Catch him .. Part 15

Catch him .. Part 15

فضل مينى قاعد فى اوضته بعد كلامه مع كيونا بيفكر فى حالته واللى وصله لكده من الاول

فلاش باك #

بعد مرور سنتين من موت ابو مينى وامه كان مينى عنده 24 سنة وبيدير شركة " لى للاستيراد والتصدير " اللى ورثها هو واخواته وفى نفس الوقت هو المسئول عنهم .. اخته سورا 20 سنة وبتدرس فى الجامعه وهيوك 16 سنة وبيدرس فى المرحلة الثانوية مع كيونا 17 سنة

كان مينى قاعد على مكتبه لابس بدلة رمادى وقميص اسود وجزمة سودا وشعره نازل على وشه  بيراجع شوية اوراق قدامه تخص الصفقة الجديدة اللى شركته مفروض تعملها مع شركة اجنبيه .. خبط الباب ودخل منه شاب فى اواخر العشرينات وسيم لابس بدلة كاكاوى وقميص اسود وجزمة بنى وشعره اسود قصير ومرجعه لورا وانحنى لمينى وراح وقف قدامه واداله اوراق

هان بهدوء : الاوراق دى محتاجه تتمضى تخص الموظفين الجداد و حركه التنقلات من والى للفرع التانى فى بوسان

مينى اخد الاوراق ومضى عليها على طول

هان بتحذير : مفروض متمضيش اى ورق غير لما تقراه كويس

ابتسمله مينى : هيونج انا امضى من وراك اى ورقة وانا مغمض عينى .. انا مقدرش انكر انك انت اللى علمتنى الشغل واتوليت ادارة الشركة كاملة فى فترة طويلة بعد موت ابا .. وهو كان دايما بيثق فيك وانا بالتبعية بثق فيك

ابتسمله هان : انا برد جمايل ابوك عليا لانه انقذنى وخلانى اقدر اعيش حياة كويسة ووقف جنبى بعد الدنيا كلها ما اتخلت عنى و ...

قاطع كلامهم تليفون مينى .. بص مينى على الاسم ونفخ بضيقة ورد على التليفون

يسونغ : اكيد انت عارف انا بكلمك ليه

مينى بضيقة : قولتلك قبل كده انا مش هتخلى عن الصفقة

يسونغ : انا بقالى 4 ايام بكلمك وصدقى المرة دى اخر مرة هكلمك .. بس اوعدك انك هتندم على رفضك طلبى بالذوق وهتسيب الصفقة غصب عنك .. وضحك باستفزاز

فقل مينى السكة فى وش يسونغ ورمى التليفون على مكتبه

هان : ده يسونغ تانى

مينى : انا مش عارف هو عايز ايه منى وليه عايز الصفقة بالطريقة دى .. ما يقدم عرضه للشركة الاجنبية واللى هى شايفه انه احسن تديله الصفقة ويشيلنى من دماغه

حس هان ان الموضوع غريب : انا مش مرتاحله

مينى بضيقة : سيبك منه وخلينا فى شغلنا .. شحنة بضاعة الاطفال الجديدة هتوصل خلال يومين ومفيش حد غيرك هيروح يستلمها زى كل مرة

هز هان راسة : متقلقش .. انا عارف شغلى كويس وبعدين انت لسه قايل انى اللى كنت ماسك الشغل كله

غمز بعينه وابتسم .. ابتسم مينى بسبب هان ونسى كلام يسونغ

بعد مرور 3 ايام على اليوم ده فى مدرسة هيوك وكيونا

كيونا واقف مع هيوك  : هيوك مش هتاخر عليك .. بس متاكد انك مش عايز تحضر معايا
هز هيوك راسة وايدة : لالالا انا هستناك هنا زي كل مره ومش عايز احضر انا صدعت من المره اللي فاتت
خبطة كيونا على كتفه  : هههههههههههههه خلاص هخلص واجيلك
جري كيونا علشان ميتاخرش ( كيونا اشترك في فريق الغناء وبعد الدراسه بياخد ساعه تدريبات ) وصل كيونا للقاعه اللي بيتدرب فيها وابتدئ التدريبات

