Catch him .. Part 18

Catch him .. Part 18

تانى يوم كان تشولا ودونى كالعادة بيتابعو مع المراقبة اللى عند قصر سونغمين والمراقبة اللى على جون

دونى بيكلم المراقبة اللى على قصر سونغمين : ايه الاخبار مفيش اى حاجة جديدة ؟

المراقب : الدنيا هادية جدا ومفيش اى حاجة

دونى : فتحو عينكو كويس مش عايز النملة تعدى من غير ما نعرف

المراقب : تمام متقلقش حضرتك .. وقفل معاه

تشولا من ناحية تانية بيكلم المراقبة اللى على جون : ها ايه الاخبار ؟

المراقب : فى اتنين جم لبيت جون من ربع ساعة

تشولا بامر : عينكو فى وسط راسكو .. واول ما ينزل اللى عنده تعرفونى

المراقب : حاضر .. وقفلو

دونى بص لتشولا واتنهد : المدة اللى جون ماجر فيها الفيلا هتخلص كمان يومين ولسه محصلش اى حاجة تثير الشك او حتى اتقابلو مع سونغمين تانى

مسك تشولا القلم وفضل يخبط بيه على الطرابيزة : العملية دى مش لازم تروح من ايدينا

فجاه المراقب اللى على قصر سونغمين كلم دونى : سونغمين خرج من القصر ومعاه رجاله كتير وعربيات كتيرة

قام دونى وقف واتكلم بجدية : خليك وراهم اوعى يضيعو منك

تشولا : اكيد هيعمل حاجة النهاردة طالما خارج بالطريقة دى

دونى للمراقبة : انتو فين ؟

المراقب : دخلو على الطريق السريع

دونى : والمراقبة التانية فين ؟

المراقب : اتحركت هى كمان معانا واحنا الاتنين بنتابعهم على الطريق

دونى : اوعى يهرب منكو انا ...

فجاه المراقب قاطعه : يا فندم العربيات بتاعتهم اتفرقت كل واحدة دخلت ف طريق

تشولا قام بسرعة وكلم هو المراقب : انتو مش عارفين انهى عربية هى بتاعت سونغمين

المراقب : كلهم راكبين عربيات نفس النوع والشكل

مسك تشولا كل الاوراق اللى كانت على المكتب ورماها وقبل ما يرمى اللاسلكى اللى بيكلم بيه المراقب اخده منه دونى وكلم المراقب : مقدمناش غير ان كل واحد منكو يمشى ورا عربية يمكن يكون هو فيها .. وقفل مع المراقب

تشولا والشرار طالع من عينه : مينفعش القضية تبوظ بالطريقة دى .. كل ما احطله خطة يعرف يهرب منى

حط دونى ايده على كتف تشولا : لسه فى امل قدامنا .. جون لسه ف بيته والمراقبه عنده

تشولا اخد مسدسه والسترة الواقية من الرصاص : انا مش هستنى لحد ما يضيع مننا يالا بينا هنروحله دلوقتى

اخد دونى مسدسه هو كمان والسترة وخرج ورا تشولا

وهما فى الطريق كلمتهم المراقبة التانية : جون نزل والاتنين اللى كانو عنده نزلو معاه وهو بيتكلم ف التليفون .. بس هو ركب ف عربية وهما ف عربية تانية

دونى بتفكير : اطلع ورا جون وخليك وراه خطوة بخطوة

تشولا باستغراب : ايه اللى خلاك تقوله يفضل ورا جون

دونى : لان هو ده المطلوب اكيد طالما مينى خرج بنفسه يبقى هيروحله جون بنفسه

تشولا : كلم المراقبة تانى شوف حصل ايه احسن يضيع منهم هو كمان

دونى كلم المراقبة : ايه الاخبار ؟

المراقب : احنا ماشين وراه وورا عربية الحراسة اللى معاه مش هيضيع مننا

دونى : انتو فين دلوقتى ؟ احنا جاينلكو

المراقب : احنا ف منطقة ******

رفع تشولا حواجبه باستغراب : ايه اللى موديه هناك المنطقة دى كلها فنادق ومطاعم

دونى للمراقب : خليك وراه واحنا معاك لحد ما يوصل

بعد شوية وصل جون والحراسة اللى معاه لمطعم ودخل اوضه مغلقة

المراقب كلم دونى : الهدف وصل لمطعم ****

دونى : احنا جاين حالا .. وقفل مع المراقب

تشولا بيكلم نفسه : لو النهاردة يوم تنفيذ العملية ايه اللى مودية المطعم وقاعد فى اوضه مغلقة وبعدين بص لدونى : مش ده اقتراحك اننا نراقب جون لما نشوف هيوصلنا لايه

