Catch him .. Part 12
تشولا : بحبك يا هيمي
ابتسمت هيمى ووشها احمر من الخجل ومعرفتش ترد
وقتها اخدها تشولا فى حضنه تانى
هيمي : تشولا انا لازم ارجع بيتي تانى
تشولا بصدمة : نعم .. وباعدها عن حضنه وبصلها
بعيون متسعة : وهو ده وقته
هيمى بضحكة : ماهو مينفعش اني افضل قاعده هنا
اتنهد تشولا : لا انا هشوفلك بيت تاني
.. بيتك مبقاش امان ومقدرش اسيبك لوحدك خصوصا
ان اهلك مسافرين ومش عايشين معاكى
هيمي : و الفتره اللي هتشوف فيها البيت انا
هقعد فين ؟
تشولا بنظره خبث : اقعدي هنا معايا
هيمي بصدمه : نعم ؟
ضحك تشولا علي شكلها :
هههههههههههههههههههههههه اقعدي عند لولو .. اهو تسلو بعض
هيمي
:
نسلي
بعض .. بتكلم كيس ترمس حضرتك
تشولا : لا بوكيه ورد
هيمي اتكسفت : احم احم انا هكلم لولو
تيجي تاخدني .. هخش اكلمها جوه
دخلت هيمي الاوضه وقلبها بينبض جامد و اتصلت
علي لولو
لولو : يوبوسايو اوري بابو
هيمي : ياااا متعرفيش مره تردي عليا زي الناس
لولو : لا .. المهم خير بتتصلي و تعطليني
عن مهامي الوظيفيه ليه ؟
هيمي : انا هاجي اقعد عندك كام يوم كده
لولو برخامة : ليه ؟
هيمي بعصبية : ايه !!
لولو ضحكت : لا مقصدش يا حبيبي تنوري طبعا ..
بس ليه ؟
هيمي : تشولا مصمم اني مرجعش البيت ده تاني و
قال انه هيشوفلي بيت و لحد ما يلاقي مينفعش اقعد عنده
لولو : يا سيدي يا سيدي خايف عليكي
هيمي : خلصي يا نيله و عدي عليا و انتي مروحه
لولو : هخلص واعدى عليكى
هنرى : انتى رايحة فى حتة مع هيمى ؟
لولو وهى مركز فى الورق اللى قدامها : اها
هعدى عليها واخدها تقعد معايا كام يوم
هنرى : تقعد معاكى ؟ غريبة يعنى
لولو وهى مش منتبهة بردو : تشولا مش عايزها
تروح البيت
هنرى : اومال هى فين ؟
لولو : عند تشولا من امبارح
هنرى بصوت عالى : بوووو ؟ ايه اللى مخليها
عنده من امباح كمان
لولو انتبهت لهنرى : وطى صوتك .. انت مش عارف
حصل ايه امبارح طبعا لانك رحت تصيع
هنرى بقلق : حصل ايه ؟
حكتله لولو اللى حصل كله
هنرى : لولو انا هاجى معاكى
لولو بصتله بنص عين : مش مرتحالك بنظرتك دى
هنرى ضحك : اعتقد انى لاقيت حاجة اقدر اغظ
بيها تشولا
بعد ما خلصت لولو وهنرى شغلهم ركبو العربية
وراحو لبيت تشولا واتصلت بهيمى
لولو : انا تحت البيت وهنرى معايا خلى تشولا
ينزل معاكى وهنرى هيقوم بالباقى
هيمى ابتسمت بخبث : هههههههههه انا نازلة
حالا .. وقفلو
لولو لهنرى : هينزلو دلوقتى عايزاك تقوم
بالواجب كويس اوى
هنرى : متقلقيش يا لولو
لولو : انا فخورة بيك
نزل تشولا وهيمى وكان تشولا ماسك ايد هيمى ..
