Super Show
SS2
دوني : سوبر شو .. الله عليك يا فنان
نيللي : لازم نعمل اعلانات في الجامعة عشان الشباب يتقدم ونختار منهم
هان : والامتحانات ؟!
يسونج : ماحنا كده كده هنسقط
كانج : اول مرة تتشائم صح
ليتوك حط ايده على كتف هان بحكمة
ليتوك : يابني السقوط والنجاح ده قدر ملناش دخل فيه اسألني انا
هان : انته المفروض تبقى متخرج من سنتين
ليتوك : تلاتة .. وده يثبت كلامي وقت مايبقى قدري اتخرج هتخرج
هان : نيللي انا بقول ...
نيللي بنفس حكمة ليتوك : آمن بالقدر يا هان .. ويلا نبدأ الشغل
حماستها سرت فيهم وجنان الفكرة خلاهم مستعدين يدخلوها بكل قوتهم مع بعض كشلة واحدة مختلفة تماماً
بدأوا الشغل وعمل الاعلانات , مكانتش مبهرة اوي بس المهم المكتوب واكيد في مجانين زيهم هيتقدموا وريووك عملهم مكان في ضهر الكافيتريا يقابلوا اللي هيتقدموا فيه وبرغم ان نيللي مبتعرفش تلعب على اي اله او تغني الا ان عشقها لسماع الاغاني اعتبرته كفاية ان يساعدها عالحكم ومعاها ليتوك وباقي الفرقة , وبدأ الشباب يتقدم فعلاً .. مش كتير لكن في امل زي ماهان بيقول واللي بقت وظيفته انه يذاكر ويحاول يعملهم ملخصات عشان ميسقطوش وبالليل رجع يتمرن عالباس تاني , هيوك ودوني جابوا رقصات مشهورة وبدأوا يتمرنوا عليها
بعد يومين بدأ حماسهم يقل وهما شايفين ان اللي بيتقدموا كلهم مفيش منهم اي امل وان هما نفسهم محتاجين تمرين عالي
هان : احنا محتاجين تمرين .. الرقص عندنا ضايع والغنا مش مظبوط
يسونج : اعمل ايه انا طبقة صوتي مش متفقة مع كانج خالص , مفيش فايدة
هيوك : حتى لو اتمرنا على رقصات من اللي عالنت مش هنعرف نصمم رقصة بنفسنا .. احنا محتاجين مدربين يا نيللي
نيللي : انتوا عارفين مدربين الاستعراض بياخدوا كام ؟ احنا لو لمينا من الجامعة كلها مش هنعرف ندفعلهم برضو
ريوو : وبعدين ؟ كده اللي بنعمله ملوش لازمه
هان : لازم يبقالها حل
دخلهم ليتوك بفخر
ليتوك : انا عندي الحل .. في اخر حفلة حضرتها شوفت المدربين اللي مرنوا الفرق التانية واعرف اتنين مش هيكلفونا كتير لكن مبهرين
نيللي : الحقنا بيهم .. لكن متأكد انهم جامدين ؟
ليتوك : عيب عليكي ده انا هظبطكوا , ساعة زمن ويبقوا هنا بس لازم نلاقي مكان نشتغل فيه مش هنفضل في ضهر الكافيتريا علطول
نيللي : هكلم سومان يسيبلنا المسرح المقفول
ليتوك : اشطه روحي على مالمدربين يجوا
جريت بحماس وقالت لسومان اللي وافق بلا مبالاة المهم انه مش هيدفع حاجة ونزلتلهم لقت ريووك لوحده في الكافيتريا
ريووك : قالوا هيستنوكي عند المسرح تقريبا المدربين جم استني هاجي معاكي
لم حاجته وراح معاها للمسرح لقتهم دخلوا بالفعل كأمر واقع فدخلتلهم لقت هان في وشها متنح وجمبه يسونج
لم حاجته وراح معاها للمسرح لقتهم دخلوا بالفعل كأمر واقع فدخلتلهم لقت هان في وشها متنح وجمبه يسونج
يسونج : انا كنت عارف اننا هنضيع
نيللي : في ايه ؟ المدربين مجوش
هان : لا جم
يسونج : وياريتهم ما جم
نيللي : مالكوا متنحين كده ؟!
