Kiss Kiss "One Shot"
يا فتاح يا عليم يا رزاق يا كريم .. ف هذا الصباح الجميل والدنيا شمس ما شاء الله .. كان كل واحد رايح ف طريقة منهم اللى رايح مدرستة .. ومنهم اللى رايح شغله .. ومنهم اللى صيع ونايمين ف بيوتهم ودول ملناش دعوة بيهم .. خلونا ف اللى رايحين شغلهم وخصوصا ف المبنى الكبير الطول بعرض ده .. وعشان متسالوش كتير دى شركة وياريت محدش يسال شركة ايه دى .. اهى شركة وخلاص
المهم كان الكل لابس بدل ومتشيك وبيدخلو بسرعة وكان من ضمن الناس دى واحد ماشى كانه برنس داخل شركة ابوة حاطط ايده ف جيوبه وماشى بارعنه قوى وطبعا اكيد عرفنا مين ده .. بالظبط هو بطل قصتنا النهاردة .. انه كيم هيتشول دخل البرنس قصدى هيتشى الشركة وطلع لمكتبه وقعد ع كرسيه بعد ما فتح زرار البدلة وبص ع المكتبين الفاضيين اللى معاه ف نفس المكتب وهز راسه وقعد زى الباشا
وبدا بسم الله يشوف شغله طبعا قبل ما يبدا يمسك القلم حتى طلع فونه وبدا يلعب شوية عشان يفوق .. كان شوية شوية هيدخل جوه الشاشة ويلعب هو بنفسه .. ما علينا بعد شوية الله اعلم قد ايه اتفتح الباب ودخل عليه جوز ملايكة اسمهم دونى وهيوك .. وطبعا بما انهم جايين متاخريين وعارفين اللى مستنيهم من اسم النبى حارسه هيتشى حبو يضحكو عليه زى كل يوم
دونى : صباح الخير
رفع هيتشى راسه وبصلهم من فوق لتحت وبص ع الساعة المتعلقة ع الحيطة ورجع بصلهم تانى ببرود وبص ع الفون
بص دونى وهيوك لبعض وبعدها طلعو كوباية النسكافية ومعاه ساندوتش وحطوها ع المكتب قدامه
هيوك : طب صباح الخير
بص هيتشى ع الحاجة اللى ع المكتبة واتحولت نظرته من البرود للكيوت وساب الفون ومسك النسكافيه : صباح النور
دونى بابتسامة وبهمس لهيوك : مش قولتلك دايما الحيلة دى بتنفع معاه
هيوك بنفس الهمس : مادى حقير
فزعهم هيتشى بنظرته اللى اتحولت تانى : سمعتك يا كلب منك ليه
الايونهاى : احيييييييييييه
هيتشى : ف ثانية واحدة لو كل واحد فيكو مقعدش ع مكتبه .. هقوملكو .. وانتو عارفين انا لو قمت هيحصل ايه وطبعا
الاتنين مكدبوش خبر وفطو ونطو كل واحد ع مكتبه وحط راسه ف قلب الورق .. بصلهم تشولا وابتسم بانتصار وبدا يشرب النسكافية وياكل الساندوتش وهو حاطط رجل ع رجل وعمال يلف بالكرسى
بعد ما خلص هيتشى اكله وشربه .. بدا يشتغل زى باقى البشر الطبيعية .. عدت ساعة اتنين ثلاثة لحد ما جه معاد الراحة طبعا بمجرد ما وقت الراحة جه جرى الايونهاى بره المكتب اجل يا ساده انه الجوع اللى بيتحكم فيهم بعد ما عصافير بطنهم شحرت وجابت جاز .. اكلو ودبوها ع الاخر وكل واحد قعد يحسس ع بطنه
دونى : انا اكلت كتير لدرجة ان مفيش مكان خالص اشرب حتى مية
هيوك : ومين سمعت انا حاسس انى هنفجر .. قوم بينا نمشى لحد المكتب يمكن المعدة تشتغل كويس
قامو الايونهاى اتانكشو ومشيو سلانكتيه ولا كانهم اتنين حوامل ماشين بيسندو ع بعض ومحدش فيهم حاسس بهيتشى اللى ماشى وراهم وماسك فونه مركز فيه قوى لحد ما لفت انتباهه كلام جوز الخيل