جرى عليهم هنرى وشد ايد هيمى من تشولا ومسك ايدها الاتنين : هيمى حبيبتى انتى
كويسة ؟.. حصلك حاجة ؟.. متعرفيش انا قلقت عليكى قد ايه
هيمى : انا كنت عارفة انك هتقلق عليا لما
تعرف
شد تشولا ايد هيمى من هنرى : انت بتقول لمين
حبيبتى ؟
بصله هنرى ومهتمش بكلامه واخد ايد هيمى تانى
: هيمى حبيبتى انتى تيجى تعيشى معايا وانا هحميكى من اى حاجة .. ملهاش لازمة تشوفى
بيت تانى انا قاعد لوحدى
سحب تشولا هيمى من قدام هنرى ووقف هو قدامه :
تعيش مع مين ؟ معاك انت .. ؟ ليه ..؟ انت اتجننت ؟
هنرى ببراءة : هيونغ انا بكلم هيمى انت
متضايق ليه ؟.. انا خايف عليها
تشولا بعصبية : هيمى حبيبتى انا بس ومفيش حد
هيخاف عليها اكتر منى
فى الوقت ده لولو وهيمى عمالين يبصو على هنرى
وتشولا ويضحكو
لولو بتهمس لهيمى : لو تشولا اتجنن او ارتكب
جريمة هتبقى بسبب هنرى وهنرى لو حصلة حاجة هتبقى بسبب تشولا وفى الحالتين انتى
السبب فيها
هيمى بضحك : بصراحة بحب اوى اتفرج عليهم وهما
بيعملو كده وهنرى بيتقن الدور ويعرف ازاى يعصب تشولا بسهولة
بصتلها لولو : تشولا اساسا اشعال ذاتى مش
محتاج اللى هنرى بيعمله
لولو بصوت عالى عشان يسمعوها : انا هاخد هيمى
ونمشى
هنرى : انا همشى معاكو طبعا مقدرش اسيب هيمى
حبيبتى
سابه هنرى وركبو العربية وتشولا عمال يزعق ويصرخ على هنرى
لولو : انا ملاحظة ان تشولا كان ماسك ايدك
لما نزلتو
هيمى باحراج ووشها احمر : تشولا اعترفلى
النهاردة وانا مردتش عليه بالكلام بس ابتسمت
لولو : لااااااا انا لازم اعرف
الاعتراف حصل ازاى
حكت هيمى اللى حصل بينها وبين تشولا لما رجع
وناده عليها وحضنها واعترفلها بحبه
لولو : هيييييييييييييييييح ياريتنى كنت
معاكو كان نفسى اشوف المنظر ده
هنرى بعبوس : يعنى مش هقدر اضايقه تانى ؟
هيمى:لا طبعا احنا زى ماحنا اساسا انا مقدرش
اقعد من غير مناقرتكو انتو الاتنين وانا بردو هضايقه معاك لانى مقولتلوش حاجة ....
انا اساسا بحب اجننه
هنرى بارتياح : طمنتينى احسن لو مكنتش هضايقه
الوقت هيبقى ممل اوى
لولو : هههههههههه انتو الاتنين اخرتكو على
ايد تشولا
بعد فترة وصلت لولو وهيمى البيت : حطى ايدك
على ودنك
هيمى : ليه بقى ؟
لولو : خلاص انتى حرة .. وبصوت عالى جدا :
اومااااااااااااااااااا
اتفزعت هيمى وحطت ايدها على ودنها وطلعت ام
لولو من اوضتها
الام : مش هتبطلى الازعاج بتاعك ده
لولو بطفولية راحت حضنتها : اومى حبيبتى يا
نور عينى انا عمرى ما هبطل ازعاج
هيمى : الازعاج ده اسلوب حياه بالنسبة لولو
الام : اهلا هيمى .. عاملة ايه حبيبتى ؟
هيمى : انا الحمد لله تمام
لولو : اوما هيمى هتقعد معانا كام يوم
الام : طبعا يا روحى تقعد معانا زى ماهى
عايزة .. اهى ترحمنى منك شوية
لولو بنظرات بريئة : اومااا
ضحكت الام وحضنت لولو اكتر وباستها على راسها
: طفلتى الجميلة لولو
هيمى : اللى
يشوفك دلوقتى مع مامتك ميشوفكيش وانتى شريرة وخبيثة معانا وعايشة دور الراجل
بصت لولو لهيمى وسابت مامتها وشدت هيمى من
ايدها : ادخلى غيرى هدومك وريحى قبل ما ارجع فى كلامى ويطلع الكابتن عليكى
ضحكت الام عليهم .. دخلت هيمى غيرت هدومها
وقعدت تتكلم مع لولو على السرير
هيمى : ها انا عايزة تقرير مفصل
لولو باستغراب : تقرير مفصل عن ايه ؟
هيمى : متستهبليش انا عايزة اعرف كل اللى حصل
بينك وبين هيوك فى الفرح .. ولما نفضتيلى ومردتيش على مكالماتى بالتفصيل الممل
لولو بهيام : هيييييييييييييييييح فكرتينى
باحلى اوقات قضيتها
هيمى : هيييييييييييييح ؟؟؟ لا انتى كده لازم
تحكيلى بالا بسرعة
بدات لولو تحكى لهيمى كل اللى حصل بينهم من
كلام هيوك انها حلوة وشكلها فى الفستان وانه مش معاه رقمها او رقم حد منهم و ..
