Catch him .. Part 11

Catch him .. Part 11

بصت لولو للفون وبعدين بصت لهيوك : ممكن توصلنى لبيت تشولا بسرعة هيمى معاه ومش عارفة حصلها ايه ؟

ساق هيوك بسرعه لبيت تشولا بعد ما لولو شرحت له الطريق : اهدي اكيد مفيش حاجه
لولو بقلق : لا مش مرتاحه مشفتش تشولا كان بيتكلم ازاي
هيوك : انتي مش قولتي بيحبها يعني اكيد هيبقي كده لو شكها دبوس .. وبعدين هو شكله عصبي بطبعه
لولو : اخدها لبيته ليه طيب ؟
هيوك : اكيد ليه مبرر بس انتي متقلقيش و اهدي
وبعد شوية وصلو عند تشولا
هيوك : اطلعي انتي انا هستناكي هنا
لولو : متتعبش نفسك انا هروح بمعرفتى
هز هيوك راسه : لا طبعا مش هسيبك تروحى لوحدك .. اطلعى وانا هستناكى هنا لحد ما تخلصى

هزت لولو راسها وسابته وطلعت .. وصلت لبيت تشولا خبطت علي الباب .. اول ما فتحلها مستنتش انه يقول لها ادخلي هي دخلت علي طول
لولو بخوف و بتتكلم بسرعه : هيمي فين ..؟ حصل ايه .. ؟ وهي بتعمل ايه هنا …؟
تشولا بيتكلم بهدوء : براحه علشان تفهمي اللي حصل .. عموما هي قاعده جوه ف اوضتى .. انا عملتلها حاجه تهدي اعصابها
لولو : حصل ايه هي كويسه
ابتدي تشولا يحكيلها اللي حصل قبل ما تدخل عند هيمي ….

فلاش باك #

بعد تشولا ما وصل هيمى البيت و خلصت مكالمتها مع لولو حست بحركه غريبه كأن حد معاها في البيت .. طلعت موبايلها بسرعه و اتصلت بلولو بس لولو مردتش عليها فاتصلت بتشوﻻ

هيمي بخوف : تشوﻻ الحقني .. في حد فى شقتي
تشوﻻ : ايه ؟ انا جاى حالا .. ابعدي عن البيت بسرعه
رجعلها تشوﻻ لاقاها واقفة تحت البيت .. نزل من عربيته وراح اخدها ف حضنه : اهدى يا هيمى انا معاكى

بس هيمى كان جسمها كله بيترعش وكانت ماسكه فى قميصه من الخوف وعماله تعيط .. طبطب تشولا على ضهرها لحد ما حس انها بقت احسن شوية باعدها عنه : خليكى هنا انا هطلع اشوف فى ايه ؟
مسكت هيمى ايده جامد والدموع لسه بتنزل من عينها :لا مش هسيبك تطلع .. انا خايفة
تشوﻻ بيطمنها : هششش خلاص متخافيش مش هطلع …. بص ناحيه بيتها شويه و بصلها : مش هينفع تباتى هنا لوحدك

اخدها تشوﻻ عنده البيت وطول الطريق كانت هيمى ساكته بس بتترعش وكان تشولا بيحاول يهديها ويمسك ايدها عشان يطمنها
تشوﻻ : انا هكلم لولو تجيلك ماشي بس انتى المهم متخافيش طول مانا معاكى محدش هيلمسك
هيمي هزت راسها … وكلم تشوﻻ لولو عشان تيجى

 

في الوقت ده كان فى واحد بيراقب اللي حصل .. وطلع التليفون وكلم حد
الشخص : ايون يا فندم هي دخلت وبمجرد ما حست بيا كلمت حد قالتله انها حاسه بحد في البيت وبعدها طلعت تجري وانا كمان خرجت من البيت بس وقفت اراقبها من بعيد شوية ووصل الظابط تشولا ووقف اتكلم معاها بس مطلعش البيت وبعدين اخدها معاه … تحب اراقبهم
شيون بابتسامه نصر : لا مفيش داعي كده احنا عارفين هي مع مين

قفل شيون المكالمه ووجه كلامه لسونغمين و حكي له اللي حصل
ابتسم سونغمين وفرد جسمه على كرسيه : بحب اشوف نتيجه الاعمال اللي بنعملها و هي بتنجح
شيون بمدح : لازم المخططات تنجح مدام مخططات ذكيه من حضرتك

