الجبابرة الخمسة - الحلقة الاولى

الجبابرة الخمسة

الحلقة الاولى 

       للفساد عنوان : الجبابرة الخمسة             

                                

* كان يا مكان في مكان بعيييييييييده وسط المعادي يترحلها في 3ساعات و نص ... مكتبه طالع منها هتافات بعد ما فرقة الالف كسبو المسابقه و هيسافرو كوريا يقعدو هناك لمدة اسبوع ...

امينه : و الفائز سوبر الف

الالف elf elf elf elf elf elf elf elf

اعضاء فرقة سوبر إلف في الكواليس (دوني – مريم – ندى – أميرة – امنية)

أميرة : احيه عليه و على الي حوالية احنا كسبنا! ده بجد ولا اييييييه 

مريم : حد يخبطني باي حاجه في نفوخي يمكن يكون كابوس و افوق منوو

راحت امنية لطشاها قلم على نفوخهااااا :D

مريم *_* : انا ئولت تفوئيني مش تجبيلي ارتجاج

راحت امينه (المتحدثة باسم السفارة -_-) داخلة عليهم

ندى -_- : البومة وصلت

امينه : بتئولي حاجه يا ندى ؟

ندى : بقول الاموره وصلت

دوني زغدت ندى : ابو ام لسانك الطويل الي هيطردنا من كوريا ئبل ما نوصلها اصلاااا

امينه : السفير عايز يباركلكم على الفوز ~

راحو سلمو عالسفير وكل واحدة استلمت تذكرة السفر ودوني بصفتها قائدة الفريق استلمت مفتاح الشقة اللي هينزلو فيها والعنوان

<< ودي ردة فعل كل بنت وهي بتسلم عالسفير وبتستلم تذكرة السفر <<

دوني : تشكر يا بركة

مريم : تسلم الايادي يا ابو جونج

ندى : ميرشي يا ئمر (ميرسي يا قمر على طريقة ندى -_-)

أميرة : ايووووووة بقاااااااا

أمنية : شيشن يا استاذ ياو

السفير O_o : هم دول اللي هيسافرو كوريا ؟؟

ندى -_- : ايه يا ابو نسمة هترجع ف كلامك؟

بصلهم باستحقار ومشي حزين على بلده بعد مابعتلها كارثة 5 سيستم :D

وبعد فترة من الزمن كانت كل واحدة مخلصة ورق سفرها وعملت قردة عشان اهلها يوافقو عالمزهلة دي

وفي يومنا هذا أميرة ومريم واقفين تحت كوبري الجيزة

أميرة : هم اتأخرو كده ليه ياختي؟

مريم : طبعا تلاقي كل واحدة بتنقع وشها ف علبة مكياج وبتلبس اللي عالحبل

ومن بعيد ظهر كائن ميفرقش عن شيتا كتير

أميرة شهقت ورقعت على خد مريم : يا لهوي ايه ده

مريم ×_× : مترقعي على خدك انتي

أميرة : مينفعش انا حطة كريم اساس :D

ندى شعرها منكوش وعنيها وارمة : صباح سيئول :D

مريم : *_* صباح الفضايح – ايه المنظر ده!!

ندى : عادي من كتر مكنت مستعجلة اتكعبلت واخدت سلم العمارة على بطني :D

وهم واقفين سمعو صوت مألوف بيزعق : يا شيخة بقا طلعتي عين اهللللي يلا انجري

بصو وراهم لقو دوني جايبة امنية من قفاها وجراها وراها زي متكون ماسكة حرامي

اميرة جريت اخدت امنية من اديها (الضراير بيحنو لبعض)

أميرة : ايه ايه بالراحة ياختي عملتلك ايه عشان تجريها كده

دوني وهي بصة لأمنية وعنيها بتطلع شرار : المتخلفة قولتلها استنيني في السيدة عيشة – اتصلت قالتلي انا وصلت – ادور عليها ملاقيش حد وفضلت ألف عليها زي النحلة الدايخة – وفي الاخر كلمتها وقولتلها اديني حد كبير – واحدة ست كلمتني وقالتلي هي في السيدة زيييييينب

