Catch him .. Part 05

Catch him .. Part 05

كان الكل واقف قدام الاوضه اللى موجودة فيها لولو وبيبصو عليها من الشباك الزجاجى

 
كانت لولو نايمة على السرير وفى اجهزة كتيرة متوصله بيها .. اول ما ايمى شافتها قعدت تعيط على منظر صديقة عمرها

اول ما شافها دونى غمض عينه بمرارة والدموع بدات تخرج من عينه وبص الناحية التانية وتشولا حط ايده على كتف دونى كانه بيواسيه وهنرى واقف جنب ايمى وبيقول انا اسف

 
ايمي فى نفسها : يا بابو فى حد يعمل اللى عملتيه ده .. ليه عملتي كده؟ .. ليه مستنتيش الدعم؟ .. طول عمرك دماغك ناشفه ومتهورة بس مش للدرجه دي .. هتسبيني لوحدي ؟ عارفة هيحصلنا ايه .. طب دوني عارفه ممكن يحصل له ايه ؟ مفكرتيش فى اى حد خالص .. انا مش قادرة اشوفك بالمنظر ده وانتى مستسلمة ونايمه بالطريقة دى مش قادرة اتخيل انك مش بتناقرى فينا دلوقتى
وابتدت تعيط .. شافها هنرى وقام اخدها فى حضنه وهى  تعيط اكتر

في اللحظه دي وصلت هيمي
هيمي بخوف و الدموع فى عينها : هي فين ؟ حصل ايه ؟ انتو بتعيطو ليه ؟ حصلها حاجة ؟
تشولا : انتي عرفتي منين ؟
ايمي بصوت مبحوح : انا بعتلها رساله واحنا جايين
هيمي بنفس حالتها : محدش رد عليا .. هي عامله ايه ؟
دونى بصوت ضعيف : الدكتور قال نستني 48 ساعه و مانع اى زيارات
بدات هيمى تعيط اكتر وراحت ايمى حضتنها
تشوﻻ : اعتقد التجمع ده ملهوش لازمه دلوقتى .. احنا نروح و نيجيلها الصبح
دونى هز راسه : انا مش همشي مقدرش اسيبها لوحدها لازم افضل معاها
ايمي : وﻻ انا
هيمى : انا كمان هستنى معاها
دونى بصلهم : ﻻ انتو لازم تروحو .. وايمى متنسيش ان ريما لوحدها مع ماما وﻻ هتسبيها مع هنري
هنري ................... :  
دونى : حاولى تمسكى نفسك ومتعرفوش ماما وبابا اى حاجة لحد ما لولو تفوق
هنرى باستغراب : ازاى مش هتعرف اهلك اومال لما يسالو على لولو هنقولهم ايه ؟
بصله دونى ومردش عليه
تشولا : انا عندى فكرة .. هنرى يروح ياخد ريما من عند ام دونى ولولو ويقولهم ان لولو عندها شغل كتير وهو جاى ياخد ريما لان ايمى تعبانة وهيرجع تانى للولو عشان قضيتهم
هز الكل راسهم بالموافقة على اقتراح تشولا
دونى : تشوﻻ خد هيمي و ايمي روحهم متسبهمش مع هنري
هنري بصدمه : دوني دى اختى
دونى بعصبيه : واختى اللى جوه بسبب غبائك
تشوﻻ حط ايده على كتف دونى وبيشاور لهنرى يسكت : خلااااااااااص انا هوصلهم وابقو تعالو الصبح .. وانت يا هنرى متنساش اللى اتفقنا عليه

مشي الكل و فضل دوني لوحده كل شوية يقوم يبص على لولو من الشباك الزجاجى شوية ويرجع يقعد تانى .. فى الفترات دي عمال يفتكر لولو من وقت كانت صغيره و لعبهم مع بعض و لما كبرت و خناقتهم و هزارهم و عمال يعيط ويدعى ربنا انها تخف


فلاش باك #1

دونى: لولو هاتي الفون
لولو : لا ( بتطلع لسانها ) و جريت و دوني بيجري وراها
دوني : ياااااا اقفي مكانك وهاتي الفون (بيجري ورا لولو ) مسكها : هاتي الفون
لولو : لا ...... ههههههههههههههههه خلاص خلاص (دوني كان بيزغزغها ) طب هات بوبو و ايديك الفون

باسها دونى على خدها وسحب الفون من ايده وجرى على اوضته وقفل الباب وراه

فلاش باك #2

لولو : يااا اتشجع و قول لها انك بتحبها خايف من ايه
دوني : خايف متوافقش
لولو بتريقه : ايه العيال الخايفة اللى وقعت فيهم دول
دونى : بقولك ايه انتي صحبتها يعني اكيد عارفه مشاعرها ما تقولى هي حاسه بايه
لولو : دي خيانه للثقه جمد قلبك و قولها ممممم بقولك ايه تعال نروح لها دلوقتي وانت سخن كده هههههههه

