Catch him .. Part 14

Catch him .. Part 14

دخلت ايمى وهيمى على لولو لاقوها مطلعة الدولاب كله وهدومها مرمية فى كل حتة وشعرها منكوش  وبتجرى ورا هنرى وعماله تحدفه باى حاجة

راحت ايمى وهيمى مسكو لولو وقعدوها على السرير .. وهنرى راح ناحية الباب طلعللها لسانة وضحك قامت حدفاه بالمخدة وبعدها خرج وقفل الباب بس كانو سامعين صوت ضحكة

ايمى : ايه يا مجنونة اللى انتى عملاه ده ؟ وبعدين بتجرى ورا هنرى ليه

لولو : مش عارفة البس ايه .. طلعت كل هدومى ومش عارفة اختار .. فضلت اجرب كل حاجة وبعدين قولت اخد راى هنرى .. عقدنى اكتر كل ما اوريه حاجة يتريق عليها ويقولى شكلى وحش .. وبعدين سالنى هتعملى شعرك ازاى قولتله مش عارفة .. قعد يلعب فيه ونكشهولى ومن ساعتها وانا بجرى وراه .. وبعدين بصت على الباب وقالت : بس انا لازم انتقم منه

ضحكت هيمى : صدقت مامتك لما قالت انك اتجننتى
لولو : النهاردة اول مرة اخرج فيه مع هيوك مش عارفة اعمل ايه ؟
فكرت ايمى شويه : اقولك على راى وتعملى بيه ؟
مسكت لولو فى ايمى : ابوس اى حاجة فيكى قولى .. انجدينى من الورطة دى
راحت ايمى الدولاب وطلعت الحاجة الوحيدة اللى لولو مفكرتش فيها : البسى ده
لولو بعيون واسعة : انتى اكيد بتهرجى
هيمى : ده هيبقى تحفة عليكى يا لولو
لولو : تحفة ايه انتى كمان انتو عايزينى البس فستان وانا متوترة كده

*فستان لونه بيج فاتح بنص كم بشريط دانتل عند الوسط لونه بني غامق و عليه ورد بلون الفستان طوله لحد الركبهوجزمة لونها بنى بكعب قصير *

ايمى : اسمعى كلامنا .. ومتنسيش ان الفستان ده هيوك بنفسه هو اللى اختاره و غمزتلها

وبعد عدة محاولات اخيرا اقنعو لولو انها تلبس الفستان
مسكت ايمى ايد لولو : تعالى بقى اعملك شعرك وهيمى هتعملك مكياجك
لولو فطت ونطت فوق السرير : اهو ده لا يمكن ابدا
هيمى بتشد لولو من ايدها : هو ايه اللى لا يمكن .. تعالى هنا

كتفو لولو وبداو يقلبوها بنت .. ايمى عملتلها تسريحة بسيطة قوى وحطت فى شعرها دبوس شعر من نفس لون الفستان وجايبه قصتها على وشها ونازله على عينها بميل للجنب وهيمى عملتلها مكياج خفيف
ايمى بابتسامه: تاداااااااا بصى على نفسك بقى فى المراية يا لولو
لولو مغمضه عينها و مديها ظهرها للمرايه : قلبى مش مطاوعنى الف عارفة انى هتصدم
هيمى : بصى ومش هتخسرى حاجة
لفت لولو وهى مترددة وبصت على نفسها فى المراية : مين دى ؟
هزت ايمى راسها بياس وبصت لهيمى : ما تيجى تخرجى معانا
هيمى : لا .. انا هروح اشترى شوية حاجات للبيت وبعدين لو جيت لوحدى هبقى عزول فى النص ومش هخلى لولو تستمتع لانى عارفة نفسى مش بقدر اقاومه وهفضل اتكلم معاه
لولو بتوتر : هيمى لاول واخر مرة هقترح الاقتراح ده .. تعالى معانا انا متوترة قوى مش عايزة ابقى لوحدى
هيمى بضحك : المرة الجايه هاجى معاكو
لولو : انتى هتروحى لوحدك ؟
هيمى اتنهدت : اها تشولا مشغول اوى بالقضية لانه بيحط خطة جديدة وعايز يركز فيها
ايمى : خلاص خلى هنرى يروح معاكى اهو منها متبقيش لوحدك ومنها نكون عارفين هو فين
هيمى : ارسو هقوله وقتى  .. خرجت من الاوضه لاقت الام ف وشها : هنرى فين ؟