امنية بتدب في الارض : اوف بقا اهو اي سيدة وخلاص

دوني كانت هتجيبها من شعرها لولا ولاد الحلال اتدخلو وفضو الخناقة

واخيرا وبعد طول انتظار طلعو عالمطار

* وهم في الطيارة فضلو يتخيلو شكل البيت اللي هينزلو فيه طول الاسبوع ده

ندى : اهم حاجة الحمام يكون فيه بانيو

أميرة : ايشمعنا؟

ندى : معرفش هو كده وخلاص

مريم : يا هبلة بانيو ايه مش بعيد تكون فيلا بحمام سباحة

أمنية : -_- انا مش متفائلة

دوني : خليكي كده فقر وعلى فكرة احنا هنقسم الأوض بالطول يعني انتي احتمال تترمي في بيت الكلب

أمنية : انتو مش هتوردو على جنة ولا على نار هتفضلو ف الاوف سايت

ندى : عامة اول منروح هشغل سي بي سي عشان انهاردة باسم هيستضيف احمد عز

مريم : يا نهار موز باللبن

أمنية : سيبي سي وخدي دي ههههههههههههههههههههههه

الباقي : -_-

امنية : ابو اشكالكو بقا ×_×

دوني : بتقولي حاجة يا شيء؟

أمنية : لا ياختي بهذي -_-

* وأول ما دخلو البيت <<<

دوني بتحط المفتاح في الباب راح الباب واقع

مريم : ده باينه مرار طافح 

دخلو لقو اوضة متر في متر الا ربع و مفهاش غير سرير واحد و كرسي

ندى : في امل اني الاقي البانيو؟

راحت فتحت باب الحمام ... لاقته حمام بلدي معفن والدبان عامل بارتي جواه , قفلت الباب و جريت على البنات الل لسة بيتأملو المكان

ندى : الحقووووو في ذوباب جووووه و تئريبا في فار متحنط من ايام الفراعنه

أميرة : شيء متوقع من السفاره بتاعتنا -_-

دوني بعصبية : بقولكو ايه فضو جلسة الندب دي انا جايبة اخري وعايزة انام حالا

امنية قاعدة مقرفصة في الارض بتعيط : بقا هي الدنيا كده – بقا هم الناس كده – يا خسااااااارة فرحتي – يا خساااااارة ضـ

وهنا رن كف أميرة على قفاها أفقدها النطق

* استسلمو للأمر الواقع ونفسهم اتسدت عن الاكل وقررو ينامو وينهو اليوم الكحلي ده ,

دخلو ينامو في الاوضة الكحيانة اياها ,

دوني نامت على السرير , ومريم نايمة جنبها , واميره نايمة تحت رجليهم بالعرض , وندى فارشه على الارض تحتيهم ...

اميرة : اييييف ايه الريحة دي (بتبص لقت رجلين مريم بتلعب)

اميرة : الحقي رجلك ماتت و زمانها بتتحاسب

مريم : سبيها طول عمرها ماشية مشي بطال

* ومع اشعة الشمس في صباح اليوم التالي <<<

مريم بتتقلب راحت شايطة دوني وقعتها من عالسرير

راحت دوني واقعة على ندى     

 ندى : مش وئت تحرش على الصبح قومي من علية يا بت

اميرة : صحيح فين امنية ؟؟

امنية طالعة من تحت السرير و بتتاوب : انا اهوووو مين بينادي

* نزلو السوق وسابو دوني محتاسة ف ترويق عش الفراخ اللي هم هيعيشو فيه

>> في سوق كوريا <<

اميرة : عيال انتو متأكدين اننا ف كوريا وربنا؟

امنية : انا حسة اني في العتبة

ندى : انا الحقيقة مروحتش السوق والحتت دي قبل كده – طلباتي بعملها بالتليفون

امنية : اه منتي عشان مظبطة مع محمود بتاع الكشري بتتسنكحي عليه وبتخليه يجيبلك الطلبات ويلقحهالك في السبت

ندى : O_O  عرفتي منين ياللي تنشكي ف معاميعك

امنية : اصلي مصاحبة اخوه محمدين اللي واقف جمب تلاجة الرز بلبن :D

مريم وعنيها بتلمع : لبن ايييييييييه هنا القشطة كلهاااااااا (رايحة ناحية شاب واقف بعرابية عليها خواتم الكابلز والعياذو بالله)

اميرة جابتها من قفاها : استني يا مريم احنا جايين نهزر؟؟

ندى وامنية (تصفيق) – مريم اتكسفت

اميرة زقتها وطلعت تجري تسبقها للواد واول موقفت قدامه ضربت ابتسامة سيجنل تو :D

اميرة : الخواتم عاملة كام انهاردة؟

ندى : O_O الواااطية

مريم : L الوااااااطية

امنية : -_- الناااااصحة

ندي ومريم ×_× ,

امنية -_- : كلمة الحق دايما مبتتبلعش ,

مريم : تنين يبلعك يا شيخة ويريحنا

ندى سابتهم ومشيت راحت تشوف اميرة وصلت لحد فين مع بائع الخواتم

الشاب : انتي مرتبطة؟

اميرة عنيها وسعت وسرحت ف سحنة الواد : بسرعة كده وقعت فيا؟ بس عندك حق انا ساحرة اصلي

