و اخرجو بره دلوقتي .. و انتي يا هيمى خدي هنري وديه ﻻي حد يشوف الدم ده

الكل خرج مفضلش غير ايمي و لولو
ايمي بعتاب : عاجبك اللى حاصل بسببك ده
لولو : اعمل ايه يعني ما ده شغلي و هو بيخاف بزياده هو كمان … خلينا فى المهم انا شفت هيوك قبل ما يغمي عليا
ايمي : مش قولتي تهيئات
لولو : هيمى قالت انه مشي بعدي علي طول وبعدها ظهر فجاه قدامى
ايمي : تفتكري لو كان فى مكان الحادثه دي مكانش انقبض عليه او اى حد شافه على الاقل .. انتي بس بيتهيئلك
لولو : ﻻﻻﻻﻻ انا حاسه ان فى حاجه غلط وانتي عارفه احساسي مش بيخيب
ايمي : يااادي احساسك اللي واجعه دماغي بيه .. عموما متفكريش فى الموضوع ده غير لما تخرجي من هنا

فى نفس الوقت وفى مكان بعيد عن المستشفي .. تحديدا فى فيلا مينى

سونغمين بفرحه : اخويا خليه يدخل على طول
قام سونغمين من على كرسيه عشان يستقبل اخوه وفاتح دراعه عشان يحضنه
سونغمين بابتسامه و فرحه : هيوك بقالى كتير مشفتكش
هيوك حط ايده قدامه ببرود : بلاش حركات الطيبة دى معايا انا اخوك وعارفك كويس
سونغمين رجع قعد على كرسيه تانى ونظرة الجد اترسمت على وشه
هيوك : انا جاى اقول كلمتين وماشى على طول
سونغمين بابتسامه جانبيه : اكيد مش هتيجى هنا منك لنفسك لانى وحشتك .. خير عايز تقول ايه ؟
هيوك بنبره حاده : الظابط لولو انا عارف انكم انتو الاتنين ورا اللى حصلها .. انا بحذركو محدش يقرب منها  
سونغمين باستهزاء : اها انت قصدك على الظابط اللى شيون ضربها بالرصاص .. طب وانت مالك ؟
بص هيوك لشيون بغل وكره وعينه بتطلع شرار وراح مسك شيون من هدومه
هيوك بغضب : شيون لاول واخر مرة انا بحذرك اذا قربت منها تانى انا هقتلك
وبص لاخوه :الكلام ليك انت كمان لو حد اذاها هى او اى حد تعرفه حتى ولو بالصدفة انا مش هسكت
.. وسابهم مشى بس مينى كانت عينه بتلمع
سونغمين : شئ مثير للاهتمام هيوك بيهددنى عشان واحدة .. انا عايز اعرف كل حاجة عن البنت دى
............................

عدت اﻻيام وكل يوم ايمى بعد ما تخلص شغلها تروح للولو و فى يوم قدام باب المدرسه لاقت هيوك واقف مستنيها
هيوك بابتسامه : انيو ايمي
ايمي باستغراب : هيوك انيو .. انت بتعمل ايه هنا ؟
هيوك : جاي اشوفك
ايمي بنفس الملامح : انت عرفت اني شغاله هنا ازاى ؟
هيوك : انتي قولتي انك مدرسه اطفال و دي مدرسه اﻻطفال الوحيده فى المنطقه
ايمي بشك : و عرفت انى ساكنه فى المنطقه دى منين
هيوك : لولو قالتلي فى وسط كلامنا
ايمي : اهااااا .. خير هيوك مقولتليش انت جاى تشوفنى ليه ؟
هيوك : اصل بقالكم فتره مش ظاهرين انتى ولولو وقولت بما اننا اصحاب لازم اطمن عليكو ولانى مش معايا ارقامكو فقولت اجيلك احسن
ايمي : اه احنا بخير شكرا علي سؤالك .. بس لولو اتصابت بسبب شغلها وانا تقريبا مقيمه معاها فى المستشفى
هيوك بيمثل الصدمه : الف سلامة عليها طب هى عاملة ايه ؟
ايمى : هى بقت احسن الحمد لله عموما انا كنت رايحه لها .. تحب تيجي معايا
هيوك : ﻻ علشان مسببش مشاكل لو اخوها شافني .. وهى اكيد محتاجة للراحة
ايمي : مشاكل ايه بس تعالي وسيب دونى عليا

وصل ايمي و هيوك عند لولو فى المستشفي دخلت ايمي بس هيوك مدخلش معاها و كان دوني موجود
ايمي : لولو حوبيكا .. اخبارك ايه النهارده .. وحشاااني
لولو حطت ايدها على راسها : اهى جت الصداع
ايمي : صداع تصدقي انا غلطانه وانا اللى كنت عملالك مفاجاه
لولو : مفاجعة ولا مفاجاه ؟
ايمى بابتسامه : دلوقتى تعرفى .. ادخل يا سمسم

