Catch him .. Part 21

Catch him .. Part 21

فى طريق رجوع هيوك وكيونا بعد ما وصلو لولو وهنرى .. كان كيونا عمال يتكلم مع هيوك اللى مش مركز معاه ورجع بص تانى من شباك العربية وسرحان : هل مينى فعلا ليه علاقة بحادثة دونى وهنرى .. هو ليه بيعمل كده .. يا خوفى المرة الجاية يعمل حاجة فى لولو .. مش قادر اتخيل ان ده اخويا اللى كان بيحبنى وبيخاف عليا من اقل حاجة زمان دلوقتى هو الوحيد اللى بياذينى .. اتنهد .. وكيونا عايزينى اقول للولو الحقيقة كلها بس ازاى .. انا متاكد انها لو عرفت هتبعد عنى .. دلوقتى كل اللى طالع فى دماغى ياريتنى .. ياريتنى ما عرفت لولو وحبيتها .. ويارتنى ما كان ليا اخ يدمرلى حياتى بدل ما يخليها احسن .. وصلنى لدرجة ان اى حاجة وحشة تحصل بحس انه هو السبب فيها حتى لو ملوش علاقة .. اعمل ايه بس فى الوقعة اللى انا فيها دى ؟

فضل هيوك سرحان وكيونا سكت لحد ما وصلو لبيت هيوك .. نزلو من العربية وطلعو البيت

فتحكيونا التلاجة وواقف قدامها : انا جعان قوى

دخل هيوك يغير هدومه : انت دايما جعان وعايز تاكل

بدء كيونا يخرج مكونات من التلاجه واتكلم بصوت عالى عشان هيوك يسمعه : هعملك اكله بقى جامدة

خرج هيوك بسرعة من الاوضة وهو ماسك التيشيرت اللى قلعه فى ايده : لا بلاش انت تعمل حاجة انا مش مستغنى عن عمرى ولا عايز غسيل معدة

كيونا بصله من فوق لتحت وبعدين ابتسم بخباثة : خلاص تعال انت اعمل

نزل هيوك راسه باستسلام : هغير هدومى واجى اعملك اللى انت عايزة .. ودخل اوضته تانى غير وخرج بدا يعمل الاكل

ابتسم كيونا واخد تفاحة وراح فتح التلفزيون يتفرج عليه لحد ما هيوك يخلص الاكل

وقف هيوك يعمل الاكل ويشتم كيونا فى عقله .. لحد ما خلص الاكل وحطه عشان ياكلو .. واول ما بدء كيونا ياكل رمى المعلقة وبدا يهوى على بقه وهيوك فطس من الضحك عليه

كيونا وشه احمر وعينه دمعت وبص لهيوك : انت حطيت شطة كتير قوى

حط هيوك ايده على بطنه من كتر الضحك على منظر كيونا لدرجة ان عينه دمعت وبعدها قام جاب لكيونا طبق تانى

بص كيونا للطبق وفتح عينة بفزع : انت مش مكفيك طبق واحد جايبلى تانى كمان

وقع هيوك ع الارض من كتر الضحك على شكل كيونا لتانى مرة : ههههههه لا ههههه ده مفي ههههههه مفيهوش شطة  هههههههههههههه كتير .. وبدء ياخد نفسه ويبطل ضحك : انا حطيت شطة بزيادة فى الطبق الاولانى

خبط كيونا هيوك على ظهره : انا هوريك يا هيوك اما طلعته عليك

قام هيوك من على الارض وراح قعد مكانه وبداو ياكلو .. وبعد ما خلصو بص كيونا على الساعة وقام وقف : الوقت سرقنا واتاخرت .. همشى انا بقى

وقف هيوك قدامه : بات معايا النهاردة وامشى الصبح على الشركة من بره بره

كيونا : انا مش رايح الشركة بكرة لانى هسافر اخر النهار كام يوم عندى صفقة عايز اخلصها

حط هيوك ايده على كتف كيونا : يبقى تسهر معايا .. نرجع ايام زمان وبكرة روح البيت خد هدومك وحاجتك وسافر

فكر كيونا شوية وبعدين شال ايد هيوك من على كتفه : موافق بس على شرط نلعب ستار كرافت