كان هيوك قاعد علي كرسى في ملعب الكره و حاطط السماعات فى ودنه و بيسمع اغاني مستني كيونا يخلص تدريبه و يروحو سوا زي ما بيحصل علي طول .. فجاه جه شخص من ورا هيوك لابس اسود فى اسود وحاطط على راسه كاب حط منديل فيه مخدر على وشه وبيسد نفسه وبعد مقاومة من هيوك خفيفة فقد وعيه .. شاله الراجل ده وخرج بيه بسرعة ركب عربية كانت واقفة مستنياه
راجل 1 : متاكد انه هو ده هيوك اخو سونغمين ؟
شخص 2: مراقبه اسبوع اكيد متاكد انه هو… يلا من هنا قبل ما يكون حد شافني و يكون جاي ورايا

بعد فتره نزل كيونا للمكان اللي هيقابل فيه هيوك .. دور عليه مش لقاه بس لقي الشنطه بتاعته على الارض
كيونا بيبص حواليه : راح فين ده هو مش مفروض مروحين سوا… وساب دي هنا ليه ؟
طلع كيونا الفون علشان يرن عليه…  مرة واتنين بس مش بيرد : يكون روح ولا لسه هنا و بيلعب
فضل يدور عليه في المدرسه وبعد فتره طلع كيونا لقي السواق لسه واصل المدرسه
كيونا بقلق : انت روحت هيوك ؟
السواق : لا انا لسه واصل
رجع كيونا يتصل عليه وبردو هيوك مش بيرد : ممكن يكون خد تاكس و روح بس ليه مش بيرد
السواق : اكيد نايم او بياخد دوش
اتنهد كيونا وركب العربيه : ممكن بردو عموما هنروح و نشوف وانا ليا صرفه تانيه معاه

وصل كيونا البيت طلع علي اوضه هيوك خبط الباب بس مفيش حد رد عليه فتح هو الباب و دخل : هيوك…  بطل مقالبك السخيفه دي و اطلع مش هعدي الموقف ده… هيووووك
طلع كيونا من الاوضه ونزل للصاله لقي سورا : هو هيوك فين ؟
سورا باستغراب : هو مش جه معاك ؟
كيونا : لا مجاش معايا  .. وحكلها اللي حصل وانه طلع مش لقاه و انه شافه في اوضته
سورا بقلق وعينها مفتوحة على وسعها : يعني ايه…   وطلعت فونها رنت عليه كتير وكل مره مش بيرد
سورا كانت هتموت من الخوف لان هيوك مش بيرد عليها ودي مش عادته هو دايما بيرد علي اخواته بسرعه لانه عارف انهم بيقلقو عليه
كيونا : ممكن يكون راح مكان و مش سامع الفون استني شويه و هتلاقيه جاي

رجعت سورا ترن علي هيوك تاني وهي رايحه وجايه في الصاله من القلق و كيو باصص عليها بقلق هو كمان ومستني هيوك يرد عليها
ابتدت سورا تعيط : بردو مش بيرد…  وقعدت علي الكرسي وحطت ايدها علي وشها وابتدت تعيط اكتر .. قرب كيونا منها وحط ايده علي ظهرها

في الوقت ده كان مينى نايم ف اوضته وصحي علي صوت فونه بيرن
مينى بصوت نايم : يوبوسايو
يسونغ : يوبوسايو سيونغمين شي…
مينى بضيقه : يسونغ
 سونغ باستهزاء : صوتى وحشك ولا اية ؟؟ عموما هدخلك في سبب اتصالي علي طول اخوك عندي هستضيفه شويه لحد ما تتنازل عن الصفقه … خلينا نشوف حبك لاخوك قد ايه
مينى بعصبيه : اوعي تقرب منه… لو اذيته هيكون اخر يوم في عمرك
يسونغ بيضحك : معتقدش انه هيكون اخر يوم في عمري انا .. وقفل السكه في وش سونغمين اللي مجرد ما قفل الفون طلع من اوضته بسرعه علي اوضه هيوك .. فتح الباب بسرعه وفضل ينادي علي هيوك بصوت عالي
مينى : هيوك… . هيوك لو مطلعتش دلوقتي هتتعاقب ..  هيوووك
طلعت سورا و كيونا بسرعه علي صوت مينى
اول ما مينى شافهم راح علي كيونا : هيوك فين عمال انادي عليه مش بيرد ؟
نزل كيونا وشه للارض وسورا ابتدت تعيط تاني .. ابتدي كيونا يحكي اللي حصل في المدرسه لحد ما وصل واتصال سورا علي هيوك