قاطعتها هيمى : انتى لحد دلوقتى مش معاكو
ارقام بعض !!!!
خبطتها لولو : سيبينى اكمل ومتقاطعنيش تانى
هيمى : طيب يختى كملى
لولو : فانا قولتله يقول رقمه وانا هحفظه
واسجله بعدين وبعدها جه دونى قاطع كلامنا واحنا بنرقص
هيمى : هو دونى دايما قطاع ارزاق كده ..
المهم كلمتيه
لولو : انا اساسا مسجلتش الرقم
هيمى بصراخ : انتى عايزة تجننينى .. ليه
مكلمتيهوش او سجلتى الرقم .. اتفضلى اكتبى الرقم وكلميه بسرعة .. ومدتلها الفون
لولو اخدت الفون : ارسو ارسو .. وبدات تكتب
الرقم وبعدين وقفت
هيمى : مالك فى ايه ؟ وقفتى ليه ؟
لولو بنظرة فزع : نسيت الرقم
خبطت هيمى راسها : ام ذاكرة السمك اللى عندك ..
كنتى ادتيله هو رقمك اسهل
لولو : اعمل ايه وقتى ؟ فكرى معايا ؟ اعمل
ايه ؟
هيمى مسكتها من كتفها : غمضى عينك وخدى نفس
وابتدى افتكرى اللى حصل والرقم كام
غمضت لولو عينها وبدات تفتكر : احنا كنا فى
الرقصة التانية وكان حاطط ايده على وسطى وماسك بايده التانية ايدى وانا حاطه ايدى
على كتفه .. وكملت بهيام وضمت ايدها على بعض : وكان باصص فى عينى ..
هييييييييييييح عينه ساحره ولا ريحة البرفان بتاعه تجنن وابتسامته اللى بتسحرنى
وشعره الاسود وهو ....
فجاه فتحت لولو عينها على خبط هيمى عليها
بالمخدة
هيمى وهى لسه بتضربها : انتى بتفتكرى الرقم
ولا بتحلمى وتتغزلى فى هيوك
لولو : خلاص خلاص هركز فى الرقم .. غمضت
عينها تانى وبدات تفتكر الرقم وتقوله
هيمى : خلاص كتبته انتى متاكده من الرقم ده
لولو : ايوة ايوة متاكده .. بس مش قوى
يعنى
هيمى : اعمل فيكى ايه بس عموما خدى اتصلى
واحنا نعرف اذا كان رقمه ولا لاء
اتصلت لولو بالرقم لحد ما حد رد : هيوك ؟
هيوك : ايوة مين معايا ؟
لولو بتردد : انا لولو
هيوك : لولو .. انا افتكرتك نسيتى الرقم
لولو بصت لهيمى : انا انسى الارقام او اى
حاجة ده شئ مستحيل
بصتلها هيمى واتكلمت بصوت عالى : انتى اساسا
ذاكرة سمك وافتكرتى الرقم بالعافية
هيوك : مين اللى بتتكلمك دى ؟
لولو : دى هيمى هتشرفنى كام يوم فى البيت مش
هعرف اخلص منها
هيوك : سلميلى عليها كتير .. وقوليلها حمد الله
على سلامتها
لولو : دى بسبع ارواح مش بيحصلها حاجة
قامت هيمى ضربتها تانى وفضلو طول المكالمة
على كده هيمى واقفة للولو على كل كلمة تقولها وتعلق عليها او تضربها وهيوك يسمعهم
ويضحك
تسريع ف الاحداث .. خلال 10 ايام
- كان لولو
وهيوك بيتكلمو كل يوم بالساعات فى اى حاجة
- تشولا لاقى
بيت لهيمى قريب من بيت لولو وهنرى ودونى وايمى عشان تبقى جنبهم لو حصل اى حاجة
يقدرو يساعدوها .. وقام هنرى وتشولا ولولو بمساعدتها فى الانتقال للبيت الجديد
- مينى كان
مكلف واحد لمراقبة هيمى وعرف انها قضت ليلة عند تشولا وبعدها بدء يدورلها على بيت
وده جاب فكرة خبيثة لمينى
- كان ميعاد رجوع دونى شغله
ايمي : دوني 10 ايام بس
اجازه هو شهر العسل بيكش ؟
دوني : معلش ياحبيبتي
وبعدين احنا كل ايامنا هتبقي عسل مش شهر بس
ايمي : ثبتني ماشي بس المهم
ترجعلي كل يوم سليم
هز دوني راسه وهو مبتسم : حاضر
حضنها دونى وباسها على
راسها وباسها برومانسية على شفايفها وخرج راح شغله
ليست هناك تعليقات:
إرسال تعليق