فلاش باك #3

دونى ولولو وهما اطفال .. عيد ميلاد دونى
لولو : اوبا انا عملالك مفاجئة بس تغمض عينك وتسيب نفسك خااااااااااالص
دوني : ﻻ يا حبيبتي شكرا انا بخاف من مفاجاتك الصراحة
لولو بطفولية : دوني انت مش بتثق فيا
دوني : ﻻ بثق فيكي
لولو : يبقي خلاص حط السماعات دى فى ودنك واستمتع بيها لحد ما اخلص
ابتدت لولو تقص شعر دوني و بعد ربع ساعه كان شعر دوني عباره عن شوارع و حواري
لولو : تادااااا بصت على دوني .... اووووووبس احم هروح اشوف ماما
دوني بص في المرايه : ايه ده ؟ لولو تعالي هنا اقفي مكانك
لولو : ﻻااااااااااا ..... وقفت بعيد عنه ده يعلمك ايه يا شطور .. اياك ثم اياك تثق باختك اللى اصغر منك ﻻن العقاب كبير هيهيههيهيهيههييه و جريت
دوني : لولو اقفي لو مسكتك هقتلك
لولو وهي بتجري : اوما . ابا .. دوني عايز يقتلني الحقوني

فى الاوقات اللى دونى كان بيفتكر فيها كل ده كانت ف ابتسامه صغيرة ع وشه ودموعه بتنزل منه وفضل على كده طول الليل يفتكر مواقف حياته مع اخته الوحيدة ويدعى ربنا انها تفوق وتبقى كويسة

فى الوقت ده بس فى مكان تانى .. فى قصر كبير عليه حرس فى كل مكان فى اوضه فى القصر ده عليها حارسين من بره بس
....  : انت عارف عاقبه اللى عملته ده ايه ؟
....  : انا اسف مكنتش عارف ان اﻻمور هتوصل لكده
....  : انا كنت بسيبك تعمل اللى انت عاوزه ﻻني عارف ان ده مش هياثر علينا بس بعد اللى عملته ده انت بتهدد انك تكشفنا
 ....: انا هصلح كل اللى حصل
: ....  ﻻ غرورك ده هو اللى وصلنا لكده انا بنفسي هتكفل بالموضوع ده بلاش اى حركه اليومين دول لحد ما الموضوع يهدي

تاني يوم وصلت ايمي و هيمى
ايمي بقلق : ايه ﻻخبار ؟
دوني اتنهد : لسه زي ماهي مفيش تقدم
هيمى بتحاول تطمنه : متخافش انت عارف الكابتن بتاعنا مش بتنهزم بسرعه يومين و هتلاقيها فايقه
ايمي : ﻻزم تروح انت ظبط نفسك و ريح شويه و بعدين تعالى تاني
دونى : ﻻ مش...
ايمي قاطعته : مفيش ﻻ .. احنا هنا وﻻ مش عجبينك .. ولو فى اى حاجة هنكلمك على طول

مشي دوني و روح بيته وكويس ان اهله مكنوش فى البيت اخد دوش وهو بيريح جسمه نام طبعا ﻻنه منامش بقاله كام يوم بسبب الشغل و بعدها لولو و محسش بالوقت
ايمي : هيمى انا هروح اجيب حاجة اشربها تعالى معايا

خرجت ايمي و هيمى فى نفس الوقت وصل هيوك وشافهم ماشين بس كمل طريقة وراح يشوف لولو
هيوك بصلها كتير وغمض عينه : انا اسف و مشى بسرعه

عدي طول اليوم ولسه لولو مفاقتش .. وبالليل كان دونى كالعادة قاعد فى المستشفى قدام اوضه لولو
فجاه لقي الدكتور وممرضين بيجرو علي اوضه لولو ده رعب دوني ... شويه خرج الدكتور
الدكتور : استاذ دونغهي اﻻنسه لولو فاقت
دوني مستناش الدكتور يسمح له انه يشوفها و دخل عليها علي طول دوني عمال يبص ليها و مش عارف يتكلم مجرد دموعه بتخرج من عيونه بشكل لا ارادى
لولو بصوت متقطع وضعيف : اا..ايه .. اللى .. حـ حصل ؟
دوني : متتكلميش دلوقتي .. بعدين اقولك اللى حصل
لولو بقلق : دوني عينك .. انت كنت بتعيط
دوني بابتسامه وهو بيمسح دموعه : هعيط علي ايه الدكتور قال انك قرده
لولو ابتسمت : عايزه انام حاسة انى تعبانة
مسك دوني ايدها : نامي انا جنبك ومش هسيبك 

 
لولو بصتله وهزت راسها وغمضت عينها وهو فضل حاضن ايدها بايده الاتنين ودموعه مش عايزة تقف وبيحمد ربنا انها فاقت واتكلمت معاه

تاني يوم الصبح جت ايمي و هيمى و هنري دخلو لقو لولو صاحيه و بتبص علي دوني اللى ماسك ايدها و نايم علي الكرسي وراسه على السرير
ايمي جريت تحضنها : لولو انتى فوقتي اخيرا .. ده انتى رعبتينا كلنا عليكى
لولو : انتي اوفر قوي علي فكره
هيمى : كنت لسه هقول كلمتين زيها بس طلعتي واحده مبيطمرش فيكي احنا غلطانين اننا جينا اصلا