بعد ما سمع مينى كلام كيونا اتاكد ان كلام يسونغ حقيقي مش مجرد تهديد ليه او تخويف اتاكد ان اخوه عند عدوه
سورا بتعيط : ميني هنعمل ايه انا خايفه يكون حصل له حاجه ؟
بصلها مينى وحضنها : متقلقيش هيوك اكيد هيبقى كويس
سورا حضنت مينى قوى وعماله تعيط : انا خايفة على هيوك قوى
اتنهد مينى وقرر انه لازم يقول لسورا و كيونا هما اكيد هيعرفو

دخل مينى اوضه هيوك و قعد علي كرسي المكتب دخل وراه سورا و كيونا و قعدو علي السرير وباصين لمينى اللي ابتدي يحكي لهم اتصال يسونغ ومع كل كلمه بيزيد اتساع عينهم من الصدمه ومعاه عياط سورا
سورا : يعني ايه .. انت السبب في اللي حصل ؟
قام مينى من مكانه وقعد جنب سورا وحضنها وهي بتضربه بايدها علي ضهره و بتعيط وهو بيمسح علي ظهرها و باصص علي كيونا اللي لسه علامات الصدمه علي وشه مد ايده وهو لسه حاضن سورا وحطها علي كتف كيونا
سورا بعد ما بطلت عياط : بلغت الشرطه
باعدها مينى عن حضنه بس لسه حاطط ايده على كتفها : انتي سمعتي اللي حكيته كويس سمعتي قال ايه ؟
سورا : مليش دعوه قال ايه وانت قولت ايه انا ليا دعوه باخويا

مينى : اهدي يا سورا
سورا شالت ايده من علي كتفها بعصبيه : مش ههدي .. بلغ الشرطه والا هبلغهم انا
كيونا : هيونج .. سورا عندها حق لازم نبلغ الشرطه

اتنهد مينى وهز راسه وخرج يتصل بالشرطه ويبلغهم طبعا مبلغهمش مين اللي خطف
فضل كيونا مع سورا اللي ابتدت تعيط من تاني ونامت اليوم ده فى اوضه هيوك من كتر التعب والعياط على عكس مينى وكيونا اللى مقدروش ينامو من قلقهم

تانى يوم كان كيونا في اوضته مراحش المدرسه بيفتكر هيوك و معاملته معاه من اول يوم دخل فيه البيت ده
سورا في اوضه هيوك وبتعيط وبتفتكر شقاوته ومقالبه فيهم وضحكته وكل حاجة فيه
مينى فى مكتبه ساند راسه علي المكتب و ماسك الفون في ايده رن فونه بس بنغمه الرساله فتح الرساله مجرد ما شافها وشه بقي احمر من الغضب ورمى فونه على الارض واتكسر ورمى كل حاجة على مكتبه وفضل  يخبط بايده علي المكتب وفي الاخر عينه دمعت بس مسك نفسه لان سورا وكيونا دخلو عليه بسرعه

سورا بفزع من الاصوات اللى سمعتها : ميني مالك ؟ .. وبصت علي الارض … رامي فونك كده الراجل ممكن يتصل بيك
مينى بهدوء عكس الغضب اللى جواه : مفيش حاجه سورا روحو انتم ارتاحو ولو في اي جديد هبلغكم

هز كيونا و سورا راسهم و خرجو مجرد ما خرجو وطي ميني راسه وحط ايده الاتنين علي راسه و سند كوعه علي المكتب و بيفتكر الرساله اللي جت ( صوره لهيوك وعليه اثار ضرب واضحه ومكتوب في الرساله دي البدايه ) ابتدي ميني يعيط وقت ما افتكر الرسالة

عدي يومين في نفس الوضع تيجي رسايل لميني بتعذيب هيوك وكل ما مينى يتصل بيسونغ عشان يقوله انه هيتخلى عن الصفقة بس يرجع هيوك ميرضاش ويقوله انه هيفضل عنده لحد ما الصفقة ترسى عليه  و الشرطه بتعمل تحقيقها بس مش واصله لحاجه

