Catch him .. Part 07

Catch him .. Part 07

خرجت لولو من مكتب تشولا .. وراحت تكمل باقى خطتها وصلت قدام باب مكتب .. عدلت هدومها وخبطت علي الباب ....
رد عليها صوت فخيم يدل علي مركزه : اتفضل
دخلت لولو لاقت واحد قاعد ورا المكتب مركز في الورق اللي قدامه .. شعر اسود حريري بشرته البيضه لابس نظاره وقميص وبنطلون وقاعد على مكتبه تديله هيبه اول ما تشوفه وشه يتسم بالهدوء والعقل والرزانة مع الابتسامه اللطيفة 
لولو دخلت راسها من الباب : انيوهاسايو ممكن اتكلم مع حضرتك
......  : اتفضلي
دخلت لولو : انا هدخل فى الموضوع على طول حضرتك عارف ان دوني خاطب ورابط البت جنبه يرضيك كده يعني
 ..... بابتسامة جميلة : حضرتك و يرضيك ؟ ﻻ ميرضنيش طبعا
لولو : انا تعبت من الكلام برسميه بقولك ايه محدش هنا و انت عارف اني بجحه اوبا ساعدني تشيبال البونايه هتسيب المنيل و لو سابته مش هيعرف يحل القضبه و هو اصلا مش عارف يحلها
تيكى قلع النظاره حطها علي المكتب وشبك ايده مع بعض وركز مع لولو : احكي براحه علشان افهمك
لولو : ايمي اتخانقت مع دوني بسبب تاجيل الفرح الاستاذ مش عايز يعمل الفرح غير لما يحل القضيه وانت عارف ان دي قضيه معقده يعني منعرفش هيحلها امتي
هز تيكى راسه دليل انه فهم كلام لولو و فهم طلبها كويس : روحي و ابعتي الواد ده
لولو : واااا اراسو كماوووو اوبا سارانيه
تيكى بيكتم ضحكته بيحاول يرجع تاني لدور القائد : ياااا متنسيش اني القائد بتاعك واحنا هنا فى الشغل
لولو ضغطت علي شفايفها : اووووبس .. بس بردو سارانيه و عملت قلب بايدها
تيكى : روحى نادى لدونى بسرعة بدل ما اغير راى يا مجنونه

طلعت لولو تجري من مكتب تيكى لحد ما وصلت لمكتب دوني خبطت على الباب طبعا من لما خرجت من عند تيكى وهي سامعه صوت تشوﻻ لسه بيزعق وشغال فيه تهزيق خبطت
تشوﻻ بعصبية : مين ؟.. مش شايفنا مش فاضين
لولو بصوت يدل علي البرائه : اوبا انا لولو بس القائد تيكى عايز دوني
تشوﻻ : قوليله مش فاضي ... انتي مش شيفانى بتكلم معاه
لولو : بليز اوبا
تشوﻻ نفخ و موجه كلامه لدوني : روح

خرج دوني وشه الوان تحتار من العصبيه وﻻ هيعيط وﻻ غضب .. راح عند تيكى خبط و دخل
دوني انحنى : حضرتك طلبتني
تيكى بصوت يدل علي الجد : لولو اتكلمت معايا
دونى بهمس : هى لولو فضحتنى وشردتنى وقومت الكل عليا ماشى يا لولو
تيكى : ممكن اعرف منك انت مش عايز تتجوز او بتاجل جوازك ليه ؟
دونى : حضرتك عارف اننا شغالين فى قضية صعبه ومش مستحملة انى اخد اجازة
قام تيكى من على مكتبه وقف قدام دونى وحط ايده على كتفه : اسمع يا دونى انا مش هتكلم كتير بس اللى عايز انك تاخد بالك منه ان كل واحد فى الدنيا بيبقى ليه طاقه ولو فضلنا نضغط على اللى حوالينا مش هيستحملونا بعد كده واحنا كمان لو مفصلناش وفضلنا مضغوطين ومركزين فى الشغل بس مش هنقدر نشتغل كويس لان الانسان لازم كل فترة يصفى نفسه عشان يعرف يكمل ويشغل دماغه وبالنسبة لايمى البنت اذا كانت مستحملة عشان بتحبك بس مش هتستحمل اكتر من كده فكر كويس انت بطريقتك دي بتبعدها عنك ولو سابتك انت اللى هتوه
دوني بصدمه (كانه اول مره يسمعها مع انه سمعها كتير اليوم ده بس كل مره بيسمعها كانه اول مره يسمعها ) : تسيبني !!!
تيكى : فكر كويس وانا واثق انك هتوصل للقرار الصح .. تقدر تخرج
خرج دوني لقي لولو فى وشه : انت لحقت ؟
دوني مش راضي يبصلها ولا بيرد عليها وعدى من جنبها ولا كانه شايفها اصلا
لولو بتسال ورا بعض باستعجال وتشويق : هاه !!! طب ايه ؟ حصل ايه ؟ هتقول لها ايه ؟ قررت ايه ؟
دوني : امشي من وشي انا مش طايقك

