Catch him .. Part 09

Catch him .. Part 09

وسط كل ده كان فى عيون تانية بتبص على لولو وهيوك ... ايمى ودونى

دونى بحب : اخيرا اتجوزنا وانتى بين ايديا

ايمى بتهز راسها : بجد انا مش مصدقة نفسى انى بقضى احلى لحظات حياتى

دونى باصص فى عينها وقرب راسه من راسها : بحبببببببببببك

ابتسمت ايمى وودت وشها الناحية التانية .. لمحت لولو وهيوك بيرقصو مع بعض

ابتسمت ابتسامه واسعة لاحظها دونى

دونى باستغراب : انتى بتضحكى على ايه .. وبص على المكان اللى ايمى بتبص عليه لاقى لولو  وهيوك بيرقصو

تنغيرت نبرة صوت دونى للجد : لولو بترقص مع هيوك ليه ؟

ايمى هزت كتفه بايدها : دونى سيبهم براحتهم

دونى رجع بصلها تانى : انا بس قلقان على لولو وانتى عارفة كده

ايمى بنبرة رقيقة : دونى حبيبى اللى بيحب حد ميقدرش يجرحه .. زينا كده احنا منقدرش نجرح بعض لاننا بنحب بعض

دونى بنظره حب صادقة : انا مش بحبك بس انا بعشق كل حاجة فيكى

ابتسمت ايمى وقبل ما ترد عليه قاطعهم هنرى بسخافة : احم احم ممكن ارقص مع اختى شوية .. ( مش وقته خالص )

غمض دونى عينه اول ما سمع صوت هنرى : انت ايه اللى جابك دلوقتى بس

هنرى : قولتلك عايز ارقص مع اختى

ايمى بصت على هنرى وبعدها بصت لدونى : معلش هى رقصة واحدة بس

بصلهم دونى وبعدين سابهم يرقصو مع بعض وهو راح يرخم على حد تانى

هيوك قطع الصمت : لولو عارفة انى مصدقتش نفسى لما شفتك انتى وايمى لما جيتو تعزمونى على الفرح افتكرت ساعتها انى بتخيل  

لولو بهدوء : بلاش نتكلم فى الموضوع ده دلوقتى

هيوك بتوتر : كنت عايز اكلمك عشان اعرف الفرح بدء ولا لاء وبعدين افتكرت انى مش معايا رقمك

لولو فتحت عينها قوى كانها لسه ملاحظة : تصدق صح احنا مش معانا ارقام بعض

هيوك بتردد : طب ممكن .. يعنى اخد رقمك عشان لو فى حاجة ابقى اعرف اكلمك

لولو بتسرع : اكيد طبعا بس هتسجله واحنا بنرقص كده

هيوك بابتسامه واسعة : هههههههه خلاص بعد ما نخلص رقص

لولو بتسرع بردو : لا وبعدين ليه قول رقمك دلوقتى وانا هحفظه واسجله بعدين ( واقعة قوى )

هيوك باندهاش : هتحفظى رقمى دلوقتى عموما براحتك رقمى هو ***********

لولو بتركيز : *********** خلاص حفظته وهبقى اكلم ... فجاه قاطعهم ايد على كتف هيوك

دونى ببراءة : ممكن ارقص مع اختى

رفعت لولو حواجبها وهى بصاله : انت يابنى مش عريس روح ارقص مع عروستك

دونى : تفتكرى انا مش عايز يعنى بس اخوها السخيف حب يرقص معاها

لولو : تقوم تيجى تسخف عليا وتعمل فيا اللى هنرى عمله فيك

بصلها دونى وضحك وفرقع صوابعه : بينجو .. بالظبط كده

هيوك بابتسامه خفيفة : اكيد طبعا ممكن ترقص معاها براحتك دى اختك .. راحت لولو بصاله باستغراب

دونى ردله الابتسامه : كوماوا هيوك

ومسك ايد لولو وبدا يرقص معاها .. فضلو يرقصو بصمت لحد دونى ما قطع الصمت ده

دونى : لولو ايه علاقتك بهيوك بالظبط ؟ ومتخبيش عليا انا شايف كل حاجة وفاهم كل حاجة بس عايز اسمع منك انتى

لولو استغربت سؤال دونى واتحرجت : بصراحة انا معجبة بيه قوى جدا خالص بس متقلقش انا وهو متكلمناش فى اى حاجة احنا بنتكلم عادى جدا زي ما بتكلم مع هنرى او تشولا او اى حد بس لما بكون معاه ببقى حاسة باحساس مختلف ببقى سعيدة بمجرد ما اشوفه بس او اسمع صوته وبحس انى طايرة وقلبى بيدق جامد قوى  .. ولحد دلوقتى مش عارفة انا ايه بالنسبة ليه