بلع دونى ريقة من القلق وفضل باصص قدامه .. وتشولا بيسوق عربيته بطريقة اسرع لحد ما وصل المكان

فى الغرفة المغلقة فى المطعم

مينى بهدوء بيبص على جون اللى لسه واصل وبيشاورله عشان يقعد قدامه

جون سحب الكرسى وقعد : ارجو انى مكنش اتاخرت عليك

مينى بهدوء بردو : لا خالص انا اللى وصلت بدرى

جون بتشويق : البضاعة وصلت ولا لسه

مينى بنفس نبرة الهدوء بص فى ساعته وبعدين بص لجون : دلوقتى رجالتى وصلو المكان اللى هيقابلو فيه رجالتك ويسلموهم البضاعة

مسك جون تيلفونه : هكلم الرجاله اعرف البضاعة جت ولا لاء

هز مينى راسه بالموافقة وفضل باصص على جون

جون وهو بيتكلم فى التليفون : وصلت ... تمام .. شيكت عليها .. خلاص ماشى .. سلام .. وقفل

مينى : اتطمنت على الجزء اللى يخصك وسلمتلك البضاعة ؟.. فاضل بقى تسلملى اللى يخصنى

طلع جون اللاب توب بتاعه وبدا يكتب عليه شوية حاجات : وانا هحولك الفلوس حالا

طلع مينى ورقة ومدها لجون : الفلوس كلها تتحول على الحساب ده

بص جون للورقة : بس الحساب ده غير الحساب اللى كان معايا

حرك مينى ايده على شعره : ده حساب بره البلد .. يكون افضل لو الفلوس كلها اتحولت عليه

هز جون اكتافه : اللى يريحك .. انا كل اللى عليا احولك الفلوس فى المكان اللى انت عايزة

وبعد دقايق جت رساله لمينى بالتحويل لحسابه الخارجى

ابتسم جون : المبلغ وصل ؟

ابتسمله مينى ومد ايده يسلم عليه : وصل واتمنى اننا نتعاون مرة تانية مع بعض

سلم جون على مينى : ده شئ اكيد .. هنتعاون تانى فى اقرب فرصة

قام مينى من على كرسيه : انا همشى دلوقتى  وانت شوية وابقى اخرج .. وسابه وخرج

بص جون على مينى من فوق لتحت : مغرور واحمق وغبى

خرج مينى واتكلم فى الفون : شيون المهمة انتهت والفلوس اتحولت .. اخرج انت والرجاله من عندك

شيون : تمام احنا كمان سلمنا البضاعة وهنخرج حالا .. وقفلو

فى الوقت ده خرج جون من المطعم وركب عربيته .. وبمجرد ما خرج شافه تشولا اللى كان لسه واصل .. وطلع رواه .. وصل الميناء وشافوه وهو واقف بيكلم رجالته اللى استلمو الشحنة وبيشاولوله عليها .. فى الوقت ده قرر تشولا ودونى بمساعدة المراقبة اللى كانت معاهم انهم يهجمو على المكان بعد خطه سريعه من تشولا .. بدا الهجوم باشاره من ايده علشان يضمن انهم يوصلو للشحنه و يقبضو علي جون و اللي معاه .. وفي نفس الوقت يضمن سلامه المجموعه اللي معاه .. بعد ما خلص امر بالهجوم .. ولان الهجوم كان مفاجئ فالمقاومة مكنتش كبيرة من جون ورجالته .. حصل ضرب نار .. وف وسط ضرب النار حاول جون انه يهرب .. ضرب دونى الرصاص ناحيته خلته يستخبي ورا حاويه .. لحد ما قدر تشولا ودونى واللى معاهم انهم يقبضو ع جون واللى معاه بعد ما مات منهم اشخاص واتصاب تانين .. وقدرو يحرزو البضاعه كلها

في اثناء التحقيق مع جون كان توشلا قاعد قدامه بيستجوبه بنفسه : مين صاحب الشحنة دى ؟

