Catch him .. Part 29

Catch him .. Part 29

عدل شيون بدلته وبعدها اتكلم : اذا كان ده قرارك فاسمح لي انا كمان ليا قرار و هنفذه
ميني : اللي هو ايه ؟
اتحكم شيون فى نظراته وصوته وتعابيره واتكلم بطبيعيه : اكيد هتعرفه بس كل حاجه في وقتها .. وبعدها خرج شيون

بعد ما خرج شيون فضل ميني يفكر في كلام شيون .. ياتري ايه هو قراره ؟ وفضلت افكار كتيرة تيجى فى دماغ مينى .. لانه عارف ان شيون ممكن يعمل اي حاجه وكل افعاله مش بتبقى كويسه .. بس وقتها قرر انه مهما كان اللي هيعمله مش هيهتم بيه .. لانه هيقدر يقف قدام اى حاجة شيون ممكن يفكر فيها او يعملها .. ولان احساس الراحه اللي حس بيه كان كافي بالنسبة ليه عن اى حاجة تانية وهو بقاله كتير محسش بالاحساس ده .. كان حاسس بكتله علي كتفه واتشالت .. وانه هيبقي رجل الاعمال اللي كان بيتمناه ابوه وامه واخواته .. اتنهد براحه محسش بيها من زمان 

بس عند شيون كان الوضع عكس كده .. اول ما وصل لعربيته ركبها وابتدي يخبط في العربيه بايده بغضب بس ده مكانش كافي انه يخمد البركان اللي جواه
وابتدي يكلم نفسه : تبطل شغل بعد كل اللي عملته علشان توصل للي انت فيه دلوقتي .. عايز تبعد عن كل ده علشان اخوك اللي مكانش معبرك .. عايز تمحى تعبي لسنين وسنين .. عايزني ابقي في الشركه تانى .. مانا ياما فضلت في الشركه عملت فيها ايه…  سكت شويه وكمل : هيوك انا هخليك تندم

بعد يومين استغلت لولو ان امها وابوها مش فى البيت راحو يزور خالتها واخدت معاها ريما .. وهنرى خلص شغله وطلع يقابل اصحابه وهيقضى باقى اليوم معاهم .. فكلمت ايمى وهيمى عشان يقضو وقت مع بعض لوحدهم و قررو انهم يرجعو يوم من ايام الشقاوه تاني .. وصلت ايمى قبل هيمى وفضلو يتكلمو ويحكو عن حاجات حصلت معاهم ويرخمو على بعض وبياكلو فاكهة
ايمي كانت عماله تقطع فى التفاح : صح شفتى دوني عمل ايه ؟
لولو عماله تاكل فى التفاح اللى ايمى بتقطعه  : ايه اتجوز عليكى عرفي
بصت عليها ايمي كانت هتاكلها  :لا
لولو  : اومال شرعي ؟
مسكت ايمي السكينة بشكل اقوى : ياااا لا
لولو ببرود وهى عماله تاكل : اومال بلغ عننا ؟
ايمي وهي بتجز علي سنانها ورفت السكينة فى وش لولو : شكلي انا اللي هقتلك و هروح اسلم نفسي .. ابو شكلك .. مش هحكي حاجه

قبل ما ترد لولو على ايمى .. رن جرس الباب
لولو : دى اكيد هيمى روحى افتحيلها عقبال ما اروح اجيب اللاب توب من الاوضة زمانه شحن
ايمي بصوت عالي : اه مانا البواب اللي اشتراه لكم سي دوني
سابتها لولو وراحت لاوضتها .. وراحت ايمى تفتح الباب بس اتفاجئت من اللى شافته

خرجت لولو من الاوضه وهى ماسكة اللاب وباصه فيه : هنشغل اغانى بقى ونهيص و……
رفعت راسها عشان تبص على البنات بس شافت حاجة تانية خليتها تقف مكانها من غير ما تتحرك

2 رجاله وقفين في نص الصاله واحد منهم ماسك ايمى من ضهرها وحاطط دراعه على رقبتها وحاطط المسدس على راسها .. والراجل اللى جنبه حاطط مسدسه ناحية لولو .. وفى واحد تانى دخل وقف قدامها وماسك المسدس فى ايده بس مش موجهه وعلى وشه ابتسامه جانبيه .. الشخص ده هو … شيون