دونى بصلها باستغراب ورفع حواجبه وفتح عينه قوى وفمه : ده كده مبقاش اعجاب بس .. اتحرجت لولو ونزلت راسها للارض .. سكت دونى شوية وبعدين اتكلم : لولو انتى عارفة انا بحبك قد ايه ومش عايز غير سعادتك وانك تفضلى دايما مبسوطة وبتضحكى ومرتاحة وفى خلال الفترة اللى عرفت فيها هيوك هو انسان كويس مش وحش .. بس مش عايزك تستعجلى فى حاجة ابدا وخليكى زى مانتى لحد ما تعرفى احساسه ايه

لولو: متقلقش عليا انت ناسى انى الكابتن ولا ايه ؟

ضحك دونى وحضنها : انتى النهاردة بنوتة رقيقة .. واخوكى حبيبك عايز يطلب منك طلب

لولو ضيقت عينها : دونى طلباتك كترت النهاردة .. بس مش مهم .. اطلب يا عريس

دونى : خلصينى من هنرى عايز ارقص مع ايمى

لولو حركت راسها للجنب وضحكت : اهاااااااا قول بقى انك مش قادر تبعد عنها اكتر من كده على فكرة بكرة هترجع مجنونة تانى

دونى بهيام : انا بحبها باى وضع سواء بحالتها الطبيعية او جنانها او رقتها بحبها كلها على بعضها

لولو : لالالالا انا كده اخاف عليك تعالى وانا هخلصك من هنرى وحب فها براحتك

بدا دونى ولولو يقربو وهما بيرقصو من هنرى وايمى

لولو بنظرة شر : هنرى انت بتعمل ايه مع ايمى ؟

هنرى بمنتهى البراءة : برقص

لولو بتحاول تشده : تعالى ارقص معايا وسيبهم مع بعض انا اساسا عيزاك

هنرى مسك فى ايمى اكتر وفتح عينه : عيزانى فى ايه يا لولو ارحمينى النهاردة بس

ايمى قربت هنرى ليها : لولو انتى بتعملى ايه فى هنرى عشان يخاف كده

دونى بابتسامة بريئة : لولو دى البراءة كلها هتعمل مع اخوكى العفريت ايه يعنى ؟

لولو فصلت هنرى عن ايمى وزقت دونى عليها : لا بقلكو ايه النهاردة يوم فرحكو هتتناقرو فيه ههدو على دماغكو .. وانت يا هنرى تعالى

بص هنرى لايمى : لو اتاخرت او اختفيت ابقى بلغى عنها .. وساب ايمى وراح رقص مع لولو

فى نفس الوقت واحد تانى استغل انشغال دونى مع ايمى وانشغال هنرى مع لولو وانتهز الفرصة

راح لاتنين كانو بيرقصو

كيونا بهدوء : هما الاتنين دول دايما كده ( تشولا وهنرى )

هيمى بتنهيدة : انت مشفتش حاجة .. ده انا بتعب منهم كل ما يشوفو بعض لازم يناقرو فى بعض

كيونا ابتسم : واضح ان هما الاتنين بيحبوكى

هيمى حركت راسها لفوق : دول مشردنلى فى كل حتة نروحها

كيونا بخباثة : المهم انتى بتحبى حد منهم ولا لاء ؟

قبل ما تجاوب هيمى على السؤال سمعت صوت من ورا كيونا

تشولا بصوت جاد : ممكن اخد هيمى منك الرقصة دى

بصله كيونا وبص لهيمى وضحك : طبعا

مسك تشولا ايدها وبداو يرقصو : شكلك كنت مندمجة اوى مع كيوهيون

هيمى بابتسامة : هو فعلا عسول وذكى جدا

تشولا بغيرة : من مرة واحدة كده عرفتى انه ذكى ولاقتيه عسول واللى قدامك بقاله سنين مش حاسة باى حاجة منه