حاولت تعدي بينهم هان وقفها
هان : انا مش عايز اي حاجة تأثر فيكي وفقوة اعصابك تمام اي حاجة هتتحل
يسونج : المفروض ان دول كانوا الحل
عدت بينهم ودخلت عالمسرح لقت ليتوك واقف بفخر وجمبه ما يبدو انهم عمود نور وبالونة افراح
ليتوك : اهي صاحبة الليلة جت نيللي اعرفك جومي مدرب الغنا وشيندونج مدرب الرقص
جومي اللي تقريبا كان متقمص شخصية شريف مدكور بصلها بإحتقار
جومي : دي انثى ؟ توكي انته اكيد بتهزر اشتغل ازاي انا مع الكائن ده
شيندونج : هي جسمهما محتاج تظبيط جامد .. لا لا حركتها هتبقى تقيلة اوي مش هتنفع
ليتوك : اهدوا بس هي لا هترقص ولا هتغني اعتبروها المنتج والمخرج
جومي : اوووف منتج ايه ومخرج ايه بالمنظر ده
ليتوك : اهدى بس يا جومي اقولك تجاهل وجودها خالص وركز معايا انا
جومي : هو انا لولا انك انته اللي طلبت كنت جيت اصلاً
دوني : انا شاكك في الكائن ده
كانج : انا مش شاكك انا متأكد
نيللي : مين دووووول ؟!
ليتوك بتوتر : ايه بس يا نيللي مانا قولتلك المدربين
نيللي : مدربين ايه ؟ في مدرب رقص بالجسم ده .. والاخت اللي جمبك ايه نظامها بتغني يا سوسن ؟
ليتوك : احيه
جري عليها واخدها على جمب
ليتوك : انتي بتقولي ايه اتجننتي ؟
نيللي : انا اللي اتجننت ايه الاشكال اللي جايبهالي دي
ليتوك : وانتي كنتي متوقعة اجيبلك حسن شحاته ولا عمر خيرت يدربلك الفريق بالكام مليم اللي هتدفعوهم , وبعدين متستهونيش
نيللي : مستهونيش بإيه ؟ انته شايف اللي انته جايبهم دول ...
قاطعها صوت هادي جاي من عالمسرح خلاها تحس انها في عالم تاني .. كلمات وصوت خلوها تسمع اللحن برغم ان مفيش موسيقى ومع انها مبتحبش البالاد اساساً الا ان الصوت كان ارقى بكتير من انه يتقارن بأي حاجة بتسمعها .. اتلفتت بهدوء لقت جومي هو اللي بيغني بتعبير مختلف تماماً عن سوسن اللي كانت بتتكلم من دقيقة ومش هي لوحدها اللي سحرها صوته ده كل اللي واقفين سكتوا وهما بصينله ومش قادرين يتنفسوا حتى لحد مانهى الاغنية بإبتسامة وجهها ليها خلت وشها يحمر للمرة الاولى فحياتها ومقدرتش تعلق حتى وساد صمت تام مقطعوش الا تسقيف هنري المنبهر والكل سقف معاه
نيللي : يخربيت حلاوة اهلك
ليتوك : اهدي يا ماما هتاكلي الواد
نيللي : بينوووووووووور
ليتوك : مش ده اللي كان سوسن
نيللي : ده انا اللي ستين سوسن .. حقيقي ده ؟
ليتوك : كانج امسكها قبل ماتفزعه
نيللي : طيب طيب اقتنعت بالصوت بالنسبة للبطيخة اللي معاه ده هيدرب رقص من انهي اتجاه
ليتوك : مبتتعلميش انتي .. اتفرجي