قرب شيون من لولو والابتسامه على وشه : لو مش عايزه حاجة تحصل لصحبتك تيجى معانا من سكات .. انا كنت ناوي انتقم من واحد بس مفيش مانع لما انتقم من اكتر من واحد
ومشى رايح لمكان ايمى : النهاردة يوم حظى
اخد شيون ايمى من ايد الراجل اللى كان ماسكها وكتفها بايده : كتفو حضرة الظابط بطريقة محترفة عشان متقدرش تفك نفسها

وبالفعل استسلمت لولو ليهم وكتفوها من غير مقاومة لانها حسبتها بالعقل هما 3 رجال مسلحين واحد منهم ماسك ايمى .. مكنتش هتقدر انها تقاومهم وخصوصا انها معهاش اى سلاح .. نزل شيون ووراه واحد من الرجاله ماسك ايمى والتانى وراه وماسك لولو المتكتفة وركبو عربية سودا

فى الوقت ده كانت هيمى تقريبا وصلت لبيت لولو بس شافت الموقف ده قدامها استخبت بسرعة ورا عربية وشافت لولو وايمى وهما متكتفين وبيركبو العربية مع شيون .. فضلت هيمى واقفة مكانها مش عارفة تعمل ايه .. طلعت تليفونها واتصلت بتشولا اللى كان فى مكتبه مع دونى لانهم استلمو قضية جديدة
رد تشولا من تانى رنة لانه كان مستنى اتصال هيمى : وصلتى ؟
هيمى بصوت مرعوب : تشولا الحقنى
اتفزع تشولا من نبرة صوت هيمى وكمان كلمتها : فى ايه ؟
بصله دونى باستفهام وفضول .. هو حصل ايه عشان تشولا يتفزع كده
هيمى وهى بتعيط : شيون خطف.. لولو وايمى .. انا لسه .. شيفاهم حالا 
قام تشولا وقف واتكلم بصوت عالى : ايه ؟ .. انتى بتقولى ايه ؟ .. وازاى ده حصل .. وانتى فين دلوقتى ؟
هيمى وهى لسه بتعيط : انا واقفة قدام بيت لولو مش .. مش عارفة اعمل ايه ؟
تشولا : انا جايلك حالا اوعى تتحركى او تقفلى السكة
قام دونى بسرعة ومسك تشولا : فى ايه ؟ .. ايه اللى حصل .. طمنى ؟.. مالها هيمى
وقف تشولا وبص لدونى وسحبه من ايده : ايمى ولولو اتخطفو
وقف دونى مكانه ومسك تشولا بقوة والصدمة على وشه : ايه ؟
سحبه تشولا تانى : تعالى معايا هقولك كل حاجة فى الطريق .. لازم نوصل لبيت لولو .. هيمى هناك هنعرف منها كل حاجة

راح دونى بسرعة ركب العربية وبدا يسوقها بسرعة جنونية وجنبه تشولا وبدا يحكيله كل اللى هيمى قالته وهو  حاطط السماعة على ودنه وبيكلم هيمى عشان يتاكد انها لسه معاه لحد ما وصلو قدام البيت .. نزل دونى وتشولا وجريو على هيمى اللى كانت قعدة قدام البيت وضامه رجلها وعماله تعيط .. واول ما شافتهم قامت بسرعة وراحت حضنت تشولا
هيمى عيطت اكتر وهى فى حضن تشولا : انا خايفة اوى
تشولا بيحاول يهدى هيمى : اهدى وحاولى تفتكرى اى حاجة توصلنا ليهم
هيمى : انا مش فاكرة اى حاجة غير انى شفت شيون خارج من البيت ووراه واحد ماسك لولو وواحد ماسك ايمى وركبو عربيه سودا ومشيو بسرعة
دونى بحده : ايه نوع العربية او رقمها ؟
هزت هيمى راسها : مش عارفة انا ملحقتش اشوف اى حاجة لانى كنت مخضوضة
اتعصب دونى جامد وضرب الارض برجله وصرخ بعصبية
بصله تشولا وهو حاضن هيمى : دونى اهدا عشان نعرف نتصرف
دونى بعصبية : نتصرف ازاى واحنا مش عارفين اى معلومة .. وممكن شيون يعمل فيهم اى حاجة 
تشولا بحزم : انا عندى حل بس لازم اطمن على هيمى مينفعش اسيبها لوحدها ممكن يحصلها حاجة هى كمان
دونى بعصبية : هنوديها فين ؟.. منقدرش نسيبها ومنقدرش ناخدها معانا
سكت تشولا لانه مقدر الوضع اللى دونى فيه وغمض عينه : نوديها لليتوك هيونغ .. هو ده المكان الوحيد اللى ممكن نسيبها فيه .. وبعدين فين هنرى ؟ .. لازم نكلمه هو كمان
دونى سابهم وراح للعربية : يالا بسرعة معندناش اى ثانية نضيعها

