Catch him .. Part 01

Catch him .. Part 01

ف ليله من اجمل ليالى الصيف .. والجو لطيف وجميل .. كان فيه بنتين ملطوعين ف الشارع واحدة لابسه فستان لونه موف كات وفيه ورد كتير .. وماسك شنطة ومربعه ايدها وكل شوية تبص ع الساعه وتهز ف رجلها .. والتانية لابسه بنطلون جينز وتيشيرت اسود وكاب وماسكه فونها عماله تلعب عليه ومش مهتمية خالص باللى واقفة جنبها تاكل ف نفسها

ايمي عماله تبص حواليها وتبص فى ساعتها : ااااااااااايش اتاخر ليه البابو ده .. بس يجي وانا هعلقه
لولو خبطتها فى دراعها : لاحظي انى معاكى واللى بتتكلمى عليه ده يبقى اخويا .. وﻻ عايزه تباتي في القسم النهارده
ايمي حطت اييدها مكان الضربه : اخوكي علي نفسك .. ال قسم ال .. شكلي هعلقك انتي و هو

 
واثناء خناق ايمي ولولو المعتاد وصل الشخص اللى كانو مستنينه .. كائن من اﻻنواع التى ﻻ تمس للبشر باي صله حاجه كده فريدة
دوني وقف قدامهم بابتسامه وهو حاطط ايده وراه : انيوووو حبايبي
ايمي صوتت في وشه : يااااااااا كنت فين ؟ انا حنطت هنا مع الكائن المملل ده .. وهي بتشاور علي لولو
لولو : انا كائن ممل يا كائن رخو

و لسه هتمد ايدها على ايمى  مسكها دونى بايد واحدة : معلش عندى انا المرة دى .. سامحيها

لولو بتوضيح : انا مش هضربها انا هفهمها غلطها بس
دوني : خلاص يا لولو .. وبعدها همس لها : انتى العاقلة بردو
ايمي : مقولتش كنت فين ... بعدها فتحت عينها على الاخر : اوعي تكون بتخوني ؟

دوني بيمثل الصدمة : اخونك .. وطاوعك قلبك تقوليها … بعدها سبل عينه وطلع ايده التانية من ورا ضهره : انا كنت بجيب ورد وشكوﻻته لحبيبة قلبي و نور عنيا اللى محليه عليا دنيتي كلها و اللى مقدرش اعيش من غيرها

اتكسفت ايمي ووشها ضرب الوان الطيف .. كمل دوني كلامه
دونى : احلى ظابط في الدنيا .. اختي لولو سارانيه .. وادي الورد للولو
ايمي وهي بتستوعب الموقف : ايه جو العشق الممنوع ده ؟_؟ بعدها صوتت ف وشه تاني : ماهى في وشك طول اليوم جاي تحب فيها دلوقتي
لولو طلعت لسانها ﻻيمي : ومالك مفروسه ليه ؟ اخويا و يحب فيا زي ماهو عايز
ايمي وجهت كلامها للولو : اركن بس على جنب يا كابتن ... وراحت لدوني وايدها على رقبته ... انت بقي هموتك
دوني وهو بيشيل ايدها : استني لما اكمل كلامي .. وحط ايده ف جيبه : انا جايبلك شيكوﻻته انتى كمان
ايمي وهي بتشاور علي لولو : طب و الورد
راح دوني للولو و اخد منها الورد : بعد اذنك يا كابتن

   

وادي الورد ﻻيمي و ساب ورده للولو لزوم الشحططه بتاعت اليوم .. دخل الثلاثة المول بس قرروا ياكلو الاول عشان يقدروا يلفو كتير على المحلات .. وبعد ما خلصو اكل قام دوني و ايمي و سابو لولو وحدها
لف الثلاثه علي المحلات و فى كل محل ايمي هتتجنن وتخلي لولو تلبس فستان ولو حتي تجربه .. بس لولو مش راضية
 