دونى : انا نفسى افهم انت ومراتك بتاكلو اكل كتير ومش بيبان عليكو
هيوك : ايه يا دونى قل اعوذ برب الفلق يا اخى .. انت هتنق علينا ولا ايه ؟
دونى : لا بتكلم جد انا بلعب رياضة عشان مش اتخن .. انما تعالا اتفرج ع المدام نفسى افجرها بالرغم انها مش بتاكل كتير وممكن تقعد طول اليوم ع وجبة واحدة
هيوك بابتسامه : واللى يقولك ع حل سهل وبسيط
دونى : لو هتقولى نعمل دايت ونظام اكل معين ونمشى مش عارف قد ايه هفجرك انت كمان معاها واخلص منكو انتو الاتنين
هيوك : لالالالالالالالالا مفيش الكلام ده انا هقولك ع حل سحرى يخسسكو وكمان يخلى صحتكو كويسة ومش هيكلفك ولا مليم
دونى : الحقنى بيه ابوس اى حاجة
رفع هيتشى عينه من ع الفون وبص قدامه ع هيوك باهتمام مستنية يقول ايه هو الحل السحرى بتاعه .. بس هيوك وقف ومد بوزه لقدام
هيتشى ف نفسه : هو ما صدق دونى جابله سيرة البوس راح مادد بوزه ع طول .. انا قولت من الاول ان الواد ده صايع ومنحرف بس مكنتش اتوقعه يوصل لكده
قاطع تفكيره قبل ما يبدا ياخده لبعيد صوت دونى : انت مادد بوزك ليه ؟.. انت عايزنى ابوسك ولا ايه ؟
هيوك : يالا يا معفن .. هى الدنيا ضاقت بيا ملاقيش حد ابوسه غيرك
ضربه دونى ع بؤه : اومال بتمدلى ف شفايفك ليه .. فرحان بيها ؟
هيوك : يا غبى افهم هو ده الحل اللى بقولك عليه
دونى : مش فاهم
هيوك : يارب ارحمنى من الغباء .. يابنى يا حبيبى افهم البوس بين الراجل ومراته عموما ليه فوايد كتيرة ومنها التخسيس
دونى : ياعم انت هتشتغلنى
هيوك : تصدق انى غلطان اصلا انى حاولت اساعدك غور بقى من قدامى .. وفك ايده منه وزقه بعيد عنه
كل ده كان هيتشى ماشى وراهم عمال يبص ع كل واحد بيتكلم فيهم لحد ما جاله حول منهم .. المهم رجع دونى كلبش ف دراع هيوك تانى
دونى : انت بتتكلم جد
هيوك : انت بنفسك قولتها انا والمدام مش بنتخن بالرغم اننا مش بنعمل رياضة
دونى : يا سلام يا خويا .. وايه دليلك بقى ع الكلام ده ولا هو اى كلام بيتقال وخلاص
هيوك: احم احم هناك دراسه
دوني : هناك!
هيوك : اخرس وخليني اكمل.. هناك دراسه اثبتت ان البوس بيحرق السعرات الحراريه
وقبل دوني ما يفكر ينطق لقي نفسه واخد الحيط بالحضن ودخل هيتشى فرق جوز العصافير عن بعض .. نطر دوني وحط ايده علي كتف هيوك
هيتشى : انت ياض كلامك ده بجد وحقيقي ولا لعب عيال
هيوك: عيب يا برنس خد مني ومتراجعش ورايا
رجع دونى ووقف جنب هيتشى : تسلم ايدك يا سيد الناس
اتنهد هيتشى وحط ايده ع دقنه ووقف يبص لهيوك ودونى بنظرات متفحصه .. ده خلاهم استغربو وبدا يبصو لبعض وكل واحد يسال التانى والتانى يهز اكتافه بمعنى مش عارف
دونى : هيونغ .. هو ف ايه ؟
حط هيتشى ايده الاتنين ع هيوك ودونى : طيب مين فيكو يا حلوين اللى هيتطوع للمهمة دى
بص الايونهاى لبعض واتكلم هيوك : مهمة ايه بالظبط ؟
قربهم هيتشى ليه اكتر : لا هو انتو معندكوش خلفية .. انا عايز اخس ولازم حد فيكو يتطوع ويساعدنى وطالما هى ع قد البوس بس يبقى مش مشكلة