هيمى بصت فى عينه : ومين قال انى مش حاسه باى حاجة ده كفاية اللى بتعمله انت وهنرى

تشولا بنبرة هادية : هيمى انتى بتحبى حد ولا لاء يعنى بتحبنى او بتحبى هنرى ؟

ضحكت هيمى : كيوهيون كان لسه بيسالنى نفس السؤال وانت جيت قاطعتنا قبل ما ارد

تشولا والغضب بان عليه : وهو يسالك السؤال ده بمناسبه ايه ؟

هيمى نفخت خدودها : اهو بسبب عصبيتك دى مش هرد على اسئلتك خالص

تشولا بضيقة وعصبية : خلاص مش عايز اعرف حاجة انا اساسا غلطان انى بجرى وراكى وانتى مش معبرانى

هيمى بترجى : تشولا ممكن تبطل تتكلم وترقص بس

بصلها تشولا وبص بعيد عنها ومتكلمش معاها تانى

هيمى : عشان اريحك هرد على سؤال واحد بس من اسئلتك .. انا بحب واحد جدا والكل عارف انى بحبه ماعدا هو وده اللى مخلى الموضوع مشوق

تشولا بتسرع بيسال كتير : مين هو الواحد ده ؟ انا اعرفه ؟ اسمه ايه ؟ وعرفتيه ازاى؟

هيمى نفخت حدودها : كل دى اسئلة قولتلك انى هرد على سؤال واحد بس ومتقلقش قريب قوى هتعرف هو مين

نرجع للولو وهنرى بعد ما سابو ايمى ودونى

لولو خبطت هنرى على كتفه : مش ناوى تبطل رخامه على البشرية

هنرى بفخر . الرخامة دى شى متاصل فيا .. اسلوب حياه

ضيقت لولو عينها : اخرتك هتبقى على ايد تشولا او على ايدى

ضحك هنرى : انا بحب قوى لما اقعد اغيظ واضايق فى تشولا  بالرغم انه ذكى جدا فى شغله الا انه لحد دلوقتى معرفش ان هيمى بتحبه

لولو : انا خايفة عليك منه لما يعرف الحقيقة ده هياكلك وشوف مين يقدر يدافع عنك

هنرى : متقلقيش معايا حماية جامدة جدا متنسيش ان هيمى شريكتى ف الجريمة

رفعت لولو اكتافها : شوف مين اساسا هيلحقها هى من تحت ايده

ضحك هنرى : لا متقلقيش هو بيجى قدامها وبيضعف

لولو بصت حواليها وقربت من هنرى : سيبك من كل ده خلينا فى شغلنا انا ...

قاطعها هنرى : لولو احنا فى فرح اخوكى واختى سيبى الشغل دلوقتى

لولو بابتسامه بلهاء : اه صح نسيت

هنرى : نسيتى ...

بدا يبرطم بشوية كلام بس لولو مركزتش معاه لان نظرها وقع على هيوك اللى كان بتكلم مع كيونا واول ما بصت عليه ضحكلها وكمل كلامه مع كيونا

هيوك بابتسامه للولو عكس القلق اللى موجود جواه : انا بردو مش مطمن لحد دلوقتى محصلش اى حاجة انت متاكد من اللى سمعته

كيونا بهدوء : انا سامع شيون وهو بيقول لمينى على فرح الظابط دونى ومينى قال انه هيبعتله هدية لفرحه

هيوك : بس معرفتش ايه هى نوع الهدية ؟

هز كيونا راسة بمعنى لا : ملحقتش اعرف لان انت كلمتنى ساعتها وبعدت عنهم

اتنهد هيوك: مينى وشيون افكارهم مش مضمونه انا خايف يتهور ويقلب الفرح

كيونا بيحاول يطمنه : متقلقش من الحتة دى معتدقش انه هيعمل كده .. انا شايف انه هيلاعبهم شوية بعد موضوع البضاعة اللى طلعت لعب اطفال

هيوك : كل اللى عايزة دلوقتى ان الفرح يمر على خير مش عايز مشاكل انا مقدرش افضح نفسى قدامهم على الاقل دلوقتى

كيونا بص لهيوك وحط ايده على كتفه واتكلم بجدية : عايز نصيحتى لازم تعمل واقفة .. انت بتحب لولو وهى لحد دلوقتى متعرفش عنك حاجة لو عرفت الحقيقة واللى انت مخبيه عليها مش هتسامحك بسهولة لازم تصارحها بالحقيقة قبل فوات الاوان ومن وجهه نظرى هى كمان بتحبك وده باين قوى من نظراتها ليك وارتباكها معاك ولو انت بقيت صريح معاها هتسامحك لانك ملكش دخل فى كل اللى بيحصل ده 

هيوك بتنهيدة ولسه على وشه الابتسامه لان لولو بتبص عليه : انت عندك حق بس مش عارف اقدر ازاى اقولها حاجة زى كده الموضوع مش سهل