فى الوقت ده دخلت لولو عند هيمي لقيتها حاضنه رجلها بتعيط .. قعدت لولو جنبها و حضنتها و ابتدت تحسس علي شعرها علشان تهدي : هيمي انتى كويسه ؟ حصلك حاجة ؟
هيمي هزت راسها : ﻻ .. انا اول ما حسيت بالحركه طلعت بسرعه
تشوﻻ بهدوء : انا هسيبكم سوا شويه .. وسابهم وخرج
لولو بتهدي هيمي : بس بقى بطلى عياط .. انتي هنا مع تشولا يعني محدش هيقدر يعملك حاجه و كلنا معاكي
هيمي بطلت عياط نوعا ما : اول رقم قدامي كان انتي بس انتي مردتيش ملقتش قدامي غير تشولا مكنتش عارفه اعمل ايه … ليه مردتيش عليا .. انا كنت هموت من الخوف ؟
غمضت لولو عينها : انا اسفه بجد مكنتش اعرف ان الموضوع كده
فضلت لولو تطبطب علي ظهر هيمي لحد ما نامت من كتر العياط .. نيمتها علي السرير و طلعت تشوف تشولا

فى الوقت ده كان تشولا قاعد فى مكتبه اللى ف شقته وعمال يفتكر هو عرف هيمى ازاى 

#فلاش باك

كان الكلام ده بعد ما دونى بقى شريك تشولا .. كانت البنات ساعتها لسه بيدرسو كل واحدة فى كليه مختلفة بس كانو اصحاب من ايام الطفولة وقدرو يحافظو على صداقتهم على مدار السنين
.. فى يوم كان عيد ميلاد دونى وطبعا لولو وايمى وهيمى لازم يحتفلو بيه لانه اول عيد ميلاد ليه بعد ما بقى ظابط .. مقدرش دونى يرفض قدامهم وخلوه يعزم كل اصحابه واللى يعرفهم

فى الوقت ده كان دونى لسه بيخاف يتعامل مع تشولا براحته لانه جديد معاه وكمان شخصية تشولا بتختلف على مدار اليوم مش راسى على شخصية معينة

قرر دونى انه يعزم تشولا على عيد ميلاده عشان يحاول يكسر الحاجز بينهم بس مكنش متوقع رد فعل تشولا ساعتها
دونى بيتنحنح ومتوتر : هيونج
تشولا باصص على الورق ومش باصصله : همممممم
غمض دونى عينه واتشجع : انا عازمك النهاردة على عيد ميلادى

سكت كان مستنى اى رد فعل من تشولا .. انه يزعقله .. او يحدفه بحاجة لانه اتجرا معاه وطلب منه انه يجى .. بس بعد مده محصلش اى حاجة .. فتح عينه لاقى تشولا بيبتسمله
تشولا بابتسامه جميلة : اخيرا فتحت عينك .. قولى بقى العيد ميلاد امتى ؟
اتفاجئ دونى من كلام تشولا وابتسامته : هيونج انت مش متضايق انى اتجرات وعزمتك ؟
قام تشولا وقف جنب دونى وحط ايده عليه : واتضايق ليه .. بالعكس انا مبسوط جدا لانى بقالى كتير محضرتش عيد ميلاد ولا خرجت مع حد ..  بس مكنتش اعرف انك لسه بتعمل عيد ميلاد حتى وانت فى السن ده
دونى كشر حواجبه : دى لولو اختى واصحابها هما اللى مصرين يعملوه
ضحك تشولا لحد ما بانت اللثة بتاعته : عموما سيل تشوكاهيه دونى .. مقولتليش العيد ميلاد امتى ؟
دونى : بكرة بالليل … وفضلو يتكلمو بطريقة كويسة ودى كانت اول خطوة لكسر الحاجز بينهم وتعامل دونى وتشولا بحرية مع بعض

تانى يوم بالليل كان الكل موجود ف العيد ميلاد .. كان دونى لابس بنطلون جينز اسود وعليه سويت شيرت احمر عليه رسمه كلب البنات اجبروه انه يلبسه ولابس كاب على راسه
.. وهما كانو لابسين زى بعض بنطلون جينز ابيض وعليه سويت شيرت عليه رسمه الفرسان الثلاثة

وصل تشولا وكان لابس بنطلون اسود وعليه تيشيرت رمادى غامق فى فاتح وجايب شعره على قدام

راح تشولا يسلم على دونى واداله هديته ووقفو مع بعض شوية لحد ما فجاه لاقى 3 بنات جايين عليهم وعمالين يتناقرو

