Catch him .. Part 08

Catch him .. Part 08

تسريع للاحداث

فى خلال الشهر كان لولو وايمى وهيمى مشغولين جدا ف تحضيرات الفرح

  * لولو رجعت شغلها تانى لانها بقت كويس
  * ايمى اخدت اجازة لمدة شهر عشان تلحق تخلص باقى ترتيبات الفرح
  *هيمى كانت اغلب الوقت بتساعد ايمى لانها مورهاش شغلة ولا مشغلة
  *دونى وتشولا لسه بيحققوا فى القضية بس العصابة كانت هادية جدا الفترة دى .. وده كان مش مريح تشولا
  * هنرى كان هو اللى شايل الليلة بجانب شغله بدل دونى مع ايمى واصحابها لان دونى كان مكثف كل وقته مع تشولا وكان هو اللى بيساعدهم
  *هيوك كالعادة فى محله وبيراقب لولو وكان بيشوفها كل يومين على اساس انها صدفة ويتكلمو مع بعض

كل شئ تمام ومتظبط ليوم الفرح مفيش غير ان الكل يحضر الفرح وخصوصا دونى يارب ما ينسى

هيمى : مالك يا ايمى مبلمة كده ليه؟
ايمى مش مستوعبه :هو النهاردة بجد ولا حقيقى حد يقرصنى عشان اصدق
لولو بتريقه : لا مش حقيقى مكلفين نفسنا عشان نضحك عليكى
ايمى : بجد ؟؟؟ انا بردو كنت حاسة ان فى حاجة مش حقيقية
لولو : هرزعك كف يعملك مكياج طبيعى ... انتى مبتعرفيش تفرحى يابت
ايمى : اصلى مش مصدقة انى اخيرا هتجوز دونى .. وهشوف القمر النهاردة
لولو بنص عين : شامه ريحة خيانة القمر مش قصدك بيه دونى صح ؟
هيمى بتغيظ لولو : اكيد قصدها على هيوك .. وضمت ايدها على بعض وقربتها من قلبها هيييييييييييييييييح
لولو بعصبيه : هيمى عمرك حسيتى احساس المروحة ؟
هيمى باستغراب : مروحة ؟؟ لا طبعا
لولو : شكلك هتجربيه قريب .. هعلقك مكانها لو مبطلتيش تعاكسى فى هيوك
ايمى مجرد ما فاقت من صدمتها : انتو ايه اللى جابكو هنا خلونا نجهز عشان انا متشوقة اوى .. وراحت مصرخة
لولو وهيمى اتخصو من صويت ايمى : ياااااااااااااااااا انتى اتجننتى فعلا

بدا الثلاثة يلبسو فساتينهم ويحطو مكياجهم "" اكيد مش هما اللى عملو لنفسهم المكياج عشان الذكاوه ""
كانت ايمى فى مكان المكياج لوحدها وهيمى ولولو مع بعض وبعد ما خلصو بصت هيمى على لولو ومصدقتش عينها من اللى شافته
هيمى شهقة : لولووووو ايه ده ؟؟؟
لولو بتوتر : ايه فى حاجة غلط فيا .. فستانى مش حلو .. ولا المكياج مش لايق عليه .. انطقى
هيمى بتبص عليها من فوق لتحت وهى فاتحه عينها بؤها : انتى مش انتى خالص انا معرفتكيش
لولو نفخت براحه : يابنت ال ... عارفة لو مكنتش لابسه الفستان ده كنت عملت فيكى ايه
وهما فى وسط نقارهم خرجت ايمى من اﻻوضه اللى كانت فيها
لولو وهيمى وهما فاتحين بؤهم : واااااااااااااااااو

** توضيح **

-       لولو لابسه فستان ازرق ياقوتى طويل وحريرى ضيق من فوق من غير اكمام خالص وفيه نقشات بسيطة بتضيف جمال للفستان ورفعت شعرها فى فورمه بسيطة مع قصة رقيقة ومكياج رقيق

-       هيمى لابسه فستان ضيق من فوق ونازل على واسع من بداية الوسط لحد الركبة لونه ابيض فى احمر وسابت شعرها القصير على كتفها وحاطة شريطه حمرا على راسها ومكياج خفيف

-       ايمى لابسه فستان ابيض طبعا تاى بيست ( ضيق من فوق لحد اخر الظهر ونازل على واسع ) مع ذيل للفستان مع فورمة بسيطة والطرحة والتاج البسيط اللى بيزين راسها كانها ملكه ومكياج ساحر