راح وراه تشولا وهيمى ركبت هيمى ورا وتشولا ركب جنبه قدام .. وهما فى الطريق كلم تشولا تيكى عشان يعرف هو فين وقاله على كل اللى حصل وانه هيسيب هيمى عنده وطبعا تيكى وافق .. وبعد 10 دقايق ومع سرعة دونى فى السواقة عشان ميتاخروش وصلو لبيت تيكى

نزل تشولا مع هيمى من العربية وراح رن الجرس الباب
فتح تيكى واخد هيمى من تشولا ونادى على مراته عشان تاخدها جوه وتهديها
تشولا : هيونغ خد بالك منها
خبطه تيكى على دراعه : متقلقش عليها .. انتو كلمتو هنرى ولا لسه ؟
هز تشولا راسه : لا لسه
وفى نفس الوقت سمع صوت دونى وهو بينادى عليه .. بصله تشولا ورجع بص لتيكى
تيكى : روح وانا هكلم هنرى اقوله اللى حصل .. وكمان هكلمهم فى القسم عشان يجهزو الدعم اللى محتاجه ويبداو كمان يشوفو اى وسيلة يقدرو يساعدوكو بيها انكو توصلو لمكانهم باسرع وقت
هز تشولا راسه وانحنى بامتنان : كوماوا
وسابه وجرى ركب العربية جنب دونى واول ما ركب طلع تليفونه : انت فين ؟ .. تمام .. انا جايلك حالا .. وقفل
وبص لدونى : اطلع بسرعة على المول
بصله دونى باستغراب وعصبيه : مول ايه دلوقتى ؟
تشولا بصوت عالى : اسمع اللى بقوله وانت هتفهم كل حاجة
اتنفس دونى بعصبية وبدا يسوق بسرعة باتجاه المول
قبل ما يوصلو اتكلم تشولا تانى فى التليفون : انزل انا تقريبا وصلت
دونى : انت بتكلم مين ؟
تشولا : دلوقتى حالا هتفهم

واول ما وصلو كان هيوك واقف قدام المول .. اول ما شافه دونى الدم غلى جواه ونزل من العربية بسرعة وراح ضرب هيوك ومسكه من هدومه .. نزل وراه بسرعه تشولا وفك هيوك من دونى
تشولا وقف فى النص بينهم ووجهه كلامه لدونى : ممكن تهدى شوية
دونى : اهدى ازاى وهو سبب البلاوى اللى حصلت واكيد هو اللى سلط شيون عشان يخطفهم
هيوك عمال يبصلهم باستغراب مش عارف فى ايه بس واضح طبعا انها مش حاجة كويسة  : هو ايه اللى بيحصل ؟
لف تشولا لهيوك واتكلم بجدية : شيون خطف لولو وايمى
فى اللحظة دى حس هيوك كان صاعقة ضربته : ايه ؟ ازاى ؟ وامتى ؟
حاول دونى يضرب هيوك تانى : عامل نفسك مش عارف
مسكه تشولا تانى  وبص لهيوك اللى باين على ملامحه الصدمة والخوف : من شوية هيمى شافتهم وقالتلنا
هيوك بصدمة : مستحيل
دونى بعصبية : كفاية كدب بقى .. انت اكيد عارف هما فين .. انطق .. اتكلم
هيوك بعصبية : انا معرفش اى حاجة عن اللى حصل غير دلوقتى .. وبعدين انا استحالة ااذى لولو او ايمى
دونى : تفتكر انى هصدقك
تشولا بصوت عالى : بس انت وهو .. خلونا فى اللى احنا فيه دلوقتى المهم نقدر ننقذهم ونعرف هما فين

