Catch him .. Part 10

Catch him .. Part 10

تاني يوم للفرح كانت لولو فى شغلها بتتكلم فى التليفون : مممممممم معتقدش ينفع نروحلهم النهارده .. وﻻ اقولك تيجي نرخم و نروح بليل
هيمي بفرح : انا معاكي فى الرخامه … اصلا لازم نونسهم بما ان مفيش شهر عسل
لولو بتفكير : صح … ولو اتكلمو احنا رايحين بحجه الهدايا
فجاه سمعت صوت تشولا بيتكلم وراها : مين رايح فين ؟
حطت لولو ايدها علي قلبها من الخضه : خضتني .. رايحين لدوني و ايمي نغلس عليهم و طبعا نباركلهم
تشوﻻ عيونه لمعت بنظره شر : انا جاي معاكم
رجعت لولو تكلم هيمى : هيمي .. تشوﻻ جاي معانا بفكر الم العصابه كلها هنري و تشوﻻ وهيو .... بصت على تشوﻻ
هيمي بضحك : و هيوك ايه خايفه من تشوﻻ
لولو : لماحه يا بابو عموما انا هكلمه ونتفق .. جهزي نفسك بقي علي ما اظبط المواعيد .. وقفلو
تشوﻻ بتمثيل اللامبالاه : الهدايا عندك ف البيت .. يعني اعدي عليكي وعلى هيمي بالمره اهو اكسب فيها ثواب
لولو بتريقه : ياواد يا مؤمن
اتحولت ملامح وش تشوﻻ 180 درجه : ايييييييه ؟ واد !!!
لولو بخوف : احم احم لالاﻻ بهزر .. بهزر ايه .. عن اذنك

هربت لولو من تشوﻻ وبعدين رجعتله تانى:  انا هسبقو على البيت وانت عدى على هيمى وهات هنرى معاك

وسابتو وجريت قبل ما تسمع رد منه او يحدفها بحاجة عشان قالتله يجيب هنرى معاهم

اتفقت العصابه كلها زي ما بتقول لولو على المعاد .. تشوﻻهياخد هنرى بعد ما يخلصو شغلهم ويعدو على هيمي  ..وصلو عند بيت لولو وبداؤ بتنزيل الهدايا لحد ما وصل هيوك

بصله تشولا باستغراب : ايه اللى جابه ده معانا ؟

هيمى ابتسمت بمكر وراحت لهيوك : اوووووه .. كويس انك جيت اومال فين كيونا ؟

ابتسم هيوك وقبل ما يرد عليها سحبتها لولو من شعرها ورميتها ناحيه تشولا وهنرى : متاخدش على كلام هيمى دى لاسعة

هيوك بابتسامه : لا بالعكس دى لطيفة خالص

شاورتله لولو انه يقرب منها وهمست فى ودنه : شايف اللى بيتكلم مع هيمى ده .. وشاورت ع تشولا

هز هيوك راسة : ايوة ده تشولا هيونج

ابتسمت لولو واتكلمت بنفس الصوت : عارف ده ممكن يعمل فيك ايه لو عرف اللى انت قلته على هيمى وقتى .. مش بس كده انا هزود شوية كلام من عندى وشوف مين هيقدر ينجدك منه

بصلها هيوك باندهاش : لا وعلى ايه انا معرفهاش اساسا وبقول خلينا فى نقل الهدايا احسن

لولو : انا بقول كده بردو

وسط نقل الهدايا كان لولو وهيوك بيبصو لبعض وكل ما عيونهم تتقابل يبتسمو لبعض…  تشوﻻ مش شايل عينه من على هيمي… هيمي مع الخبره اللى كسبتها فى البص على تشوﻻ من غير ما ياخد باله عماله تبص عليه من غير ما يشوفها و ده اللى كان معصبه انها مش معبراه وهى بتضحك على تعبيراته .. فجاه لفت نظر لولو الهديه اللي كانت مسكاها في الفرح

لولو : مش عارفه ليه الهديه دي لفته نظري قوي من وقت ما شفتها فى الفرح … وقبل ما تفتحها اتمدت ايد واخدتها منها

تشولا وهو بيسحب الهدية : ورينى العلبة دى وقرا اللى مكتوب على الكارت .. " الف مبروك واتمنى تعجبك الهدية .. المرة دى الهدية فى العلبة المرة الجاية مضمنش هتكون فين  "

وقف هيوك جنب لولو وتشولا وهو بيفتح العلبة وكانت هيمى وهنرى بينقلو الهدايا فى العربية التانية .. وبمجرد ما فتحوها اتوسعت عيون لولو وتشولا وهيوك لانه كان فيها مسدس و رصاص من النوع اللى تشولا ودونى بيحققو فيه

اتعصب تشوﻻ من ان العصابه قدرت توصل للقاعه بتاعت الفرح ومحدش اتعرف عليهم او اعترض طريقهم .. خبط برجله فى اﻻرض جامده و ابتدي يشتم ومحدش قدر انه يتكلم

اتكلم تشوﻻ بعد ما تمالك نفسه من الغضب : محدش يقول لدوني او ايمي علي حاجه مش عايزين نقلقهم