ضحكت ايمى على رد فعلهم : عارفة زى القمر مش كده
لولو بنفس رد الفعل : دونى لو شافك كده كان خلى الفرح من سنتين فاتو
ايمى افتكرت دوني : بمناسبة دونى هو فين لحد وقتى ؟ اوعى يكون عملها وهرب او نسى
هيمى : لا متقلقيش انا شايفه تشولا وهنرى معاه قبل ما ندخل هنا
لولو حضنتها : مبروك يا ايمى بجد انا مبسوطة اوى عشانك
ايمى شدت على حضن لولو : انا متوترة اوى يا لولو مش عارفة ليه
جت هيمى وحضتنهم هما الاتنين : متوترة واحنا معاكى .. وبعدين بتحضنو بعض من غيرى

فجاه سمعو صوت خبط على الباب .. راحت هيمى فتحت الباب .. ودخل تيكى  بمنتهى الشياكة والجمال والابتسامة الساحرة

تيكى : لازم ابقى اول واحد يشوف العروسة

البنات بفرحه لما شافوه بصوت عالى : اوباااااا

تيكى حط ايده على ودانة وغمض عينه من صوتهم : حرام عليكو حتى يوم الفرح مجانين بردو

ايمى بفخر : الجنان ده اسلوب حياه اوبا

قرب تيكى منها وطلع علبه قطيفة من جيبه وقدمها لايمى

ايمى باستغراب : ايه ده اوبا ؟

فتح تيكى العلبه كان فيها انسيال رقيق .. لولو وهيمى وهما مبرقين : واااااااااااااااااااااااااااو

ضحك تيكى عليهم ومد ايده اخد ايد ايمى ولبسها الانسيال : دى هديتى انا وكل زمايل دونى

ايمى بفرح وهى مزبهلة وباصة على ايدها : كوماوا اوبا وراحت حضناه

بعدت ايمى عنه وبصت ع لولو وهيمى وضحكت جامد .. بص تيكى ع اللى بيضحك ايمى لاقى لولو وهيمى لسه مبرقين وفاتحين بقهم ومتنحين  

لولو : انا عايزة من ده

حط تيكى ايده على كتفها وضحك : لما تيجى تتجوزى ليكى عليا هجيبلك هدية احلى من دى

هيمى : طب وانا ؟

بصلها تيكى وضحك : لا انتو كده هتفلسونى .. اروح اشوف الشباب احسن .. دول مش بيطلبو حاجة

لولو : طب خدنى معاك .. اروح اشوفهم انا كمان

خرج تيكى ولولو عشان يروحو لدونى والشباب : بس ايه الحلاوة دى يا لولو

لولو : بجد عجبتك ؟

ضحك تيكى : طبعا عجبتينى ومتاكد انك هتعجبى كل اللى موجودين فى الفرح

لولو بتسرع : انا عايزة اعجب شخص واحد

تيكى بخباثة : شخص واحد .. مين ده بقى ؟

انتبهت لولو للى قالته ومعرفتش ترد تقوله ايه بس اللى نجدها انهم وصلو اوضه دونى

خبطت لولو ع الباب ودخلت راسها : دونى انت خلصت ولا لسه ؟

دونى من غير ما يبصلها : اها خلصت من بدرى .. وبعدين بصلها وسالها سؤال ذكى : انتى مين ؟

دخلت لولو ووقفت قدام دونى : انا لولو مش عارف اختك .. طب مش عارف صوتى كمان

وقف تشولا وهنرى بتعجب : لولو

دونى بصدمة : انتى اتغيرتى خالص يا كابتن بجد معرفتكيش

تشولا : كابتن ايه بقى دى بقت مزة على الاخر ومسكها من ايدها ولفها وقام مصفر

هنرى : يا سلام يا لولو لو تفضلى كده على طول وتسيبك من دور الراجل اللى انتى عايشه فيه ده

لولو بصتلهم وبدات تخرج تشولا وهنرى : خلصتو ممكن تطلعو بره بقى وتسيبولى دونى شوية

تشولا بيسبل عينيه : انت تأمر يا قمر انا مقدرش ارفض للجمال ده طلب

هنرى بص لتشولا : انت بتجيب الكلام ده منين ؟ وبص للولو : اى حاجة تانية يا حبى ؟

فجاه لاقو تيكى بيزقهم هما الاتنين من قدام لولو : اطلع بره انت وهو .. انا واقف وبتعاكسو البت

تشولا : خلاص خلاص خارجين

تيكى بصيغة تحذيرية : ومحدش منكو يقرب من اوضه ايمى مفهوم

هنرى بتذمر : هيونج دى اختى وعايز اروح اشوفها

تيكى : ابقى شوفها بعدين

استسلم تشولا وهنرى للامر الواقع وخرجو

لولو بتعدل بدلة دونى :  الليلة ليلتك يا عريس محدش قدك

دونى شدها من خدودها : انتى مفيش فايدة فيكى يعنى شكلك النهاردة بناتى بس طريقتك زى ماهى .. لولو حبيبتى ممكن اطلب منك طلب