الام : هنرى خرج بعد المعركة الشرسة دى يفك عن نفسه

طلعت هيمى تليفونها واتصلت بيه عشان يقابلها ويخرجو مع بعض يجيبو اللى هى عيزاه .. مشى الثلاثة من البيت هيمى راحت مشوارها وايمى ولولو راحو لبيت دونى لان هيوك هيجيلهم هناك

 *كانت يمى لابسه جيبه منفوشه لحد الركبه طبقتين الطبقه ال فوق دانيل اسمر واللي تحت ابيض و اقصر من القطعه اللي فوق و عليها حزام ابيض و بلوزه اوف وايت داخله في قلب الجيبه و الكم تنياه و الشوز اسمر بكعب وشعرها سايب ونازل على ظهرها *

فتح دونى الباب وهو بيمثل الزعل : كل ده تاخير يا هانم منك ليها
راحت ايمى مسكت ايده : بيانيه اوبا بس كان عندنا معركة مع الكابتن
بص دونى على لولو واستغرب : لولو !! ايه اللى انتى عملاه فى نفسك ده ؟
لولو اتوترت : انا قولتلهم من الاول بلاش بس هما غصبو عليا
رفع دونى حواجبه وضحك : ياريتهم يغصبو عليكى كده دايما .. وشدها من خدودها
لولو وهى بتشيل ايده من على خدها : ااااه .. دونى قولتلك 100 مرة بلاش الحركة دى انا مش صغيرة
ضحك دونى : خلاص .. يالا بينا بقى .. انا وهيوك بقالنا كتير مستنينكو

بصت لولو وايمى على هيوك لانهم مكنوش شافوه

* دونى كان لابس بنطلون رومادى غامق وتيشيرت لونه رومادى فاتح وكوتش اسود ... وهيوك لابس بنطلون اسود وتيشيرت ابيض وعليه سويت شيرت مفتوح لونه اسود وكونش لونه اسود والاتنين جايبين شعرهم على قدام *

هيوك بابتسامة : هاى

حط دونى ايده علي ظهر لولو وايمى زقهم وشاور لهيوك : يالا وابقو سلمو على بعض فى الطريق
ركبو كلهم عربية دونى عشان يبقو مع بعض .. دونى ركب فى مكان السواق وهيوك جنبه ولولو وايمى قعدين وراهم
لف دونى جسمه وبصلهم : تحبو نروح فين ؟
ايمى بسرعة : نروح السينما
بصلها دونى : بوووو ؟ سينما ؟ لا انا مش موافق
ايمى ولولو بيحاولو يقنعوه : دونيااا احنا بقالنا كتير مدخلناش سينما
بصلهم دونى شوية : بردو لا
ايمى : خلاص يبقى ناخد راى الاغلبية اللى عايز يروح سينما يرفع ايده
رفعت ايمى ولولو ايدهم .. هيوك كان متردد بس فى الاخر رفع ايده
دونى بصدمة : حتى انت يا هيوك معاهم ؟
هيوك بابسامه : انا فعلا نفسى ادخل سينما لانى بقالى سنين مدخلتش
دونى بتنهيدة : خلاص سينما سينما وامرى لله

راحو على السينما كان فيها فيلمين واحد رعب والتانى رومانسى
ايمى بضحكة شريرة : ندخل الفيلم الرعب
دونى ولولو بصراخ مع بعض : لالالا كله الا الرعب
ايمى اتخضت : ياااه خضتونى .. بس انا عايزة ادخل الرعب
لولو زقت دوني على ايمي : اقنعها ياعم المقنع
حضن دونى ايمى من وسطها : يعنى اخرج انا وحبيبتى وروح قلبى عشان ندخل فيلم رعب
اتحرجت ايمى من تصرف دونى : خلاص اللى تشفوه
دونى ولولو خبطو ايدهم مع بعض بفرح : yes
ضحك هيوك على شكلهم وراح هو ودونى يقطعو تذاكر الفيلم .. وبعد دقيقة رجع دونى لايمى ولولو : مفيش 4 كراسى جنب بعض للاسف
ايمى بفرح : يبقى ندخل الفيلم الرعب