سورا لسه في اوضه هيوك مش بتخرج منها غير وقت ما تسمع صوت اي فون بتجري عليه

كيونا مش بيروح مدرسته و قاعد في اوضته بس كل فتره بيروح لسورا يطمن عليها و يروح لميني يشوف الاخبار وفي يوم خبط كيونا علي باب مكتب ميني ودخل

كيونا باحباط وانكسار : هيونج مفيش جديد يعني يومين ومفيش اي اخبار خالص
هز مينى راسه بمعني لا .. جتله رساله في الوقت ده مرضاش يفتحها لانه عارف اللي فيها ومش عايز يشوفها قدام كيونا
كيونا بسرعة وقلق : افتحها بسرعة ممكن تكون فيها حاجه مهمة
مينى بصوت مخنوق:  بعدين هفتحها
كيونا : افتحها طمني معاك ممكن يكون حاجه تفرحنا
مينى بعصبيه : لا
نزل كيونا راسة واتكلم بصوت واطى : انا اسف و طلع من المكتب بسرعه
مينى بهمس : انا اللي اسف انا مش عايزك تشوف هيوك بالمنظر ده

الوضع تاني يوم متغيرش فيه حاجه غير ان بعد 3 ايام من ان ميني ميرحش شغله وخبر خطف هيوك انتشر في الشركه .. الخبر ده كان فرصه لناس علشان تحقق اطماعها وتوصل للي هي عيزاه وللاسف هان مكنش موجود لانه كان فى بلد تانية بيخلص شحنة لعب الاطفال الجديدة وميعرفش اللى حصل خالص

دخلت سورا علي مينى اوضته لقيته مادد جسمه علي السرير و ساند ظهره علي ظهر السرير وعينه مبحلقة فى السقف
سورا بصوت مبحوح من العياط كل يوم وعدم الراحة : ميني في واحد عايزك تحت بيقول انه ..
قاطعها مينى وهو مغمض عينه : قوليله مش فاضي
سورا قربت منه  : ممكن يكون عنده اخبار .. قوم انزله وشوف عايز ايه

قام مينى بسرعه بعد ما فكر في كلام سورا و ظبط هدومه و نزل كان الضيف في مكتب مينى دخل مجرد دخوله قام الشخص وقف و انحني لميني راح ميني و قعد علي مكتبه وقال للشخص انه يقعد
مينى : خير اتفضل احكي
الشخص : اعرفك الاول بيا … انا تشوي شيون موظف في قسم الحسابات .. وسبب حضوري هنا ان خبر خطف هيوك اخو حضرتك انتشر في الشركه وبما اني موظف في شركتك مينفعش يبقي في ايدي حاجه اعملها و معملهاش فاعملت بحث حوالين اللي خطفه وعرفت اللي خطفه مين وبحاول اشوف حد من رجالته من المهتمين بالفلوس و ناثر عليهم بمبلغ وقتها هيقول لنا عن مكان هيوك
انتبه مينى قوي لكلام شيون ومقدرش يفكر فى اى حاجة غير انه يوصل لمكان هيوك : و الراجل ده مين .. عرفته ولا لسه ؟
شيون بهدوء : لا لسه بدور بس مش هتاخر في البحث اكيد يومين بالكتير و هجيب لحضرتك العنوان
مينى : شيون لو كلامك زي ما بتقول وبجد جبت لي مكان هيوك هتكون مكافئتك اكبر من ما تتخيل بس لو بتكذب محدش هيعرفلك عنوان
شيون قام و انحني : ياريت تحط ثقتك فيا… عن اذنك

خرج شيون من مكتب ميني وابتسم بخبث .. وبمجرد ما خرج جريت سورا و كيونا معاها علي ميني
سورا بلهفة : ها يعرف حاجه ؟
كيونا : شكله كده مش جاي علشان شغل
مينى بخيبة وهدوء حط ايده على عينه وراسة : كان بيعرض مساعدته علشان نلاقي هيوك
سورا بسرعة : مساعدته يعني يعرف حاجه ؟ طب وانت قولت ايه ؟
شال مينى ايده من على راسة وعينه وبصلها : لسه بيدور وانا قبلت مساعدته
سورا ابتسمت وبصت لكيونا اللي بدوره هو كمان ابتسم

