Catch him .. Part 02

Catch him .. Part 02

فاقت لولو من سرحانها علي صوت خناقه ...

نرجع لورا شوية فى اثناء ما لولو كانت سرحانة .. وصل هنري لاقي ايمي و دوني بيحبو فى بعض ... و لولو فى عالم تانى ... ولما شاف تشولا وهيمى مع بعض وقتها نسي هو كان جي ليه اصلا
هنري بوقاحة : يااا هيتشول انت بتعمل ايه هنا .. ده يوم عائلي انت جاي ليه ؟
تشوﻻ بعصبية ونبرة قاتلة : ياااا انت بتتكلم معايا بطريقه غير رسميه .. انت مستغنى عن نفسك ؟
هنري بابتسامه ساخره : اصلا متقدرش تعمل معايا حاجه

وابتدي صوت اﻻتنين يعلي علي بعض و هيمى بتتفرج عليهم ماهي اصلا سبب الخناقه .. وايمى ودونى ولا كانهم شايفنهم .. وقتها فاقت لولو شافتهم بيتخانقو
لولو وهي بتشاور بايدها و بصوت عالي : باااااااااااااااس… وبعدين وجهت كلامها لهنري : هنري تعالى ورايا عيزاك فى موضوع مهم
 

هز هنري راسه وبعدين عمل حركه لتشوﻻ معناها انا عيني عليكم

تشولا رماه بنظرة مرعبة من نظراته اللى تربك اى حد

مشيت لولو وهنرى ووقفو قدام شوية على اول حمام السباحة .. بس كان هنرى باصص على تشولا وهيمى ودونى وايمى

لولو : فاكر الكلام الى قولتهولك بتاع المصيبه اللى هنعملها
هنري و هو باصص علي هيمى و تشوﻻ : اها
لولو : طب تمام .. قضيه تشوﻻ و دوني فيها شئ غامض انا عايزه اكشف الشئ ده تفتكر نعمل ايه ؟
هنري و هو لسه باصص على تشولا : اها
لولو بغضب : انت معايا اصلا
هنري : اها
لولو زقته فى حمام السباحه : اها .. ركز بقي في طلوعك من هنا

قعد الكل يضحك على منظر هنرى لما لولو حدفته فى الميه وخصوصا تشولا اللى ضحك بهسترية عليه .. في نفس الوقت في واحد من بعيد بيبص عليهم ويراقبهم  .. بالنسبه لولو وهنري بعد ما طلع من المية .. سابو الشله و مشيو علشان لولو تعرف تتكلم مع هنري وصلو لكافيه و قعدو وابتدت لولو فى الكلام

لولو : ممكن بقي تركز معايا .. الموضوع مهم و مش مستحمل هزارك
هنري هز راسه :خلاص قولى
لولو اتنهدت :تاني ؟ بص وركز المرة دى .. القضيه اللى دوني و تشوﻻ ماسكنها دي غير كل القضايا .. دي معقده جدا انا حاولت اجمع كل اللى اقدر عليه بس معرفتش اجمع غير قليل ﻻن دوني و تشوﻻ اصلا موصلوش لحاجه اللى عيزاه بقي .. اننا نجمع معلومات علي قد ما نقدر
هنري : يا يا انتي نسيتي قضيتنا وﻻ ايه ؟
لولو : لا منستهاش بس عندى احساس ان القضيتين مرتبطين ببعض وانت عارف ان احساسى مش بيخيب ابدا .. ومفيهاش حاجه لو اشتغلنا على القضيتين من غير ما حد ما يعرف
هنري : مش ملاحظه انك كده بتتمادي فيها ؟ الموضوع ده لو وصل لاى حد اكبر مننا فى مرتبة انتي اللى هتتعبي
لولو : عادي ما طول عمري بعمل مصايب و بتوصل للكبار .. فكك هو جزاء وﻻ اكتر .. وبعدين اللى بنعمله كل مرة هو اللى بيحل القضايا
 