كلم دوني ايمي وعرف انها فى البيت .. قفل ف وشها وراحلها .. وبعد نص ساعه كان بيخبط ع الباب

دوني : هنري هنا ؟
ايمي بغضب : ﻻ
دخل دونى البيت وقفل الباب : مانا عارف انا لسه سايبه فى القسم ... عامله ايه ؟
ايمي بلا مبالاه : كويسه ... من غير مقدمات قول اللى عايز تقوله ..ريما نايمه و انا عايزه انام
دوني: انا سمعت انك كنتي هتسبيني
ابتدت ايمي تعيط : اه احسن ما تسيبني انت .. قولت اخفف عنك الحمل يمكن تعرف تحل القضيه اسرع
اتغيرت ملامح دوني مكانش متوقع ان ايمي هتقول كده : انتي فكرتي فى نفسك بس مفكرتيش فيا لما تسبيني هيحصل ايه .. فكرك اني هعرف احل اى حاجه وانتي مش جنبي انا افتكرتك فهمتي قصدي اني مش عايز تشوﻻ يفتكر اني في عز الازمه اتخليت عنه .. انتي عارفه دماغه بيفسر الحاجه على مزاجه
ايمي وهى لسه بتعيط : مش عايز تتخلى عن تشولا بس معندكش مشكلة انك تتخلى عنى
دونى : ايه الكلام الفارغ اللى انتى بتقوليه ده .. انتى مش عارفة انك كل حاجة فى حياتى .. في حد يقدر يتخلي عن كل حاجه في حياته
ايمى بتلقائية : بجد .. وبعدين اخدت بالها انها واقعة اوى : احم قصدى يا سلام المفروض انى اصدق بقى
دوني : اه وعشان تصدقى بجد عندي ليكي مفاجئه ... الفرح الشهر الجاي
ايمي فاصله ميه و نور و كهربا مش مصدقة اللى سمعته .. ودونى عمال يحرك ايده قدامها
فاقت ايمي من غيبوبتها : بس انت غلطان اصلا .. انت مفهمتنيش ليه يعنى ؟.. افرض مكنتش قولت للولو واتصرفت من دماغي كان هيبقي الوضع ازاى بقي ؟
دونى فتح عينه قوى باستغراب : بصى انا بقولك ايه وانتى بتقولى ايه ؟
ايمى وهى مش مستوعبة : هو اللى سمعته ده كان بجد ولا انا اللى اتجننت
بدا دونى يقرب منها واتكلم بصوت هادى ورومانسى : وحشتيني
ايمي بتحاول تبين انها لسه زعلانه او بتتقل عليه : احم احم وبعدين يعنى ازاى تقرر معاد الفرح كده من غير ما تاخد راي ؟ اديني فرصه افكر
قرب دوني منها اكتر .. ايمي وشها ضرب الوان : طب اتخانق ازاى انا يعنى دلوقتى يعنى بقي ابعد شوية
دونى برومانسية : يابت بحبك قوى قوى
ايمي بسهتنة  : هاه ؟ قولها تاني كده
دوني بلعب : قوى قوى ؟
ايمي : ﻻ اللى قبلها
دوني : يابت ؟
ايمي : حسبى الله ونعم الوكيل
دوني بحب  : بحبك قوى

وبرومانسيه قرب شفايفه من شفايفها وادالها بوبو رقيقة  فى وسط البوبو

ريما : يالاهاوااااايييي .. حيييييب ... انت ا ادب ياﻻهاواااااي
دوني وهو بيشاور على ريما اللى طلعاله فى البخت : بتقول ايه دى ؟
ايمي بابتسامة : بتقولك يالهوي عيب انت قليل اﻻدب
دوني بيخبط ايده فى بعض : ايه البت دى .. انتم جايبنها منين ؟
ريما : ايني .. نوني ادب
ايمي بصت لدونى وبعدها لريما : مانا عارفه ياروحي انه قليل اﻻدب بس انتي ايه اللى صحاكي دلوقتى بس