لف دونى وقال بصوت عالى لهيوك اللى واقف عند شباك التذاكر : اقطع تذاكر فى اى مكان ..
وراح دونى يجيب فشار بالاحجام الكبيرة عشان الطفاسة
ضحكت ايمى : ايوة كده اخوكى مبيجيش غير بالطريقة دى
لولو : يا خبيثة انتى كنتى قاصدة تعملى معاه كده
ايمى : لا طبعا .. انا كنت اعرف منين ان مفيش كراسى جنب بعض بس جت مصلحة عشان لا انتى ترخمى علينا ولا دونى يضايقك كل شوية واحنا بنتفرج ويعرف يركز معايا

دخل الاربعه القاعة ايمى ودونى قعدو مع بعض ولولو وهيوك مع بعض وهما بيشوفو الفيلم ايمى ودونى عايشين الرمانسية ايمى حاطه راسها على كتف دونى وبياكلو مع بعض .. ولولو شغاله اكل مش راحمة الفشار وهيوك عاتى بيتفرج وياكل زى الناس  .. بس دونى كل شوية يبص على لولو وهيوك
شالت ايمى راسها من علي كتف دوني : دونى ركز مع الفيلم ومعايا
دونى : لازم اخد بالى بردو من لولو
ايمى : متقلقش عليها هى هتروح فين يعنى ولا هيحصلها ايه ؟

اتنهد دونى ورجع بص على الفيلم تانى واندمجو فيه ومبصوش على لولو تانى

فى وسط الفيلم جه مشهد
""  البطل والبطلة اتقابلو بعد ما بعدو عن بعض فتره في الشارع .. كان البطل قاعد في الكافيه و باصص من الشباك .. شاف البطله قام من علي الكرسي وطلع من الكافيه وجري وراها لحد ما وص لها و مسكها من ايدها ولفها ليه .. كانت البطلة بتلف عشان تبعد بعيد عنه .. راح البطل وقف قدامها ومسك ايدها وبص فى عينها وقالها : انتى عايزة تبعدى عنى تانى
البطلة بتعيط : انا بعدت عنك عشان مصلحتك انا مش عايزة ابقى عبئ عليك او اتعبك واعملك مشاكل
البطل : تفتكرى ان من ساعة ما بعدتى عنى عرفت معنى الراحة
بصتله البطلة ووحط ايده على وشها : انا راحتى معاكى انتى مفيش اى حاجة تانية او اى حد اهم منك عندى .. انا معاكى ببقى اقوى واقدر اواجه اى حاجة عشانك انما طول مانتى بعيدة عنى انا كنت جسم بس من غير روح لانى روحى هى انتى
بدات البطلة تعيط .. حضنها البطل واتنهد براحة : وحشتينى قوى .. متبعديش عنى تانى انا ما صدقت انى لاقيتك
شدت البطلة على حضنه : انا مش بحس بنفسى انى عايشة الا وانا معاك
البطل اخد نفس طويل : انا دلوقتى روحى رجعتلى وباعدها عن حضنه وبص فى عينها . بحبك
ابتسمت البطلة وهى لسه بتعيط... >> المشهد من تاليفى مش عايزة تريقة عليه <<

فى الوقت ده كانت لولو متاثرة اوى بالمشهد وفجاه حست بحاجة على ايدها .. بصت عليها لاقت هيوك ماسك ايدها .. بلمت لولو وهى باصه عليه .. بصلها هيوك بتردد وابتسم ابتسامة رقيقة .. فضلت لولو مبلمة وهى مش مصدقة اللى حاصل فاكرة نفسها بتتخيل او الفيلم ماثر عليها
هيوك بابتسامه ساحره : ركزى فى الفيلم .. وشاورلها على الشاشة
بصت لولو بعفوية على الفيلم ومركزتش ولا فهمت منه حاجة بعد كده لحد ما خلص الفيلم .. خرجو من السينما وفضلو واقفين يتكلمو

دونى وهو حاطط ايده على كتف ايمى : الفيلم كان حلو اوى
ايمى : هو كان حلو بس عارف بقى لو كنا دخلنا الفيلم الرعب كان هيبقى فى تشويق وخوف و...
حطت لولو ايدها على بق ايمى عشان متكملش
هيوك ضحك : انا عجبنى جدا الفيلم تقريبا احلى فيلم شفته
ايمى شالت ايد لولو من على بقها : انتو كلكو عليا ولا ايه .. ده انا السبب فى الليله دى كلها

لولو بتثبت ايمي : ايوة يعنى انتى عايزة ايه دلوقى واحنا نعملهولك
حطت ايمى ايدها على دقنها كانها بتفكر : اممممم انا عايزة اكل ايس كريم