كان الاتنين واقفين يتكلمو ومحدش فيهم كان ملاحز ان وراهم شخص بيسمع كلامهم كله وهو نفس الشخص اللى كان بيراقبهم عند حمام السباحه
هنري بقله حيله : اراسو هنشوف الدنيا هتمشي ازاى شكل خروجي من الشرطه بزفه وفضيحة هيبقى علي ايدك
لولو خبطته على دراعه و ضحكت : متقاطعش انت بس و قول يارب
هنري : حسبي الله ونعم الوكيل انا كان مالى ومال الشرطة بس
لولو : وطالما انت مكنتش عايز تبقى شرطى دخلتها ليه ؟
هنرى بسرعة : ومين قال انى مش عايز .. انا بس مكنتش اعرف انى هقع معاكى انتى كشريكة
لولو ضربته على دماغه : وانت تطول تبقى شريكى احمد ربنا
هنرى حط ايده مكان الضربه : الحمد لله وهبوس ايدى كمان

خلص اليوم و اتفق هنري و لولو علي تجميع الدﻻئل اللى تخص القضيه من غير ما حد يعرف وعدت اﻻيام و مفيش اى تغير في حياتهم .. وفي يوم اتفقت ايمي و لولو انهم يتقابلو فى المول عشان يجيبو شوية حاجات بس قالو يتغدو الاول .. راحو المطعم و طلبو اﻻكل في نفس الوقت كان فى واحد بيراقب من بعيد و بيعتقد ان الوقت المناسب جه علشان يظهر اخيرا .. دخل وقعد فى الطرابيزة اللى ورا ايمى
 

لولو : ممممممممم اخبارك انتي و دوني ايه اصلى مش عارفة اقعد معاه كويس الفترة دى ومواعيدى غير مواعيده
ايمي حطت ايدها على خدها : اخوكي شخص غير طبيعي بالمره .. بجد حاسه انه هيطير البرج اللى فاضل فى عقلى قبل ما نتجوز
لولو بتضحك : يا حبيبتي انتي اصلا معندكيش برج فاضل ... لا انتى معندكيش عقل اصلا .. فكرك لو عندك عقل وبتفهمى كنتي استمريتي مع دوني كل ده .. انتم اﻻتنين نفس الدماغ
ايمي بتضحك بسخافة : كككككككككككك عارفة عارفة كككككككك
لولو : صح سمعت عن قضيته انها صعبه مش بيحكيلك عنها ؟
ايمي : ممممممم بيقول انها صعبه قوي ومش ﻻقي لها دخله يعرف يحلها كل اللى بيلاقيه بيرجعه للصفر تاني
لولو : يعني مفيش دليل .. ولو حتى دليل واحد بس .. ﻻﻻﻻﻻ صعبه قوي اني اصدق دي
ايمي هزت راسها : كل ما يعرفو مكان تسليم اى شحنه و يجهزو الفريق بتاعهم علشان يهجمو ميلاقوش اى حاجة ويلاقو العصابه غيرت الوقت ومعاد التسليم تحسي انه مقلب معمول فيهم
لولو : خلاص خلاص غيرى الموضوع انا جعانة .. وفى سرها قالت : مش هعرف اطلع منك بمعلومة
ايمي بتستغل الموقف : بقولك ايه يا موزتي .. نفسي اشوفك ﻻبسه فستان مره انا خايفه يوم فرحي اﻻقيكي لبسالي بنطلون و تي شيرت
لولو بتلقائيه : و فيها ايه يعني ؟ ماهو حلو اهو و مريح على اﻻقل
ايمي حطت ايدها على راسها : اصوت و الم عليكي الناس .. ده لو حصل مش هدخلك الفرح اصلا
لولو بصدمه : بو ؟ ده فرح اخويا على فكرة
ايمى : خلاص هطردك من الفرح انتى واخوكى
لولو بابتسامة : متقدريش تعمليها اصلا .. هتعملى فرح ازاى من غير عريس
ايمي اخدت بالها من المعلومة : تصدقى صح .. طب بصي .. هنتفق اتفاق .. هنلعب لعبه اللى يخلص اﻻكل اﻻول يطلب طلب من التاني .. اراسو
لولو بعد زن من ايمي علي ودنها وافقت : ارسو