الوضع اليوم ده فضل هادي وتاني يوم كمان مش بيعكره غير صور هيوك اللي بتوصل لميني لحد ما وصل شيون .. اول ما سورا شافته دخلته علي المكتب اللى مينى قاعد فيه

اول ما شافه مينى ساله بسرعة : ها وصلت لايه ؟
شيون بابتسامه : وصلت للراجل .. اي نعم طلب مبلغ كبير بس مش مشكله كله علشان هيوك
مينى بسرعة والامل بدا يتسلل لقلبه تانى : مش مهم يطلب اللي يطلبه المهم يكون اداك العنوان
طلع شيون ورقة من جيبة : اداني العنوان .. اتفضل .. وسلم الورقه لميني اللي اخدها من ايده بسرعه
مينى وقف من مكانه بسرعة  : طيب يلا بينا
وقف شيون هو كمان : هنروح لوحدنا
مينى : لا طبعا هاخد الحرس اللي معايا

جهز ميني نفسه وبلغ الحرس اللي علي بيته ان نصهم هيجو معاه و الباقي هيحرس البيت
جريت سورا وراهم : ميني
لفلها مينى وهي راحت وحضنته جامد والدموع بدات تخرج من عينها تانى : ارجعو انتم الاتنين كويسين

جه كيونا وقف ورا سورا وبص على مينى اللى ابتسمله وشاورله بعينه انه ياخد باله من سورا وكيونا هز راسة
حضنها ميني وبعدين سابها ومشي ركب عربيته وجنبه شيون و الحراسه في عربيه تانيه وراحو للعنوان اللي مكتوب علي الورق وبعد ساعة وصلو للمكان

* منطقه مهجوره وسط ارض المباني فيها قليله و بعيده عن بعض .. المبني المطلوب طبعا شكله مهجور مبني دور واحد ليه باب واحد رئيسي من جوه متقسم اوض .. الاوض عازله للصوت يسونغ مخليه للاعمال الغير مشروعه .. واقف علي الباب الرئيسي رجلين حراسه ومن جوه الرجاله منتشره في قلب المبني وعند اوضه معينه واقف عليه 4 رجاله حراسه *

وصلت العربيه المكان ده ووقفت جنب المبني علشان محدش يشوفهم مينى بيفتح الباب علشان ينزل حط شيون ايده علي كتفه
شيون : بلاش انت تنزل
بص مينى على ايده اللى على كتفه وبعدين بص عليه : انت بتهزر اخويا جوه وانت عايزني ابقي هنا
شيون بيحاول يقنعه : دخولك معانا جوه ده هيعرض حياتك انت و اخوك للخطر ومش هتعرف تتحكم في اعصابك وهو هيشوفك مش هيعرف يتحكم في نفسه بردو في الحالتين ده خطر عليه انا هطلعهولك وانت اتصرف بعدها
غمض مينى عينه وهز راسه بعد ما اقتنع بكلام شيون .. نزل شيون واخد الحراسه معاه اللي كان عددهم 7 وبما ان اللي علي الباب 2 و شيون واللى معاه 8 قدرو انهم يتخطو الباب الرئيسي بسلام بعد ما ضربو الحراسه اللي علي الباب و ربطوهم كويس زي ما امر ميني علشان يتسلمو للشرطه
شيون بصوا واطى : فاضل العقبه الكبيره المكان مليان اوض ياتري انهي اوضه اللى فيها هيوك .. انا مش سامع اي صوت طالع من الاوض
.... : علشان الحوائط دي كاتمه للصوت

بيلف شيون علشان يشوف مين اللى اتكلم .. استقبله بوكس في وشه ( كان فرد من العصابه ) وقع شيون علي الارض .. اتجمع الحراسه بتاعت مينى اللى اتفرقو عشان يدورو على هيوك بس بعد ما شافو الشخص بيضرب شيون جريو عليه
شيون وهو بيقوم من علي الارض وبيبتسم : فكره كويسه بردو