هيوك : لا لو هنلعب يبقى نلعب كورة

كيونا بعند : لا انا عايز العب ستار كرافت

اتنهد هيوك وجاتله فكرة : خلاص نعمل ورقة حجر مقص واللى يكسب هو اللى كلامه يمشى

كيونا : ماشى

بداو يلعبو كيونا عمل حجر وهيوك عمل ورقة

هيوك بابتسامه : انا اللى كسبت

رفع كيونا 3 صوابع من ايده : نخليها 2 من اصل 3

هز هيوك راسه بالموافقة ولعبو تانى كيونا عمل مقص وهيوك عمل حجر

ضحك هيوك جامد : انا بردو اللى كسبت

كيونا بضيقة : لا احنا قولنا هنبدا 2 من اصل 3 يعنى دى اول مرة فاضل 2 كمان ممكن انا اللى اكسب

هيوك : انت كده بتخم وبتمشى اللعبة بمزاجك

فضل كيونا يهز هيوك من كتفه عشان يرضى يعملوها تانى لحد ما وافق

وقف هيوك وحط ايده ورا ضهره وباصص لعين كيونا اللى عمال يقفل ويفتح ايده ومركز فى عين هيوك وبعدين لعبو تانى

الاتنين عملو مقص وبعدها لعبو تانى كيونا عمل حجر وهيوك عمل ورقة

خبط كيونا رجله ف الارض وهيوك رفع ايده الاتنين لفوق لانه كسب وهو عمال يضحك

وبداو يلعبو اللعبة اللى اختارها هيوك

مسك كيونا الدراع وعمال يحركه ويدوس عليه جامد : اجرى بسرعة بقى ولما جه يشوط الكرة حرك رجله كانه هو اللى بيشوطها

بص هيوك ع شكل كيونا ورجع بص على الشاشة تانى واتكلم بهدوء لانه مركز فى اللعب : ع فكرة انت بتلعب بايدك بس مش جسمك كله

كيونا بيحرك جسمه كله وهو بيحرك الدراع : انت مالك انت .. انا بحب العب كده

وبعد ما كيونا قرب من الجون شاط الكرة جامد طلعت بره .. فتح عينه جامد وبص على الشاشة وبعدين رمى الدراع من ايده : الدراع ده بايظ مش بيعمل اللى انا عايزة

هيوك : الدراع مش بايظ .. انت اللى كل مرة لازم تعمل كده عشان منلعبش

وفضلو طول الليل يتناقرو ويلعبو

تانى يوم فى بيت دونى وايمى كان دوني قاعد علي الكنبه وفارد جسمه عليها وماسك الريموت بيقلب في التليفزيون .. وايمي في المطبخ بتحضر الغدا
دوني بصوت عالي : ايمي
ايمي جت من المطبخ بسرعه : نعم
دوني : عايز اشرب
ايمي : حاضر .. راحت المطبخ جابت الميه وادتهاله ورجعت المطبخ تاني .. شرب دوني وبعدها بشويه نادي دوني علي ايمي تاني
ايمي : نعم
دوني : ولعي النور
ايمي بابتسامه : تؤمر يا حبي
وراحت ولعت النور ودوني بيتفرج علي التليفزيون وبعدها بشويه
دوني : ايمي
راحتله ايمي واتنهدت : نعم
دوني : فوني جوه علي الشاحن بيرن هاتيه
ايمي : طلباتك كترت

راحت ايمي جابت الفون و ادته لدوني وراحت المطبخ .. بعدها بشويه نده عليها تاني
ايمي وهي رايحاله بتتكلم في سرها : يقطع ايمي وسنين ايمي علي اليوم اللي شافتك فيه يا اخي كان فين عقلي يوم ما فكرت اتجوز .. وصلت عند دوني ردت بغيظ : نعم
دوني : جعان خلصتي الاكل
ايمي : الاكل بيتعمل يا حبي *من تحت ضرسها *
دوني : طب هاتيلي اي حاجه اصبر نفسي بيها
راحت ايمي المطبخ وجابت طبق فاكهه ورجعت ادته لدوني ورجعت المطبخ تاني وطت النار علي الاكل ورجعت قعدت جنب دوني تتفرج معاه اخدت الريموت وابتدت تقلب لحد ما وصلت لفيلم Pirates of The Caribbean  وهي بتتفرج
دوني : ايمي
ايمي مش بترد عليه
دوني : ايميييييييييي
ايمي : هممممممممممممممم
دوني : هقطع الفاكهه بايدي
ايمي : عايز ايه يعني ؟
دوني ببرائه : عايز سكينه
ايمي : هوووووووووووف