جون : انا معرفش اى حاجة عنها

قرب تشولا من جون : اومال انت كنت فى نفس المكان بتعمل ايه ؟

جون ببرود : انا مش هتكلم غير فى وجود المحامى بتاعى وواحد من سفارة بلدى

بصله تشولا شوية وهز راسه : ماشى

فى نفس اليوم بالليل دخل شيون لمينى وهو واضح على وشه الارتباك والضيقة

مينى بهدوء : فى ايه ؟.. غريبة يعنى انى اشوفك مرتبك ومتضايق كده ؟

رفع شيون عينه لمينى  : جون اتقبض عليه فى المينا والبضاعة احرزت كلها

فتح مينى عينه على اخرها والشرار طلع من عينه : ازاى الكلام ده حصل

شيون : بعد ما مشينا احنا ووصل جون فجاه هجمت الشرطة عليهم وحصل اللى حصل

مينى والغباوة والغضب بداو يتملكو منه : مين اللى قبض عليه وحرز البضاعة ؟

شيون : هيتشول ودونغهى

مينى بعصبية : ازاى وصلولهم احنا مش هربنا من المراقبة اللى كانت علينا

بلع شيون ريقه لان مينى وهو غضبان بيبقى اسوء من اى حد عرفه ف حياته : ايوة اتخلصنا منها .. انا مش عارف ازاى ده حصل

مينى بعصبية وصوت عالى : انت بتسالنى انا

سكت شيون ومقدرش يرد على مينى اللى فجاه وشه احمر من الغضب

مينى والشر والغضب فى عينه : انا هعرفهم هما بيتحدو مين 

تانى يوم فى مركز الشرطة .. دخلت لولو وهنرى المكتب لاقت صندوق كبير محطوط على مكتبها .. استغربت لولو من شكل الصندوق وقربت عشان تفتحه بس سبقها هنرى وفتحه

هنري باستغراب وهو بيشاور على اللى فى العلبة : لولو ايه ده ؟
لولو بتمد ايدها تشيل الهديه من العلبه : انت شايف ايه ؟
هنري بصدمه : فستان… اشتريتي فستان تاني ؟ انا مش مرتاحلك
لولو باستغراب من الهديه : انا مشترتش حاجه ده…

في الوقت ده وقع كارت علي الارض رفعته لولو لاقت مكتوب فيه .. دي هديه بسيطة اتمني يعجبك وتلبسيه في عيد ميلادك .. ابتسمت لولو و قربت الفستان منها كانها بتجربه

 *وصف الفستان … كان ابيض في روز قصير للركبه ضيق وفى النص حزام رفيع ابيض و اكمام كت *

ضيق هنري عينه و بيقرب وشه من لولو : مش قولت مش مرتاحلك
خبطته لولو ع راسه : احم .. ركز في القضيه
حط هنري ايده مكان الخبطه : هيجيلي ارتجاج او تخلف مبكر من الضرب ده
لولو بابتسامه : لسه هيجيلك تخلف … المهم ركز في القضيه بقي
هنري : ماشى .. بس ابقى افتكريها

 
حطت لولو الفستان فى علبته وقفلتها وبعدين قعدت على مكتبها وبصت لهنرى : مش واخد بالك من حاجه
هنري انتبه لها بس متكلمش
لولو : ان عدي اكتر من شهر و محصلش اي حاجه القاتل منفذش جريمه
هنري بيفكر : ممكن يكون خاف بعد ما كنا هنقبض عليه المره اللي فاتت وهياخد وقت علي ما الشرطه تنسي او هيغير نوعيه البنات اللي بيقتلهم او طريقته..  وبعدين احنا حاطين شرطه في المنطقه اللي بينفذ منها .. يعني لو في اي حاجه غلط هتوصلنا .. متنسيش انه ضربك .. انا بقول انه خايف ده اقرب حل
لولو : مش عارفه .. المهم نفضل مفتحين عينا كويس  

عدى باقى النهار وكل واحد بيشوف شغله .. لحد ما جه الليل .. راحت هيمي و ايمي ودونى بدري النادي علشان يظبطو الدنيا لعيد الميلاد قبل ما لولو توصل