دونى حط ايده على راسة : القلق كله جايلنا انا عارف ان اليوم ده مش هيعدى
حول تشولا نظره لدونى وبصله بنص عين : قصدك ايه بالكلام ده ؟
حرك دونى ايده بسرعة قدام وشه : انا قصدى على اختى واصحابها
ساعتها وقف ال 3 بنات قدامهم وكانو لسه بيتناقرو
حرك تشولا راسه كانه بيشاور عليهم : مين دول ؟
دونى بيشاور على كل واحدة : دى لولو اختى ودى ايمى وهيمى اصحابها
دونى موجهه كلامه ليهم : فى ايه تانى بتتناقرو على ايه
لولو : دونى مين اكتر واحدة يليق عليها الشر فينا ؟
رفع تشولا حواجبه من السؤال ودونى فتح عيونه وبؤه
هيمى : يا بنتى اكيد انا
ايمى : انتى ايه .. انتى مش عارفة انا شريرة قد ايه ولا نسيتى ؟
لولو : لا انتى ولا هى .. احسن عليا الطلبات اوريكو الشر على اصوله دلوقتى وابوظ العيد ميلاد على اللى فيه
دونى صفر وشاور بايه : ببببببس حرام عليكو فضحتونا
ساعتها البنات انتبه ان تشولا واقف مع دونى
انتبهت هيمى لوجود تشولا وراحت وقفت قدامه : اوبا مين المز ده ؟
بصلها تشولا باستغراب وضحك قوى وقلبه بدا ينبض .. جه دونى ووقف بينهم : ده تشولا هيونج شريكى وشكل ايامى هتبقى سوده بسببكو
بصت لولو وايمى لبعض وجت فكرة فى راسهم .. قربت كل واحدة من تشولا من ناحيه
لولو بخباثة : دونى ايامك هتبقى سوده وانت معاك القمر ده
ايمى وهى مركزة اوى فى تشولا : ده فاضله 2 فولت وينور
حاول دونى يمسك البنات ويمشيهم من قدامه وتشولا ميت على روحه من الضحك منهم

 end

فى الوقت ده فاق تشولا من سرحانه على صوت لولو بعد ما كانت بتدور عليه فى الشقة
لولو : اوبا .. هيمي نامت

شافت صور علي ترابيزه صغيره في الاوضه مع ملفات  ورق شالت صوره فيها 2 رجاله و شاورت علي واحد
لولو بصدمه :  مين ده ؟
تشولا لاحظ تعابير وشها : ده عضو في العصابه اللي احنا ماسكين قضيتها يكون الدراع اليمين لزعيم العصابه .. بس ليه ؟
لولو: لا مفيش و ابتسمت

في الوقت ده كان هيوك بيتكلم في التليفون : الهديه اللي انت سمعت عنها دي رصاصه و مسدس من اللي دوني ماسك قضيتها ورساله تهديد
كيونا : معتقدش ان اخوك هيسكت علي كده يعني اكيد بيخطط لحاجه تانيه انت مش عارف اخوك لو حط حد فى دماغه ممكن يعمل ايه
هيوك : لا طبعا عارف .. ده غير ان حصل حاجة تانية شاكك انه سبب فيها
كيونا بقلق : حاجة تانية زى ايه ؟
هيوك بيحكي اللي حصل : النهاردة رحت انا ولولو وهيمى وهنرى وتشولا لبيت دونى وايمى وبعد ما مشينا كنت قاعد مع لولو وكنت هقولها على كل حاجة بس تليفونها فضل يرن وده خلانى رجعت ف كلامى وقررت انى مقولش حاجة بس بعد كده لاقينا تشولا هيونج اتصل بيها وقالها  ان هيمى عنده بعد ما وصلها ومشى .. اعتقد انه مينى عمل حاجة لهيمى عشان كده رجعلها تشولا واخدها عنده البيت بس مش عارف حصل معاها ايه بالظبط
اتنهد كيونا : اممممممممم ممكن جدا يكون مينى قرر يلعب بيهم كلهم .. عموما حاول تعرف من لولو اللى حصل وابقى عرفنى
هيوك : ده اللي انا حاسه .. المهم انا عايزك تركز معاهم قوي اليومين دول .. عايز الحق اللي هيعمله قبل ما يحصل .. شاف هيوك لولو نازله من عند تشولا
هيوك بسرعه : طيب سلام دلوقتى لولو نزلت
كيونا : متنساش اللى قولتلك عليه لازم تعرفها الحقيقة
هيوك بنفس السرعه : طيب طيب هشوف وقت مناسب واقولها سلام .. وقفل المكالمة
لولو : انت كنت بتكلم مين ؟
هيوك : ده كيونا كان بيقولى على حاجة .. المهم طمنينى ايه اللى حصل مع هيمى ؟