هز الكل راسه بالموافقه وكملو نقل باقي الهدايا فى عربية تشولا وهيوك و انطلقو الى بيت العرسان .. هيمي وهنرى مع تشوﻻ في العربيه .. لولو وهيوك فى عربيته .. وصلو البيت وخبطو ع الباب

فتح دونى البا وفتح عينه جامد ..ووجه كلامه ﻻيمي : مكذبتيش لما قولتى هيجو النهارده

ايمي : اومال ايه .. السخافة والشر بتاعهم ده انا حفظاه

دونى : فكره مين دى بقي ؟

رفعت لولو ايدها : فكرتي ايه مكنتش عايزنا نيجي ؟ مشبعتش منها طول اليوم

دخل الكل وابتدو يباركولهم بعدها نقلو الهدايا للبيت .. قعدت لولو وهيمي جنب ايمى وخلوها ف النص بينهم

لولو بابتسامه هبله : ها بقي احكي يا عروسسسسه

ايمي : احكي ايه و مالك بتتكي علي السين ليه كده ؟

هيمي بتغمزلها : احكي حصل ايه .. انتي عارفه اخواتك عندهم جفاف عاطفي

لولو بتمثل العياط : جفاف بس ده احنا عديناه بمراحل بنحب ناس ولا في اي تطور

ايمي بصتلهم بنص عين : جفاف ؟ يلا يا عانس انتي وهي مش هحكي حاجه

لسه لولو وهيمي هيضربوها صرخت ايمى : دوني الحقني

جه دوني و شدها من جنب لولو و هيمي : ايه اللي مقعدك جنبهم  … كانو عايزين منك ايه ؟

ايمي بصتلهم بخباثه : اقول ؟ وبصت لدوني اصلهم كانو…

مكملتش كلامها لان لولو نطت من مكانها و حطت ايدها علي بؤء ايمي

شالت ايمي ايد لولو و طلعتلها لسانها وحضنت دوني كانه هيحميها

تشولا : انتم مش عاملين اي اعتبار اننا قاعدين ؟

دوني : لا ابدا ازاي .. بس انت عارف البنات لما يتجمعو سوا

حب هيوك يغير الجو : هتروحو شهر العسل امتي ؟

دوني : هنسافر بكره ايمي قالت بلاش نسافر النهارده لانها حست انكم هتيجو

هنري بتريقه : هو احساس لولو وصلك ولا ايه ؟

ايمي بابتسامة غريبة  : طبعا تربيتها

لولو بعتتلها بوسة طايرة : طمرت التربيه يا بيبي

هيمي بصت على الاتنين وهزت راسها وبعدين سالت : قررتم هتقضو شهر العسل فين ؟

بصت ايمي لهيمي وعوجت شفايفها : شهر ده اسبوع و هنروح جيجو

تشولا : طول عمري اسمع شهر عسل انما اسبوع دي جديده

هنري فرد نفسه قوى : ايييييه انتم هتتريقو علي اختي و اخويا مش هسمح

ايمي : اصيل يا هنري

هنري بص لايمى : بس مش كتير عليكم اسبوع يا ايمي

ايمي حدفته بمخدة الانترية : واااااااااطيييي

دوني : دول مش جاين يباركو .. دول جاين يضحكو

خلصو قعدتهم و قررت الشله انها تروح .. و بعد وداع ايمي و دونى .. ركبت لولو مع هيوك عشان يوصلها .. وهيمى مع تشولا بس هنرى مركبش معاهم

هيمى بنره جد : انت رايح فين ؟

هنرى : هيمى حبيبتى .. انا ما صدقت انى خلصت من ايمى وهتنشغل عنى الفترة دى عشان اعرف انطلق براحتى

هيمى بنفس النبره : بردو معرفتش انت رايح فين ؟

هنرى : هقابل اصحابى ونخرج شوية متخافيش عليا مش هتاخر

تشولا بغيره : انتى شاغله نفسك بيه ليه سيبيه براحته ؟

هيمى : لا طبعا لازم اتطمن عليه

تشولا بعصبيه : ليه انتى شيفاه عيل صغير قدامك ولا هو حبيبك عشان تهتمى بيه كده ؟

هنرى بيحاول يفرس تشولا مع انه مش ضامن اللي هيحصله : كوماوا هيونج انك جاى فى صفى وبتعتبرنى حبيبها

تشولا وصل لاخر عصبيته : اخرس خالص وروح شوف انت رايح فين بدل ما اكسرك واخليك مش قادر تتحرك ولا تروح ف حتة ابدا

ف ثوانى سابهم هنرى واخد ديله ف سنانه وطاااااااااااار

وصل تشوﻻ هيمي البيت و مشي .. دخلت هيمى شقتها كانت بتتكلم مع لولو فى التليفون تحكيلها اللى حصل