كيونا : انا واثق ان هيجى وقت وتحكيلها على كل حاجة بس حاول يبقى فى اسرع وقت

حرك هيوك راسه بمعنى انه هيعمل كده فعلا وفجاه سمعو صوت دونى بيتكلم بصوت عالى

نرجع بالاحداث شوية

بعد ما دونى وايمى رجعو يرقصو تانى مع بعض

دونى بيتكلم على لولو : مش بقولك بريئة

ايمى : دى وحش مفترس انا بخاف عليك وعلى هنرى منها

دونى مسك ايدها وباسها : سيبك منهم بقى ... وحشتينى الشوية دول

ايمى نزلت راسها : دوني بس بقى بؤحرج

دونى رفع راسها : بحبك وباسها على راسها

ايمى اتحرجت وحضنته قوى بتخبى وشها منه .. راح حوط وسطها بايدة الاتنين وهى محوطه رقبته بايدها وشالها فجاه ولف بيها وهو بيقول بصوت عالى

بحببببببببببببببببببببببببببببببببببببببببك

طبعا الكل بص عليهم وقعدو يصقفو ويصفرو عشانهم

بعد ما بطل ايمي و دوني رقص هيوك و كيونا راحو يسلمو عليهم و يدوهم الهدايا
هيوك : لولو هنروح نسلم علي ايمي اخيرا بطلت رقص
لولو بنص ضحكة خبيثة : ههههههه هاجي معاك عايزه اضحك شويه
هيوك بص لها باستغراب : تضحكي ؟؟
لولو بصت علي كيونا : تعالي بس وهناك هتعرف
راح هيوك و كيونا و معاهم لولو لايمي و دونى .. مد هيوك ايده وسلم عليهم : مبروك يا دوني .. مبروك ايمي يااااه اخيرا حضرت الفرح
كيونا : مبروك يا ايمي .. مبروك يا عريس
هز دونى راسه : كوماوا و بيهمس لايمي : مين ده ؟
ايمي بهمس : ده عمود نور شرياه للبيت
دوني باستغراب : نعم
ايمي بابتسامة بلهاء : كيونا فكرت في اللي قولتلك عليه
كيونا باستغراب : اللي قولتي عليه ؟
ايمي : اه انك لو حبيت تكون مكان ناس انا معنديش مانع ده ساعتها الكوشة هتنور
ضحك الكل ماعدا دونى ع كلام ايمى اللى كانت لسه باصه ع كيونا وهو بيضحك : يالهوتي ده مش ناقص 2 فولت لا ده منور جاهز
دوني بعصبيه : ايمى .. في عروسه تعمل اللي بتعمليه ده
ايمي : ماهو الواد حليوه بصراحه و بينور في الضلمه
دوني بنفس النبره : اييييييميييييييي

في الوقت ده سابوهم كيونا وهيوك ولولو
كيونا بيحاول يوقف ضحك : بس ايمى ماخدتش الهديه
هيوك : ولا مني انا كمان
لولو وهي بتبص علي دوني و ايمي : خلاص خلاص مش هينفع تروحولهم خصوصا انت يا كيونا .. دوني ممكن ياكلك هات انا هوديها

اخدت لولو الهدايا وراحت تحطها مع الهدايا التانيه اللي جت لايمي و دونى .. لفت نظرها هديه عباره عن علبه مربعه حجمها متوسط شكلها مختلف عن باقى العلب الموجودة وعليها كارت .. لسه هتفتح الكارت دخلت هيمي عليها
هيمي : لولو يلا بسرعه ايمي هترمي البوكيه
لولو بابتسامه وهي بتسيب الهديه من ايدها : بجد طيب يلا

راحت هيمي و لولو عند ايمي علشان يمسكو البوكيه .. رمت ايمى بوكيه الورد بس اللى مسكه وقع فى شر اعماله

لولو بنظره شر : لو مجبتش البوكيه هخلي حياتك جحيم في جحيم انت بتقضي معايا كل يومك
هيمي بتهديد : هات البوكيه والا هقول لتشولا علي كل حاجه ومش بعيد ياكلك من غير سوا

لولو وهيمي باصين له باصه تقريبا نسيو انهم في فرح و النظرات دي متنفعش في افراح

هنري في نفسه وهو ماسك بوكيه الورد : انا ايه اللي وقفني هنا

----------------- 

BY

D&E

Lolo Adel  

Emy Tarek