كانت هيمى لابسه جيبه سودا وعليها بادى اخضر فاتح ومرسوم عليه قطة كيتى

وايمى ودونى كانو لابسين لبس كوبل الاتنين لابسين بنطلون جينز باللون الابيض وايمى لابسه تيشيرت باللون اللبنى ودونى لابس تيشيرت باللون الازرق ومرسوم عليهم ميكى ماوس .. وف عز ما هما بيحضرو كل حاجة اتصلت لولو بهيمى وهى جايه ف الطريق

لولو بصوت عالى لانها مشغلة اغانى فى عربيتها بصوت عالى : انتم فين ؟
هيمي : في النادي بنظبط الدنيا .. تقريبا خلصنا مستنيكم بقي
لولو : عموما انا جايه في السكه وهنري هيخلص حاجه وجاى .. وقامت مصرخة : ياااااااااااااى
باعدت هيمي الفون عنها : ماشى .. سلام .. ووجهت كلامها لايمي لولو في السكه قربت توصل

هزت ايمي راسها وسابهم دونى وراح يجيب التورتة والجاتو .. قعدت هيمي وايمي يتكلمو لحد ما لولو ما وصلت اول ما شافوها وقفو و فضلو باصين عليها
ايمى بسخرية  : ايه يا كابتن هو عجبك وضع الفساتين ولا ايه ؟
هيمي : اكيد لازم يعجبها مش حبيب القلب قال عليها حلوه فيه
حطت لولو ايدها على وسطها : ده هديه من هيوك لعيد ميلادي وقال عايزنى البسه النهارده
ايمي و هيمى خبطو كفهم مع بعض : اااااااااااااه قولتيلي .. وضحكو

فضلو الثلاثة يتكلمو .. لحد ما وصل هنري و معاه اخته الصغيرة ريما
ايمي : ريما حبييييبة اوني .. وحشاني
جريت ريما علي ايمي و حضنتها
ايمي موجهه كلامها للولو : صح يا لولو ماما و بابا مش جايين ليه ؟
رفعت لولو اكتافها : اتحايلت عليهم قالو خليكم انتم استمتعو باليوم .. تقريبا قرفو مننا و ماصدقو يبقو لوحدهم ههههههه

بدا يوصل اللى عزماهم .. ووصل دونى بالحاجات ومعاه تشولا .. وبعدهم وصل هيوك وكيونا .. اول ما لولو شافتهم ابتسمت ابتسمه واسعة وعينها لمعت

تشولا كان لابس بنطلون ابيض وعليه سويت شيرت باللون الزيتى الفاتح

هيوك كان لابس بنطلون اسود وعليه قميص ابيض وعليه جاكت كت اسود " بليزر "

كيونا كان لابس بنطلون جينز ازرق وقميص اسود مفتوح وتحته تيشيرت ابيض 

ايمي بصوت عالى : يلا يا جماعه عشان تطفي الشمع
لولو وقفت مكانها وربعت ايدها : لا مش هطفي شمع غير لما اخد الهديه .. اللي مجابش هديه يروح يلا
تشولا بيرفع حاجب : نعم ؟ يروح !!!
لولو : الكلام مش ليك خالص .. انت بالذات كفاية انك جيت

ابتسم تشولا وطلع علبه صغيره : اتفضلى يا ستى هديتك

اخدتها لولو والسعادة مالية وشها واول ما فتحتها اختفت ابتسامتها ورفع حواجبها باستغراب : ايه ده ؟

تشولا : مش عجباكى ؟

لولو : انت جايبلى هدية فلوس

تشولا : معرفتش اجيبلك ايه قولت اديكى حقك ناشف وانتى هاتى اللى انتى عيزاه .. بس لو مش عاجبك هاتيها

ومد ايده عشان ياخد العلبه باعدت لولو ايده وخبت العلبة ورا ضهرها : لا دى هديتى .. كوماوووو اوبا .. و باست خد تشولا

بعد كده قربت منها هيمى واديتها شنطة كبيرة فتحتها لولو لاقت شنطة وجزمة شيك جدا

هيمى بتغمز للولو : اعتقد من هنا ورايح هتستخدمى الحاجات دى زينا كلنا

لولو بصتلها : انتى اللى دايما بتهتمى بحاجات البنات دى .. لو مكنتيش بتجبيهالى عمرى ما هفكر اجيبها

هيمى بتغيظها : انتى قلبتى انسة خلاص يعنى هتحتاجى منهم
لولو بنرفزه: ياااا اومال انا كنت ايه ؟
هيمي : كابتن و طلعت لها لسانها