دخل هيوك لاقى لولو على السرير ودونى قاعد فى كرسى جنبها واول ما شاف هيوك قام من على الكرسى وبصله وبص لايمى

هيوك : ازيك يا لولو اخبارك ايه ؟
لولو : الحمد لله تمام
هيوك : ازيك يا دونغهى .. ومد ايده عشان يسلم عليه
دوني بص لايده : تمام .. ومد ايده وسلم عليه
ايمي : بقولكو ايه انا هروح اجيب عصير واجيبلكو معايا .. وبصت لدوني هروح لوحدي ولا ايه ؟ تعالى معايا
دوني : ﻻ و هنسيب لولو وحدها
ايمي : لا تسبني اتجول انا هنا لوحدى و انا بخاف .. وبعدين ما تسيبها يعني هي هتتاكل .. و بعدين هيوك هيسليها .. يلاااا

شدت ايمي دوني من ايده وخرجو .. وفضل هيوك ولولو بيتكلمو .. وفى وسط كلامهم لولو افتكرت انها شافته وقت الحادثة
لولو بتردد : هيوك انت سبت هيمى و مشيت يوم ما اتقابلنا اخر مرة .... قالتلى انك كنت مستعجل كان في حاجه ؟
هيوك بتردد : اها .. ايوة .. اصل كان عندي شغل و كنت هتاخر بس لما شفتك جيت اسلم عليكي
لولو لنفسها : يعنى اللى شفته كان تهيئات

 بصتله لولو وسكتت بس شاكه ان فى حاجة غلط لانها متاكده انها شافته وهو بيخبى عليها .. بس مش عارفة ليه وقررت انها متتكلمش فى الموضوع ده لحد ما تعرف اللى حصل بنفسها ... عدت اﻻيام لحد ما لولو طلعت من المستشفي بس اخدت اجازة عشان تكمل شفاءها فى البيت .. في الفتره دي تقريبا كان هيوك كل يوم عندها و ايمي طبعا مش هتفوت فرصه زي دي انها تعرف دوني على هيوك و تخليه ياخد عليه اكتر واهو كله فى مصلحه لولو

وفى الفترة دى كان شيون مشغول بيجمع معلوماته عن لولو وراح لسونغمين

سونغمين : جبت المعلومات اللى طلبتها
شيون : اسمها لولو عايشة مع امها وابوها ..واخوها اسمه دونغهي ظابط معاها و للصدفه هو اللى ماسك قضيه السلاح .. اصحابها 2 هيمى و ايمي .. ايمي خطيبه دونغهي ابوها و امها متوفين من سنه و هي عايشه مع اخوها هنرى واختها طفله عندها سنتين .. هي واصحابها يعرفو هيوك و زباين عنده بس موصلتش عرفهوه ازاي
سونغمين : تمام كمل تحرياتك عنها و عن كل اللى قريبين منها و قولى لو فى اى جديد
شيون انحني لسونغمين : امرك
سونغمين بابتسامة خبيثة : خلينا نبعتلهم هديه صغيره

وفى يوم كانت ايمي بتتكلم مع دوني
ايمي : فاكر اما قولتلك اننا بنجيب لبسنا من عند هيوك كان اول حاجه فستان للولو
دوني باستغراب : بجد الكابتن هتلبس فستان ؟!!
ايمي : اه هتلبس بس فاضل الفرصه اللى هتلبسه فيها
دوني باستفهام : يعني ايه ؟
ايمي : يعني الفرح احنا عمالين ناجل فيه و دلوقتي معندكش حجه لولو واخده اجازه يعني ممكن تساعدني
دوني بصلها واتكلم بجدية : ايمي اسمعيني .. احنا هناجل الفرح شويه كمان لحد ما القضيه دي تتحل
ايمي بعصبيه : نعم انا مش هرهن فرحي بقضيه مش عارفه هتتحل امتي بعد شهر وﻻ بعد سنه وبعدين سواء اتجوزنا و ﻻء انت مخك مشغول علي طول ...... قاطع كلامها موبايل دوني
دوني : يوبوسايو
تشوﻻ : دوني تعال دلوقتي حاﻻ
دوني باهتمام : حصل ايه .. فى جديد ؟
بس تشولا مردش عليه وقفل السكة ودونى اتخض
دوني : انا ﻻزم امشي ايمي شكل فى جديد وسابها .. ومشى