فى نفس اللحظة دى كان هيوك مطلع تليفونه واتصل بمينى
ميني : هيوكى
هيوك بصوت عالي : شيون فين دلوقتى ؟
ميني بجدية : انت بتسال عن شيون ليه ؟ انا مش فاهم منك حاجه
هيوك  بنفس النبرة : شيون خطف لولو و ايمي … ومتحاولش تقتنعنى انك متعرفش حاجة .. لان شيون ميقدرش يعمل حاجة زى كده غير لما انت تكون عارف
ميني : انا فعلا مش عارف ايه اللي انت بتقوله ده .. وازاي شيون يعمل كده ؟
هيوك بحزم  : شيون فين دلوقتي ؟
ميني : مش عارف هو فين
هيوك بسخريه : انا مكنتش متوقع انك هتقول اصلا … بس انا هعرف اوصله .. وقفل السكه في وش ميني
تشولا : تفتكر شيون ممكن يكون موجود فين دلوقتي
هيوك بخيبه امل : معرفش … انا مش قادر افكر
دوني اتنهد : احنا ممكن نخلي حد يتبع تليفونهم و نقدر نوصل لمكانهم
خبط هيوك ايده علي دماغه : استني انا عامل خاصيه التتبع بيني و بين لولو بالتليفون
سحب تشولا التليفون من ايد هيوك بسرعه : و ساكت من بدري
فتح البرنامج وراحو بسرعه ركبو العربيه وراحو علي المكان اللي ظهر ان البنات فيه .. والمرة دى ساق دونى العربية بطريقة اسرع من اى مرة فى حياته

فى نفس الوقت كان مينى باصص على تليفونه بعد ما هيوك قفل السكة فى وشه .. وبدا يلعن شيون لانه قرر انه ينتقم بطريقة مكنش مينى يتوقعها .. هو كان واخد احتياطة من كل حاجة الا انه يخطف اى بنت منهم
وبسرعة طلع رقم شيون و كلمه .. رد عليه شيون
ميني بحدة : انت فين ؟
شيون ببردو : ليه ؟
ميني بعصبيه : انت خطفت لولو وصحبتها ؟
شيون بنفس البرود : واااااااااو الاخبار بتتنقل بسرعة .. انت عرفت منين ؟
ميني بحزم وحدة وتحذير : هيوك كلمني و قالي … شيون لو هيوك وصلك باي طريقه متتهورش معاه
ملقاش من شيون اي استجابه وده خلاه ميرتاحش .. وقرر انه يتدخل مباشرة
ميني : انت فين ؟ .. انا جايلك

جت فكرة لشيون عمره ما كان فكر فيها قبل كده .. ان دي فرصته انه يتخلص من هيوك و ميني مع بعض وبعدها ياخد البضاعه ليه
شيون بابتسامه : انا فى  ******
ميني : انا جايلك .. ولتانى مرة بحذرك متعملش اي حاجه لاي حد لغايه ما اوصلك  .. وقفل السكة