كانت لولو لسه هتجري ورا هيمي بس وقفها دوني و ايمي قدمولها الهديه عباره عن علبه صغيرة قطيفة
لولو بصوت عالى بفرح  :وااااااااااااااااو تحفة .. مش مصدقة نفسى

قرب منها دونى وشال الانسيال من العلبه ولبسهولها : كل سنة وانتى طيبة يا اشقى اخت فى الدنيا

اتشعلقت لولو فى رقبته وحضنته جامد : وانت طيب يا احلى واطيب اخ فى الدنيا

ايمى جت وقفت جمبهم وحطت ايدها فى وسطها : طب وانا مليش من الحب جانب على فكرة انا اللى مقترحة الهدية دى

سابت لولو دونى وحضنت ايمى : حبيبتى يا ايمى ربنا يخليكى ليا

فجاه لاقت حد بيشدهم من تحت بصو عليها لاقو ريما ماسكة مصاصة وبتمدها للولو

وطتلها لولو وشالتها : حتى انتى يا فتكات جيبالى هدية وراحت بيساها

جه هنرى وقف قدام لولو وقدملها علبه كبيرة .. بصتله لولو اخدت منه العلبه فتحتها وراحت مصرخة فى وشه وبدات تضربه : هو انا بستخدم الحاجات دى يا اهبل اخواتك

هنرى وهو بتفادى الضرب : مانا بعد الفستان ملاقتش غير دى اجيبهالك يمكن تنفعك

جه دونى سحب هنرى من ايد لولو : هو جابلك ايه عشان كل ده

طلعت لولو اللى فى العلبة : جايبلى مكياج الاستاذ

هنرى : انا عارف انها مش هتعجبك عشان كده عندى ليكى هدية تانية

لولو نزلت الهدية وربعت ايدها : اتحفنى

حط هنرى ايده ف جيب بنطلونه : تذاكر لمدينة الملاهى على حسابى

فجاه البنات صرخت وراحو كلهم حضنو هنرى او فعصوه بمعنى ادق

هنرى : النجدة يا قوم .. الحقونى هيخلصو عليا

سحب دونى ايمى ولولو .. وتشولا سحب هيمى 

اتنحنح كيونا بصوت عالى وقدم علبه للولو: كل سنة وانتى طيبة يا لولو ويارب الهدية تعجبك

فتحت لولو العلبه وهى باصه لكيونا : اكيد هتعجبنى .. كفاية انها منك ..واول ما عينها وقعت على الهدية بلمت وبصت لكيونا تانى

لولو بتعابير وش هبله : ده ليا انا

كيونا بارتباك : لو مش عجبك انا ممكن اجيبلك اللى انتى عيزاه

لولو حضنت الهدية وبصلتله كانه عايز ياخد عيل من عيالها : هو ايه اللى مش عاجبنى انا مش عايزة اكتر من كده فون احدث موديل

ايمى قربت من هيمى وهمستلها : البت لولو دماغها ضربت خلاص

هيمى بصتلها وبنفس الهمس : هى ضاربة من زمان اصلا

وفجاه لاقو هنرى ناطط بينهم : اروح اقولها كنتو بتقولو عليها ايه وهتيجى تطلع الجنان عليكو ساعتها

ضربته هيمى على كتفه وايمى على دماغه فى نفس الوقت .. بعدها سمعت لولو حد بينادى عليها خرجها من الهبل اللى كانت بتعمله

هيوك بابتسامه : لولو

لفت لولو وابتسمت لا اراديا لما شافت هيوك وابتسامته .. مد ايده بعلبه صغيره : كل سنة وانتى طيبة .. دى هديتى ليكى بس اتمنى انك متفتحيهاش وقتى

لولو : بس انا عايزة اعرف هى فيها ايه

قرب منها خطوة وقالها بصوت هادى ورقيق : هتشوفيها بس مش وقتى لان ليها جزء تانى لازم الاتنين يبقو مع بعض عشان تبقى قيمتها احلى

بصتله لولو والحيرة على وشها وبصت على العلبة وبعدها بصت عليه تانى وابتسمت : ماشى مش هفتحها وقتى .. بس انت كده شوقتنى اعرف هى ايه

هيوك : وانا اتمنى انها تعجبك 

البارت الجديد هينزل كمان شوية 

----------------- 

BY

D&E

Lolo Adel  

Emy Tarek