اتعصبت ايمى مع طريقة دونى والكلام اللى قاله وكمان يسيبها ويمشى طلعت فونها وكلمت لولو و طلبت انها تروحلها الكافيه .. نص ساعه وكانت لولو عندها
ايمي : شكلى كده هسيب اخوكي
لولو باستغراب : ايه الجنان ده مرة واحدة ... احكيلي حصل ايه؟
ايمي بدات تدمع : بتكلم معاه عن الفرح اللى بيتاجل اكتر من مره قال عايز ياجله لما يحل القضيه .. ارهن انا نفسي و حياتي علي قضيه معرفش هتتحل امتي .. المهم انه سابني و مشي و مكملش معايا كلام
لولو اتنهدت : اهدي بس كده و فكري اكيد ف سبب ورا الكلام ده
ايمي ابتدت تعيط : اخوكي كده شكله بيحاول يسيبي بس مش عارف يجيبها ازاى .. انا هريحه و اسيبه اﻻول هريحه من حيرته و ابعد انا بكرامتي

لولو : انتى هبلة يابت ولا مجنونة ؟ .. بصى انا ممكن اساعدك بس هحتاج منك خدمه قصادها
ايمي o_O
لولو : المره دي ﻻزم ترديها
ايمي بنص عين : يا خوفى منك
لولو : فى البدايه عيزاكي تفهمي ان دونى بيحبك و ابعدي اﻻفكار الهبله دي عن دماغك .. ثانيا الطلب اللى هطلبه منك هيبقى بعد ما موضوعك انتى ودونى ما يتحل
ايمي : انتى بتلوى دراعي ؟

سكتت ايمى بقله حيله ووافقت مفيش قدامها حل تانى .. وقتها طلعت لولو فونها واتصلت بهنرى
هنرى : ايون
لولو : هنرى حبيبى واحشنى يا واد
هنرى بخوف : بو ؟ حبيبى .. وواحشنى .. استر يارب مش مرتاحلك
ضحكت لولو جامد : احسن حاجة انك بتفهمنى .. انا عايزة منك حاجة
هنرى : ايوة كده هاتى من الاخر وقولى انتى عايزة ايه
لولو : بما انى فى اجازة وانت اللى فى الشغل عيزاك فى مهمة سرية
هنرى : استر يارب من مهماتك .. عارف ان اخرتى على ايدك
لولو : متقلقش المرة دى حاجة سهلة ومفيهاش اى ضرر
هنرى : مع انى مش بصدق الكلام ده بس قولى ايه المهمة اللى عيزانى فيها
لولو : عيزاك تراقب الجو بين دونى وتشولا تسمع هما بيحكو فى ايه وياريتك تدخل تعصب تشولا لحد ما اجى
هنرى بصدمة : بووووو؟ عيزانى اراقبهم واعصب تشولا .. لا فعلا مهمة سهلة .. انتى مستغنية عنى ولا حاجة عشان اعصب تشولا واحنا لوحدنا ودونى مش هيقدر يفكنا عن بعض
لولو : متقلقش انا جيالك وقبل ما اوصل هقولك تدخلهم وتعصبه بس مش قوى وانا هكمل عليه لما اجى
هنرى باستسلام : استعنا على الشقى بالله هى خناقة ولا اكتر

وقفل مع لولو وراح يراقب ويسمع دونى وتشولا بيقولو ايه

فى الوقت ده وصل دوني للقسم : خير حصل جديد
تشوﻻ : جتلنا معلومات عن ان فى شحنه سلاح هتيجي النهارده عند الميناء العنوان اهوه .. نجهز الدعم و نروح نهجم عليهم

بالفعل جهزو الدعم و راحو بقياده تشوﻻ و دوني للميناء .. واثناء مراقبه المكان اكتر من ساعه وصلت الشحنه وسط حراسه مشدده .. وف وقت ما ابتدي العمال بتفريغ الشحنه .. هجمت الشرطه عليهم بس الغريب ان محصلش اى هجوم من الجهه التانيه كانو مستسلمين ع الاخر .. ابتدت الشرطه تفحص الشحنه و قتها كانت الصدمه
دوني بصدمه : الشحنه... اﻻسلحه ... لعب اطفال
تشوﻻ : ازاى ؟ ازاى لعب اطفال ؟ موجه كلامه للي بيفتشو : فتشو كويس
شيون ظهر مع ابتسامه خبيثه : اكيد لعب اطفال احنا شركه استيراد وتصدير .. الشحنه بتاعتنا لعب اطفال .. حضارتكم جيتم و فتشتم من غير ما نعرف معاكم مذكره تفتيش وﻻ هيكون فى اجراءات هناخدها ؟

