With You .. patr 02

With You .. Part 02

عدي كام يوم كانت دومي بتمارس حياتها بشكل طبيعي تروح لكليتها و بعدها الشغل وبعدها البيت .. و في يوم كانت مستنيه اصحابها قبل بدايه المحاضرات .. فى الوقت ده عدي هيوك لقاها قاعده علي كرسي و بتتكلم بردو .. وقف هيوك من بعيد بيبص عليها ويشوف تعابير وشها وحركاتها .. لحد اصحابها ما وصلو .. بصلها نظرة اخيرة وكمل طريقة

كيونا : شله الملاحيس جت اهيه

ضحكت دومي علي كلام كيونا
دوني و هو بيسلم عليها : لسه بتتكلمي فى التليفون
ضحكت دومي  : ايون
هيومي : متعرفينا على اى حد من اللى بتكلميهم دول .. ومادام هما اصحابك اكيد هيبقو اصحابنا احنا كمان .. انا نفسى اشوفلك اى حد غيرنا بصراحة
كيونا : مش بقولك شله ملاحيس .. وبعدين بص لهيومي : انا بقي مش عايز ابقي صاحبكم .. و طلعها لسانه وبعدها ربع ايده و بص لدومي
ابتسمت دومي  : في حاجات مينفعش اشاركها مع اي حد
نورين : اراسو اراسو اصلا مفيش فايدة فيكى .. و ابتدت تغير الموضوع : رايحه الشغل بعد المحاضره علي طول صح
دومي : ايون رايحه
ابتسمت هيومي و نورين لبعض انهم هيشوفو تشولا
دوني خبط ايده علي راسه و قال : اهلا بالصداع اليومي يلا على المحاضرات الاول قبل ما تبتدو كلام وقتها مش هنخلص

خلصو محضراتهم وراحو شغل دومي .. وكالمعتاد البنات الطبيعي بتاعهم عمالين يعاكسو فى تشولا و دوني يفضل يرخم عليهم ودومى راحت تشوف شغلها
كيونا حاطط ايده تحت دقنه وعمال يبص لتشولا : هو ايه اللي عاجبهم فيه ؟
دومي بتفكر : مممممم شكله حلو … كيوت…  طيب … شخصيته حلو و…
قاطعها كيونا وبصلها من فوق لتحت : انتي بتعاكسيه وانا واقف

دومي وهي بتغيظه : طب اعاكس وانت قاعد
كيونا : يااااااا
دومي و هي بتضحك : لا يا حبيبى انا اقدر اعاكس حد غيرك… بس انت سالت وانا جاوبت
كيونا : ده جواب ولا معاكسه
دومي : مش واثق فى حبي ليك واني مقدرش اعاكس ولا ابص لحد غيرك ولا ايه ؟

كيونا : لا طبعا متاكد … خلاص بيانيه
ضحكت دومي لان دي طريقتها دايما انها تقدر تضحك علي كيونا بالكلام

عدي اليوم طبيعي خالص .. خلصت دومي شغلها و روحت علي بيتها
دومي وهي بتترمي علي الكنبه : يااااه كان يوم طويل و متعب
كيونا بضحك : كلمتين كل يوم
خبطت دومي  ايدها علي الكنبه : النهارده فعلا كان صعب
ابتسم كيونا : عارف عارف بس كنت بهزر معاكي… روحي نامي وارتاحي

راحت دومي غيرت هدومها و نامت… تاني يوم الصبح فتحت عينها لقت كيونا قاعد على السرير
كيونا : يلا يا كسلانه قومي
فردت دومي  ايدها و ابتسمت : صباح الخير
كيونا بابتسامه : صباح النور يلا هتتاخري

 
جهزت نفسها وراحت كليتها .. بس اصحابها كل واحد فيهم فى نشاط خاص .. وهي منضمتش لاى نشاط .. فقعدت تتكلم مع كيونا لحد ما اصحابها يخلصو ويتقابلو ويدخلو محاضراتهم .. عدي كام يوم تقعد دومي لوحدها قبل بدايه المحاضره  و فى كل يوم يعدي هيوك ويشوفها .. وكل يوم تثير فضوله اكتر من الاول .. لحد فى مرة كان هيوك واقف كالعادة بيبص عليها لاقى حد بيحط ايده عليه