ايمي بتتحايل علي لولو وهى ماسكه فستان : تشيبال جربيه .. ده حلو وهيخليكى بنت بدل مانتى عامله زى الشباب كده
لولو مربعه ايدها و بتهز راسها : ﻻ يعني ﻻ .. وريحى نفسك
ايمي رجعت الفستان مكانه : براحتك بقي انتي خنقتي امي اصلا .. بس انا هفضل وراكى لحد ما تعمليها وتلبسى اى فستان
ومسكت فستان تانى وقربت من دونى واتكلمت بدلع : دونياا ايه رئيك في الفستان ده حلو صح ؟
دوني بصلها وابتسم وبعدين رجع شال الابتسامة من على وشه : ﻻ مش حلو خالص .. عريان يا ابله
ايمي سابت الفستان من ايدها : جاتك خابط انت و اختك عالم تسد النفس .. فينك يا هنري كنت مشهيصني و مدلعني
دوني باستهزاء : نعم سمعينى كده .. مين اللى مدلعك ده ؟
ايمي : ايه اخويا وبيدلعنى .. اشمعنا انت لسه كنت بتحب فى اختك من شوية ومدلعها

ووجهت كلامها للولو : متقول حاجه يا كابتن وﻻ انت ضيف شرف

لولو بتغيظ ايمي : اللهم ﻻ اعتراض وحسبى الله ونعم الوكيل
ايمي : افادكم الله انتى جايه تتوبى هنا
دونى : انا بقول نخلص اللى جايين عشانه احسن بدل ما تفتحو فى الرخامة على بعض
 

جر دوني ايمي من ايدها وسابو لولو تاني تشيل كل الاكياس .. تحسها شغاله شيال ليهم مش ظابط
لولو رجعت بتكلم نفسها : اااخ اخرتي اشيل اكياس و شنط وهدوم .. انا

بعمل فى نفسي كده ليه اصلا ؟ .. ايه اللى مصبرني عليهم ؟ .. مش علشان اخويا و صاحبتى يعني اتمرمط .. ايييشششش اهدي لولو اهدي .. شهيق زفير شهيق زف... بعدها هزت راسها ..ﻻﻻﻻﻻﻻﻻ مش قادره

 

و لسه هتنادي على دوني و ايمي يشيلو معاها خبط فيها واحد وقع كل اﻻكياس اللى معاها
لولو نفخت و نزلت تلم الاكياس : اه ماهو ده اللى ناقص علشان اليوم يكمل
الشخص : انا اسف جدا مكانش قصدي
لولو و هي بتلم اللى وقع من غير ما تبص في وشه : محصلش حاجه
الشخص نزل يلم معاها و بيعتذر : انا اسف لتاني مره
لولو بترفع وشها وتبصله : ﻻ حصل خيـ....

بلمت لولو اول ما بصت عليه .. خلص الشخص لم اللى وقع .. واستاذن منها و سابها و مشي
كل ده كانت لسه لولو مبلمه في اللحظه دي رجع دوني و ايمي لقوها بالمنظر ده
ايمي بتحرك ايدها قدام وش لولو : ياا ياكابتن مالك يابت ؟

دوني : لولو مالك ؟ .. حد عملك حاجة ؟
ايمى : ودى حد يعرف يعمل معاها حاجة دى ظااااااااابط وقوية ومفترية
لولو شاورت على الاتجاه اللى باصه عليه : الشخص ده .. وقعدت تتكلم كلام مش مفهوم
دوني بص على المكان اللى بتشاور عليه او على الشخص اللى بتتكلم المكان عنه بس كان فيه ناس كتيرة رجع بصلها تانى واتكلم بقلق : ايه مشتبه فيه ؟ عليه قضيه ؟ طب عملك حاجه ؟ اذاكي ؟ ما تردي عليا ؟ 

ايمى قربت اوى منها : فى ايه يا لولو مين ده وعملك ايه ؟  

بصتلها لولو وهمستلها : الشخص ده .. موووووز مزمزه

 

ايمي بصتلها بغيظ وضربتها على وشها لسببين .. اوﻻ تتاكد من سلامه قواها العقليه و التاني بسبب الخضة اللى وقعت قلبهم
لولو فاقت على القلم ده : يا بابو انتي عايزه تموتي ؟
ايمي بعصبيه : انتي اللى عايزه تموتي ؟ وقعتى قلبى حرام عليكى
قاطعهم دوني  بجدية : هو في ايه متفهمونى اللى بيحصل ؟
 ارتبكت لولو وبصتلها ايمي بارتباك و بعدين بصت لدوني
ايمي بدلع : ﻻ يا اوبتي يا حبيب قلبي .. دي كانت بتشبهه على شخص كنا بنكرهه فى المدرسه زمان .. وبصت للولو بقرف : بس هي نسيت انه سافر بره كوريا .. صح يا كابتن ؟
هزت لولو راسها بارتباك : اه اه صح .. نسيت انه مسافر .. وضحكت ضحكة بلهاء
دوني بصلهم وهو مش مصدقهم وحاسس ان فى حاجة مش مظبوطة : بس ....
قاطعته ايمي : خلاص بقي هتضيع اليوم كله فى الكلام عن الشخص ده وﻻ ايه ؟
دوني بصلها شوية وسكت : خلاص يلا نكمل .. ووجه كلامه للولو : وانتي خليكي جنبي علي طول عشان متتخيليش بحد تانى
حطت لولو وشها فى اﻻرض : اراسو

