Catch Him
الحب… العائله و الصداقه
اهم حاجه فى حياتنا .. بس لو اتحطينا فى اختيار
بين حاجة منهم والتخلى عن
الباقى .. هنختار ايه ؟..
هل ممكن حاجة واحدة منهم تكون كافية عن الباقى ؟ ..
طيب لو مقدرناش نختار حاجة او مقدرناش نتخلى عن الباقى ؟..
هل دى تبقى انانية مننا ؟ ..
ممكن بدل ما ناخدهم كلهم .. نخسرهم كلهم ؟..
بس السؤال الاهم هل ممكن نخسر نفسنا كمان معاهم ؟ ..
طيب لو كل دول دخلو فى مقارنة
مع الواجب واللى لازم يحصل .. هيكون ايه الاختيار ؟..
محدش عارف ايه الاجابة ..
حتى ابطال قصتنا وقعو فى نفس الحيرة بس هل هيقدرو يختارو حاجة ؟ ..
ولا هيخسرو كل حاجة ؟
هيوك
شاب عنده25 سنة .. كان عايش بره كوريا ولسه راجع .. من عيله غنية بس
مش عايش معاهم ولانه عايز يستقل بحياته فتح محل ملابس .. حياته فيها
اسرار كتيرة ومتلغبطة .. ودايما يبدخل فى حاجات مش هو السبب فيها .. وبيتحمل
النتيجة لحد ما يقابل لولو ومن هنا حياته هتبدا تتغير .. هل هينجح فى انه
يبدا حياه مختلفة.. ولا الاسرار اللى فى حياته هتدمر كل احلامه ؟
لولو
عندها 24 سنة .. بتشتغل ظابط ومش حاسة انها بنت وعايشه فى دور الولد
.. كل اللى حواليها بيقولولها يا كابتن .. بس فجاه هتدخل فى موضوع كبير من
غير ما تحس بسبب هيوك .. هيكون ايه رد فعلها لما تكتشف الاسرار اللى فى
حياه هيوك .. وهل هتقدر تتعامل معاها ولا هتهرب منها ؟
دونى
اخو لولو عنده 27 سنة .. ظابط وهو السبب فى انها تبقى ظابط زيه .. وخطيب
ايمى .. طيب وعسول وكل اللى يعرفه يحبه .. مش بيثق فى اى حد بسهولة
ودايما بيخاف على اللى حواليه .. ولو اى حد حاول ياذى حد بيحبه بيتحول لشخصية
عنيفة .. او ياترى هيعمل ايه لما اقرب حد ليه يتاذى ؟
ايمى
عندها 24 سنة .. بتشتغل مدرسة اطفال عشان كده اللى حواليها يبنادوها
ابله .. عايشة مع هنرى وريما اختها الصغيرة بعد ابوها وامها ما ماتو .. صاحبة
لولو من ايام الطفولة .. خطيبة دونى وبتموت فيه
تشولا
عنده 29 سنة
.. ظابط وشريك دونى مرتبتة اعلى منه .. زكى جدا .. عصبى وبينفعل بسرعة .. بس بيحكم عقلة ومش
بيسمح لانفعاله يتحكم فيه .. متقلب المزاج .. عنده اصرار ومش بيحب انه يفشل او حاجة تقف قدامه ..
بيتضايق من هنرى وعاملين زى القط والفار .. وبيحب هيمى
هيمى
عندها 24 سنة .. عاطلة عن العمل .. عايشة لوحدها ..صاحبه ايمى من
الجامعه واتصاحبت على لولو بسبب ايمى .. ودايما بتبقى السبب فى الخناق
والمناقرة بين تشولا وهنرى .. وده شئ بيفرحها .. بس هى هتختار مين فيهم فى
النهاية ؟
هنرى
عنده 22 سنة .. اخو ايمى .. ظابط وشريك لولو ودايما بيعملو مصايب فى
شغلهم .. شقى جدا .. بيحب يضايق تشولا جدا تعتبر هواية عنده .. ومتمرمط
يا عينى من كل اللى حواليه خصوصا ثلاثى الشر ” لولو – ايمى – هيمى ” .. بس هل
هيسكت على اللى بيحصل فيه ولا هيكون ليه رد فعل ؟
هيظهر شخصيات تانية كتيرة فى القصة وليها احداث
مهمة بس مش هنعلن عنها وقتى
اولا : هااااااااى .. يارب تبقى دى بدايه كويسة
للالف المصرى كله والعربى
ثانيا : انا عارفة ان القصة
دى نزلت قبل كده من اكتر من سنة بس مش كاملة .. ودلوقتى هنرجع ننزلها
تانى .. ويارب تبقى مش اخر قصة لينا معاكو
ثالثا : القصة دى اول قصة نعملها ..
اتمنى انها تعجبكو ..
احنا مستنين رايكو وانتقاداتكو .
BY
D&E
Lolo Adel
ليست هناك تعليقات:
إرسال تعليق