تانى يوم لولو اتصلت بايمى وهى متشوقه :  ايه الاخبار حصل ايه امبارح ؟
ايمى : اخوكى ده هيجننى قريب
لولو : هو لسه هيجننك انتى مجنونة لوحدك .. اخلصى حصل ايه ؟
ايمى بصريخ من الفرحة : قالى انه الفرح الشهر الجاى
لولو بفرح : بجد .. الف مبروك .. اظن انا عملت اللى عليا
ايمى بقلق : الله يبارك فيكى يا كابتن .. وربنا يستر من الطلب اللى انتى عيزاه فى المقابل
لولو ضحكت : متقلقيش دى خدمة بسيطة .. قابلينى فى الكافية بعد ما تخلصى شغلك وانا هفهمك على كل حاجة
ايمى : ارسو سلام وقتى ولما اخلص هكلمك وقفلو

بعد ما ايمى خلصت شغلها كلمت لولو واتقابلو فى الكافيه وبدات لولو تحكيلها اللى هى عيزاه
ايمى باستغرب  :انتى بتشكى فيه بعد كل الفترة دى ؟
لولو : انا متاكده انى شفته وبعدين فى حاجات بلاحظها فيه غريبة شوية وانا عايزة اتاكد عشان مقعش واتجرح منه
ايمى بفضول :  انتى مش بحثتى عنه وملاقتيش عليه اى حاجة
لولو : دورت كتير بس ملاقتش عنه حاجة لانه كان مسافر من زمان ملوش اوراق كتيرة عندنا
ايمى اتنهدت : يعنى انتى عايزة ايه دلوقتى ؟
لولو : هننفذ اللى قولتلك عليه ومن اللى هيحصل بعدها هعرف الحقيقة
ايمى : ماشى اذا كان ده هيريحك يالا بينا

قامو وراحت لولو لمحل هيوك اللى اول ما شافها ابتسم ابتسامه واسعة وعينه لمعت .. وايمى راحت لمكان تانى
هيوك بابتسامه جميلة : لولو ازيك دلوقتى ؟
ردتله لولو الابتسامه : الحمد لله احسن كتير
هيوك : فين ايمى وهيمى انتى مش بتيجى من غيرهم ؟
لولو : هيمى مسافره وهترجع كمان يومين .. وايمى مفروض هقابلها بس هى هتتاخر فقولت اعدى اسلم عليك واشكرك على اهتمامك بيا وزياراتك ليا الفترة اللى فاتت

هيوك : متقوليش كده المهم بس انك تكونى كويسة
ابتسمت لولو وفجاه موبايلها رن وردت : امتى ..؟ طب انتى فين ...؟ انا جايه حالا .. سلام
وبصت لهيوك وابتسمت : معلش انا مضطرة امشى دلوقتى
هيوك بفضول وقلق : خير فى حاجة ولا ايه ؟
لولو : لالا متقلقش الطبيعى .. المهم انا همشى وقتى اشوفك مرة تانية سلام

سابته ومشيت متجهه لمكان معين وفجاه تليفونها رن تانى وردت كانت ايمى
لولو : ايه الاخبار
ايمى : كان عندك حق .. هو فعلا خرج بعدك على طول وماشى وراكى من بعيد
اتنهدت لولو وغمضت عينها  : انا كنت متاكده ان فى حاجة ... طب انتى فين كده ؟
ايمى : انا ماشية وراه وهو مش واخد باله من اى حاجة
لولو بانزعاج : طيب عموما انا قربت اوصل سلام .. وقفلو

هيوك كان سامع كلام لولو لانها بتتكلم بصوت عالى انما مكنش سامع كلام ايمى .. وفجاه لولو وصلت لمكان واختفت .. فضل يدور عليها لحد ما سمع صوت
لولو بصوت عالى : هيوك
لف هيوك ولاقى لولو وايمى واقفين وراه