دوني حط ايده علي كتف هيوك : هيونج واقف كده ليه ؟
هيوك : اه دونيا… مفيش كنت بتمشي شويه معنديش محاضرات ولسه ساعه على الاذاعه .. وانت بتعمل ايه
دوني : انا لسه واصل .. ورايح اشوف اصحابى وبعدها ندخل المحاضرات
فكر هيوك  شويه لقاها فرصه انه ممكن يتكلم مع دومي : اه صح .. اصحابك دول مش هتعرفني عليهم بقى
دوني : اراسو بس انا مش مسئول عن اي اضرار
هز هيوك راسه وحط ايده على صدره : متخافش انا هعرف اتعامل معاهم
دوني ضحك جامد : بيتهيئلك

اخد دوني هيوك وراح عند البنات .. وعرفه على البنات الاول لانه متاكد ان لو عرفهم على هيوك الاول مش هيدوله الفرصه انه يكمل تعارف عليهم

دونى بيشاور عليهم : دومى وهيومى ونورين اصحابى المجانين

ابتسم هيوك وانحنى انحناءة بسيطة ابتسمولو البنات وانحنو ليه بنفس الطريقة
دوني حط ايده على كتف هيوك : اعرفكم بقي هيوك .. والمفاجاه بقى ده اللي بيقدم الاذاعه اللي انتو بتسمعوها

فتحت البنات عينهم على الاخر وبلمو .. وهيوك مبتسم ليهم
هيومي : بجد ده ولا حقيقه .. حد يقرصنبي
طبعا دونى قام بالواجب وقرصها جامد فرصة وجت لحد عنده

هيومي و هي بتتوجع : ااااه .. يا بابو
هز دوني اكتافه وعلى وشه ابتسامه خبيثة : مش انتي اللي قولتي
قربت نورين  من هيوك وبتشاور على دونى : هو انت بجد اللي الواد ده قال عليه

خبطها دونى فى ايدها : واد فى عينك .. اسمى دونى
هز هيوك راسه : اها انا .. وبعدها وجه كلامه لدوني .. دونيا دول عقليـ…. ملحقش يكمل كلمته لان نورين و هيومي ابتدو يتنططو شبه العيال الصغيره و يصرخو بصوت عالي وراحت كل بنت ماسكه فى دراعه و بيتكلمو بصوت عالي و بيشدو فى ايده وهيوك عمال يبص عليهم ويبص لدونى

كيونا : اهو ابتدي الجنان الرسمي .. نخلص من تشولا يجي اسمه ايه ده
دوني موجه كلامه لهيوك : قولت لك
هيوك بيحاول يفك نفسه من البنات ومفيش فايده : يا انسات بعد اذنكم .. و بيحاول يفك ايده وبعد فتره من الصراع مع البنات فك ايده و بعد ما ظبط نفسه و هدومه من البهدله اللي حصلت فيه .. وقف وحط ايده على كتف دونى عشان ميعرفوش يكتفوه بالطريقة دى تانى
هيوك : انتم بتسمعو البرنامج .. ايه رئيكم فيه ؟
الاتنين فى نفس واحد : حلو .. يجنن
ابتسم هيوك وبعدها بص لدومي اللي متكلمتش اي كلمه و كانت مستكفيه انها تتفرج وبس : وانتى بتسمعيه ؟
دومي بصت لهيوك وهزت راسيها : لا مش بسمعه
هيوك مستغربش لانه عارف : ليه ؟
دومي : مش بحب اسمع الاذاعه
هيوك : طيب ممكن اطلب منك طلب .. عايزك تسمعيه النهاردة .. وده تحدي ليا اني اعرف راي حد اول مره يسمع الاذاعه بتاعتي
هزت دومي راسها بلا مبالاه : اراسو

ابتسم هيوك لدومي و بعدها وجه كلامه لكل اللي موجودين : انا لازم امشي وقتى
هيومى ونورين بسرعه : ليييييييييييه ؟
هيوك : هجهز للازاعه  .. وسابهم ومشى

كيونا بتريقه على كلام هيوك لدومى : ممكن اطلب طلب .. عايزيك تسمعيه .. بلا بلا بلا .. ايه المميز بالاذاعه دي اللي تخلي الكل بيسمعها اكيد كلام هايف
 

ضحكت دومي علي كلام كيونا .. وقت الاذاعه قعد الكل يسمعها .. بس دومي حطت السماعات فى ودنها و ابتدت تتكلم مع كيونا و مسمعتش حاجه