بص الاينوهاى لبعض واخيرا الحمد لله فهمو قصد هيتشى .. شالو ايده من عليهم وزقوه بعيد عنهم
دونى : انت اتجننت
هيتشى : اتجننت متجننتش .. هعملها يعنى هعملها مانا لازم اتاكد
هيوك : طب ما تعملها مع مراتك احنا مالنا
هيتشى بابتسامة بريئة : تصدق صح انا نسيت انى متجوز اصلا
هز الايونهاى راسهم وسابوه ورجعو المكتب وكملو شغلهم ف امان الله ما عدا هيتشى اللى رجع مكتبه وبدا يدور ع فوايد البوس .. وما شاء الله لاقى ليها فوايد تانية غير التخسيس
" بت منك ليها محدش يعمل الكلام ده غير لما تتجوزى احنا حذرنا وانتو حريين .. اللهم بلغت اللهم فاشهد "
نكمل بقى باقى الشوت
بعد ما خلصو شغلهم وكل واحد روح ع بيته .. دخل هيتشى بيته وهو جايب معاه بطيخة عشان تطرى عليهم ف الحر
هيتشى : السلام عليكو
باتى وهى خارجة من المطبخ ولابسة المريلة وماسكه كبشة ف ايدها : وعليكم السلام
راحت زى الشاطرة وزى اى زوجة مصرية اصيلة خدت البطيخة عشان تحطها ف الثلاجة واتكلمت من المطبخ بصوت عالى : ادخل خدلك دش عشان تفوق من تعب الشغل
دخل هيتشى ياخد الدش التمام من غير ما تقول الانسة باتى .. قصدى مدام باتى لاحسن دى كده تبقى عيبة ف حق هيتشى .. المهم خرج لاقى المدام حطت الاكل وهنا طلعت لمبة ف دماغ هيتشى وافتكر كل اللى حصل ف البريك وكلام هيوك .. ابتسم وراح ناحيه زوجته العزيزة وكان هيبوسها
بعدت عنه باتى : انت بتعمل ايه ؟
هيتشى ببراءة : هبوسك يا حبيبتى
قعدته باتى ع كرسى السفرة : ناكل الاول وبعدين اعمل اللى انت عايزة
هيتشى : وماله مانا ممكن ابوسك وبعدها ناكل و......
قبل ما يكمل جملته لاقى الاكل داخل جوه بقه بس مش اكل طبيعى .. ده اكل بالاكراه .. الاكل بيتبلع بقوة الدفع من غير ما يلحق يتمضغ .. برقلها هيتشى وهو مش قادر يتنفس وكل ما يحاول يفتح بقه تقوم ماكلاه تانى لحد ما مسك ايدها وبدا يمضع واخييييييييييييييييييييييييييرا بلع الاكل اللى ف بؤه
هيتشى بعد ما اخد نفسه اللى اتقطع : ايه يا وليه انتى بتاكلينى ولا بتزغطينى .. انا مش بلحق اخد نفسى الاكل بينزل كانه نازل مزلقان
فكت باتى ايدها وبدا تاكله تانى : عشان .. تسمن .. وتتخن .. وتتغذى .. وتألوظ كده
مسك هيتشى ايدها تانى وبلع الاكل : نعم يختى .. أالوظ .. هو مين فينا اللى مفروض يالوظ يا وليه يا مجنونة انتى
اتغيرت ملامح باتى للزعل : كده يا هيتشى بتقول عليا مجنونة وانا خايفة عليك وع صحتك وعيزاك تبقى احسن
هيتشى نظرته قلبت حنينة : انتى زعلتى .. خلاص خلاص متزعليش .. اكلينى براحتك كده كده كله هيروح كمان شوية
باتى : هيروح ازاى يعنى ؟
هيتشى بخباثة : هفهمك بعدين .. اكلينى يالا .. اااااااا
وفتح بقه ع الاخر عشان عشان تاكله .. وطبعا الهانم مكدبتش خبر وفضلت تزغط فيه زى البطة .. لحد ما شبعو الحمد لله وخلصو اكل
هيتشى : الحمد لله .. تسلم ايدك يا بانتى
باتى وهى بتشيل الاكل : الف هنا ع قلبك
دخل هيتشى غسل ايده وخرج : الله يهنيكى