عدي اليوم و خلص الحمد لله بدون اى خسائر .. تاني يوم فى قسم الشرطه كان تشولا لسه خارج من مكتبه لاقى لولو فى وشه
لولو بابتسامه : اوه اوبا انيو
تشوﻻ بلا مبالاه : انيو لولو
لولو : تشرب قهوه .. تعال ندردش شويه مع بعض
رد تشوﻻ بقله حيله مش علشان مغصوب ﻻ بس هو عارف لولو هتصدعه وممكن يقتلها هز راسه : اراسو
لولو فى نفسها : نفسي مره اشوفك بتضحك بس انا هضحكك .. و ابتسمت ابتسامه ماكره
تشوﻻ : بتضحكي شبه الهبله كده ليه ؟
لولو وهي ماسكه كوبايه القهوه : ولا حاجة اتفضل القهوة ... ها قولى بقى وصلتم لحاجه في القضية المعقدة بتاعتكو

بصلها تشوﻻ  باستغراب : من امتي وانا بحكي عن حاجه فى شغلي ؟

لولو بخبث وهي بتلعب بكوبايه القهوه : ﻻ يعني اقصد ممكن اساعدك 

فى اى حاجه وبعدين متنساش ان شريكك هو اخويا وانت عارف انى لو سالته هيقول على كل حاجة

فكر تشولا فى اللي ممكن دوني يعكه و اتكلم : مممممممم معتقدش اك هتعرفى تساعدينا القضيه صعبه جدا .. كل ما نمسك خيط منعرفش نوصل ﻻخره والخيوط كلها بتدخل فى بعض .. و بالنسبه ﻻخوكي ﻻ بيساعد وﻻ نيله شغال كوارث و خلاص

ضحكت لولو  : العادي بتاعه انت لسه هتتعرف عليه ،، المهم ركزو ف الخيوط دي واكيد هتوصلو لحاجة تساعدكم ... اه صح بكره كلنا هنروح نفك عن نفسنا شويه فى النادى و هيمى هتكون معانا ايه رئيك تيجي معانا انت كمان ؟

فجاه اتحول تشوﻻ من الشخص اللى مش بيضحك الى شخص عينه بتطلع قلوب .. وبيتكلم بنبرة مختلفة خالص
تشولا : بجد خلاص اكيد هاجي افك انا كمان .. بس متقوليش لهنري اراسو
لولو بابتسامه خبث : موعدكش انت عارف ده شريكي و معايا فى كل حته واخو ايمى يعنى هيجى اكيد
تشوﻻ : اراسو اراسو انا هغرقه و اخلص منه .. عموما كوماوا ع القهوه

  سابها ومشي راح لدوني اللى كان بيبحث فى القضيه وتايه فيها

دوني : هيونج انا بجد مخي ساح القضيه دي معقده و مكلكعه
تشوﻻ : ياه ياه اى خيط هيكون وراه اى دليل لو حتى صغير هيوصلنا لحاجه .. ركز كويس دي مش قضيه سهله دي تعتمد عليها امن البلد
دوني : اراسو .. بس سؤال البلد مليانه عصابات مافيا و غيره اشمعنا دي مخصوص تعتمد عليها امن البلد و اشمعنا دي معقده كده ليه مش عارفين نحل ولو 1%
تشوﻻ نفخ من ذكاء دوني اللي هيجننه : اوﻻ معقده ﻻن لسه مفيش اى دليل ملموس و الخيوط اللى عندنا ناقصها حاجه مهمه تربطهم ببعض لو عرفنا الحاجه دي اكيد هنوصل لحاجه مهمه .. وسبب انها بيعتمد عليها امن البلد .. تخيل الشحنه دى لو دخلت البلد هتعمل ايه فى امن المواطنين .. احنا نفسنا مش هنقدر نحمى نفسنا
دونى : اهااااااااااا طب وبعدين هنعمل ايه فيها دى تعبتنى واحبطتنى قوى ؟