تاني يوم كانت دومى قعدة مع دونى وهيومى ونورين بيتكلمو ..شافهم هيوك وراح لعندهم واول هيومى ونورين شافوه  قامو وقفو وابتسمو
هيوك رفع ايده وبيحركها : انيو
الكل : انيو ( البنات بابتسامه بلهاء … دوني قام وقف جنب هيوك  .. و دومي قاعده مكانها من غير اي تعابير )
هيوك : ها اخباركم ايه ؟
الكل : تمام .. بنفس الحاله السابقه
البنتين : وانت
هيومي : بطلي تقولي اللي بقوله
نورين : انتي اللي بتقلدي كلامي
دوني قاطع مناقرتهم : بطلو بقي فضحتونا
ضحك هيوك و بعدها بص لدومي : سمعتي الاذاعه ؟
كيونا قاعد جنب دومى ومربع ايده وبيبص لهيوك برخامة : لا
دومي هزت راسها : ايون
هيوك : ها ايه رئيك ؟
كيونا : قولنا لا .. بعدين وحشه من غير ما نسمعها

دومى : كويسة

هيوك : وايه اللى عجبك فيها ؟

سكتت دومي لانها فى الواقع مسمعتهاش
ابتسم هيوك  ابتسامة جانبيه : مسمعتيهاش صح ؟
نزلت دومي  راسها : بصراحه اه
هيوك  : كده زاد فى دماغي اني لازم اعرف رايك .. ده تحدي بجد ليا
هزت دومي راسها : اراسو اوعدك هسمعها

ابتسم هيوك و استاذن و مشي

هيومى : شكلك كان وحش قوى

نورين : قولنالك كذا مرة تعالى اسمعيها وانتى اللى مرديتيش

دونى : خلاص بقى منك ليها .. سيبو البت فى حالها

فضلت دومى ساكته ومش بترد عليهم .. وقت الاذاعه مسكت دومى فونها وبدات تجيب محطة اذاعة الجامعه بتاعتهم
كيونا بيبص على اللى دومى بتعمله : ايه هتسمعيها ؟
دومي ادت اصحابها ضهرها واتكلمت بصوت واطى عشان محدش يسمعها غير كيونا : علشان اخلص من انه يجي يقول تحدي هسمعها مره و خلاص
كيونا : وهتسبيني
دومي : انا مش عايزة اتحط فى موقف محرج تانى
كيونا و هو مربع ايده و نافخ خده : براحتك
ضحكت دومي و ابتدت تسمع الاذاعه

هيوك : النهارده هنكمل كلامنا عن السفر
بس المرة دى سفر من نوع تاني .. الانسان لو سافر الفضاء ايه الحاجه اللي مش ممكن يستغني عنها و هياخدها معاه هل هياخد حاجه معينه ولا شخص معين… و ياتري هتحب تروح فين هتروح كوكب تاني ولا هتخرج بره المجره خالص… انا مستني رسايلكم كل واحد يقول رايه

ابتدى هيوك يقرا الرسايل ويعلق عليها

اول رساله وصلت من بنت : هاخد حبيبي كفايه .. مش هتفرق معايا مجره او كوكب المهم اني معاه
هيوك بهزار : لو حبيبك بس يبقي روحي كوكب بلوتو اهو بيخرج و يرجع للمجره بمزاجه

تاني رساله من بنت : عايزه اروح مع اصحابي بره المجره خالص
هيوك : حتي فى الفضاء مع اصحابك طب هتتكلمو عن ايه .. الكائنات الفضائيه مثلا

رساله ثالثه من ولد : اروح مع اصحابي و مننساش الست الوالده علشان تعملنا الاكل .. و يكون فى مكوك فضائي علشان لو حبيت اتفسح .. واهم حاجه التليفون و النت
هيوك : متخليك علي الارض احسن اهو عليها اللي انت عايزه كله .. ولو حبيت تتفسح روح مع اصحابك اي حتة وقتها هتلاقو كمان بنات زى القمر مش هتلاقو زيهم فى مكان تانى .. لان بالطريقة دى انت محتاج ثروة كبيرة

فضلت الرسايل تيجي لهيوك و هو يقراها و يرد عليها وفى نفس الوقت كانت هيومى ونورين عمالين يضحكو علي تخيلاتهم انهم لو سافرو هيبقو عاملين ازاي لحد ما الحلقه خلصت