جه اﻻكل و كان فى حد قرر التحرك علشان ينفذ خطته .. نقل من الطرابيزة اللى قاعد عليها الى طرابيزه تانيه جنب ايمي و لولو .. بدات ايمي و لولو المنافسة بتاعتهم وكانو مركزين قوي فى اﻻكل .. و شكلهم يضحك من طريقه اكلهم بطريقة مفجوعن وبقهم مليان عشان يشوفو مين هيخلص اسرع من التانى .. لولو اخدت بالها من الشخص اللى قاعد على الطرابيزة اللى جنبهم و فضلت مركزه معاه و نسيت السباق طبعا .. ايمي فازت
ايمي وهي بتلعب باديها فى الهوا : يس يس يس انا فزت يا كابتن .. بصت للولو لقيتها مركزه مع حد بصت علي الشخص ده اللى فجاه قام من مكانه واتجه ليهم

الشخص بابتسامه : انا اسف لو كنت بتطفل عليكم بس انا سمعت سباقكم بالصدفه و حبيت اشوف مين اللى هتفوز .. وانا كنت بدعي ان اﻻنسه اللى تفوز << و شاور على ايمي >> ﻻني افتتاح محلي قريب فى المول هنا .. وهو هيبقى اكبر محل ملابس فكنت اتمني انكم تزروني فى المحل
ايمي بابتسامه هبله : شووووور طبعا
لولو كالعادة بتبصله وبس مش بتبدى اى رده فعل لحد ما ايمى ضربتها فى رجلها بصتلها لولو .. فايمى غمزتلها
لولو : اه طبعا ..اهلا و سهلا .. وان شاء الله هنزورك فى المحل يا استاذ ؟
الشخص : ايونهيوك
ايمي :  اسمك حلو ايونهيوك شي .. انا ايمي و الكابت .... احم واﻻنسه لولو
هيوك بص للولو : تشرفنا .. عموما ده كارت دعوه للافتتاح ياريت تحضرو .. هستناكو .. وابتسملهم ومشي هيوك
 

لولو سحبت كارت الدعوة بسرعة من على الطرابيزة

ايمي واخده وضعيه الدعاء : يارب بقي انت عارف اللى فى قلبي .. هيهيهيهي وتلبسى فستان
لولو : ما بتصدقي انتى
ايمي بابتسامه نصر : هههههههههههههه طبعا فرصة وجت لحد عندى .. وبعدين انا كسبت فى التحدى كده مش هتقدرى تهربى من انك تنفذى طلبى

لولو : التحدى باظ لانى اتشتت .. لازم نعيده من الاول

ايمى : مش مشكلتى انك مكنتيش مركزة فى التحدى .. انا كسبت واللى كان كان
وفضلو طول الوقت ايمى بتضايق لولو انها لازم تنفذ طلبها ولولو بتحاول تخلع منه

تاني يوم فى قسم الشرطه جه ظرف لمكتب تشوﻻ و دوني من مجهول فتحه دوني و جري يدور علي تشوﻻ و اخيرا لقاه بيزعق مع الظباط كالمعتاد
تشولا بصوت عالي : انت مش شايفنى خارج من الباب ازاى تخبط فيا
الظابط ووشه فى الارض : انا اسف ماخدتش باللى لانى كنت ماشى بسرعة
تشولا : ازاى متاخدش بالك منى انتى مش عارف انا مين .. انا كيم هيتشول
الظابط : عارفك طبعا سيد كيم هتشول مين ميعرفش حضرتك
تشولا : يعنى انت عارفنى وخبطت فيا انت ...
قاطع كلامه دونى وهو عمال ينادى عليه
دوني : هيونج هيونج
تشوﻻ لف لدوني و بنفس النبره : خيييييييييير مش شايفني مش فاضي
دوني مد ايده لتشولا : اقرا دي
 