لولو شالت ايد دونى : اااااه .. اطلب يا سيدى هعملك اللى انت عايزة النهاردة بس عشان مبقاش حرمتك من حاجة فى اخر ثوانى ليك فى العذوبية

دونى مسك ايدها : لولو بلييييييييييييييييز اتعاملى النهاردة على انك بنت رقيقة بلاش الكابتن يطلع النهاردة خليه مستخبى عشان خاطر اخوكى حبيبك

لولو بصتله كانها بتفكر وحطت ايدها على دقنها : امممممممم ماشى النهاردة بس

دونى باسها من خدها وحضنها وهى حضنته

كل ده وتيكى بيتفرج عليهم : عجبانى اوى علاقة الاخوه والصداقة اللى بينكو

وقرب من دونى : الف مبروك يا دونى مش مصدق ان الطفل الكبير خلاص هيتجوز النهاردة

دونى بيمثل الطفولية : حتى انا مش مصدق

وفجاه اتكلم بجديه : بس كله بفضل كلامك ليا هو اللى شجعنى وخلانى افكر كويس

هز تيكى راسه وحط ايده على كتف دونى : انت بس كنت عايز اللى ينبهك للواقع وادى النتيجة النهاردة ليله فرحك اخيرا

لولو : يالا بقى نروح لايمى احسن هى متوترة اوى .. ومسكت فى دراعه

سابهم تيكى ونزل القاعة .. وصل دونى ولولو لاوضه ايمى لاقى هنرى وتشولا واقفين قدامها

دونى باستغراب : انتو بتعمو ايه هنا منزلتوش ليه ؟
هنرى بجدية : دونى النهاردة فرح اختى ولازم احل محل بابا الله يرحمه وانا اللى اوصلها لحد عندك
الكل بصله وسكت اتفاجو من نبرة هنرى الجدية .. كمل هنرى : انزل انت وتشولا هيونغ تحت وانا هسلمك عروستك

حضنه دونى من غير كلام .. وتشولا بصله وضحك وبعدين نزلو .. ودخلت لولو وهنرى
ايمى مستغربه : هنرى ؟
قرب منها هنرى وباسها على راسها وحضنها : بابا وماما لو كانو هنا كانو اكيد هيبقو فرحانين بيكى زى مانا فرحان  
حضنته ايمى وبدات تدمع : ربنا يخليك ليا يا احسن اخ فى الدنيا

اتاثرت لولو وهيمى بالمشهد قدامهم وعينهم دمعت بس مسكو نفسهم عشان مكياجهم
مد هنرى ايده لايمى بابتسامه : يالا اقدمك لعريسك

مسكت ايمى ايده وهى مبتسمة وخرجو فى طريقهم للقاعة ولولو وهيمى وراهم .. لاقو دونى واقف اخر السلم تحت فى انتظارهم ومعاه ابوة وامه وتشولا وباقى اصحابهم وقرايبهم  ..رفع دونى عينه عشان يبص على ايمى وهى جياله وارتسمت على شفايفه ابتسامه عريضة وفرحة نطت فى عينه وكانت مليانه حب وهو شايفها نازلة مع هنرى على السلم لحد ما وصلو لعنده

هنرى بابتسامه : استلم عروستك وخد بالك منها اوعى تزعلها وفرحها دايما ده كل اللى هطلبه دونى بصله : ايمى دى روحى هحافظ عليها واحبها اكتر من نفسى .. وبص لايمى ومسك ايدها .. دخلو ووقفو فى نص القاعة وبصلو لبعض وبدات الموسيقى

كان الكل بيبص عليهم ومبسوطين ماعدا لولو اللى كانت كل شوية تبص على باب القاعة .. انتبهتلها هيمى
هيمى : لولو انتى بتبصى على ايه كل شوية ؟
بس لولو مردتش عليها وفجاه ابتسمت .. بصت هيمى على المكان اللى لولو باصه عليه وبتبسم لاقت هيوك وشخص تانى معاه
هيوك بابتسامه ساحرة ونظره على لولو : انا اسف انى اتاخرت بس اتعطلنا انا وكيونا فى الطريق
لولو بابتسامه رقيقة : المهم انكم وصلتو
كيونا بابتسامه : الف مبروك يا لولو وعقبالك
نطت هيمى ف وسط الكلام : هيوك ايه الشياكة دى .. مش تعرفنى على صاحبك ؟
ابتسم هيوك حط ايده على كيونا : ده صديق عمرى كيوهيون .. وبص لكيونا .. دى هيمى صاحبه لولو وايمى بس زى العسل
كيونا بانحناءه بسيط : اهلا وسهلا بيكى اتشرفت بمعرفتك
هيمى : الشرف ليا انا .. ومالت على لولو : هو ده القمر اللى كنتو بتتكلمى عنه انتى وايمي
هزت لولو راسها وبصوت واطى : ايوة هو .. بذمتك قمر ولا لاء ؟
قاطعهم هيوك : لولو ممكن اطلب منك طلب
لولو بصتله : اكيد طبعا اتفضل
هيوك اتنحنح : ممكن ترقصى معايا الرقصة دى