في اللحظه دي اتجمع افراد العصابه وحصل اشتباك بين الطرفين طرف مينى  8 و طرف ييسونغ 10 بعد اشتباك دام فتره فاز طرف مينى بعد اصابات من الطرفين بعد فوز شيون ربط رجاله العصابه علشان يقدموهم للشرطه وحطوهم في اوضه علشان لو في رجاله تانيه متشفهومش .. وصلو عن اوضه عليها 4 حراس
شيون بابتسامه نصر : لقينا هيوك… وجه كلامه للرجاله : عايزكم تاخدو بالكم انتم مصابين يعني قوتكم ضعيفه مهما كان العدد اكتر منهم بس هما اقوي مش عايز تهور .. انتم اشغلوهم وجمعوهم كلهم فى مكان واحد عشان نسلمهم للشرطة بعدين .. خدو بالكو من نفسكم مش عايزين اى تهور وانا هدخل اخد هيوك

هز الرجاله راسهم بالموافقه وابتدو يتحركو معادا شيون اللي مستني فرصه يعرف يدخل عند هيوك عند الرجاله اللي بتحرس الاوضه اللي هجم عليهم رجاله شيون اعتمدو علي عنصر المفاجئه وسط الاشتباك اللي حصل شيون انتهز الفرصه ودخل علي هيوك فتح شيون الباب بسرعه ودخل وقفل الباب وراه بص قدامه لقي هيوك قاعد علي الكرسي مربوط ايده لورا شعره منكوش وهدومه مقطعه وفي علامات ضرب زرقا علي جسمه ووشه فيه دم واماكن فى جسمة فيها دم و منزل راسه للارض

جرى شيون على هيوك وبدا يهزه : هيوك … هيوك .. بس هيوك مش بيرد عليه ومفيش اى استجابه منه .. رفع شيون وش هيوك (وشه شاحب و شفايفه عندها دم مكان الضرب وكان مغمي عليه ) فكه شيون وشاله علي ظهره وطلع بسرعه بيه علي عربيه مينى اللي اول ما شافه جاى عليه نزل من العربية

مينى بخوف : هيوك …هيوك .. هو ماله ؟
شيون بسرعة : افتح العربيه الاول خلينا ناخده للمستشفي

راح ميني فتح العربيه لشيون اللي دخل هيوك علي الكرسي اللي ورا و قعد جنبه ميني و حط راس هيوك علي رجله وشيون قعد في الكرسي اللي جنب السواق
شيون للسواق : اطلع علي اقرب مستشفي
ميني وهو حاطط راس هيوك علي رجله و بيمسح علي راسه و عينه فيها الدموع علي منظر اخوه : هيوك… اصحي .. هيوك فتح عينك يلا هاخدك لسورا وكيونا

بعد فتره وصلو المستشفي اول ما وصلو نزل شيون ينادي حد من الممرضين يجي ياخد هيوك بسرعه .. جه معاه 2 ممرضين حطو هيوك علي السرير و اخدوه للاوضه للدكتور يشوفه

في الفتره اللي هيوك عند الدكتور كان ميني رايح جاي قدام الاوضه وعمال يفرك ايده مع بعض من القلق وقت افتكر سورا كان متردد يكلمها علشان ميقلقهاش علي هيوك لما تعرف انه في المستشفي في الوقت ده خرج الدكتور راح ميني بسرعه عليه وكان واقف وراه شيون
مينى بخوف : دكتور طمنى ؟

الدكتور : هو كويس .. احنا عالجنا جروحة وعنده شويه كدمات مع الراحه هيكون احسن
مينى بقلق : اومال ليه مغمي عليه ؟
الدكتور : هو جسمه ضعيف ومستحملش اللى حصله وكمان اتعرض لصدمه…  هو لسه مفاقش احنا حاطينله محاليل وان شاء الله يفوق بسرعه
اتنهد مينى : شكرا يا دكتور
الدكتور : العفو ده واجبي ومشي
طلع ميني الفون علشان يكلم سورا اللي اول مارن عليها فتحت علي طول : ها لقيته؟ جبته معاك؟ انتم فين ؟
مينى :  اه لاقيته وهو معايا .. سكت شويه بس احنا فى المستشفي
سورا بصوت عالى وفزع  : ليه ؟ هو ماله .. سمع كيونا صوتها وجرى عليها
مينى بيحاول يهديها : هو كويس الدكتور طمني وكان لازم اخده المستشفي علشان اطمن عليه
سورا عماله تعيط : مستشفي ايه ؟.. انا جايه حالا