لولو : انت بتعمل ايه هنا ؟
هيوك ارتبك : انا .. انا اصل ... ااصل
ايمى : هيوك احنا عارفين انك كنت ماشى ورا لولو لانى ببساطة كنت ماشية وراك
سكت هيوك وملامح الاراتباك باينه عليه
لولو بحدة : انت بتراقبنى ليه ؟ ومن امتى وانت بتراقبنى ؟ انا كنت متاكدة انى شفتك ساعة الحادثة بس لما سالتك كدبت عليا ... كدبت عليا ليه؟
هيوك بيحاول يبرر : انا هقولك بس تسمعينى وتصدقينى
بصتله لولو بنظره غريبة وايمى حطت ايدها على كتف لولو مستنيه تسمع اللى هيقوله
لولو : اتفضل قول بس ياريت تقول الحقيقة
بص هيوك فى الارض : انا فعلا من ساعة ما عرفتك وعرفت انك ظابط وانا بمشى وراكى وبراقبك .. بس مفيش فى نيتى حاجة وحشة .. ورفع وشه وبص على لولو وايمى : انا كنت خايف عليكى وكنت حاسس انك ممكن تحتاجينى فى اى وقت وانى لازم احميكى
لولو بنفس نبره الحد : وانت عايزنى اصدق الكلام ده ؟
هيوك بسرعه : دى الحقيقة انا فعلا مشيت وراكى يوم الحادثة وشفتك قبل ما يغمى عليكى .. متتخيليش انا قد ايه قلقت عليكى وكنت هتجنن واعرف انتى حصلك ايه .. لحد ما رحت لايمى المدرسة وجيتلك
لولو : وليه خبيت علينا من الاول ؟
هيوك : كنتى عيزانى اقول ايه ؟.. انى براقبك ا.. كيد هتشكو فيا ومش هتصدقونى
ايمى : ودلوقتى فاكر اننا هنصدقك ؟
هيوك : انا ماذتش وضرتش حد فيكو بالعكس انا بخاف عليكو ولو انا كنت عايز اضر حد فيكم كنت عملتها من زمان كان قدامي 100 طريقه ومكنتش محتاج اني اروح لايمي علشان تاخدني لعندك وانا عارف انك شفتيني و ده بيهددني بس كان لازم اطمن عليكي
ايمى فكرت فى كلامه وهمست للولو : فعلا لو كان عايز ياذى حد مننا كان عملها خصوصا ان ساعات كتيرة بنبقى لوحدنا وخصوصا لو عايز ياذيكى كان هيبقى سهل جدا عليه ومتنسيش انه جالك المستشفى وكان بيقضى معاكى وقت طويل لوحدكو

بصتلها لولو بحيرة ورجعت بصت لهيوك فى عينه حست انه صادق فى كلامه وهى دايما بتثق فى احساسها بس ده ميمنعش انها هتراقب تصرفاته وحركاته .. اتنهدت لولو وبصت لايمى ومن غير ما تتكلم سابته ومشيت هى وايمى

حس هيوك انه فى موقف لا يحسد عليه مكنش عارف لولو هتعمل ايه وهتصدقه ولا لاء بس قرر يديها حريتها ووقتها فى التفكير

فى الايام اللى بعد كده ابتدي لولو و ايمي وهيمي يظبطو للفرح .. يعزمو الناس و يظبطو عش الزوجيه .. طبعا دونى بيحاول يكثف شغله الشهر اللى قبل الفرح تعويض للاجازه اللى هياخدها .. وايمي متفهمه ده وطبعا اهم حاجه للاخت لولو ﻻزم تعزم هيوك للفرح .. بس عايزة تزحلق هيمى عشان مترحش معاهم وهما بيعزموه
لولو بنبره صوت بريئة : هيمى حبيبتى انتى مش مفروض كنتى تجيبى الستاير وانتى جايه
هيمى بصدمه : اوبس نسيت عشان كنت مستعجلة
ايمى : خلاص مش مهم هاتيها بكرة بس متنسيش
لولو بسرعة : لا بكرة ايه روحى يا هيمى هاتيها دلوقتى عشان ممكن تتيجى بكرة وتنسى بردو
ايمى بصت للولو لاقيتها بتبتسم ببلاهة فهمت اللى فيها : امممم صح ممكن تتشغلى بكرة وممكن تنسى تانى مش هنفضل كل يوم نقول بكرة
لولو بابتسامة : ايوة صح وبعدين فى مقولة بتقول لا تؤجل عمل اليوم الى الغد
هيمى بصت للاتنين وضيقت عينها : بالرغم من انى مش مرتحالكم وحاسه ان فى حاجة بس ماشى هروح اجيبهم