ندى -_- : ساحرة اما تقلبك معزة نتاية يا بعيدة

اميرة سابت الواد وبصت لندى : طب مهي المعزة فعلا نتاية O_o

ندى فكرت شوية : تصدقي صح اومال ذكر المعزة اسمه ايه

اميرة : لأ مخدنهاش في الاحياء دي :D

* وعند دوني في البيت , عمالة تنفض في الكنب وهي بتشتم باقي البنات بالابض والاومع عشان سابوها تتدبس لوحدها , وفجأة سمعت حاجة خلتها تتجمد في مكانها

~ هاتي بوسة يابت هاتي حتة يابت حبيبي لابس بورنيطة ومعلق ف رقبته شريطة ~

دوني : اوكا واورتيجا ف كوريا !!!!!!!!

فتحت باب الشقة الملزق بأمير عشان يثبت وطلعت راسها برة بتحاول تحدد موقع الصوت وبعدين خرجت على طراطيف صوابعها وطلعت عالسلم لحد ماوصلت للسطوح (مصدر الصوت)

لقت شاب بينشر غسيله على حبل مربوط بطول السطوح وجمبه التسجيل وعمال يترقص

دوني O_O : انت مين ياعم الحج؟

وائل : اللهم باااااااااااارك مصريين ف عمارتنا المتواضعة يا ألف نهار عسل

دوني *_* : انت مصري؟

وائل -_- : لا من جبال الهيملايا – بعد كل اللي قولته لسة بتسألي؟

دوني O_o : وكمان بتألش؟

وائل : وبمشي من غير حجارة وبقول بابا وماما كمان

دوني -_- : كلب ظريف

وائل ×_× : ابو طولة لسانكو هو انا اهرب منكو ف مصر اجي الاقيكو هنا

دوني بصتله بقرف : عيل ملزق انت اصلا جاي كوريا تهبب ايه؟ وازاي تشغل الاغاني البيئة دي هنا – هو سمعتنا باظت ف كوريا من شوية !!!

وائل -_- : قالك ايه اللي حدفك عالمر قال اللي أمر منه

دوني كانت هترجع من البيئة : شششش بس بس اسكت خالص انت قفلتني من كوريا كلها – اسمع يا اخ انت

وائل : محسوبك وائل يعني سباكة مكوة سواقة كهربا تلاقيني

دوني -_- : انت هتصاحبني؟ انا كنت سألتك؟

وائل : معلش انتي شكلك جديدة ومسيرك تحتاجيني وساعتها هـ

دوني -_- : هتـ ايه؟

وائل : هقولك عيووووني يا بنت البلد ^_*

دوني ×_× سابته ومشيت وهي بتقول الفاظ بذيئة ونزلت الشقة وهي متعصبة وراحت رزاعة الباب وراها بعصبية – مخدتش بالها ان اميرة كانت طالعة عالسلم ووصلت لباب الشقة

اميرة L : مناخيري اتكسرررررت آآآآآآآآي

امنية : قلب امك ياختي – ايه يا دوني مش شيفاها ياختي؟ طب لو انا هقول مشوفتنيش مبلوعة دي لكن ميرا مشوفتيهاش ازاي دي يراها اي كفيف

دوني بعصبية : بقولك ايه يا 3 ونص مش فيقالك

امنية : ماشي يا 8 الا تلت -_-

دوني : اتلمي بدل مأجرب المنفضة دي فيكي 

ندى : في ايه يا دوني انتي سخنانة علينا كده ليه

دوني : منتو مشوفتوش القرف اللي شوفته – هي دي سفرية كوريا الا كنا بنحلم بيها !!! دي فسحة لدريم بارك كانت هتبقا اكرملنا

مريم في المطبخ : احيييييييييييييييه

اميرة : ايه انتي راخرة !!!!