مسك تشوﻻ الورقه بعصبية كان مكتوب فيها اسم شخص و معاه صوره ليه و تحتها " لو حبيتم تبتدو فى القضيه ابدئو بالشخص ده النهارده هيكون فى المعاد و المكان اللى مكتوب فى الورقه يا ريت تلحقوه "
بص تشوﻻ لدوني : مين اللى جاب الورقه دي ؟
دوني : ساعي البريد
تشوﻻ : جهز نفسك هنروح المكان ده النهارده
 

و فعلا جهز دوني و تشوﻻ نفسهم وراحو للمكان المكتوب ف الورقة كان منزل
وسمعو اتنين بيتكلمو واحد منهم بيترجى التانى
الشخص 1 : ابدا بمين الاول انت ولا ابنك العزيز ؟
الشخص 2 بخوف و ترجي : ارجوك ابنى ملوش ذنب موتنى انا وسيبه
الشخص 1 باستهزاء : ومين قالك انى هسيبه .. انتو الاتنين هتموتو بس ابدا بمين فيكو ؟
الشخص 2 بنفس النبره : انا اللى وقفت عقبة فى طريق الرئيس موتنى انا انما ابنى معملش اى حاجة ارجوك
الشخص 1 : الاوامر جايه ان انت وهو تموتو يبقى انتو الاتنين لازم تموتو ودع ابنك لانك مش هتحصله دلوقتى لسه هتتعذب الاول
وفجاه سمعو صوت رصاص و صريخ الطفل وهجمو على المكان ... لاقو الاب مرمى على جسم ابنه لانه هو اللى اخد الرصاصة بداله ..
وقدرو انهم يقبضو على المتهم بالرغم من مقاومته وتم نقل الاب والطفل للمستشفى

فى مكان تاني بعيد عن جو الاكشن ده .. ايمي ولولو جهزو نفسهم علشان يروحو افتتاح المحل بتاع هيوك
.. راحو المحل وايمى كانت عماله تختار فساتين عشان لولو .. فرصة مش هتتكرر وجتلها لحد عندها .. ولولو مكانتش فاضيه انها تختار كانت بتبص علي هيوك و هو بيكلم الناس اللى حضرت الافتتاح
ايمى : لولو تعالى اتفرجى واختارى كام فستان فى مجموعة فساتين تحفة
لولو بلا مبالاه : اختارى انتى انا مليش فيهم وانتى عارفة انى مش بقتنع بيهم اساسا
ايمى بصتلها من فوق لتحت : دايما كده سادة نفسى حرام عليكى

لولو مهتمتش بكلامها وفضلت مركزة مع هيوك اللى كل شوية يبصلها تقوم هى مودية وشها الناحية التانية وبعدين ترجع تبصله تانى

فجاه ايمي ادت لولو كذا فستان : لولو طب جربي دول كده شكلهم حلو اوى
لولو بقله حيله : اراسو دخلت لولو تجرب الفساتين وكل مرة تطلع بفستان عين هيوك مبتتشالش من عليها
ايمي : وااااااااااو يخرب بيتك يا كابتن .. ده انتي موزه يابت .. مخبية الجمال ده ليه
لولو : خلاص متبلغيش
جه هيوك بابتسامه : ﻻﻻﻻ ايمي مش بتبالغ انتي فعلا شكلك حلو فى الفساتين
لولو باحراج مش متعودة عليه : شكرا ايونهيوك شي
هيوك بنفس الابتسامه : خليها هيوك مينفعش انا اقولك لولو و انتي تنادينى ايونهيوك شي والكلام ده ليكى انتى كمان يا ايمى
لولو وايمى : ارسو هيوك
ايمى بصت للولو : الفساتين كلها حلوة عليكى يا لولو مش عارفة نختار ايه ولا ايه
لولو : اختارى اى حاجة وخلاص بقى
ايمى بتفكر : مش عارفة انا بجد محتارة انا ممكن اختار واحد من الفساتين السوارية انما الفساتين العادية مش عارفة اختار منهم كلهم حلوين
هيوك قاطعهم : ممكن اقول راى واختارلك انا فستان
ايمى ولولو بصو لبعض كانهم مش مصدقين ومردوش
ضحك هيوك من منظرهم واختار فستان من اللى قاستهم لولو
هيوك مسك فستان : بالرغم من ان كل الفساتين حلوة عليكى .. بس الفستان ده احلى واحد .. حسيتك فيه كانه معمول ليكى انتى وبس

