♥Part 1 ♥My Namjaa
By : Maream
اني اكون فان دي حاجة، و اني اكون فان منحوسة ده شئ تاني خالص رغم انى مش الفيش والله 😔✋ !!فان يعني بتروح تحضر حفلات، حفلات توقيع، اجتماع معجبين، تشوفهم بالصدفة.. تجيب البومات و بضايع ليهم
اما الفان المنحوسة فدي اللي حتى ساعات مبتعرفش تجيب البومات و كان لازم من ناحية افك النحس، و من ناحية تانية اشفي مشاعري اللي مش لاقيالها صرفة
قررت اعمل بوستر بالحجم الطبيعي ليه، كانغ ان كان بايت امبارح في اوضتي 🙊🙊
و ايه اجمل من ان فان جيرل تصطبح بوش الاوبا بتاعها؟ 😁
نطيت من ع السرير و قعدت اتأمل في البوستر اللي قدامي.. لو انا وقفت قدامه هتبقى راسي في مستوى قلبه بالظبط 😍 ضحكت ضحكة مكسوفة كأنه قدامي: صباح الخير يا اوباا 🙈
انا عبيطة و يمكن شكلي غبية كمان و انا بكلم بوستر، بس انا هعتبره كانغ ان بجد
يومي قضيته و انا مستنية اروح اقعد قدام البوستر و احكيله يومي، قضيته ازاي، عملت ايه و ازاي شوفت البنت اللي مش بتطيقني في الكلية مع اني معملتلهاش حاجة 😔
بقت القعدة في اوضتي شئ ممتع، بتحاور و بتناقش معاه و امي بتحسبني مجنونة و انا بكلم بوستر كده!! كل يوم أصبح عليه، احكيله يومي و اكلمه في اي حاجة، و بالليل احكيله حكايات قبل النوم و اقوله تصبح على خير و بحبك 😊
و النهارده مش يوم مختلف..
وقفت قدامه و قولتله: كانغى تصبح على خير 😊
لفيت ناحية سريري و مشيت خطوتين قبل ما اسمع صوت حاجة بتخروش كده... ايه ده؟!!!
-ايه ده انا فين؟!!
هو الهلاوس وصلت اني اسمع صوته؟ 😃
-ايه اللي جابني هنا؟!!!
لفيت ابص ع البوستر بس مش موجود!!!!! بصيت جنبي، لقيت واحد ملامحه نسخة من كانغ أن بالظبط، نفس الطول و العرض، و مقدرتش حتى اصوت، حسيت بس بالوقعة و انا بيغمى عليا 😄
....
صحيت زي كل يوم و حاسة ان احلامي مش فاكراها! حلمت بايه امبارح؟ قمت ابص على بوستري الحبيب و أصبح عليه كالعادة و دخلت اغسل وشي و اصبح على امي قبل ما البس...
رجعت لقيت بوستري مش في مكانه!!! مين اخده؟ ماما شالته و انا مش هنا؟ عشان كده مبسوطة ع الصبح؟ قبل ما اطلع لمحت بطرف عيني حد واقف في الاوضة و لما استوعبت ملامحه حطيت ايدي على بوقي بصدمة!!! كانغ أن ؟؟؟
حط ايده قدامه بدفاع عن نفسه: انا معرفش انا جيت هنا ازاي اقسملك!!!
رجعت خطوتين لورا، قبل ما اطلع جري على امي
ناديت: ماااااااماااااااا
امي الحبيبة ردت عليا بعدم صبر: فيه ايه ع الصبح؟
حاولت ارسم اكتر ابتسامة بريئة على وشي: المحاضرة بتاعت النهارده اتلغت صاحبتي لسه مكلماني، هكمل نوم هاه و متصحينيش؛!!
سيبتها و جريت و قفلت اوضتي بالمفتاح و فضلت متنحة في وش الاوبا اللي طلع من البوستر ده..
هههه معناة كل الالف اععععع😂😂😂✋
ردحذفكانجي كملي عاوزه اهرف هتعملي ايييه 👏😈
أزال المؤلف هذا التعليق.
ردحذفطلع من البوستر احييييييييييييييييييييييييه ������������ الالف المحروم �������� كانجي قولي عملتي البوستر فين عشان اروح اعمل للخمناشر ❤❤❤❤
ردحذف