بص لشيندونج اللي ابتسم ومسك موبايله حطه عالارض بعد ماشغل لحن بريك دانس دوني وهيوك بصوا لبعض وهما بيتخيلوا صعوبة انهم يوافقوا سرعته بحركاتهم والتفتوا لشيندونج ومصدقوش اللي شافوه , كم المرونة والسرعة اللي بيتحرك بيها ومهارته في الرقص وتأديته لحركات ميحلموش حتى انهم يجربوها ااقل حاجة تتقال انه ولع المسرح خلى نيللي فكها يقع مالصدمة لحد مانهى رقصته بحركة سريعة خلت هيوك ودوني يسقفوله لحد ماإيديهم وجعتهم
هيوك : من النهاردة انته مثلي الاعلى
دوني : اتبناني واكسب فيا ثواب
ليتوك بصلها بفخر
ليتوك : انتي بالذات قبل ماتحكمي على حد بمظهره بصي لنفسك الاول
بصتله بإحراج وطلعتلهم المسرح
نيللي : انا اسفة اني استهنت بيكوا في الاول
جومي استعاد شخصية سوسن تاني
جومي : واحدة بالمنظر ده منتوقعش منها غير كده
شيندونج : اياً كان ياريت نشتغل مع بعض كويس عشان نطلع حاجة بقلاوة
ليتوك : بصوا احنا نخفف من الكلام ونركز في الشغل عشان منخسرش بعض
جومي : الفوكالز يجولي شمال
كانج : من اولها شمال
ريووك : اطلع انته الاول يا عم
يسونج : ده احنا هنشوف ايام سودا
نيللي : احنا كده محتاجين ايه في الالات
ليتوك : جيتار ودرمز وطالما عندنا كمان يبقى محتاجين معاه بيانو .. شيون فين صحيح ؟ الفروض يتمرن مع الفوكالز
نيللي : مش عارفة مشوفتوش من الصبح
لسه هيشتم دخل شيون المسرح بيجري
شيون : نيللي تعالي بسرعة لازم تشوفي حاجة
ليتوك : حاجة ايه انته اللي لازم ...
مسك ايدها خلى قلبها يقع فرجليها وسحبها معاه على برا
كانج : يابن الـ ... رايح بيها فين الواد ده
كبر لجومي وجري وراهم ووراه باقي الفرقة وهي مش حاسة انها بتجري اصلاً وهو ماسك ايدها حاسة انه سحبها وبيطير بيها لحد ماوقف وساب ايدها فجأة خلاها تحس انها كانت طايرة ووقعت من السما بصتله بخوف لكن مبصلهاش وشاورلها تبص فحتة تانية .. حاولت تجمع عقلها وتركز وبصت مكان ماشاور لقت درامز شكلها غالي جدا محطوطة في نص الساحة
نيللي : ايه ده ؟ مين اللي جابها ؟
شيون : بصي بس
بصت لقت هيتشول ماشي ناحية الدرامز وقعد قصادها بهدوء والجامعة كلها اتجمعت حواليه , فجأة ابتسم ومسك العصيان وعزف بحماس مشافتلوش مثيل , عزف حست ان جسمها كله بينط معاه وباقي الجماعة حواليه بتصرخ باسمه وصوتهم مش قادر يغطي على صوت عزفه , كمية كاريزما بتشع من وشه وهو بيعزف ومغمض عنيه خلتها تنسى اللي كان ماسك ايدها خالص
نيللي : ايه الموز ده ؟!
ليتوك : انتي مبتعتقيش
نيللي : اعتق مين الواد بيشع صوت وضوء وحرااااااااااارة
ليتوك : كاااااااااااانج لم البت دي
خلص عزف وفتح عينيه وهو بينهج ووسط صريخ البنات راح لنيللي اللي لولا ان كانج ماسكها مكانتش عتقته
هيتش : سمعت انكوا محتاجين درامر .. وفكرت اساعدكوا بما اني داخل على امتحانات وحاسس اني فاضي .. اعتبر نفسي في الفريق ؟!