حطت الريموت علي الترابيزه قدامها وراحت المطبخ جابت سكينه وراجعه شيلاها بطريقه القتل ماسكه الماسك بايدها والسلاح لتحت علي وضعيه القتل  الشرار بيطلع من عينها وراحت غرستها في التفاحه .. بص دوني علي السكينه  الفاكهه باستغراب
ايمي : بطل طلبات بقي او قولها كلها مره واحده
دوني ببرائه شديده : انا اسف بس لو كنت قادر اقوم اعمل الحاجات دي لوحدي كنت عملتها .. انتي عارفه لما بتحرك صدري بيوجعني عموما انا مش هطلب منك حاجه تاني
حست ايمي بالذنب وقعدت جنبه : لا يا حبيبي انت تؤمر دا انا بهزر معاك يا دودو

مسكت ايمي السكينه وقشرت الفاكهه لدوني وقطعتها وبقت تاكله .. فضلو يتفرجو علي الفيلم سوا .. وف وسط الفرجه ع الفيلم خبط الباب بص دوني لايمي
ايمي بصتله و ابتسمت : بطلت انت طلبات اهو الباب خبط
راحت فتحت الباب لقت تشولا و هيمي هما اللي علي الباب سلمت عليهم ودخلتهم .. دخل تشولا سلم علي دوني وقعد تشولا علي الكرسي اللي قدامه وهيمي جنب تشولا وايمي جنب دوني
تشولا : اخبارك ايه ؟
دوني : تمام … انت اللي عامل ايه من غيري اكيد مفتقدني ؟
تشولا : بالعكس ده انا مرتاح خالص و الجو هادي و مفيش دوشه
هيمي لتشولا : اومال مين واحنا جايين كان بيقول ان المكتب من غير دوني ناقص حاجه ؟
بصلها تشولا نظره جانبيه خلاها ترتبك وتحول كلامها لايمى :انتي مش هتشربينا حاجه النهارده ولا ايه ؟
ايمي : لا طبعا هشربكم

دخلت ايمي وهيمي المطبخ ومجرد ما دخلت هيمي المطبخ حطت ايدها علي قلبها واتنفست
ايمي : ايه مالك ؟
هيمي : بصي هو كله علي بعضه يجنن بس بصاته دي ترعب
ايمي : هو الميكس ده اللي مخليه يجنن

ابتدت هيمي تعمل العصير وايمي بتشوف الاكل اللي علي النار وهما بيكملو كلامهم .. وسايبين دونى وتشولا عمالين يتكلمو ولا ف دماغهم حاجة
دوني بتلقائيه : اديني الريموت اللي علي الترابيزه
بصله تشولا شويه واداله الريموت .. مسك دونى الريموت وقلب في القنوات ومش راسي علي قناه معينه .. وتشولا مش حابب الدوشه دي
اتكلم دوني بصوت عالى فجاه : ايمي الاكل خلص ولا لسه ؟
اتخض تشولا وحط ايده ع ودنه وزعق ف دونى : انت بتزعق ليه ودني وجعتني
ايمي : قرب يخلص
دوني : انا جعان قووي .. ووجه كلامه لتشولا : ناولني فاكهه من قدامك
بصله تشولا تانى واداله موزة

دوني : لا عايز تفاحه
تشولا بعصبيه : انت كمان هتتامر انا غلطان اني جيتلك اصلا .. واتكلم بصوت عالي : ايمي تعالي شوفي الواد ده بدل ما اخلصلك عليه
ايمى : هو انت شفت حاجه ده هو طول النهار كده