اتفاجئت لولو وهيمى من طلب هيوك ووشها ضرب الوان لاحظ هيوك رد فعلهم وقال
هيوك بتردد : انا اسف لو
قاطته لولو بسرعة : لالالالا خالص انا موافقة

ضحك هيوك ومد ايده عشان ياخد ايد لولو ويرقصو مع بعض مع اللى بيرقصو

حط ايده على وسطها وايده التانية ماسك ايده وهى حطت ايدها على كتفه وكانت حاسه باحراج كبير لانها اول مرة ترقص مع حد وخصوصا انه هيوك اللى بتحبه لحد ما هيوك اتكلم
هيوك : عارفة انك زى القمر النهاردة
لولو وشها بقى خجول جدا من كلام هيوك كانت حاسة بحاجة اول مرة تحسها ومكنتش عارفة تقول ايه : هو انا متغيرة قوى كده اصل الكل بيقولى انهم معرفونيش .. هو انا وحشة فى الكاجول
هيوك : مين اللى يقدر يقول انك وحشة .. انتى حلوة ف كل حاجة
لولو باحراج : انت كده بتحرجى انا مبقتش عارفة ارد عليك
هيوك : انا بتكلم عن اللى شايفه واللى حاسه ومش محتاج منك انك تردى عليا كفاية اننا مع بعض لولو وصلت لقمة احراجها ومقدرش تتكلم خالص اكتفت بانها تبتسم لهيوك وتبص فى الارض

فى الوقت ده كان فى 6 عيون بتبص عليهم
ابو لولو ودونى وامهم كانو بيبصو على بنتهم اللى اول مرة يشفوها مع حد بالطريقة دى
هيمى وكيونا بيبصو عليهم من ساعه ما سابوهم وراحو يرقصو
هيمى بتنهيدة : هييييييييييييييييييح اوعدنا يارب
كيونا بيبتسم : فعلا لايقين على بعض
هيمى بصتله وميلت راسها : قصدك على مين ؟
كيونا : لولو وهيوك .. انا اول مرة اشوف هيوك كده
هيمى رجعت بصت عليهم : عندك حق
فجاه لاقت تشولا وهنرى واقفين جنبها
تشولا بنبرة باردة : عنده حق فى ايه ومين ده ؟
اتخضت هيمى : حرام عليكو خضتونى .. محستش بيكو
تشولا : طبعا مش هتحسى بينا مانتى فى عالم تانى
هنرى بتركيز على وش كيونا : مين ده يا هيمى انا مشفتوش قبل كده
كيونا اتنحنح واتكلم بكل ثقة : احم انا كيوهيون صديق هيوك وايمى ولولو
تشولا بصله بشك : واضح ان لولو وايمى بيتعرفو على ناس كتيرة الفترة دى
هيمى : عادى هو مش من حقهم وحقى اننا نتعرف على الناس
تشولا شال عينه من ع كيونا وبص ليهمى : ما علينا من الموضوع ده دلوقتى تعالى ارقصى معايا
هنرى : هميى مش هترقص مع حد غيرى
تشولا لهنرى : انت مالك بينا انا طلبت منها الرقص الاول
هنرى بعناد : وانا اخو العروسة وصاحب العريس واعرفها من قبلك وانا اللى هرقص معاها

قعد الاتنين يناقرو فى بعض على مين اللى هيرقص معاها بصتلهم هيمى وهزت راسها وبصت لكيونا
هيمى : كيوهيون ايه رايك ترحمنى من العذاب ده وترقص انت معايا ؟
كيونا بنظره خباثة عليهم : اكيد طبعا ده يبقى شرف ليا .. ومسك ايدها وراحو يرقصو
كل ده هنرى وتشولا مش واخدين بالهم من اللى حصل لحد تشولا ما اتكلم لهيمى
تشولا : هيمى انتى هترقـ ... وفجاه سكت لانه ملقاش هيمى او كيونا
هنرى بيلف حواليه : هما راحو فين ؟.. وفضلو يبصو عليهم لحد ما لاقوهم بيرقصو مع بعض
تشولا : عجبك كده من كتر مناقرتك معايا اهى راحت رقصت مع واحد تانى غيرنا
هنرى : انت لو كنت سبتنا نرقص مكنش حصل كده
تشولا بصله بغيظ : انا بتكلم معاك ليه اصلا .. وسابه ومشى
بص هنرى ع ايمى ودونى وقرر انه يعمل حاجة

وسط كل ده كان فى عيون تانية بتبص على لولو وهيوك ........

----------------- 

BY

D&E

Lolo Adel  

Emy Tarek