وصلو المحل وسال دونى كل واحدة عايزة ايه
ايمى : انا عايزة ايس كريم شكولاتة وفراولة
لولو بطفاسة : انا بقى عايزة واحد كبير فانليا على مانجا على فراولة واتوصى
قام هيوك وقف : انا هاجى معاك طبعا

سابوهم وراحو يطلبو الايس كريم .. كان دونى واقف مدى لولو وايمى ضهره وهيوك مديهم جنبه يعنى شايفين وشه
ايمى : عارفة يا لولو كل ما اشوف اخوكى من ظهره بيبقى نفسى فى ايه
لولو وهى مسهمة وسارحة فى هيوك : اممممممم
ايمى بضحك : اديله بالقفا اصله بيغرينى اوى
لولو وهى لسه مسهمة : هيييييييييييييح انا بقى نفسى فى بوبو اصل شفايفه مغريه اوى
ايمى باستغراب : انتى بتتكلمى على مين ؟
لولو بهمس : هيوكى
فجاه لاقت لولو كف نازل عليها : اااااه براحة شوية ايدك تقيلة
ايمى بجدية : لمى نفسك ؟ واحمدى ربنا ان دونى مشافكيش كده
رجع دونى وهيوك وهما مبتسمين وادو لكل واحدة طلبها

دونى وايمى عايشين فى عالمهم الخاص وعمالين ياكلو بعض
هيوك بياكل الايس كريم ولولو بتاكل واحدة واحدة وهى مركزة على هيوك او بمعنى ادق على شفايفة
هيوك بابتسامه : الايس كريم طعمه حلو ؟
لولو وهي لسه مبلمه : اها حلو اوى اوى
بصتلها ايمى لاقيتها عماله تبص على هيوك راحت خبطاها فى رجلها عشان دونى مياخدش باله وهى تلم نفسها

فى نفس الوقت بالليل كان سونغمين قاعد قدام حمام السباحة على كرسى طويل حاطط ايده تحت راسه ومغمض عينه وبيستمتع بالهدوء اللى حواليه .. هو ده اكتر وقت سونغمين بيحس فيه بالراحة وبيقدر يصفى ذهنه .. سمع صوت حد بيقرب منه وقعد على الكرسى اللى جنبه

كيونا قاعد بنفس طريقة سونغمين : ياااااااااااه احساس حلو فعلا بيخلى الواحد يرتاح

مينى من غير ما يفتح عينه ابتسم : ده وقتى الخاص متقطعوش عليا

كيونا : انا عارف انك مبسوط انى قاعد معاك

ابتسم مينى وبص لكيونا : واثق اوى انت من نفسك

كيونا بفخر : انا دايما واثق فى نفسى .. وبعدين اسكت بقى عايز استمتع بهدوء

ابتسم مينى وكان هيرجع تانى لوضع التامل بس جاله تليفون

مينى رد على التليفون : اها .... وهو رايح على فين دلوقتى ؟.... طيب عينك ما تتشالش من عليه .. وقفل

قام كيونا قعد وخلى جسمه كله ناحيه مينى : مينى .. انت مش ناوى ترجع عن الطريق اللى انت ماشى فيه ده ؟

اتنهد مينى : خلاص مبقاش في امل .. انا وصلت لطريق مينفعش اني ارجع منه ومتفتكرش انى مبسوط كده

قام كيونا قعد جنبه على نفس الكرسى : فين ميني بتاع زمان ؟ فاكر يوم ما جبتني معاك حسيت فيك بالطيبه .. حبك و خوفك علي اخواتك حسسني انك شخص كويس استحاله تاذي حد .. انما اللى قدامى بياذى الكل واولهم اقرب حد ليه

بص مينى لكيونا بنوع من الحزن والانكسار : انا بقيت كده عشان خاطر اقدر احميهم .. وضحك بسخرية : وفى الاخر خسرتهم .. وكله بسبب سورا الغبية

كيونا : بس انت لسه لحد دلوقتى بتاذى هيوك

سابه مينى وقام وقف : انا استحاله اذى هيوك بالعكس انا بحميه من غير ما حد يعرف .. التليفون اللى جالى من شوية كان من واحد بيراقب كل خطوة بيعملها هيوك ويبلغنى بيها .. هيوك مغبش عنى لحظة واحدة وعارف هو فين دلوقتى وبيعمل ايه .. وبما انك دايما معاه انصحك تقوله يبعد عن الضابط اللى بيحبها واخوها وكل اللى يعرفهم من ناحيتها لانها اكيد لو عرفت هو يقربلى ايه مش هتسامحه وده هيكسرله قلبه .. انا مش عايز ااذيها هى او اى حد بس هما اللى بيضطرونى لكده لو بعدو عنى هيبقى اريح ليا وليهم .. وسابه ومشى