مريم : الحنفية منزلة مية بني فكركو ده اللون الطبيعي عندهم؟

اميرة : هل هى صالحه للاستخدام الادمي ؟؟

امنية : ما تجربي يا مريم تشربيها كده - لو عيشتي خير و بركه - لو موتي اهو كلب و غار 

مريم : اصيلة يا ام رحاب - احنا عيزين سبااااك

ندى : خدي اطلبي عندك - زيرو وانيين

اميرة O_o : انتي بتملي نمره بيت خالتك ؟؟

ندى : في نمره سباك ملزوقه على الحيط اهي - اسمه وائل

امنية اتنططت : واااااو عندهم ف كوريا وائل زيينا

دوني اتفزعت اما سمعت الاسم : كلو الا وائل ده - مستعده اموت من الجفاف ولا يدخل البيت

ترن ترن ترن طق طق طق (خبط الباب)

اميرة : ايوه جااااااااي

ندى O_o : ما شاء الله الخدمة هنا سريعة اوي

وائل : محسوبكم وائل يعني جميع الاغراض المنزلية - أأمرو يا مزمزيلات

دوني : ورينا عرض كتافك

امنية : يع طلع مصري -_-

ندى : هييييييح قولت للنحاس انا رايحة كوريا قالي وماله ياختي هو انا مكسح ؟

مريم -_- : احم  والنبي يا اوسطى الحنفيه بتجيب ميه بني

وائل : ثواني هجيب العده و اجي

و بعد شوية ~

وائل : انا خلصت - تأمروني بحاجه تاني؟

دوني : خد فلوسك واتوكل -_-

وائل : ماشي يا مزمازيل مقبولة منك

مريم : انتي بتعاملي الراجل كده ليه ياختي مش كفاية ساعدنا وكنا هنلوص من غيره

دوني : مين اللي يلوص دحنا بعشرة زيه

عدا اليوم ودخلو ينامو

وفي الصباح الباكر اميرة بتتمطع راحت مدية مريم بالبوكس

مريم اتفزعت وقامت مبرأة : مش هبوسك غصب تاني

دوني واقفة على باب الاوضة مربعة : مين اللي بتبوسيه غصب يا ثافلة

مريم حط ايدها على فك بؤها اللي اتدمر من بوكس اميرة : ابو ده صباح دنا متعرضتش للتلطيش ده في بيتنا

دوني : طب ياختي قومي اندبي وانتي بتشتغلي

مريم : انا اصلا مقومتش انا لسة نايمة (حطت وشها ف االمخدة وعملت ميتة)

دوني ولعت النور وكان معاها صفارة معرفش جابتها منين وراحت مصفرة جامد : يلا يا تيت انتي وهي انا مش الفليبينية اللي جابهالكو اهاليكو يلا عالشغل يا شوية اكياس زبالة

اميرة صاحية بتدعك ف عنيها : ايه ياختي وصلة الشتيمة دي الناس بتقول صباح الخير تشرب شاي تـ

ملحقتش تكمل غير ولقت المنفضة نزلت على رجلها وف فسوة من الزمن اميرة كانت قاعدة على طبق الغسيل بتمرشه آليا وبدون ابداء اي تعبيرات على وشها

مريم سمعت الرقعة اللي نزلت على رجل اميرة وخافت تحصلها وف نفس الفسوة كانت ماسكة الخيشة وبتمسح البلاط

اما ندى فبمجرد محست بالخطر اتنفضت من عالارض وكانت فوق الدولاب

دوني : انزلي يا هبلة مرات الاهبل

ندى : والمصحف مانازل

دوني بتلطش بالمنفضة على فوق ومش طيلاها

ندى : هيهيههيهيهيي معرفتيـ

دوني ادت الدولاب بوسطها نزل بلح قصدي نزل ندى نزلت عالسرير راحت كسراه

امنية : ااااااااااااااه ضهري يا مفترية عليكي ربنا

دوني O_O : انتي لسة مطلعتيش من تحت السرير يا 3 ونص

امنية خارجة بتزحف من تحت السرير : -_- اديكي قولتيها 3 ونص والساعة لسة مجتش 12 الضهر

ندى : ههههههههههههههه حلوة يا بت

امنية انشكحت : وربنا؟ اقولها تاني؟

دوني : اما تخلصي استظراف خدي الغسيل بعد ما ميرا تمرشه وندى تشطفه وتعصره واطلعي انشريه

امنية : -_- اطلع فين لمو اخذة

دوني بنظرة شيطانية : السطططططططح

امنية : ومالك ياختي بتضيقي عنيكي وطالع من شعرك بظبوظتين احمرين كده؟

دوني اتخضت وحطت ايدها على راسها عشان تنزل البظابيظ : احم فين دول مفيش حاجة وبعدين بطلي رغي يلا واطلعي