نيللي : الفريق ومخرجة الفريق تحت امرك بس انته أشر
كانج : ايه البت الواقعة دي ؟ اتلمي فضحتينا
رفع شعره بإيده وضحك ومشي وهي بتحاول تفلت من كانج وتجري وراه
كانج : حد يمسك معايا لو سبتها هتغصتبه
ليتوك : هي اللي تغتصبه ؟! .. قلبك ابيض انته متعرفش هيتش
نيللي : سيبوني انا اعرفوووووووووا
____________________________
____________________________
بعد دخول هيتش الفريق مع شيون الاقبال عالتقديم بقى تاريخي كلهم بنات وكلهم مينفعوش لحد ماكائن شبه الارنب دخل شايل الجيتار بتاعه
سونجمين : انا كنت عايز اقدم في الفريق .. بعزف جيتار
نيللي : خلاااااثي , سمعنا
لسه هيعزف موبايله رن
سونجمين : معلش لازم ارد
ليتوك : مينفعش تقفل موبايلك لحد ما ...
تجاهله ورد علطول
سونجمين : ايوه يا حياتي .. منا قلتلك النهاردة هقدم في المسابقة .. اكيد هتقبل ياحبي طالما ارنوبتي الحلوة شجعتني
كانج : ارميه برا
نيللي : استنى اما نعرف الارنوبة كانت عاملاله ايه عالفطار
سونجمين : هقفل بقى وهكلمك تاني اول ماخلص .. وانا بموت فيكي
قفل وبصلهم تاني بابتسامة
نيللي : احنا اسفين لو عطلناك عن السهوكة يعني
سونجمين : لا اصلها بتحب تتطمن عليا دايماً .. خلااااص هانت وهتحول جامعتنا السنة الجاية وتبقى جمبي
ليتوك : يا كبدي وهي مش جمبك
سونجمين : لا اصلها في جامعة تانية حتى انا داخل المسابقة دي عشان اثبتلها ان جامعتنا احلى واشجعها تحول
نيللي : ليه يا حياتشي هي الارنوبة في جامعة ايه
سونجمين : في فريق الغنا في الجامعة اللي بتنافسنا
بصوا لبعض اول ماسمعوا كده ومرة واحدة ليتوك وقف
ليتوك : انته معانا في الفريق
سونجمين : بس انا لسه معزفتش
نيللي : مهاراتك واضحة منغير عزف .. هي الارنوبة اسمها ايه
سونجمين : سايون
ليتوك : كماااااااان سايون يابني انته معانا من اول امبارح اصلاً الف الف مبروك
مسك الجيتار وجري على برا بسعادة
ليتوك : سايون اللي ماسكة فريق الغنا هناك وبيقولك ارنوبته وهتحول قريب يعني تعتبر جاسوسة لينا
هان : مش اللي بتقوله ده دنئ شوية
حط ايده على كتفة بنفس الحكمة
ليتوك : يابني الحرب خدعة دي اساسيات الحياة
نيللي بنفس الحكمة : وبعدين انا بعيني الخبيرة ادركت انه عزفه هايل عالجيتار وهيبهرك استنى انته بس اما يقف جمبك كده انته bass وهو جيتار هتولعوا في ام المسرح .. وهيتشول عالدرامز ورا
رجعت افكارتها الدنيئة تاني واتلفتت تدور عليه
ليتوك : كااااااااااااااانج
كانج : انا هرجمك واغسل عارك واخوكي هيبعتلي جواب شكر
____________________________
____________________________
جومي : لا لا لا مش نافع خالص
نيللي : يا استاذ جومي ايه بس اللي يقل نفعه