لفت باتى عشان تدخل المطبخ وهى بتقول : اعملك شاى
فجاه لاقت هيتشى بيشدها من دراعها ولفها ليه وشه قريب من وشها : شاى ايه بس .. انا عايز احرق سعرات الاكل اللى اكلته
وحط شفايفه ع شفايفها وباسها بوسة سطحية مش مركز فيها كويس لان كل تركيزة كان ف حاجة تانية
بعد عنها هيتشى : مش حاسس انى بحرق سعرات حرارية ولا بخس
باتى : هو ف ايه ؟ .. انت مش مظبوط النهاردة
سابها هيتشى وراح مسك فونه وطلب رقم معين وهو بيقولها : اسكتى خالص لحد ما افهم ايه اللى بيحصل
بعد الفون ما رن مرة واتنين اخيرا رد الطرف التانى اللى مكانش اى حد .. ده هيوك للاسف وقبل ما ينطق بكلمة يا عين امه اتخرع من صوت هيتشى الجبار
هيتشى بصوت عالى ونبرة حادة : بتضحك عليا يابن ال*#^!$#&@)()!&@# ده اها هعلقك
بعد هيوك ما فاق من خرعته ومسك الفون عدل : ليه بس انا عملت ايه ؟
هيتشى : انت هتستهبل يا روح طنط
هيوك : ياسيدى الله يسامحك
هيتشى : بتضحك عليا وتقولى البوس بيعمل ويسوى وانا مش حاسس باى حاجة خالص
هيوك ببرطمة : يبقى العيب فيك انت بقى
هيتشى بصوت عالى : نعم ؟!!
هيوك : انا اسف .. بس فعلا مش بكدب عليك ده انا حتى كنت لسه بسخن مع الولية .. اااااه بطلى ضرب بقى .. طبعا اخد كف خدامين عشان بيقول لهيتشى هما بيعملو ايه
هيتشى : بتسخن بتعمل ايه بقى ؟
هيوك : هيونج دى مسائل خاصة مينفعش اقولك عليها
هبتشى : يا غبى افهم انا ميهمنيش انت بتعمل معاها ايه حتى لو هتولعو ف بعض
هيوك : تسلم يا كبير .. طب قولى انت عملت ايه ؟
هيتشى ببراءة : بوستها
هيوك : ايوة بوستها ازاى ؟ .. وفجاه لاقى كف تانى نازل عليه .. يا وليه اهمدى بقى
هيتشى : بوستها عادى يعنى
هيوك : اطلع من هدومى منك .. هو انا كده كده هطلع منها بس انت هتجننى
الوليه مرات الموكوس وهيتشى ف نفس واحد : هيووووك
هيوك : بيت ابوكو سرعتونى .. بص يا كبير انا هجبلك الزتونة بوسها بضمير شوية وكل ما هتزود ف الموضوع كل ما هيكون احسن
هيتشى : قصدك يعنى ....؟
هيوك : اسم الله عليك .. واقفل بقى كده اخدت اكتر من وقتك
قفل هيتشى السكة ف وش هيوك من غير ما يقوله سلام بس طبعا استحلفله ف سره انه هيطلع عينه تانى يوم
بص هيتشى قدامه ع باتى اللى قعدة مش فاهمة حاجة ف اى حاجة .. وبدا يقرب منها وابتسامه خبيثة بدات تترسم ع وشه ونظره عينه اتغيرت
بدات باتى ترجع لورا وهى شايفة هيتشى بيقرب عليها :ايه ف ايه ؟ مالك ؟
هيتشى : ده احنا ليلتنا عنب
باتى : انت نفسك تاكل عنب .. انت لسه مشبعتش ؟
هيتشى : ده انا ناوى احرق اللى اكلته .. اقولك ع حاجة هتموتى يا سوسو
باتى : هيتشى يا حبيبى انت اتجننت ؟
هيتشى : انتى لسه شفتى جنان .. وقلع التيشيرت بتاعه : استعنا ع الشقا بالله .. ومسك البت الغلبانة من ايديها الاتنين : حلال الله اكبر
وانقض هيتشى ع الوليه كانه اسد بينقض ع الفريسة بتاعته بس بطريقة حلوة وحونينة وهيييييييييح بقى
-------------
ليست هناك تعليقات:
إرسال تعليق