اول ما كيونا سمع سيرة المستشفى الرعب دب فى قلبه انه يكون حصل حاجة لهيوك
مينى : مستشفى *****

قفلت سورا معاه وطلعت تجرى من البيت وكيونا راح وراها .. في الوقت اللي مينى مستني سورا تيجي للمستشفي استاذن من الدكتور علشان يدخل لهيوك .. دخل مينى كان هيوك نايم علي السرير لابس لبس المستشفي محطوطله المحلول و نايم .. قعد ميني علي كرسي جنب السرير و مسك ايد هيوك : انا اسف هيوكي انا السبب في اللي انت فيه دلوقتي .. مكنتش اتخيل انك ممكن تتاذي بسببي في يوم .. ياريت تسامحني لما تفوق واوعدك مش هسيب حقك من اللي عمل فيك كده..  وبعدها بشوية خرج قعد بره

بعد ساعه وصلت سورا و معاها كيونا المستشفي .. اول ما شافهم مينى قام ومعاه شيون
جريت سورا على مينى ومسكت ايده وهى بتعيط : هو فين ؟ عايزه اشوفه
ساب مينى ايدها ومسكها من كتفها : في الاوضه .. الدكتور مانع عنه الزيارات علشان يرتاح .. متخافيش الدكتور طمني انه وقت ما يفوق ممكن يروح معانا هو بس محتاج للراحة

قعدت سورا و جنبها كيونا و ميني و شيون واقف جنب ميني .. سورا بتحاول تمسك نفسها من العياط و بتدعي ان هيوك يكون كويس .. وميني سرحان في حال هيوك .. وكيونا لسه مصدوم من اللي بيحصل حوليه

بعد فتره  سمعو صوت صراخ من اوضه هيوك و الممرضات بتجري علي الاوضه والدكتور وراهم .. قام مينى وكيونا وسورا جريو علي اوضه هيوك لقوه فاق وبيصرخ وبيعيط .. مهديش غير لما الدكتور اداله حقنه مهدئه

اتملك الغضب من مينى على حال هيوك اللى وصله بسبب يسونغ واللى عمله فيه .. بص لشيون بغضب وعصبيه : هاتلي يسونغ من تحت الارض وانا هديك اللى انت عايزة
ه له شيون راسه و خرج .. وقتها قرب ميني من سورا اللي كانت قاعدة على ركبها على الارض بتعيط علي شكل هيوك .. نزل كيونا جنبها يحضنها ويعيط هو كمان وهى ماسكه فيه قوى .. قومهم مينى وحضنهم .. وبعد فترة خرجو من الاوضه وسابو هيوك عشان يرتاح

تسريع للاحداث

سمح الدكتور لهيوك انه يخرج من المستشفي و يكمل علاجه في البيت .. بعد وصوله البيت مبقاش يقدر ينام لوحده لازم حد معاه ولو نام وحده يصحي يصرخ

شيون فعلا لقي طريقه يخطف بيها يسونغ .. وطبعا هي عن طريق رشوه رجالته .. اخده لمكان شبيه للمكان اللى كان خاطف هيوك فيه .. وقتها مينى ابتدي يستخدم معاه الاساليب اللي كان بيعملها مع هيوك في البدايه .. وبعد كده ابتدت اساليب التعذيب تتغير لحد ما ميني قتل يسونغ .. ودي كانت بدايه ميني في طريق الاجرام ( اول عمليه قتل ليه  )

بعد فتره هيوك اتعالج وابتدي يمارس حياته بطبيعيه ويروح مدرسته تاني بس المره دي هو و كيونا مش بيفترقو ولو لدقايق

شيون بقي دراع ميني اليمين و مساعده في كل حاجه

ابتدي ميني في اعماله الغير مشروعه وده في وجهه نظره كده هو بيحمي عائلته من اي خطر

بعد انتهاء مرحله الثانوي لهيوك و كيونا صممت سورا انهم يسافرو لامريكا بحجه الدراسه .. بس السبب الحقيقي انها بتحمي هيوك وكيونا من ميني اللي اتحول من الشخص الطيب لزعيم عصابه و رفض ميني الرجوع عن اللي بيعمله

----------------- 

BY

D&E

Lolo Adel  

Emy Tarek