اتنهد تشولا : مش عارف بس لازم نوصل لاى حاجة جديدة كل اللى معانا ده مفيش منه فايدة

 

هنرى : تمام ماشى

سمعت لولو جزء من كلامهم وكان نفسها انها تساعدهم فى القضية طلعت التليفون وكلمت هنرى
هنرى : الولولو
لولو : هنرى انا بفكر فى حاجة تخص الشغل مصيبة كالعادة معايا فيها ولا ايه ؟
هنرى : اكييييييييييييييييد معاكى .. من امتى واحنا مش بنعمل المصايب فى الشغل مع بعض
لولو : خلاص بكرة اقولك ع فكرتى ونشوف هنعمل ايه ؟

هنرى : تمام ماشى

تاني يوم عند حمام السباحه اتجمع ابنات مع بعض ولسه الشباب محدش منهم جه ابتدت ايمي تحكي لهيمى اللى حصل في المول و اﻻخت لولو لما بلمت وهيمى بتضحك علي لولو وبتتخيل منظرها طبعا حضره الظابط لولو محدش كان متوقع ان هيحصل فيها كده و فجاه و بدون مقدمات بلمت لولو للمره التانيه بصتلها ايمي وهيمى وفطسو من الضحك عليها

هيمى بتضحك بهستريه : هههههههههههههههههههههههههههههه هو كان شكلها كده
ايمي هي كمان بتضحك : اه ياختى كانت كده .. ووجهت كلامها للولو : انا بشرحلها مش ﻻزم تمثيلى الموقف .. بس لاحظت ان لولو مش منتبهة ليها خالص
و بصت ايمى فى اﻻتجاه اللى لولو بصه فيه و هيمى بالتبعية بصت زيهم

احب اوصفلكم شافو ايه ... شاب خارج من حمام السباحة ﻻبس شورت (المايوه الرجالى) نقط الميه وهي بتنقط من شعره ويهز راسه يمين وشمال عشان الميه مع ضوء الشمس .. والجسم الرياضي مع انه رفيع بس تقسيمات بطنه تبين انه شخص منتظم على الرياضة  .. وطويل ولون بشرته ابيض بياض النهار اللى لسه فى اوله  .. شعره الاسود وهو مبلول و نازل على وشه يسحر اى حد .. فى نفس الوقت الشخص مش  الجمال اللى يخطف اﻻنفاس بس فيه حاجه تشد .. يعنى كله على بعضه بيكمل نفسه .. من الاخر بيرفكت

بص عليهم الشخص و ابتسم ابتسامه ساحرة كيوتى وخجولة فى نفس الوقت
فضلو باصين عليه لحد ما اختفى من قدامهم
ايمي بتشاور عليه : هو ده الشخص بتاع المول ؟
لولو هزت راسها وهى لسه مبلمة : اها هو
هيمى قررت انها تضايق لولو : وااااااااااااااااو انا مش مرتبطه على فكره وممكن اتباس حضرتك عادي
ولسه هتقوم تروح وراه .. ادتها لولو كف خدامين تقريبا جاب لهيمى

ارتجاج فى المخ وصرخت فى وشها : انتى اتجننتي هو انا مش ماليه عينك وﻻ ايه ؟ المز ده هيكون ليا انا

و بدون مقدمات نط دوني و تشوﻻ .. فصلو البنات عن المود
ابتدي تشولا يسخف على هيمى وقلب عبد الحليم حافظ فى ثوانى .. و دونى وايمي بيحبو فى بعض .. ولولو مش معاهم خالص سرحانة ..

عماله تفكر في الشخص اللى شافته مرتين ومتعرفش حاجة عنه بس اثرها وشاغلها جدا وفى عز ما هى سرحانة

فاقت على صوت خناقة .......

---------
اول بارت يارب يعجبكو
بنفكر نعمل حتة المقتطفات من البارت الجاى
اللى عاجبه الفكرة يقول عشان نكملها .. واللى مش عجباه يقول عشان نبطلها

 انا بس مكنتش اعرف انى هقع معاكى انتى *
  * طبعا فرصة وجت لحد عندى .. وبعدين انا كسبت فى التحدى كده مش هتقدرى تهربى من انك تنفذى طلبى
  يعنى انت عارفنى وخبطت فيا انت *
  * لو فضلتم ورا اللى انتم بتعملوه ده .. انتم اللى هتشوفو ابشع طرق العذاب مش انا

BY

D&E

Lolo Adel 

Emy Tarek