وقت ما خرج هيوك لاقي البنات ودوني قاعدين فى مكانهم المعتاد  .. وراحلهم
هيوك : ايه قاعدين كده ليه مش عندكم محاضرات
دوني : لا معندناش دلوقتي
هيوك : اها طيب تمام .. ايه رئيكم فى حلقه النهارده بقي  ؟
هيومى : تحفه اوبا تجنن
نورين : حلوه جدا مميزه كالمعتاد اوبا
ابتسم هيوك و بص لدومي : وانتي دومي  ايه رايك ؟
دومي : مممم راي بصراحة انها تافهة وبتفتقر للواقعيه
بصلها هيوك وسكت شوية وبعدها اتكلم : يعني ايه ؟
دومي : يعني ايه الواحد يسافر للفضاء و هيروح فين و هياخد ايه… دي مش رحله .. انت بتتكلم كان الموضوع عادي بيحصل على طول .. متعرفش ان السفر لهناك بيحتاج حسابات زمنيه كتير ومش اي حد بيسافر لهناك
هيوك  : لو كنتي سمعتي حلقه امبارح كنتي عرفتي ان الحلقتين مربوطين ببعض و انا قولت كده اول الحلقه… النهارده هنكمل كلامنا عن السفر… ده اللي قولته اول الحلقه… امبارح كان عن السفر بوجه عام الاماكن اللي تحب تروحها و محببه لقلبك .. والفوايد اللى بناخدها من السفر وبنتعلم منه ايه .. وايه اللى بيتغير فينا من التعامل فى اماكن مختلفة وناس مختلفة .. و النهارده عن السفر الخيالي اللي محدش جربه قبل كده ياتري الناس هتعمل ايه ؟ .. اهو الواحد يشغل دماغه ويفكر ويرفهه عن نفسه شوية
نورين بحده : يا انتي اتسرعتي في الحكم عليه
هيومي ضربت دومى على دماغها : ياريت تركزي كويس و تسمعي الحلقه من اولها بدل ما تتسرعي كده
وقف كيونا  بين دومى واصحابها : لا بجد و نعم الصحاب هما الاتنين عليكي علشان اسمه ايه بتاع الفضاء ده 

حركت دومي  ايدها : خلاص محصلش حاجه تستاهل ده كله وبعدين اكيد مش انا لوحدي اللي ماخدتش بالي .. ممكن يكون فى كتير ماخدوش بالهم ان الحلقتين مربوطين ببعض وهيكون ردهم نفس ردي اكيد
ابتسم هيوك  ورفع حواجبه : تمام ممكن تسمعى حلقه بكره علشان تعرفي تحكمي كويس اذا كانت اذاعتى واقعيه وتافهة ولا لاء ؟
بص كيونا  لهيوك وحرك ايده بلا مبالاة قدامه : لا مش فاضين

فضلت دومي ساكته لانها قالت لكيونا انها مش هتسمعه تانى بس فى نفس الوقت حست بالذنب من كلامها اللى قالته لهيوك
قرب هيوك  خطوة ووقف قدامها : ها رئيك ايه ؟
دومي  : ماشى
ابتسم هيوك : بكره هاجى مخصوص اعرف رايك

هزت دومي راسها و بعدها استاذنو لان معاد محاضرتهم جت  ..وقف هيوك بيبص عليهم وهما رايحين للمحاضرة وفضل كيونا واقف بيبص على هيوك لحد ما مشى

بعد المحاضره ما خلصت راحت دومى شغلها .. وبعد ما خلصت وروحت البيت بدات تتكلم مع كيونا اللى متعصب منها
كيونا : انتي هتسمعي الحلقه بجد ؟
دومي بهدوء وهى باصه قدامها  : اها هسمعها
راح كيونا وقف قدامها  : انتي مش قولتي حلقه واحده بس
دومي بصتله : وبعد ما سمعتها ايه اللي حصل .. حكمت على اذاعه كامله من حلقه واحده…  و طلع حكم غلط

كيونا : و ايه المشكله يعني ؟
دومي : كيونا انت عارف اني بحب حكمي يكون صح عادتا و ده مش هينفع من حلقه واحده بس  .. وبعدين يرضيك البنات تقول عني متسرعه و كمان انا وعدته عايزني ابقي من اللي بيخلفو بوعدهم .. والاهم من ده كله انى حاسه بالذنب بعد ما قولت كلمة تافهه .. حتى لو كان ده راى بس الكلمة تضايق مكنش لازم اقولها
اتنهد كيونا  وبص بعيد ورجع بصلها : ولو سمعتى الحلقة الجايه هترتاحى وقتها ومش هتحسى بالذنب

هزت دومى راسها : اها وعلشان لما ارد عليه يبقي بناء على كذا حلقه سمعتها و اعرف ارد كويس
كيونا : ماشى ماشى بس المره دي بس
ابتسمت دومي و هزت راسها و ابتدت هي و كيونا يحكو سوا وخلص اليوم ده زي اي يوم روتيني عند دومي

بس اللى ميعرفهوش ان من اليوم ده حياتهم مش هتفضل روتينية زى ماهى كده

----------------- 

BY

D&E

Lolo Adel  

Emy Tare