للمرة التانية لولو وايمى ملاقوش حاجة يقولوها ولولو اتحرجت جدا ووشها احمر وهيوك كان بيضحك وايمى واقفة تبص عليهم مش مستوعبة اللى بيحصل
ايمي : احم احم انا اسفه جدا بس ﻻزم نمشي احسن اخوكي هيعمل معانا الصح لو اتاخرنا
لولو : اراسو يلا بينا ... جالها كلام ايمى نجدة ينقذها من احراجها
دخلت غيرت ولبست كاجول تانى وراحو عشان يدفعوا الحساب
هيوك : الفستان ده هدية منى للولو بما ان دى اول مرة تلبس فيها فستان .. واتمنى انكو تشرفونى تانى وتيجو المحل
لولو : ارسو .. شكرا هيوك
ايمى : بما ان محلك فيه ملابس كاجول اكيد هتلاقينا عندك كتير
لولو هزت راسها : اها عجبني استايل اللبس كتير >> وهى اساسا مشفتش حاجة فى المحل غير هيوك <<
ضحك هيوك وقال : خلاص اعتبره وعد انكم هتيجو تانى
ردت ايمى بسرعة لانها حاست ان لولو مش عارفة تتكلم ايمى : ان شاء الله هنيجى تانى .. سلام بقى
هيوك : سلام .. وبيشاورلهم بايده وهو مبتسم

في نفس الوقت ده فى قسم الشرطه عند دوني و تشوﻻ بالتحديد ابتدو التحقيق مع المتهم اللى قبضو عليه
تشوﻻ : ايه علاقتك بالمجنى عليه ؟ و ايه سبب انك عايز تقتله ؟
المتهم : ....................
دوني : جاوب علي سؤاله .. انتي تعرف الشخص ده منين ؟
المتهم بص لدوني و ابتسم ابتسامه مش مفهوم معناها
تشوﻻ بعصبيه : انت هتجاوب علي اﻻسئله .. وﻻ اوريك ابشع طرق العذاب
المتهم ببرود : لو فضلتم ورا اللى انتم بتعملوه ده .. انتم اللى هتشوفو ابشع طرق العذاب مش انا
تشوﻻ بصدمة : تقصد ايه ؟ انت ازاى تتكلم معايا بالطريقة دى
واتعصب وطلع من عينه شرار على كلام المتهم معاه .. قام دونى مسكه وهداه
دوني : هيونج اهدى وخلينا في التحقيق .. ووجهه كلامه للمتهم : رد على الاسئلة احسنلك .. سكوتك مش هيفيدك
المتهم بنفس نبره البرود : شخص كان بيتدخل فى امور اكبر منه هتسبب اعاقه لينا فكان ﻻزم نخلص منه
دوني باستفهام : لينا مين ؟ انتم مجموعه ؟ اتكلم .. انطق
بصلهم المتهم وعينه كلها شر وغل
المتهم : انتم لسه مشفتوش حاجه دي لسه البدايه
بص دونى وتشولا لبعض متفاجئين من كلام المتهم

----------------- 

BY

D&E

Lolo Adel  

Emy Tarek