تشوﻻ وراه مذكره التفتيش وامر الدعم بالرجوع للقسم
دوني : ازاى لعب اطفال
تشوﻻ نفخ بغضب : مش عارف ايه ده .. خلينا نرجع اﻻول و نشوف الموضوع ده

وبعد ما رجعو القسم تانى قعدو يتناقشو فى امور القضية المعقدة دى ويحطو خطة جديدة .. وصل هنرى قدام المكتب وسمعهم بيتكلمو

دونى : هيونغ اكيد هيعملو احتياطهم دى مش سهله
تشوﻻ : انت فاكر ان تفكيري محدود زيك .. اكيد عندي خطه بديله او مش بديله الخطه دى تمويه للخطه التانيه
دونى حط ايده على راسه : اه يا نفوخى يامه مش فاهم حاجه
تشوﻻ : دونى انت بقيت غبى قوى اليومين دول ركز معايا ..

وفجاه دخل عليهم هنرى من غير ما يخبط على الباب
هنرى : هيووووونغ
تشولا بصوت عالى : انت ازاى تدخل علينا من غير ما تخبط وتستاذن الاول
دونى : هنرى انت ايه اللى جابك هنا دلوقتى .. الاحسن تمشى من هنا بسرعة
هنرى ببراءة ولا كانه عمل حاجة : اصلى بقالى فترة مشفتكوش وقولت لازم اعدى اسلم عليكو
تشولا : ومن امتى الحنان ده كله ومن امتى وانت بتحب تشوفنا .. انت عايز ايه بالظبط احنا مش فاضين
فى ثوانى اخترع هنرى حجة يقولها : انا كنت جاى اخد رايكو فى حاجة مهمة جدا جدا
تشولا بدا يقرب من هنرى : حاجة ايه دي بقى ؟
هنري بابتسامه : بفكر اجيب هديه لهيمي و قولت انتم اللي هتساعدوني
تشولا ابتدي يتحول لجميع درجات اللون الاحمر من الغضب : نعم هتعمل ايه….
وفجاه دخلت لولو : بتحكو فى ايه
تشوﻻ والشرار طالع من عينه : انتى كمان ازاى تدخلى كده من غير ما تخبطي .. انتو متعلمتوش انكو لازم تستاذنو الاول
لولو : بيانيه اوبا انا سمعت صوت هنرى هنا قولت ادخل اشوف فى ايه بدل ما تمسكو فى بعض كالعادة .. وكمان عايزة اشتكيلك من دونى ومحدش غيرك هيقدر عليه
فى الوقت ده هنرى سحب نفسه وخرج من عندهم
تشولا بص لدونى : انت عملت ايه تانى ؟
دونى بصله وبص للولو باندهاش وشاور على نفسه : انا .. انا معملتش اى حاجة ؟
لولو : بقى كل اللى بتعمله ده وبتقول انك معملتش حاجة
دونى : انتو كلكو عليا النهاردة ليه ؟ ايه اليوم الغريب ده
تشوﻻ : دونى اسكت خالص وانتى يا لولو اخلصى وقولى عملك ايه ؟
لولو : مش ليا .. ده عمل ﻻيمي .. البيه بيتحجج بالقضيه علشان ميعملش الفرح وبيقول لما يخلص القضيه يبقو يشوفو موضوع الجواز .. ده غير انه مهملها خالص لحد ما البت افتكرت انه مبقاش يحبها وفكرت انه عايز يسيبها بس مش عارف يجبهالها ازاى وقررت انها تسيبه .. انا اللى اقنعتها تصبر عليه لحد ما نتكلم معاه
وفجاه نظرة خباثة ظهرت عليها : للدرجة دى يا تشولا مش قادر تستغنى عن دونى شوية فى القضية ومحتاجه عموما اذا كان الوضع كده قولى وانا اساعدكو ... وفى سرها بتدعى ان كلامها يكون استفز تشولا
دونى بصدمه : بو ؟ تسيبني و مش بحبها ؟
تشوﻻ بعصبية : اخرس خالص .. وابتدي صوته يعلي وشويه هيتحول لسفاح المدينه : انت فكرك انى مش هعرف امشي القضيه من غيرك فى فترة اجازتك ... ده انا اعرف امشي القضيه بيك او من غيرك .. اساسا انا اللى ممشيها

فضل تشولا يتكلم ويزعق ومش مدى اى فرصة لدونى انه يرد .. ضحكت لولو و خرجت و سابت تشوﻻ هياكل دوني .. خرجت وهى مرتاحه الضمير .. فاضلها اخر مرحله ف خطتها .. عدلت هدومها وراحت تكملها

----------------- 

BY

D&E

Lolo Adel  

Emy Tarek