بص شيون لتليفونه وابتسم بخباثه ورجع بص للولو اللي متكتفه قدامه علي الكرسي
شيون بنفس الابتسامه : حبيب القلب جايلك علشان ينقذك .. ميعرفش انه بكده بيقدملى اكبر خدمة .. بس مش هيلحق لاني هموتكو انتم الاتنين… فكر شويه وبعدها رجع ابتسم تاني … ولا اقولك هموتك انتي الاول قدامه بس متقلقيش مش هيتاخر عليكي لاني هبعته وراكي بسرعه
وبعدها وجه كلامه ل2 من الرجاله اللي واقفه : اطلعو انتم استنوه بره … هاتوهولي متكتف بس يكون فايق علشان يستوعب اللي هيحصل
هز الرجاله راسهم وخرجو ينفذو كلام شيون
وبعدها وجه كلامه للولو : انا بقي فكرتلك في فكره احسن قبل ما اموتك .. هخليكي تجربي احساس الضحايا اللى كنتى بتحققى فيها قبل ما اموتهم .. وبعدها هموتك وهموته وبص لايمي اللي متكتفه على كرسي جنب لولو وكمل كلامه : متقلقيش دورك جاي وراهم

مسك شيون لولو وهي لسه متكتفه وحدفها علي الارض وقلع الجاكت بتاعه وقطع هدومها وكتم بؤها وابتدي انه يبوسها وهي بتحاول تبعده عنها و تفك نفسها منه وايمي بتحاول تفك نفسها وعماله تصرخ وهى بتعيط فى محاوله بائسه منها انها تبعده عن لولو

في الوقت ده وصل هيوك و دوني و تشولا لقو 2 من الرجاله واقفين على الباب
تشولا : انا هتصرف مع الاتنين دول وانتم ادخلو

دخل هيوك و دوني بسرعه لقو شيون بيحاول يعتدي علي لولو .. راح دوني عليه بسرعه وضربه برجله في وشه ووقعه علي الارض وسحب لولو فى حضنه عشان يهديها ويحاول يفكها .. فى نفس الوقت كان هيوك  شيون بيضربو فى بعض .  بعد شوية دخل تشولا لاقى لولو على الارض هدومها متقطعة وعماله تعيط ودونى حاضنها وبيحاول يفكها .. وايمى قعدة على الكرسى متكتفة بتبص على لولو ودونى وتبص على هيوك وشيون .. راح بسرعة يفك ايمي .. في الوقت ده كان شيون وهيوك لسه بيضربو بعض بس لان شيون اقوى منه طبعا .. قدر انه يوقع هيوك على الارض ومسك مسدسه عشان يضرب هيوك بس فجاه سمع صوت خلاه يبص ناحيته

ميني بصوت عالي : شيون
بص الكل علي اتجاه ميني اللي بدء يقرب من مكان شيون وهيوك وعينه عماله تتحرك بين الاتنين
شيون موجه مسدسه لهيوك وباص علي ميني : انت جاي بدري عن ما كنت متوقع بس مش مشكله هديلك فرصه انك تودعه لاخر مره .. وبعدين بص لهيوك مش هو ده سبب فى بدايه مشوارنا ومعاه هتبقي النهايه بردو .. بس المرة دى انا اللي هحط النهايه واخلص عليكو كلكو

مع نهايه جملته ضرب شيون الرصاصه اللي دخلت فى صدر هيوك بس قبل ما تصيب هيوك كانت عدت من قلب ميني اللي وقف قدامه وهو باصصله .. وقعو الاتنين علي الارض .. وفي نفس اللحظه خرجت رصاصه تانيه بس المرة دى من تشولا اللى طلع مسدسه ودخلت الرصاصة فى دماغ شيون بس للاسف ملحقش انه يضربها قبل ما شيون يضرب رصاصته فى مينى وهيوك

مع الموقف اللي حصل بصت لولو ودوني وايمي وتشولا وهما فى صدمه علي ميني و هيوك .. صرخت لولو ومحستش بنفسها الا وهى سايبه دونى ورايحه بسرعة لهيوك اللي كان باصص علي ميني اللى كانت عينه مغمضه وبيحاول انه يمسكه بايده و يتكلم : ميني … هيونج

مسكته لولو وسندت راسه علي ايدها وحطت ايدها التانيه مكان الرصاصه وهي بتعيط
لولو والدموع بتنزل من عينها وبصوت مهزوز : هيوك متسبنيش
بصلها هيوك وحاول يمد ايده لوشها بس ملحقش لان ايده وقعت قبل ما توصلها وغمض عينه
لولو صرخت : هيوووووووووووووووووك

----------------- 

BY

D&E

Lolo Adel  

Emy Tarek