 
حضرت ايمى وهيمى الغدا وقعدو عشان ياكلو .. ايمي كانت بتاكل دوني علشان ميحركش دراعه وتشولا وهيمي بيتفرجو عليهم
دوني : خلاص كلي انتي بقي
تشولا لايمي : انتي مدلعاه علي فكره الدلع ده هيجي علي دماغك في الاخر
هيمي : يعني انت مش نفسك تتدلع زيه كده
ضحك الكل علي كلام هيمي و شكل تشولا بعدها لانه هز راسه

خلصو الاكل وقعدو مع بعض شويه وبعدها مشي تشولا و هيمي
هيمي : ايمي اكلها بيتحسن عن الاول فعلا في تغير بعد الجواز
تشولا بجديه : التغير مش في الاكل بس
هيمي باستغراب : يعني ايه ؟
تشولا : تحسيها لما شالت مسئوليه عقلها كبر نضجت واهتمامها بدوني زاد
هيمي بحزن : دوني صعبان عليا وبحمد ربنا ان الحادثه كانت بسيطه
تشولا بجديه اكتر : احنا حياتنا معرضه لخطر اكبر من الحادثه اي غلطه صغيره بتهدد حياتنا احنا واللي معانا كل يوم بالموت
هيمي بخوف : بلاش الكلام ده انت كده بترعبني
ركن تشولا العرابيه علي جنب الطريق : بتخافي عليا
هيمي : يعني انت مش عارف خايقه عليك ولا لاء ؟
تشولا : عايز اسمعها منك انتي
هيمي : طبعا بخاف عليك ومش عايزه حاجه تحصلك
تشولا : طبعا… طب ليه ؟
هيمي من غير ما تبصله : تشولا بطل تحرجني
تشولا باصرار : بس انا عايز اسمعها منك
هيمي استجمعت قوتها : احم احم لاني…………  تشولا باصص ليها و مركز في كلامها قوي… لاني بحبك
تشولا اتنفس و ابتسم ابتسامه واسعه : اخيييييييرا قولتيها
مسك ايدها وباسها وشخصيته اتقلبت لعبد الحليم حافظ طول الطريق

فى نفس الوقت كانت لولو فى شغلها مركزة فى الورق اللى قدامها وبتعمل ترتيبات عشان هنرى مش هيبقى معاها الكام يوم الجايين بسبب الحادثة .. لحد ما تليفونها رن .. بصت ع الاسم وابتسمت : هيوك

هيوك بصوت محشرج : احلى صوت اسمعه اول ما اصحى من النوم

لولو بصت على الساعة وردت عليه باندهاش : انت صاحى وقتى الساعة بقت 5

اتمطع هيوك : امبارح سهرت مع كيونا لانه كان مسافر النهاردة الصبح وفضلنا قعدين مع بعض طول الليل

لولو : كنتو بتعملو ايه بقى طول الليل ؟

هيوك : كنا بنلعب .. اه قبل ما انسى انا عايز ازور هنرى ودونى انتى فاضية امتى ؟

لولو: انا عندى شغل كتير النهاردة وبكرة

هيوك : خلاص ماشى يبقى بعد بكرة .. انا كمان لازم اروح اشوف شغلى لانى مرحتش بقالى يومين

لولو : حاول متتاخرش

ابتسم هيوك ابتسامه واسعة وقرر انه يلعب مع لولو : حبيبى خايف عليا

اتكسفت لولو لانها لسه مش متعودة على الكلام الحلو ده من هيوك ولا انها تتكلم حلو معاه : احم .. متتاخرش وخلاص ؟

هيوك ابتسم : ارسو بيبى .. وانتى خدى بالك من نفسك

هزت لولو راسها : حاضر .. يلا سلام .. وقفلو

عدى اليوم واليوم اللى بعده وجه اليوم اللى هيوك هيروح لدونى وهنرى فيه

رجعت لولو من شغلها ودخلت البيت وبتنادى على امها لاقتها قعدة مع هنرى وريما فى الصاله

لولو بفرحة : اوماااا .. النهاردة جايلنا ضيوف

الام باستغراب : ضيوف ؟ .. ضيوف مين دول

لولو : هيوك انتى شفتيه قبل كده فى فرح دونى وايمى .. المهم انه جاى يشوف هنرى وبعدها هيروح لدونى