كيونا باصرار : انا مش هسيبك ودى مش هتبقى اخر مرة اتكلم معاك فى الموضوع ده

مهتمش مينى بكلام كيونا وكمل طريقة لحد ما وصل اوضته .. نام على سريره وهو بيفكر فى حاله واللى وصله لكده من الاول لحد ما نام

فى الوقت ده كانت هيمى مستنية هنرى فى الكافية عشان تروح تجيب حاجتها بس هنرى اتاخر عليها قررت انها تلف شوية لحد ما يوصل .. وهى ماشيه كان فى شخصين واقفين مع بعض واحد منهم شاور للتانى عليها عشان يروحلها يضايقها وخبط فيها
هيمى باعتذار وانحنت : اسفه .. ماخدتش باللى
الشخص : ولا يهمك يا جميل دى احسن حاجة انى خبطت فيكى .. وبدا يقرب منها
هيمى بخوف : عن اذنك ولسه هتمشى مسكها الشخص من دراعها : هتمشى كده على طول
خافت هيمى جدا : انت عايز ايه
قرب منها اوى الشخص ده وابتدي يمد ايده يلمس وشها : عايز حاجة حلوة
فجاه سمعو صوت شخص من ورا هيمى : شيل ايدك من عليها

لفت هيمى لاقت شخص وسيم وطويل لابس بمطلون اسود وتيشيرت احمر *جنتل مان *
الشخص اللى ماسكها بيتكلم باحتقار : وانت مالك
جه الشخص التانى شال ايده من على هيمى : دى خطيبتى اظن من حقى اسال انت بتمد ايدك عليها ليه

بصتله هيمى باستغراب من اللى قاله وفجاه جرى الشخص اللى كان ماسكها
هيمى بابتسامه : انا متشكرة جدا لمساعدتك ليا يا ...
الشخص بابتسامة : شيون .. بس انتي بتعملي ايه هنا لوحدك هنا ؟

هيمي : كنت مستنيه اخو صحبتي و قولت اتمشي لحد ما يجي
شيون بمتنهى الذوق : مينفعش تمشي لوحدك .. خليني اوصلك
هيمي بتحرك ايده وراسها : لا شكرا مش عايزه اتعبك معايا
شيون بابتسامة : مفيش تعب ولا حاجه .. انتي رايحه فين ؟
هيمي : كنت بشوف حاجات لبيتي الجديد

ابتدي شيون يلف معاها و يشترو حاجات للبيت
شيون : انا لحد دلوقتي متعرفتش عليكي
هيمي : انا هيمي .. ولسه هتمد ايدها تسلم عليه رن تليفونها : انت فين ؟
هنري : انتي فين انا فى الكافيه ؟
هيمي : لا انا مش ف الكافيه .. انا قدام محل *** تعالا بسرعة بقى متتاخرش .. قفلت المكالمه  موجهه كلامها لشيون : الشخص اللى كنت مستنياه جاى دلوقتى

بعد فتره مش طويله وصل هنري و استغرب انها مع واحد غريب ( للمعلومه هنري ميعرفش شيون لانه مشافوش وقت ضرب لولو ولا يعرف حاجه عن قضيه تشولا و دوني )
هنري : هيمي انتي بتعملي ايه هنا ؟ و مين ده ؟
ابتدت هيمي تشرح له اللي حصل وازاي شيون انقذها و ساعدها
سلم هنرى على شيون : اااه شكرا ليك انك انقذتها وانقذتني انا كمان من اللي كان هيحصلي موجهه كلامه لهيمي : هيمي متقوليش لحد اللي حصل .. قرب منها وهمسلها : والا هقول لتشولا على الاخ ده
هيمي زقته من وشه:  هو الاستغلال ده وراثه فى العائله بتاعتكو ؟

استاذن هنري وهيمي من شيون بعد شكره اكتر من مره و كملو هما الاتنين اللي كانت هيمي بتجيبه … ابتسم شيون بشر اول ما سابهم لنجاح اول خطوه ف خطتهم

----------------- 

BY

D&E

Lolo Adel  

Emy Tarek