لولو بابتسامه عريضة هبلة : وانتى رايحة بقى عدى هاتى شوية شموع على ذوقك اهو يبقى مشوار واحد
هيمى بصت للولو بنص عين : انا مش مرتحالك انتى بالذات يا لولو

ايمى بتصنع البراءة : يا بنتى ليه بس احنا عايزين نخلص اللى ورانا مفيش وقت
هيمى باستسلام: ارسو ارسو عشان خاطرك بس يا ايمى بس اكيد هعرف انتو بتخططو لايه .. وسابتهم ومشيت
ايمى بصت للولو وخبطتها فى دراعها : افهم بقى كنتى بتزحلقى البت ليه ؟
لولو حطت ايدها على دراعها : مش هنعزم هيوك وﻻ ايه ؟
ايمي خبطت ايدها علي راسها : تصدقي نسيت
لولو : نعم وحيات يور اومونى
ايمى باستغراب : بس تعالى هنا انتى صدقتيه وسامحتيه
سكتت لولو شوية وبعدين اتكلمت : عايزة الحق يا ايمى انا بقالى فترة بفكر فى الموضوع ده بس قلبى بيسيطر على عقلى لانى حاسه انه فعلا صادق فى كلامه وانتى عارفة احساسى
نفخت ايمى خدودها : بيت ام احساسك ده بجد حرام عليكى
بصتلها لولو بغباوة : بالعقل كده هو معملش حاجة وحشه معانا خالص
ايمي : ما قولنا كده من الاول .. عموما يلا نروحله نعزمه احسن لو قعدت ساعه كمان هنسي

راحت لولو وايمي لهيوك اللى اول ما شافهم مصدقش نفسه وارتسمت عليه ابتسامة واسعة بلهاء
لولو وايمى : هيوك ازيك ؟
هيوك بنفس الابتسامه مش مصدق نفسه : ازيكم كنت لسه فى سيرتكم .. اعرفكم اخويا و صاحبي كيوهيون
لولو : اهلا  كيوهيون شي .. بعدها بصت لهيوك بابتسامه : احنا تماااااام بنظبط لفرح ايمي وجاين نعزمك عليه اخيرا
هيوك بابتسامه : اخيرا .. مبروك يا ايمي .. اكيد هحضر الفرح
ايمي : ها .. انا مش هتجوز
لولو و هيوك  o_O: نعم .. وبصو لبعض
ايمي موجهه كلامها لكيوهيون :كيوهيون شي انت مرتبط
بصلها كيونا باستغراب شديد : احم احم ﻻ مش مرتبط بس ليه السؤال ده ؟
ايمي : ايون مش هتجوز
خبطتها لولو فى كتفها : نعم ياختي ده انتي كنتي قرفاني بالجواز .. هقول لدوني لازم اخليه يشوف صرفه لعينك الزايغة دي
ايمي باستغراب : دوني ؟ دوني مين ده ؟
هيوك حط ايده على وشه : اووووووبس
لولو : ﻻ احنا ﻻزم نمشي يا هيوك ﻻن شويه كمان مش هتعرفني .. ووجهت كلامها ﻻيمي:  يلا
وقفت ايمي مش راضيه تتحرك .. زعقت لولو فيها : يلاااااا
ايمي : كيوهيون شي انا بعزمك على الفرح اللى بيقولو عليه ده .. يعني لو حبيت تكون العريس انا موافقه
شدتها لولو من راسها : يلا يا بلوه
وفى طريقهم للبيت ايمي : بقولك ايه هو مش ممكن ابدل و ادفع الفرق
لولو بصوت عالى : يااااا هرزعك كف انيمك هنا اهمدي بقي
ايمي ببرائه : انا عملت ايه ؟
لولو : دوني ﻻزم يشوف لك صرفه .. كده مش هينفع .. وبعدين انا هقوم بالواجب اصله الصراحة مز قوى

وفضلو طول طريقهم تناقرو على كيوهيون

تانى يوم عند قصر سونغمين
شيون : فرح الظابط دونغهي وايمي اخر الشهر الجاي
سونغمين بضحكة خبيثة : بجد ؟ كويس اوى يبقي ﻻزم نبارك لهم و نبعت هديه تليق بحضرت الظابط و مراته

----------------- 

BY

D&E

Lolo Adel  

Emy Tarek