هنرى بسخرية وبيتك اوى على الكلام : هيوووووك .. اااه جاى يطمن عليا انا

بصت لولو لهنرى بغيظ ورمت عليه مخدة صغيرة بتاع الكرسى اللى هى قاعدة عليه : اخرس خالص

هنرى بصوت عالى : بتضربينى ليه .. انا بسال سؤال عاتى عايز اتاكد بس ؟

بصتلهم الام بشك : عموما اهلا وسهلا باى ضيف .. وسابتهم واخدت ريما اللى نامت فى حضنها عشان تنيمها على السرير

بصت لولو لهنرى بعد ما امها قامت وضيقت عينها : حسك عينك تقول اى حاجة هكسرلك رجلك التانية ساعتها وهكسر رقبتك كمان بالمرة

بربش هنرى عينه ببراءة : هو انا قولت حاجة .. بس خدى بالك .. انتى اللى هتفضحى نفسك على فكرة

قامت لولو مسكته من رقبته وهو فضل ينادى على ام لولو لحد ما جت فكتهم عن بعض

بعد ساعة وصل هيوك وكان ماسك معاه بوكيه ورد ف ايده .. دخل هيوك وحط الورد على الطرابيزة وانحنى لام لولو : انا هيوك .. قابلت حضرتك فى الفرح

الام : ايوة فاكرة .. اهلا وسهلا بيك .. اتفضل اقعد

قعد هيوك على كرسى وبص لهنرى اللى قاعد على الكرسى اللى قدامه : عامل ايه دلوقتى يا بطل ؟

هنرى ابتسم ابتسامه بلهاء : انا كويس .. متقلقش عليا انا ب 7 ارواح وعمر الشقى بقى

قامت لولو تجيب العصير وقدمت لهيوك وراحت قعدت جنب مامتها على الكنبة ..فضلو يتكلمو لحد ما دخلت عليهم ريما كانت لسه صاحية من النوم .. شافها هيوك وهى جاية عليهم بتفرك عينها بايدها بطفولية وراحت وقفت جنب ام لولو .. شاورلها هيوك بايده انها تيجيله

حطت الام ايدها على ضهر ريما : ريما حبيبتى روحى سلمى على اوبا

راحت ريما سلمت على هيوك وهو باسها من خدها وقعدها على رجله ولعب معاها وهى عماله تضحك معاه بصلهم هنرى ولولو وامها باستغراب

لولو : اخدت عليك بسرعة قوى .. هى مش بتاخد على الناس بسرعة دى بتجننا

بصلها هيوك وهو لسه بيلعب مع ريما وحركها بايده : الاطفال بتاخد عليا بسرعة

هنرى برخامة : طيب كويس كده اتطمنت على عيالكـ.....

بصتله لولو وهى مضيقة عينها وبتجز على اسنانها .. بصلها هنرى وبلع ريقة وابتسم ابتسامة .. اخدت الام بالها .. وبدات تتكلم مع هيوك بتتعرف عليه اكتر وبالوقت اخدو على بعض وكل شوية هيوك ولولو يبصو لبعض ويبتسمو .. وطبعا الكلام مخليش من هنرى اللى كل شوية يطلع باى كلمة ويخلى لولو تكون عايزة تطبق فى رقبته .. بعد فترة من الكلام

لولو موجهه كلامها لهيوك : هتروح لدونى النهاردة ولا عجباك القعدة هنا

هيوك بابتسامة : بصراحة عجبانى القعدة خصوصا مع اومنى لانها بتفكرنى بامى

الام : انت زى دونى وهنرى من دلوقتى لو احتجتنى فى اى وقت 

ابتسم هيوك وقام سلم عليهم وخرج مع لولو رايحين لدونى .. وبمجرد ما خرجو لفت الام لهنرى اللى بصلها بصه بلهاء ونطت على وشه ابتسامه عبيطة

الام : هنرى .. ايه الحكاية ؟

هنرى بيتصنع الغباء : حكاية ايه يا حبيبتى ؟

الام : من غير تثبيت .. قولى ايه حكاية لولو وهيوك .. انا حاسة بحاجة غريبة

هنرى لسه بيتصنع الغباء بردو : حاجة غريبة ازاى يعنى ؟

الام : هات من الاخر انت كده كده هتكر وتقول كل حاجة فقول من الاول احسن .. وانت عارف ان ليا طريقتى هعرف ازاى اخليك تتكلم .. وانا طريقتى عكس لولو خالص مليش فى العنف وانت عارف