مريم : انا خلصت كنس اطلع معاها؟

دوني طلعت نار من بؤها : لاااااااااااااا قولت هي اللي تطلع

امنية ومريم O_O

دوني ف عقلها الباطن : موااااااههاهاهاهاهاهها دلوقتي يلاقي واحدة طلعاله بجلابيها فوق الركبة وعاملة شعرها ديل حصان و3 ونص يتغرغر بيها بما انها ضشعيفة ومش هتقاوم موااااااااههاهاهاههاهاا

امنية لفحت طبق الغسيل على راسها وطلعت

مريم لسة واقفة بصة لدوني O_o ,

مريم : دوني فعلا فيه بظبوظتين حمر ف راسك

دوني ×_× : متنزلو بقا (بتخبط على راسها)

مريم -_- : كانت سليمة والنبي – عن ابو دي سفرية

* وعالسطوح

امنية مشغلة التليفون الصيني النتن بتاعها على اغنية ابراكدابرا وعمالة تحاول تعمل الحركة بتاعتها واللي هي عبارة عن هز الوسط بطريقة مخللة بالآداب وبتنشر ف نفس الوقت محدش يسأل ازاي

وائل صحي من النوم على صوت التليفون الصيني وخرج من اوضته في السطوح يشوف في ايه ولقا دي واقفة بتنشر وهي بتهز فضل مبرأ ويغمض ويفتح يمكن ده كابوس لعين

* وفي الشقة

دوني قاعدة حطة رجل على رجل : مواااااااااهاههاهاها

مريم شاطت رجلها : ارحمي امي العيانة بقا دي تامن مواهاها تعمليها دنا كرهت الشر بسببك مع اني بموت فيه

اميرة خارجة بكوباية شاي وبقسماطة : اخيرا خلصنا تنضيف؟ دنا مبنضفش كده ليلة العيد

ندى برأت : انتي جايبة البقسماط ده منين اللهي ما يوعا ينزل مصارينك

اميرة -_- : جيباه من مصر مش قولتلكو خدو معاكو اكل قعدتو تقولو كوريا بلد الاكل؟

ندى عملت كيوت عشان تصعب على ميرا وتديها بقسماط : سامحيني انا غلطااان واديني ببكي وندماااان

دوني : مواااااهاهاهاهاهاهاها

البنات سابو اللي ف اديهم ونزلو فيها ضرب : ارحمينا بقاااااا

وفجأة سمعو صوت صررررررررريخ بس الغريبة انه كان رجولي -_- : عاااااااااااااااااااااااااااااااااااااااااااااااااااااااااا

البنات (مريم – ندى – أميرة) طلعو جري عالسطوح ودوني بتقدم خطوة وتأخر خطوة وهي مبتسمة بشماتة

واول مطلعو لقو وائل نايم على بطنه في الارض وامنية قاعدة عليه وهي لاوية دراعه ورا ضهره

وائل بيخبط عالارض بايده التانية : حد يشيلها من عليااااااااااااا

امنية : اخرس يا كلب يا سافل

اميرة O_o : في ايه انتي قاعدة عالواد السباك ليه؟؟؟

مريم *_* : في السطوح يا منننننننى ؟؟؟؟

ندى بتاكل بقسمطاية ميرا -_- : عمل ايه الكلب ده؟

امنية : كنت بنشر الغسيل ولقيتلك ده واقف ورايا شكله متأثر بما ذنب فاطمة غول

وائل : اااااااااااااا والمصحف ما جيت جمبهااااااا انا كنت هسألها بتعمل ايه هنااااا

ندى : انت اللي بتعمل ايه هنا يا برنس الليالي

وائل : انا ساكن في الاوضة دي والمزمازيل عارفة (شاور على دوني)

دوني تفت عليه : جتك خيبة كنت فاكرك سبع طلعت قطة -_-

امنية قامت من عليه : ساكن هنا؟ اوووه سوري يا كابتن اللي ما يعرفك يجهلك

مريم : تعالي يا حبيبة ماما ايوة كده فرحتي قلبي (باست امنية) تررربيتي

اميرة : -_- تربية واطية

وائل : عن اذنكو المطرح مطرحكو بس انا هشوف مصالحي اصلي رايح اجيب ناس من المطار

امنية : انت كمان سواق؟

وائل : مش سواق اوووي بس بجيب فرقه اسمها سوبر حاجه كده من المطار - اوديهم حفلة - اجبهم من ديسكوو - كده يعني

ندى*_*:  لاقدر الله الفرقة دي اسمها سوبر جونيور مثلاااا!

وائل : عليكي نووووووور J