هيمى بضحك : كان نفسى تشوفى منظره يا لولو وانا بتكلم مع هنرى

لولو : ههههههههههه من غير ما اشوف انا متخيلاه .. انتي ليه بتعملي فيه كده ؟

هيمى بتفكير : مش عارفة بس بحب اضايقه قوى كده

لولو : المهم عمل ايه بعد هنرى ما مشى ؟

هيمى : متكلمش معايا خالص طول الطريق بس كان هيقلبنا ويعمل حادثة بينا مرتين

لولو: تستاهلى عشان تبقى تضايقية وهو بيسوق تانى

هيمى : عموما انا خلاص وصلت هاخد دش حلو كده وانام

لولو : ماشى يختى تصبحى على خير واحلام تشولية سعيدة .. سلام .. وقفلو

بصت لولو للتليفون : اخرتك يا هيمى اكيد هتبقى ع ايد تشولا

هيوك : انا مش فاهم علاقة هيمى بتشولا وهنرى

بصتله لولو وضحكت بشر لما افتكرت نوع العلاقة بين تشولا وهيمى : هههههههههه اقولك انا .. هيمى بتحب تشولا بس هو ميعرفش وهى وهنرى بيحبو يضايقو تشولا ويشعللوه وهو سريع الاشتعال الصراحة ههههههههههه

هيوك بتردد : لولو انا كنت عايز اتكلم معاكى فى موضوع مهم

لولو ركزت معاه : موضوع مهم انت كده هتقلقنى

هيوك : ممكن نروح نقعد فى اى مكان عشان نعرف نتكلم

لولو : بس مش هتاخر عشان الوقت وانا عندى شغل الصبح بدرى

هيوك : ارسو .. وراحو يقعدو فى مكان هادى

بصت لولو لهيوك باهتمام : خير بقى كنت عايزنى فى ايه ؟

هيوك بتوتر : الموضوع ده كنت متردد اقولك عليه ولا لاء .. ولو هقوله مش عارف هقوله امتى وازاى ؟

فى الوقت ده كان تليفون لولو عمال يرن وهى مش بترد

لولو بقلق : لا كده قلقتنى بجد .. ورن تليفونها تانى وبردو مردتش

هيوك : ردى على التليفون

لولو بتشوح بايدها : دى هيمى اكيد هتقول اى حاجة مش مهمة بس انت قلقتنى وشوقتنى

نزل هيوك وشه : انا عارف ان ثقتك فيا اتهزت بعد ما عرفتى انى كنت براقبك

لولو اتنهدت : مكدبش عليك انا قعدت كتير افكر فى الموضوع ده ..  كنت مضايقه اوى انك خبيت عليا ولما سالتك كدبت عليا وانا اكتر حاجة بكرها هى الكدب

رفع هيوك وشه وعينه جت فى عين لولو : عشان مكدبش عليكى تانى عايز اعرفك حاجة .. اى حد ف الدنيا اكيد عنده حاجات او اسرار مخبيها .. وانا مختلفش عن باقى الناس ف حاجة .. ف حاجات ف حياتى انا مخبيها عنك .. بس اتمنى يجى اليوم اللى اقدر اقولك عليها وتصدقينى وتثقى فيا

لولو فى نفسها : كلامه مش مريح ومخلينى اقلق اكتر بس هو المرة دى اللى بيقول منه لنفسه انه مخبى عليا حاجة وده شئ كويس .. ربنا يستر من اللى مخبيه يا هيوك

ابتسمت لولو ابتسامة بسيطة عشان تطمنة : انا محترمة صراحتك .. وهسيبك براحتك وقت ما تحب تقولها قولها وانا متاكده انك عمرك ما هتاذيني صح ؟

هيوك بتسرع : طبعا عمري ما هاذيكي انا حلفت ﻻزم احميكي بروحي

لولو باستغراب : تحمينى .. من ايه ؟

هيوك بتوتر : من اى خطر مش شغلتك كلها خطر ؟ انا مش ها...

قاطع كلام هيوك تليفون لولو بيرن تانى

بصت لولو للتليفون بغضب وفجاه نظرتها اتغيرت : اوووبس .. المرة دى لازم ارد

هز هيوك راسة : طبعا ردى

ردت لولو ع فونها : اوبا

تشولا بصوت عالى : انتى فين ؟ ومش بتردى على هيمى ليه ؟

بعدت لولو الفون عن ودنها شويه وبعدين رجعته : براحة شوية ودنى اتخرمت حرام عليك

تشولا بعصبيه : انتى فين دلوقتى ؟

لولو : انا مع هيوك فى حاجة ولا ايه ؟

تشولا : هيمى معايا هاخدها على بيتى

لولو باستغراب : هيمى !! انا لسه قافلة معاها من شوية وكانت فى البيت

تشولا بيوبخها :  مانتى لو كنتى بتردى عليها كنتى عرفتنى

لولو بقلق : حصل ايه قلقتنى ؟ هيمى كويسة ؟

مردش عليها تشولا وقفل السكة ف وشها

بصت لولو للفون وبعدين بصت لهيوك : ممكن توصلنى لبيت تشولا بسرعة هيمى معاه ومش عارفة حصلها ايه ؟

 

----------------- 

BY

D&E

Lolo Adel  

Emy Tarek