هنرى هز راسه : انا عارف انى هضعف قدامك وهعترف بكل حاجة .. بصى يا ستى لولو وهيوك بيحبو بعض ... وفضل يحكيلها على كل حاجة يعرفها عنهم من ساعة ما عرفو بعض

الام : واضح جدا انهم بيحبو بعض .. وهى فكرانى مش هاخد بالى .. انا اساسا شاكة فيها من ساعة الفرح وعيد ميلادها .. مكنتش مرتاحالها بجنانها واهتمامها بنفسها الفترة اللى فاتت وانها بتقلب انسة .. وسكتت شوية وبصت لهنرى : متقولهاش انك قولتلى انا عيزاها تيجى تقولى منها لنفسها

هنرى بيحرك ايده قدام وشه : لا تقلقى انا عارف نفسى كويس مع اول قلم هعترف على طول

اول ما هنرى خلص جملته لاقى قلم نازل عليه بس من ريما قعد يتخانق معاها ويلعب معاها

فى الطريق لبيت دونى كان هيوك ولولو بيتكلمو ع امها وهنرى وريما .. وهيوك كان مبسوط قوى لانه اتعرف عليهم وقرب منهم وبسرعة وصلو لبيت دونى لانه مش بعيد عنهم نزلو من العربية وطلعو البيت خبطت لولو وبعد شويه فتحتلهم ايمي
لولو : ايمي وحشاني .. وزقت الباب فتحته و دخلت
هيوك ابتسم بهدوء : انيو .. ازيك يا ايمي
ايمي ردت عليه بابتسامه : انيو هيوك .. اتفضل

كان دوني قاعد في الصاله ع الكنبه اول ما لولو شافته جريت عليه وقعدت جنبه
لولو : دونى وحشتني .. وحضنته جامد
دوني بيتوجع : ااااااااه وحشتك وتعملي كده
لولو : هيوك جه يطمن عليك
مد هيوك ايده يسلم على دونى : ازيك دوني .. عامل ايه وقتى ؟
سلم دوني علي هيوك وشاورله يقعد على الكرسى اللى جنبه : تمام
ايمي:  ها تحبو تشربو ايه ؟ ولا اقول لكم نتغدا سوا
قامت لولو مسكتها من ايدها وقعدو جنب بعض على الكنبة التانية : بس يا اخت بلاش فضايح قدام الراجل هو انتي بتعرفي تطبخي اصلا
شدت ايمي ايدها من لولو : بصو مين اللي بتتكلم الاخت اللي مش بتعرف تعمل طبق راميون
لولو : هههههههه من بعض ما عندكم لما تبقي اللي متجوزه مش بتعرف تطبخ تتوقعي مني ايه
ايمي : اتوقع ان شاء الله هتفضلي زي مانتي كده مفيش امل
لولو : امل الله يرحمها ماتت مشنوقه
ايمي: حضرتي الجنازه
لولو : اومال طول عمري صاحبه واجب
دوني:  بسسس بقي انتم ما بتصدقو
شاورت ايمي ع لولو:  هي اللي بدات وقالت انا مش بعرف اطبخ
دوني : بيبي احنا مطاعم الدليفري فاتحه علشانا اصلا
ايمي : ياااااااا
دوني ضحك عليها :خلاص خلاص بهزر

في الوقت ده رن فون دوني و كان في الاوضه في الشاحن استاذن دوني وراح يرد علي الفون
ايمي جتلها فكره ترد بيها علي اللى لولو عملته طلعت فونها و ابتدت تدور علي حاجه… ابتسمت لانها لقت اللي عيزاه وراحت ادت الفون لهيوك  :شوف الفيديو ده كده
هيوك وهو بياخد الفون من ايمي : فيديو ايه ده ؟
ايمي وقفت قدامه وبصت للولو بنظرة خبيثة : ده كنا بنلعب انا وهنري ودوني ولولو واللي يخسر ينفذ طلب للفائز … الفيديو بقي موجود فيه العقاب كان الحكم على اللى خسر ياكل مانجا بطريقه اطفال الشوارع