اتنهدت لولو و ابتدت تحكي لهيوك عن اللي حصل و هي زعلانه انها مردتش عليها وقت ما اتصلت بيها .. بعد شوية وصل هيوك لولو لبيتها

فضلت لولو طول الليل بتفكر في الصوره اللي شافتها و كلام تشولا عن شيون .. معني كده ان احساسها صح و القضيتين مربوطين ببعض لان شيون هو الشخص اللي ضربنى يعني لو مسكناه التاني هيقع والقضيتين يتحلو .. فضلت تفكر لحد ما نامت

تانى يوم فى القسم كان هنري بينام علي نفسه طبعا بعد ايمي ما سابته و هو هيعوض اللي كانت بتعمله فيه و يصيع
لولو بصوت عالى : ياااا انت نايم منمتش في بيتكم ليه ؟
هنري اتخض ورفع راسه عشان يبص على لولو : بيتنا هو فين بيتنا ده ياريت اشوفه
لولو باستغراب : نعم
هنري مسك دماغه : كلام في سرك انا جي من عند اصحابي لهنا منمتش من امبارح ومصدع ومش شايف قدامى
لولو بخباثه : اووووووبس فينك يا ايمى
فتح هنري عينه علي الاخر و بيترجاها : لولو حبيبتي اوعي تقوليلها
لولو ببراءة : اخص عليك يا هنري ده كلام بتشك فيا … اتنهد هنرى براحة وسكتت لولو شويه و بعدين قالت : اكيد هقولها ده انا هخليها تعلقك
ضم هنري ايده علي بعض و قربها لوشه و بيتكلم بترجي : لولو لا علشان خاطري وانا هعملك اللى انتى عيزاه
لولو بضحكة جانبيه : يااااااه كان نفسي اشوفك وانت بترقص رقصه التموج تاني شكلك كان تحفه
هنري بصدمه : لااااااااا انتي معندكيش اخوات بلاستيك .. داري عليا في دي بس
لولو بنص ابتسامه خبيثه : تنفذ طلبى الاول وبعدين تسيبني افكر
قام هنرى مغصوب على امره ورقص زى ما لولو عايزة

في الوقت ده تشوﻻ خد الهديه (الرصاص و المسدس )  ووصلها للمعمل الجنائى عشان يشوف البصمات اللى عليها .. وراح لشقة هيمى يشوف اللي دخل شقتها بليل

جاله اتصال من المعمل الجنائي انهم ملقوش اى بصمات على الرصاصه او العلبه غير بصماته هو ولولو .. اتعصب تشوﻻ ان مفيش اى حاجه نافعه فى القضيه دي بس قرر انه يركز على شقة هيمى واللى دخلها فى الوقت ده و ابتدي يفتش الشقه لحد ما لقي ورقه محطوطه في اوضه نومها

احنا نعرف نوصل لاي حد فى اى وقت .. دي قرصه ودن .. احسنلكم متقفوش عقبه في طريقنا

تشولا بيفكر : معني ان حد كان هنا يعني شافها و هي نازله معايا
جري تشولا علي عربيته وساق بسرعه علي بيته وصل شقته وابتدي ينادي علي هيمى بصوت عالي
تشولا : هيمى … هيمى انتى فين ؟
خرجت هيمى من المطبخ وهى لابسه بجامه من عند تشولا كبيرة عليها ومشمراها ولابسه عليها مريلة المطبخ وماسك معلقة فى ايدها : مالك بتزعق ليه ؟
راحلها تشولا بسرعة حضنها واتنهد براحه اتصدمت هيمى من اللى عمله : تشولا … فى ايه ؟
حرك تشولا راسه : مفيش افتكرتك مشيتي
خبطته هيمي على كتفه بضحك : هروح فين يعني انا مرعوبه اخرج من الباب اصلا
تشولا بحب : متخافيش طول مانا معاكي انا هحميكي مهما حصل
هيمي : انا متاكده انك هتحميني
تشولا بعدها عن حضنه وبص فى عينها : بجد متاكده
هيمي هي كمان بصت في عينه : لو مكنتش متاكده مكنتش جيت معاك امبارح
تشولا بخبث : طيب مش عايزه تثقي فيا و تقولي مين اللي بتحبيه
حطت هيمي ايدها علي دقنها كانها بتفكر : ممممممممم هو حنين .. بيحبني .. بيخاف عليا .. يبطل بس عصبيه و يبقي كويس
تشولا بلم مكانه بعد ما فاق : هاه ؟
هيمي بنفس الوضع : مممممم يبطل عصبيه و يبقي كويس
تشولا : بحبك يا هيمى

----------------- 

BY

D&E

Lolo Adel  

Emy Tarek