ضحك الثلاثه بس لولو مقدرتش تضحك وجسمها اتهز صحي دونى علي صوتهم وجسم لولو لما اتهز
ايمي : فوقت انت كمان .. اومال عايز تاخد بالك من لولو ازاى وانت نايم
دونى بص لولو بقلق : عاملة ايه يا لولو حسيت بيكى بتتهزى مالك ؟ اجيبلك الدكتور ؟
لولو هزت راسها : لالا .. دونى انا كويسة بس ايمى وهيمى ضحكونى وانا مقدرتش اضحك
دونى : طب ارتاحى ومتعمليش اى حركة خالص .. وبص للايمى وهيمى : وانتو بالراحة عليها محدش يضحكها ولا يضايقها لحد ما نتطمن عليها خالص
هنرى بصوت يكاد يتسمع : حمد الله على سلامتك يا لولو خضتينا عليكى .. وانا اسف انى معرفتش احميكى واتصابتى
لولو : انا اللى صممت اننا نقتحم المكان انت ملكش ذنب وبعدين انت كنت مشغول مع باقى العصابة وانا اللى جريت ورا الراجل التانى بس طمنى مسكته ولا لاء
هنرى هزت راسه : للاسف ملحقتوش عقبال ما سيبتك ورحت وراه كان هرب
دونى بص لهنرى بغباوة ولولو اخدت بالها ومسكت ايد دونى جامد على قد ما قدرت : طب والضحية حصلها ايه  ؟
هنرى : كويسة .. شوية اصابات بس هى كويسة محصلهاش حاجة
هيمى : كفاية كلام عن الشغل بقى خليكى فى اللى انتى فيه
ايمى : ايوة خليكى فى اللى انتى فيه دلوقتى عشان لما تطلعى ليكى معايا حساب تانى
لولو بطريقه دراميه : هو انا لحقت اطلع من اللى فيه عشان اقع معاكى يا ظالمة
ايمى : مانتى متعرفيش اللى عملتيه فينا كلنا .. كنا هنعمل ايه لو حصلك حاجه هاه .. ودوني ضرب هنري علشانك بس بصراحه يستاهل .. ده كله حاجة وقلقنا عليكى حاجة تانية يا متهورة
لولو بصت لدونى باستفهام : اوبا ؟
دونى وهو ماسك ايدها : انتى مش عارفة انا قلقت عليكى قد ايه ؟ وعارفة من واحنا صغيرين انى بتجنن لما بيحصلك حاجة وخصوصا انى مقدرتش احميكى .. مكنتش قادر اتخيل انك ممكن تروحى منى .. وبدات عيونه تدمع
لولو والدموع فى عينها : انا اسفة انى قلقتك عليا
اخدها دونى فى حضنه وعيطو هما الاتنين

كان ايمى وهيمى وهنرى بيتفرجو على دونى ولولو وبيحاولو يخلوهم يبطلو عياط .. بعدها بشوية وصل تشولا

ابتسم تشوﻻ لما شاف لولو : وااااا فوقتي بسرعه كده اومال الدكتور خوفنا عليكي ليه ده لو شوفته هطلع عينه حسسنا انك هتطولي في القيلوله بتاعتك دي
ايمي : تشوﻻ انت لازم تتشاكل مع اى حد وخلاص .. المهم انها فاقت
تشوﻻ : حمد الله على السلامه .. دوني تعالى عايزك بره ثواني وخرج تشوﻻ و دوني

دونى : خير .. فى ايه ؟

تشوﻻ بجدية : امبارح طول الليل كنت بحاول اعرف اى حاجه عن اللى حصل للولو وعرفت مفاجئه
دوني بانتباه قوي : عرفت ايه ؟
تشوﻻ : انت مفكرتش ازاى لولو اتصابت بالرغم من انها كانت لابسة السترة الواقية من الرصاص ؟
دوني هز راسه : انا افتكرت من اهمالها انها ملبستهاش وعشان كده اتصابت
تشوﻻ : ﻻ كانت لبساها ،بس الرصاصه اللى اتضربت بيها كانت خارقه للسترة .. وهى دى القضية اللى احنا بنحقق فيها اساسا

فى نفس الوقت وفى مكان بعيد عن المستشفي فى القصر
....  : الظابط اخبارها ايه؟  مش عايزين نتورط فى قضية قتل ظابط
....  : تمام مصادرنا اللى بتراقب المستشفي بتقول انها فاقت و ابتدت تتجاوب معاهم وتتكلم مع الناس
صوت من بره : سيد سونغمين اخو حضرتك وصل وعايز يقابلك
سونغمين بفرحه : اخويا .. خليه يدخل على طول
قام سونغمين من على كرسيه عشان يستقبل اخوه وفاتح دراعه عشان يحضنه
سونغمين بابتسامه واسعه : هيوك .. بقالى كتير مشفتكش

----------------

BY

D&E

Lolo Adel 
‏‎Emy Tarek