اول ما لولو سمعت الكلام ده نطت عايزه تاخد الفون من هيوك بس ايمي مسكتها ووقفت قدام هيوك  اللي شغل الفيديو وعمال يتفرج عليه و يضحك علي شكل لولو "" وهى مفترسة المانجا وناكشه شعرها ووشها كله ملحوس وايدها كمان "" ولولو عماله تذق ايمي وتضربها علشان تاخد الفون .. سابت ايمى لولو وراحت علي جنب علشان تجري منها .. بس المفاجئه ان لولو وقعت علي هيوك اللى مسكها بطريقة تلقائية من وسطها .. كانت لولو قعدة على رجل هيوك وهو حاضنها وهى سانده على كتفه بايدها وباصه فى عينه وهو فضل باصصلها .. وشهم كان قريب قوى من بعض وقلبهم بيدق جامد .. بص هيوك على شفايف لولو وبلع ريقه وبدا يقرب منها وهى مش مستوعبة الموقف

فى نفس الوقت كانت ايمى واقفة على باب الصالة وشافت المنظر ده قدامها الاول فضلت تضحك على منظرهم لما لولو وقعت عليه بس فجاه الوضع بدا يتحول رومانسى

فضلت تتفرج عليهم لحد ما سمعت صوت دونى وهو بينهى المكالمة .. كان لازم تتصرف لان لو دونى جه ولاقى لولو وهيوك بالمنظر ده مش بعيد يقتلهم كلهم فى مكانهم بصت حواليها ملاقتش حاجة راحت قلعت خاتم كانت لبساه ورمته على لولو خبط فى راسها .. فاقت لولو وبصت لايمي والشرار طالع من عينها لانها قطعت عليها اللحظة وفى نفس الوقت لما شافتها افتكرت اللى عملته والفديو اللى ورته لهيوك .. قامت تجرى وراها واول ما شافتها ايمى وهى جايه عليها جريت علي دوني في الاوضه : دونى الحقنى اختك هتموتني
لولو وهي بتزق دوني عايزة توصل لايمى : اموتك بس ده انا هاكلك نيه من غير سوا
دوني بوجع لان دراعه مصاب و هو ماسك لولو بيحاول يحوشها : اهدي شويه بقي هي عملتلك ايه ؟
ايمي طلعت راسها من ورا دوني : اقوله عملت ايه ؟
لولو بصوت عالى بتحاول تمسك ايمى من وشها : ياااااااااااا
استغلت ايمي ان دوني ماسك لولو و جريت علي الصاله : هيوك امسكها لو جت هنا
فلتت لولو من ايد دوني وراحت ورا ايمي .. مسكها هيوك من ايدها وقعدها جنبه ومسك ايدها ..  بصتله لولو وافتكرت الموقف فقعدت ساكته .. وايمي قعدت جنب دوني على الكنبه التانية
دوني باستغراب : يا سلام .. هيوك اللي عرف يسكتك
ايمي وشوشت دوني : الحب بقي
سكت دوني وبعدها كلم هيوك : طبعا اللي حصل ده عينه من حياتي اليوميه فلازم تتعود علي كده
ضحك هيوك وبص على لولو : ربنا يطمنك اعتقد اني هفكر اغير راي
بصتله لولو بصدمة وعين مفتوحة : نعم
ضحك الكل علي لولو .. وبعدها اتكلم دونى : ممكن افهم بقى حصل ايه المرة دى عشان تجرو ورا بعض كده ؟

لولو شاورت على ايمى : الهانم فرجت هيوك ع شكلى وانا باكل المانجا ساعة العقاب

افتكر دونى وايمى وهيوك كمان شكلها وفضلو يضحكو عليها وهى تزعق فيهم .. وابتدو يحكو مواقف قديمه ليهم و بيتفشخرو بجنناهم سوا و جنناهم اللي بيطلع علي دوني وهو اوقات بيتجنن معاهم وهيمي وهنري شله المجانين اللى هاربين من مستشفي المجانين

----------------- 

BY

D&E

Lolo Adel  

Emy Tarek