جومي : مش نافع يعني مش نافع
دخل كانج وجومي بيزعق فمال على نيللي
كانج : مالها سوسن ؟
نيللي : اتلم مش وقتك .. مش عاجبه الاصوات اللي معاه
جومي : مش موضوع انهم مش عاجبني بس ناقصين جامد
شاور عليهم واحد واحد بقرف
جومي : يعني القصير ده صوته مسرسع اوي ميجبش الطبقة اللي انا عايزها
كانج : انته شايفه من عندك اصلاً
ريووك : دايما جابر بخاطري -_-
جومي : والتاني المتشائم ده صوته اعمق من اللازم
يسونج : والله ماعارف دي اهانة ولا ايه بس ماشي
جومي : وشيون لا لا مش الطبقة اللي بدور عليها خالص
نيللي : اتكلم مع الراجل عدل
هان : اشمعنى دي اللي نطيتي فيها
جومي : وانته يا اللي اسمك كانج مبشوفش وشك اصلاً
كانج : بص وقفتي معاك بتشبهني
جومي : لا مش نافع الاصوات ناقصة .. محتاجين حاجة حزينة .. حاجة نكد .. حتة خريفي كده
ليتوك : طب مانته رفضت كل اللي قدموا
جومي : مفيش حد منهم عنده اللي انا عايزه
نيللي : طب احنا نتنيل نعمل ايه طيب
جومي : معرفش اتصرفوا انا رايح الحمام اهدي اعصابي شوية
كانج : صدقيني انا لو ضربته هنستريح كلنا
ربعت عالارض كعادتها وهي بتفكر بعمق
نيللي : هنهبب ايه دلوقتي سوسن دي لو قفشت هنضيع كلنا
ريووك : هو انا ممكن يبقى عندي حل .. هو مش حل اوي يعني هو حل صعب نمسكه .. بس ممكن , يعني هو فرصنا ضعيفة جداً في اننا نقدر نقفشه بس ممكن لو ...
كانج بعصبية : خالتي اللتاتة لخصي
ريووك : تعالوا معايا
خرجوا وراه وفضلوا ماشيين لأخر الجامعة في متاهات
نيللي : انته خاطفنا ولا ايه
ريووك : اصله مبيحبش يبقى قريب من البشر
هان : انا بدأت اقلق
يسونج : لولا اني عارف ان مفيش امل كنت ممكن احس بالحماس
ريووك وقف فجأة كانوا هيخبطوا فيه كلهم
ريووك : شششششش .. متعملوش اي صوت
كانج : هو احنا هنصطاد فامبير
ريووك : تقريباً
اتسحب ببطء لقدام وهما وراه ناحية شجرة مكانوش يعرفوا انها موجودة اصلاً , وهناك ورا الشجرا مابدا لنيللي كمشهد من فيلم ديزني والامير نايم ومغمض عنيه مستني البطلة تبوسه عشان يصحى وبغض النظر عن ان مفيش كده فديزني الا انها اقتنعت انها البطلة
نيللي : مين دااااااااااااااااااااا
هان : كانج اقفشها
كانج : انا هلمك من الشقق المفروشة بعد كده
ريووك : ششششش .. ده كائن الكيبوم
كانج : وده من الثدييات ؟!
ريووك : اخرس .. الكائن ده مش اي حد بيشوف .. ليه مواعيد معينة للظهور سنوياً وبعدها بيختفي ومحدش بيلاقيه اثر ومحدش يعرف عنه اي حاجة واحتمال اصلا ميكونش معانا في الكلية .. دي من اللحظات النادرة جداً اللي ممكن تشوفوه عالطبيعة عشان كده اسمعوا الخطة احنا هنحاصر المكان ونبعت حد يكلمه ولو حاول يهرب نقفشه
يسونج : ولو طار ؟!
هان : هو مين اللي يطير انته اهبل
ريووك : متستبعدهاش يا اخ .. انا هطلع فوق الشجرة واتشعلق فرجله لو طار .. يلا بينا
وانطلق الاربعة لتأديه الخطة وكل واحد اخد مكانه ورا اي حاجة وعمل تمويه بينما تقدمت نيللي منه بحذر وكلام ريووك اقنعها انه اول مايشم ريحة دمها هيفتح عينه وينقض عليها فمسكت عصاية من عالارض ووقفت من بعيد تنغزه بيها
نيللي : يا كائن .. انته يا اخ اصحى
وبالسولو موشن فتح كيبوم عنيه واتمطع وبصلها وابتسم
كيبوم : هاي
وبينما هي مشغولة بإعلان سيجنال تو اللي قدامها بدء الشباب بالتقدم وهجموا عليه ثبتوه في الارض وريووك بيصرخ
ريووك : متحاولش الهرب المكان كله محاصر وهنفجر كانج فيك
كانج : انا مال امي
كيبوم بهدوووووووووووء كأن مفيش اربع شباب قاعدين فوقه وشكلهم بيمهدوا المجال لكائن مريب انه يهجم عليه
كيبوم : ممكن تحاسبوا عشان الموبايل هيتكسر, لو عايزين تخطفوني بلاش عنف لو سمحتوا
تراجعوا بقلق وهما بيحاولوا يستوعبوا الكائن ده
كيبوم : كويس ودلوقتي اقدر اخدمكوا ؟
نيللي : احم اه .. احنا .. والله مش عارفة الاهبل ده جابنا هنا
زقت ريووك عليه فوقف قصاده بحذر
ريووك : بص احنا ...
كيبوم : انتوا اللي بتعملوا فرقة في الجامعة ومعندكوش اصوات كفاية فمدرب الغنا عايز اصوات تانية عشان كده جيتوا عشان ادخل معاكوا الفريق
كانج : انا نفسي لسه عارف سبب اننا جينا منك والله
يسونج : وانته هتتحول وتاكلنا امتى بقى ؟
كيبوم : مش دلوقتي عشان مش جعان
ريووك : طوووووويب انا هرجع شغلي وانتوا عيشوا حياتكوا
نيللي : انته اللي جبتنا هنا يا عسول ويا نخرج كلنا يا محدش يخرج
ريووك : لازم حد يعيش عشان الجزء التاني
هان حاول يتصرف كالعاقل الوحيد في المكان
هان : طب بما انك عارف , موافق ؟
كيبوم : اه وماله يلا بينا
مشي في اتجاه المسرح
يسونج : ودلوقتي احنا ارشدناه على مكان فيه ضحايا اكتر وهنندم كلنا
هان : كفاية هبل الراجل شكله طيب
نيللي : انته مقتنع باللي بتقوله
هان : لا بس لازم يبقى في حد عاقل في المكان
مشيوا وراه وراحوا عالمسرح تاني وكان الكل هناك
نيللي : جومي .. اعرفك بكيبوم عنده موهبة و ...
جومي : شششش مش انتي اللي تقولي عنده موهبة انا اللي اقول هنا .. اتفضل يا بابا سمعنا
كيبوم : تحب اغني ولا اراب ولا ارقص ولا اعزف
دوني : ايه ده جايبنلنا واحد فول اوبشن
ريووك : متغلطش فيه لا يلبسك
كيبوم : يبقى هراب
بدء يغني راب انجليزي محدش فهم منه اي حاجة بس كلهم صقفوا بهبل وخلاص
هيوك : من النهاردة انته صديقي
جومي : تلوث سمعي ايه ده انا مالي انا ومال الراب انا عايز فوكال فوكال ايه مبتفهميش اووووووف انا راجع الحمام تاني
كانج : هتغابي عليه
نيللي : بغض النظر عن اننا حلينا مشكلة الرابر اللي مكناش نعرف انها موجودة اصلاً .. هنعمل ايه في موضوع الفوكال ده
شيون : طب مانطلب من كيوهيون يساعدنا
دوني : دحيح الدفعة ؟!
ليست هناك تعليقات:
إرسال تعليق